طرق تعكنن على مراتك

-
الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

2-
اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كله 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

( ملاحظة : اغلب النساء ذو ثقافة كروية ضعيفة )

3-
اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

4-
فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

5-
لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

6-
متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دي ياحياتي حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

7-
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

8-
لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

9-
لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

10-
وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى

هههههههههههههههههههههههههههههه
يخرب عقلك ايه العكننه دي
مفيش طرق تانيه
طب لو يعمل معايه بس واحده من الطرق دية
حيبقى يقول ياريت يرجع امبارح ومعملش العمله دية >> حيعرف ساعتها ليه ومن ايه بيقول كده
شمتان

واثقه اووووووي

حيطلب الاسعاف بنفسه خخخخخخخخخخخخ

شكرا ع الموضوع دوت

تحياتي

مساء العكننه

والله جامده جدا ياانجن
بس ياريت تخف مواضيع الازواج دى شويه
الحكايه مش ناقصه
غضب

يا همس انتى و اهمه و بكره ربنا يرزقك بابن الحلال ال يطلع روحك

و مساااااااااااااااااااااااااااا القيشه يا مدير

و يا حساس كلنا لها فخليك جاهز

ده انت ناوى متعمرش ياانجنير

مهو كله هاييجى على دماغك فى الاخر لازم تمشى امورك مش بالعكننة

لا دا انتا متعرفنيش

دا انا مسالم ومطيع

و هبقا زى العجينه فى اديها

بس وقت الحزم و الشده

ما فيش رحمه

ياعم بس الواحد يتجوز وان هجيب لها شغاله فى البيت وكفايه بقى الكلامفى مواضيع الجواز دى تعبنا؟؟؟؟؟؟؟؟؟؟؟؟؟؟

يا ابو حازم انا عمرى ما سئلت حد مجوز

و قلى كلمه كويسه على الجواز

كل ما تسال واحد مجوز يقولك

مشروع فاشل

و يا ريتنى ما اجوزت

و انا دلوقتى نفسنا نجوز النهارده قبل بكره

ان عن نفسى ليا نظره مختلفه للجواز

انا مش هجوز ال لما احس انى اقدر اكون أسره

قشطة عليك ياأنجنير ياكبيييير

انا معاك فى رايك ده والله وانا بقول ان ده الراى الصح

بس انا عن ذات نفسى هعمل الغلط واتجوز بدرى بدرى

لانى بصراحه هتعب كتييييييييييييييييييييييييير لو متجوزتش بدرى

وبعدين عايز اقولك على حاجه انت شكلك كده هتتجوز بعد التلاتين وانا بقول ان ده غلط.

» مراتك......ولا......شغلك
» هتخلى مراتك تشتغل؟؟, سمعنا صوتك