ادخل وشوف طريقة البنات الحديثة فى معاكسة الشباب

كان زمااااااااان الولاد هما اللى بيعكسو لكن الدنيا اتشقل حالها وبقى فى بنات ومعظمهم لان الدنيا لسه بخير فى بنات هى اللى بتعاكس وتعالو تعالو شوفو الطريقه

1- ماشي سيادتك في الكلية في أمان الله وفيه بنت جاية بسرعة الصاروخ في الاتجاه المعاكس ولما تقرب منك تعمل مش واخده بالها وكل اللي في ايدها ينزل على الأرض , تعمل انت الشاب الجدع وتحاول تساعدها ونبدأ القصة بميرسي وبعدين هوه انت معانا في الكلية؟ ومشفتكش قبل كده لغاية رقم تليفونك كام وبتخرج فين بالليل؟؟؟.
الأخت ذكية يعني...........

2- ركنت عربيتك ونزلت تشتري حاجة وأنت راجع لقيت واحده حاطة مفتاح في الباب وتسألها بتعملي إيه دي عربيتي.
تقوللك سوري أصلها نفس عربيتي حتى درجة اللون أنا نسيت ركنتها فين ونبدأ نفس القصة وفرصة نضيفة ورقمك كم وساكن فين ..................

3- ماشي بالعربية في أمان الله وماشي جنبك بنت بسرعة الصاروخ وفجأة تكسر عليك بالعربية وبعدين تنفجر بالضحك هيه وصاحباتها قال ايه بتوريك جمال أسنانها............

4- بتشتري حاجة من سوبر ماركت وشلة بنات واقفين وأول ماتيجي ماشي واحدة تيجي بمنتهى الذوق وتقولك خد بالك المحفظة وقعت منك سيادتك تتلفت متلاقيش حاجة غير عاصفة ضحك قال يعني عملوا فيك مقلب....

ويا جماعه الموضوع مفتوح ال عنده طريقه جديده يقولها

لا طرق سليمة جدا وموجودة بالفعل

اقولكو على طريقة تانية

مرة واحد صاحبى بيسأل واحدة زى القمر كنا فى مول سيتى ستارز
بيسألها الساعه كام لو سمحت

فشافت فى ايديه ساعه
قالتله الثاعه ثبعه ونث وخمثه .......... قال يعنى لدغه.

وكنا امتى الساعه 12 بليل............... قال يعنى بتضحك عليه

فقام رايح قايلها على فكرة ساعتك مش مظبوطة .......... بيخنق بقى

قامت قايلاله... ازاى ده انا ظابطاها على جرينتش....
قالها خلاص انا هظبط ساعتى على ساعتك ونبقى احنا الاتنين ظابطينها على جرينتش
صح.........
قالتله عليك نور صح .

قالها الساعه كام بقى بالظبط علشان اظبطها.

قالتله سبعه ونص وخمسه...........
قالها الله مش كانت ثبعه ونث وخمثه ........ ساعتك مخرفه على كده.

قالتله خد الساعه وارحمنى. وصاحبنا كان هياخد الساعه