سوووووق.....سوووووق......مش عايزينه

الساده اعضاء المجلس المحلى بسنفا....والسيد رئيس المجلس ....واهالى القريه
مساء امس صدمت صدمه عنيفه من العيار الثقيل حينما سمعت ميكروفون المسجد ينادى بأحد الاصوات المميزه لدى ويقول لقد تم نقل سوق سنفا من مكانه المتعارف عليه منذ ثلاثين سنه او اكثر الى مكان اخر وهو ترعة النظاميه(من المواسير وحتى المدرسه الاعداديه بنات)

مع التنبيه الجاد لعدم تخطى اى بائع لحدود المدرسه الآعداديه والا تعرض للغرامه .....الى هذا الحد قررت النزول بنفسى الى السوق الجديد ورأيت ما رأيت فى الظلام واليل الدامس (ساقصه بالتفصيل بعد قليل) وفى الصباح الباكر ذهبت ايضا لأرى ما يحدث فى السوق الجديد ورأيت من المهازل الكثيره ...لذللك قررت فتح الموضوع للمناقشه وسأبدأ بنفسى اولا:

اتوجه ببعض الأسئله الى الساده اعضاء المجلس الشعبى والى السيد رئيس المجلس

لماذا هذا الجد والنشاط المفاجىء والذى لم يعتاد عليه اهل القريه من سيادتكم فى ليله فقط يتم نقل السوق......والسؤال الثانى هل من مصلحة اهل القريه ان يتم نقل السوق الى النظاميه ......وهل تم دراسة الموقع جيدا ومعاينته قبل ان يتم اصدار القرار(ام انه قرار تم اخذه على مصطبة المجلس).....وهل تم دراسة العواقب وردود افعال اهالى القريه المتربتبه على هذا القرار(ام انه قرار واللىلا مش عجبه يخبط دماغه فى اجدعها حيطه).....؟
انبارح اللى حصل ان بتوع السوق وصلوا الى المكان المعروف ثم توجهوا الى السوق الجديد حسب التعليمات الآ انهم وانا شخصيا فوجئنا بالأتى:

المكان ضيق جدا ولا يتسع حتى لمرور الناس حتى فى عدم وجود الزحام

المكان مليىء بالقاذورات والروث واى عربيه كارو او نصف نقل تتدخل لازم نغرس فى الارض

(طبعا لأنه ضيق اضطر البيعيين لفرش بضاعنهم امام المدرسه الأعداديه وكوبرى المدرسه الأعداديه وتخطى الكوبرى بحواللى الثلاثين مترا كامله)

فى الصباح حصل مشكلة الناس مش عارفه تشتر حاجه خالص وده لأن المنطقه اللى موجود فيها السوق الجديد ليس لها اى مداخل ومخارج بالمره (سوى حارات ضيقه جداااا حوالى 2 او 3)  وكان فى زحام شديد من الباعه على الأماكن وزحام من المتسوقين نظرا لضيق المكان

معلش احنا بتكلم يعنى .....هو ينفع يبقى فيه سوق امام مجمع مدارس(مدرسة الأعداديه بنات-مدرسة التربيه الفكريه-مدرسة الأمل للصم والأتنيين اللى فى الأخر دول مفيش منهم الا مدرسه فى ميت غمر والتانيه فى سنفا -انا بوضح للأهميه) يعنى مش المفروض ننضف قدامهم ونهيىء لهم المنظر الجميل سواء بالورد والزرع .....ولا نحط السوق علشان يجلهم امراض وضوضاء ومفيش حد يعرف يدخل المدرسه من اساسه يوم الخميس(انا عارف انهم دلوقتى فى اجازه) دى واحده

التانيه هو مش المفروض ان احنا بنتقدم...بس اللى انا شايفه ان المجلس الجديد القديم ده بيأخرنا - المفروض نعمل زى القرى اللى حوالينا النظاميه دى يتم تنظيفها وزراعتها وجعلها حدائق عامه زى اتميده كوم النور دماص......وانتوا ادرى منى فى الموضوع ده (هيرد عليا واحد يقوللك مش كده احسن من الناس اللى وضعوا ايدهم على النظاميه ولا ايه...اقولله سيادتك زعلان منهم يبقى تروح تشتكى وتمنعهم وانت ليك سلطه بالمجلس انما تيجى تعالج مشكله بمشكله اكبر منها دى بقى مصيبه انت تضع السوق فى الحته الضيقه دى مشكله وانك معرفتش تحل وضع اليد دى مشكله تانيه وبكده انت عملت مشكلتين وانت فاكر انك بتحل-انت محلتش وضع اليد +زودت مشكلة السوق)

وفى حاجه كمان الناس الغلابه اللى بيجوا مشى من اخر الدنيا من على الكوبرى ومن الشعابنه ومن الباز زنبهم ايه انهم يخبطوا المشوار ده كله



يا جماعه مش كل الناس زعلانه زىى كده فى ناس فرحانه جداااااااا مثلا الجماعه اللى اتشال من قدمهم السوق كتير منهم فرحان بيقوللك ريحوا....والجماعه اللى عند المعهد وجامع العرابيه بيقللك السوق كده حلو لأنه قريب

ملخص الكلام انا شايف ان الوحده المحليه مخطئه وشايف ان كتير من الناس بتغلب المصلحه الخاصه على المصلحه العامه وانا رأىى ان السوق يرجع زى ماكان عليه فى الأول او يتم عمل سوقين مثلا واحد فى اول البلد والتانى فى اخرها دا رأىى الشخصى مينفعش مكان السوق ده خااااااااااااااااااااااالص


وانا فى انتظار ارئكم وتعليقاتكم
ودى بعض الصور التقطتها عدسة اخوكم الطاير لتروا حجم المأسااااااااه   اضغط  اللينك للتحميل
http://file9.9q9q.net/Download/61331917/IMG0018A.jpg.html

http://file9.9q9q.net/Download/61331917/IMG0018A.jpg.html

http://file9.9q9q.net/Download/61331917/IMG0018A.jpg.html