مشكله العوانس وتأخر الشباب فى الزواج فى قريه سنفا

أنا يمكن رأى يكون مختلف إلى حد ما
لكن يهمنى إن أقول لكم إن الناس نسيت حاجه مهمه جدا إسمها
البركه
اللى ما بتجيش بكتر الأموال ولا دول الخليج

The best of me
Only for you

]لله ينور يا بو حازم بس أنتم عرفين المشكله فى أيه هى فى بعدنا عن ربنا وكل وحد ربنا يكرمه بقرشين بيطنطط والكل عوز يقلد لذلك تيجى تتقدم لحد تقول عوزا شبكه ذاى فلانا!!!!
هى أحسن من بنتى !!!!!!!!!! ياجماعه لازم نرجع لربنا ومنسبش الامور للحريم ويكون لنا وقفه مش فاكر

وفى النهايه أقول أننا لو قدرن نغير شئ أنشاء الله هايكون فى ميزان حسنتنه ليوم القيامه مشكله العوانس وتأخر الشباب فى الزواج فى قريه سنفا - صفحة 2 Images15

مشكله العوانس وتأخر الشباب فى الزواج فى قريه سنفا - صفحة 2 Images15

ه :[/b][/ سلام

الله ينور عليك يابو حازم يا نجم دايما بتعلب في خط ال8 والله جون جون في الشباك السنفاوية

من وجهة نظرى مشكلة العونسة هى عدم توافر عش الزوجية بسبب ارتفاع اسعار اراضي البناء وصعوبة الحصول على رخصة بناء وايضا مواد البناء من حديد وطوب واسمنت وخلافة ( شوف لو الواحد ماعندة شقة كم سنة يشتغل علشان يبنى بيت دة غير تكاليف الزواج) ( اخيرا مشكلة الشقة من المشاكل الاساسية للعونسة
اخوكم /محمد حارة الشعابنة

ايه ياجدعان انتم عايزين تحسسونى انكم هتبدأو من الصفر
كلكو طبعا ابائكم هتساعدكم اكيد فى الجواز على قد ماتقدر
والله يكون فى العون وكله هيتجوز متقلقوش .......

بكرة تبقى احلى ............. بكرة تبقى احلى

ده طبعا ميعنيش انى ضد فكرة غلاء تكاليف الزواج للعروسة
العروسة بتبص لاصحابه وصحباتها ولو عاوزين تعملو حاجه بجد تبدأو بنفسكو مع اهاليكم واخواتكم البنات.............. وابقو قابلونى لو حد عمل كده..........

جامد يا بيونير والله

اهنيك

وانت ياريس ورينى هتعمل ايه مع اخواتك هترضى تجوزهم بدون ما تتشرط على العريس وتطلع عين اهله .........اتحدى.

الدين والخلق والطموح والاحترام والاصل الطيب والمستوي المعقول وفقط

ياضنايا................................. فقط

moammed كتب:: يا ابو حازم الموضوع كويس ولاكن مافيش حاجة اسمها عوانس فى سنفا

hack ورحمة الله وبركاته

ايه ياعم الاسماء اللى انقرضت من زمان دى

اول بحب اشكرك على دخولك المنتدى وده باين من مساهماتك

بس انت كتبت تعليقك تانى.
عرفنا تعليقك ده من زمان.

يايت تكتب حاجه جديده بقى.

شكرا للمرة التانية ..................... واوعى تزعل.

هو فيه إيه

البلد كل يوم فيها كم عريس وعروسه عوانس إيه ياعم

إنت وهو0 هو أنا لاقى عروسه

هههههههههههه عندك حق العريس هيجيب منين تسلم اخى على الموضوع سلامى رامو

طبعا الموضوع راائع وهادف
شكرا للمهندس حازم

تعليقي على الموضوع

م*الشبكة:تلاقي الأهل معندهمش حاجة..وطالبين من العريس حاجات وحاجاتز..طيب ما يطلبو اللي في مستواهم!!الناس مبقتش بتحس ببعضها وبتقدر ظروف التانيين ..كل واحد همه ياخد الأحسن

م*العمل:دلوقتي الشباب بقو بيكتفو بالدراسة..وده مينفعش في زمننا ..الزمن ده زمن التميز..يعني المفروض الشاب مهما كان تخصصه ياخد دورات..مثلا في الحاسوب والإنجليزي..ده ممكن يفيده..حتى لو ملقاش فرص عمل في مجاله..يقدر يشتغل بأي تخصص..حتى ممكن يكون أحسن من تخصصه المفروض

