هل تعرف يعني ايه الشخرمه

الله يكون فى عونك يا خالد عشان كده ما فيش لك مشاركات من زمان



شو ف يا معلم بالنسبه لهندسه انا كنت بتحد اى واحد من اصحابى ال فى كليات تانيه يجيب ليا الجدول زى ما كريم قال


اما بالنسبه للشخرمه فى دى عايز تشوفها على حق ربنا شوفها فى هندسه

اخر اننا اتشخرمنا فى المشروع شخرمه جمده السنه ال فاتت

و عملنا مشكله مع الدكتور ال عملنا فيها جميس بوند

و انا ان شاء الله قريبا هعمل مشاركات ببعض الحجات ال حصلت ليا فى الكليه

اقولك حته كده على الماشى


كان عندنا ماده رى فى رابعه

كان الدكتور عنده بتاع سبعين سنه
استاذ دكتور متفرغ و هو من موسسى كليه الهندسه فى الزقازيق و اسال احمد لطفى عليه


اسم الدكتور \ عطيه عويس


اظن اسمه باين عليه انه من زمان من ايام ما كانت هندسه الزقازيق معهد مش كليه



المهم كان عندنا محاضرة اول يوم فى رمضان ال فات

المهم:


عندما افتتحت كليه الهندسه كان بيجيبوا المعدات بتاع الكليه فى كونتينير (صندوق خشب)


فجت ليا فكره استغلال هذه الصناديق الخشب فى شى مفيد

فقررنا عمل طبالى خشب للاكل و تباع لمواطنى الزقازيق باسعار رمزيه


و فى احد المرات فقد احد الصناديق فقمت بعمل لجنه بالبحث عن الصندوق و لكن لم يستدل على مكانه


على فكره الحوار ال فات دا كله كان باللغه العربيه الفصحى

و بينما انا سائر فى احد الايام عند عزبه مرعى (حته وراء سور الجامعه على طول )
فيها حته غرزه لوز

المهم و بينما هو سائر اذا وجد بركه ماء بها بعض البط

تعثرت قدماه و هو سائر فاذا به يجد حجر قد اصطدام به

فقام با زاله الحجر فاذا بالمفاجئه الكبرى وجد الصندوق الخشب و قد دفن فى الارض


عارف ال الخاتم وقع منه فى المبه و بعد سنتين اصدط سمكه و ما لاقش الخاتم

الموضوع اللي بتتكلم عليه ده انا بصراحه مش فاهمه بس واضح من اسم الدكتور انه بتاع تظبيط يا معلم ما الناس دي بتبان من اساميها اقولك شويه اسامي يا معلم وانت استشف منها
د.عبد الموجود عيسي
د.الدسوقي فوده
د.فؤاد الحداد
د.عبد الجواد حسن
د.علي جاب الله
د.زكي ابو المكارم

واظن واضح من الاسماء الناس دي عامله ايه في الامتحانات

المشكله كبيره علشان بس الناس متفهمش ان احنا من فصيله المنفضين والذين يغلقون الفشل علي شماعه الظروف وخلافه انه هناك اتفاق نهائي وكامل علي هؤلاء الدكاتره من جميع الطكلبه وزملائهم الدكاتره

يعني بالله عليكم ازاي يقدر لدكتور مزاكره واجتهاد طالب من غير ما يساله او يناقشه في الماده

نفسي افهم والمصحف

ايه يا حاج

ماهو دا حالنا في طب

طول عمرنا متشخرمين

وسلملي عالمتروووووووووو


حلوة اسامي الضكاتره

نياهاهاهااااااااااا

اشرب يا نجم

تجررررررررررررررررررررررع

الشخرمه في هندسه تختلف تماما عن تللك في الطب

الطب لايضاهيه مكان في الشخرمه

وبخاصه طب الازهر

مين اللي قالك ان انا لسه متشخرم النهارده

احنا يابني متشخرمين من ومان بس احنا اللي مش بيبان علينا



قشطه عليك يا كبير

انت هترجع لشغل المزارع تاني



متنفش ريشك علينا ياعم

ومازلت اؤكد شخرمه الطب اكبر من شخرمه الهندسه

ليه يا بنى كده

الشخرمه في اللغه اسم لما يلاقيه طالب الطب طوال مده دراسته من مصائب وبلاء وشقاء وكد وتعب واضطهاد
الشخرمه كاصطلاح هي ماخوزه من تشخرم الطبيب شخرمه فهو شخروم
اسم الفاعل من الشخرمه مشخرم وشخروم
اسم المفعول متشخرم
صيغه المبالغه شخااارم ومنها المثل الدارج لكل شخص مشخرم>شخارم عليك يابني< هذا واضح
وقد ذهب النقشبندي وسيبويه وابو الاسود الدؤلي>مدرسين نحو< الي انه قلما تطلق في مجال اخر غير دراسه الطب
وقد ذهب الجاحظ ولم يرجع حتي الان




الشخرمه كمعني هي عدم الاتزان واحمرار الصدغين وفي بعض الاحيان القفا ولعبكه الكلام وهو ما يطلق عليه الهزيان وهدوء الحال وظلمه المأل

الشخرمه كمثال كافه طلبه الطب مع التفاوت البسيط في المعني الموضح وذلك لمن يفهم





شخرا قصدي شكرا

ثانكيو انجنير وانشاء الله سابحث في النت والمعاجم عن معني كلمه الشخرمه لمذيد من الايضاح وساجلبها انشاء الله

قثشطه عليك يا كبير

فل عليك يا عسل


و خليك معانا على طول

و ما تقطعش الجوابات

دلع ايه ياعم

هو انا بروح المستشفي والا كباريه

بص

انا مش هرد عليك علشان انت شخروم

قشطه عليك يا بيونير

دلع نفسك على الاخر يا خالد

هتاخد منها ايها ؟

و ما تحرمش حد من شى