احترم نفسك...

اول ما اي واحد في مصر يسمعها من اي حد تاني هيفتكر لاول وهلة انه بيهزأه
لاننا اتربينا بيها غلط مع انها فى الاساس نصيحة جميلة ممكن تخلي المجتمع من الطفل للكهل يحترم نفسه
الطفل وهو صغير لما بيعمل حاجة غلط او عيب تلاقي اول كلمة تقولهاله امه
" إحترم نفسك "
وبتبقى الكلمة طالعة بزعيق واشمئزاز غريب ..
وده بيخلي الطفل اللى مش فاهم طبعا معنى الكلمة انه يكرهها
ولو اتكررت تاني من حد بيحبه مش هيسمع الكلام ومش هيحترم نفسه
وده لان الكلمة دي بتطلع من غير ابداء سبب
يعني هيحترم نفسه من ايه بالظبط
فى اللى عمله غلط وايه نتيجته علشان يبقى فاهم هو يحترم نفسه ازاي وليه

*احترم نفسك*

تحت عنوان احترم نفسك .. لسة فيكي رجالة يا مصر
نظمت مجلة "كلمتنا" الشبابية حملة تهدف إلى التصدي لظاهرة
المضايقات والمعاكسات اللى بنشوفها كل يوم واللى انتشرت بصورة كبيرة مؤخراً فى شوارع و محافظات مصر
وكتير منا مش بيتصرف تصرف سليم سواء ولد او بنت.

تضم الحملة 1000 شاب وفتاة وتهدف إلى التوعية بالدرجة الأولي من أجل السيطرة على المعاكسات والمضايقات التي تتعرض لها الفتيات بصورة شبه يومية في الشارع والمواصلات العامة ،

وتفعيل دور الرجال للدفاع عن أي امرأة تتعرض للانتهاك

الحمله دي بتقولك
قول
احترم نفسك
لكل واحد بيتعدي على حرية الاخرين
لكل واحد شايف نفسه على البنات
لكل واحد بيضايق بنت في الشارع... بكلمة..بنظرة
المهم ان خلاص بقى مش هنسكت
عشان لسه فيكي رجالة يامصر

فى استفتاء اتعمل بين الشباب عن رد فعلهم ايه لو شافو ولد بيعاكس بنت

14 % منهم قال ماليش دعوة

34 % قال هتدخل لكن بشرط تكون محترمة !

20 % قال لو شكلها مش محترم هعاكس معاهم

يا تري النتايج دي تطمن ؟ ؟؟؟؟؟؟؟؟؟؟
احترم نفسك... Unsure

.
.
.

و هدف الحمله دى
عايزين البنات تتعلم إزاي تتصرف لو حد ضايقها في الشارع

نفكر كلنا في طرق مبتكرة تحمي بيها البنت نفسها

عايزين الولاد يعرفوا قد إيه الحكاية دي مؤذية لكل بنت

نرجع تاني نخوة ولاد البلد لما كان واحد يشوف بنت بتتعاكس

عايزين الأهالي تعلم بناتها إزاي تتصرف ويكون ليها رد فعل لو اتعرضت لأي حاجة في الشارع

عايزين الأهالي تفهم ان البنت ضحية مش عشان اتعاكست يبقي لازم تكون هي السبب

عايزين قانون واضح ضده عشان من حقنا كلنا نعيش بحرية

ويمكن نتستغني عن ده كله لولقينا من تاني نخوة ولاد البلد
........................................

انا عن نفسى عجبتنى فكرت الحمله اوى
وخصوصا انها عامله انتشار واسع اوى
واتكلموا عنها فى الفضائيات
ويارب فعلا يقدروا يعملوا حاجه

منقول للأفادة

الموضوع مهم وشاغل ناس كتير لانة من صلب المجتمع ومعتقدش ان حد يقدر يعاكس او يفكر يبص على بنت ملتزمه فى سلوكها وقبل ما نتكلم عن المعاكسات نسأل الشاب ايه السبب الى يخليه يعاكس

الشباب القال مليش دعوة شباب جبناء

والقال هاعا كس معاهم
ملهمش اخوات بنات
والقال لو محترمه
هضرب العاكسها
هم شباب المستقبل
واغلبيتهم ولاد القرى المحترمين

nosser black eyes
والله انا بنت وبقسم لك ان مش شرط الاحترام عشان يعاكسو
حتى لو لابسه عبايه سمرا وواسعه ومحترمه في المشي وطبيعيه جدا من غير اي حاجة بتتعاكس

نائب الجماعة
شكرا لمرورك ورأيك ياريت كل شاب ياخده في الحسبان
انا نفسي الشوارع تنضف من اللي بنشوفه

وأنا كمان رأيى من رأى نائب الجماعه

الحاج أحمد الوزان

كده

الحاج احمد الوزان بيسلم عليك

وهو الايام ديه مشغول

لانه بيهد البيت

» متى تبكى على نفسك؟؟؟؟
» تحدثى الى نفسك
» انت راضى عن نفسك؟
» إعرف نفسك وابدأ بها
» رشح نفسك للاشراف هنا