م*العيش وحيدة:طيب والله غريبة..الوحدة المفروض تعيش مع حماتها..ولو كان بيت عيلة يكون أحسن..أصلا حلو الجو العائلي اللي بيكون موجود..وآآه لو الحماة تعامل العروسة زي بنتها..والعروسة تعامل الحماة زي أمها..هتكون احسن عيشة

الناس الأيام دي في حالة طمع غريب..وجهل أغرب

ربنا يوفق الجميع

وشكرا للموضوع الرائع مجددا

كلام جميل والله يابنت سنفا بس مين يعمل به

أعتقد كمان إن في حل ظهر لمشكلة البطالة في مصر
وهو المواقع الإلكترونية اللي الشاب ممكن يدخل عليها ويطرح تخصصه وخبراته..واللي عاوز يشتغل بيدخل يقول ممكن يشتغل إيه...وأصحاب الشغل يا إما بيختارو شاب متوافر فيه الصفات اللي هم عاوزينها أو بيدخلو المواصفات المطلوبة للي هيشتغل عنده أو معاه

مش ده حل كويس كمان؟

هههههههه
كومينتات الناس بجد جامدة
بس اعتقد ان القرى يعنى مفيهاش عوانس بالنسبة للى انا بشوفو فى المدينة هنا
البنت ممكن 35 سنة ومش متجوزة
المهم يعنى
فعلا لازم الناس تقلل الصحوبيه او تلغيها خالص
وكلام البنات مع الولاد على الشات
لان الولاد بصراحة بيضحكوا على البنات اوى
المهم كمان اصلا اى ولد يتوكل على الله بجد ربنا هيرزقة ببنت الحلال
وكمان اساسا سمعت تقريباا حديث بيقول انا النكاح من اسباب الرزق
مجهود جميل
لا اله الا الله
سلامات

شكرا على المرور

اللة ينوار عليك

موضوع جميل

السلام عليكم
معك فى هذا الموضوع ونعم الحل هو الرجوع لديننا لان لو رجعنا هتتحل مشاااااااااااااااكل كتير جدا وهذه المشكلة فى المقدمة لان النبى -صلى الله عليه وسلم- قال ".فيما معناه."اذا جاءكم من ترضون دينه وخلقه فزوجوه" اى ان الاساس هوا الدين والخلق اما الناس حاليا جعلوها اذا جاءكم من ترضون مستواه وفلوسه فزوجوه هوا فقط يا خسارة على دينا الى ضيعناه شوفوا الصحابة كانوا مرتاحين ازاى لما سمعوا الكلام كان النبى-صلى الله عليه وسلم-يزوج الصحابى وهوا عنده17 سنة ولو على خاتم من حديد او آيات من القرآن يا بختهم كانو مرتاحين ااقصد كانو بيسمعوا الكلام
عندى مقترحات لمحاولة حل هذا الموضوع ولكن اعتذر ليس الان وارجوا ان نكون على تواصل فى هذا الموضوع

محمد محمود عبد الهادى محمود على سيد احمد الصقار

ان هذه المشكلة لها عدة اسباب لا يجب الاغفال عنه ثم تاتى الحلول بمعرفة هذه الاسباب

اما عن الاسباب فهى اما فى الفتيات او الفتيان او الاهل

بالنسبة للفتيات فهى تكمن فى

1-الحب الاعمى للتقليد مثل بنت العم او بنت الخال اوبنت الجيران
2- البعد عن الدين وعدم تنفيذ شرع الله و سنة رسوله
3-التأثر بالفضائيات و الممثلات والمسلسلات
4- التأثر بالغرب
5-عدم الفهم الصحيح لمفهوم الزواج بالاسلام
6-حب التظاهر بالمظاهر الكاذبة مثل قيمة الشبكة و عدد الحجرات المجهزة
7-الرغبة بالعريس الجاهز صاحب الشقة و السيارة و الرصيد اللى فى البنك
8-حب الراحة وعدم تحمل المسئولية
9- الرفاهية التى اصبح يعيشها مجتمعنا
10-عدم الرغبة بان تمشى الفتاة مع زوجها مشوار الحياة خطوة بخطوة

اما بالنسبة للشباب فهى تكمن فى

1-عدم الرغبة بتحمل المسئولية ومشاق الحياة
2- البعد عن الدين شرع الله وسنة رسوله
3-انتشار الحب بين الشباب و رغبة الشباب ان يحصل على الفتاة مقابل حبه فقط
4-انتشار البطالة ورغبة الشباب بالعمل كمديرين
5- الكسل الذى يعيشه الشباب و عدم الرغبة اصلا بالعمل
6-التقليد الاعمى للمثلين و لاعبى الكرة بالمظهر فقط
7-عدم غض البصر
8- كل شاب يهمه فقط ان يلبس اجمل الثياب فقط ويتمنظر امام الفتيات بالافراح والشوارع
9- التسكع بالشوارع و امام مدارس الفتيات للمعاكسة فقط
10-نسيان قول الرسول بشأن من لا يستطيع الزواج فعليه بالصوم والصبر
11- عدم الاختيار المناسب للزوجة و التطلع للغنية و صاحبة النفوذ و بنت فلان اصله غنى او انه رجل صاحب نفوذ
12-اختيار الزوجة المناسبة ماديا واجتماعيا
13- البعد عن صاحبة الدين واختيار الجميلة فقط

اما بالنسبة لاهل الفتاه فتكمن فى

1- البعد عن الدين
2- اختيار الزوج على قواعد دنيوية وليس قواعد دينية
3-عدم التربية الصحيحة للفتيات
4- التقليد الاعمى للاهل والجيران(قيمة الشبكة _عدد الحجرات الى يجهزها العريس_النادى اللى هيتعمل به الفرح)
5- التأثر بمظاهر الغرب
6-التأثر بالفضائيات
7-حب الزوج الجاهز

اما بالنسبة لاهل الالشاب فتكمن فى

1- البعد عن الدين
2-عدم تربية الاولاد على تحمل المسئولية
3-الرغبة بالعروسة التى ليس لها اى طلبات
4-الرغبة بالعروسة بنت الاغنياء و اصحاب النفوذ
5- الغبة بالعروسة الجميلة فقط
6- التأثر بالغرب
7-التأثر بالفضائيات

اما الحلول فهى بالمرة القادمة

السلام عليكم
اتفق معك اخى الصقر فى كل هذه الاسباب ولكن سبب "التـأثر بالغرب " معتقدش دى موجودة دلوقت على الاقل الكل عارف ظروف مصر وشبابها وفعلا على الاقل الفتاة تطلب انها متكونش اقل من فلانة او فلانة بس فى كتييييييييييييير بنات عندما تتفهم ظروف المتقدم بتقتنع بس الاهل ممكن يكونوا مبيسبوش فرصة للبنت انها تقول رأيها فى حكاية الامكانات هما وافقوا على العريس يقولوا "نتفق بقى احنا عايزين وعايزين وعايزين"والله بقى وافق العريس اهلا موفقش خلاص وزى ما حضرتك قلت الاهل بيختاروا على الاساس الدنيوى
ياريت يا اخى اى حلول تقدمها تكون جادة وقابلة للتنفيذ على ارض الواقع وتتكلمو فى الموضوع دا فعلا وتعملوا حاجة فيه
واحيك على تفكيرك الجاد فى الموضوع سواء هنا او الموضوع التانى بتاع الحملة
على العموم ربنا يوفقوا

بسم الله الرحمن الرحيم

من الصقر الى المهاجرة انا لم اكتب عن الحلول ولكنى كتبت عن الاسباب اما الحلول المرة القادمة ان شاء الله

ياريت يا اخى اى حلول تقدمها تكون جادة وقابلة للتنفيذ على ارض الواقع وتتكلمو فى الموضوع دا فعلا وتعملوا حاجة فيه

من المهاجرة الى الصقر

انا اقصد اى حلول تقدمها المرة الجاية زى ماحضرتك قلت فوق ولم اقصد ان دى حلول

» حملة لتيسير الزواج فى قرية سنفا
» أسماء المقبولين من قرية سنفا فى مسابقة الشباب والرياضة
» كيف يتصرف الرجال بعد الزواج؟
» لو عندك مشكله في الكمبيوتر او النت ابعت رسالتك
» النادى الأهلى يؤكد أنه ليس طرفا فى مشكله حسنى عبد ربه