موظف بدرجة روتينى وطالب فاشل

اقراء هذا الحوار وقول رائيك فى الموظف

الانتا بتتعرض لة فى المصالح الحكومية
والمشاكل التى تواجهك مع هذا المرتشى

وهم موجدين بكثرة فى المجتمع المصرى

طالب فاشل: السلام عليكم
موظف بدرجة روتيني: وعليكوا يا خويا
موظف بدرجة روتيني: عاوز ايه خلص
طالب فاشل: ياعم طيب رد الاول
طالب فاشل: انت ايه مالك مش طايقنى ليه كده ياعم
موظف بدرجة روتيني: ياعم انت جاى تطلب ايدي عشان اطيقك
موظف بدرجة روتيني: اخلص عاوز ايه
موظف بدرجة روتيني: ورايا غيرك
طالب فاشل: ياعم طيب اهدى يساتر عليك
طالب فاشل: وراك غيرى ايه ياعم ده مفيش دبانه على الشباك
موظف بدرجة روتيني: يابني اخلص انا مفطرتش وبعدين انت جاي تعد علينا الدبان
طالب فاشل: لا مش هاعد ولا حاجه ربنا يكتر دبانك يارب
طالب فاشل: طيب والنبى عايز اعمل الكارنيه
موظف بدرجة روتيني: ومعملتوش من اول السنة ليه يا فاشل
طالب فاشل: معلش ياعمنا اصل كان عندى غسيل
طالب فاشل: اول ماخلصت الفومين جيت علطول
طالب فاشل: وبعدين ايه فاشل دى؟
طالب فاشل: انت كده بتخبط فى الحلل
موظف بدرجة روتيني: حلل؟ انت في الحرم مش مطبخ ولا اجيبلك الامن
موظف بدرجة روتيني: طلبة اخر زمن
طالب فاشل: ياعم امن ايه انت قافش حرامى
طالب فاشل: وبعدين ايه طلبه اخر زمن دى؟
طالب فاشل: انت قديم اوى على كده
طالب فاشل: انت عايش من اول الزمن ولا ايه؟
موظف بدرجة روتيني: احسن منك عاملي فيها عمرو دياب وعايش ومش عايش
موظف بدرجة روتيني: عاوز ايه يا ولا خلص
طالب فاشل: ياعم انا جاى اعمل كارنيه ولا احجز فى الحفله بتاع مارينا
طالب فاشل: عمرو دياب ايه بس ومصطفى قمر ايه
طالب فاشل: انا فكرتك هاتقول حد قديم من دورك
موظف بدرجة روتيني: كارنيه
طالب فاشل: اه كارنيه
موظف بدرجة روتيني: طب تجيبلي الاوراق المطلوبة اتفضل روح هاتها
طالب فاشل: على اساس انك قلتلى ايه هى الاوراق ولا على اساس انى مكشوف عنى الحجاب؟
طالب فاشل: ياعم منا لو عارف ايه المطلوب مكنتش جيتكلك
موظف بدرجة روتيني: حجاب ؟ والله لوريك الحجاب ده
موظف بدرجة روتيني: الاوراق المطلوبة هي
طالب فاشل: ياعم هاتورينى ايه هاتعملى عمل على ديل جمل وترميه فى الجبل ولا ايه
طالب فاشل: ايه ياعم فيلم الكرتون اللى انت معيشنا فيه ده
موظف بدرجة روتيني: صورة شخصية مقاس 6×7بـ42
موظف بدرجة روتيني: ثم
طالب فاشل: ليه جى اعمل كارنيه ولا جى اخد صور الفرح
طالب فاشل:؟
طالب فاشل: هى فيها ثم؟
موظف بدرجة روتيني: يا واد اسمع ياواد
طالب فاشل: و42دى اسود ولا بنى
طالب فاشل: اوعى تقولى برباط
طالب فاشل: اسمع ايه ياعم الحاج
طالب فاشل: انت بتقولى صور 6×7=42
طالب فاشل: ودى اجيبها منين انشاء الله ال42 دى؟
موظف بدرجة روتيني: ماهي الصور لازم تكون رقمية ديجيتال يعني
طالب فاشل: طيب ماتصورنى انت احسن
طالب فاشل: ايه ياعم الطلبات الغريبه دى
موظف بدرجة روتيني: انت لسه شوفت حاجة لسه باقي الطلبات
طالب فاشل: افرض المصوراتى معندوش كاميرا ديجتال اموته؟
موظف بدرجة روتيني: اشتريله واحدة
طالب فاشل: طلبات ايه ياعم؟
موظف بدرجة روتيني: امال ابوك مدخلك الجامعة يبقي اكيد غني
طالب فاشل: ده انت لو بتطلب منى طلبات الفرح والمعازيم كانت ارحم من دى
موظف بدرجة روتيني: لا المعازيم بعد الكارنيه
طالب فاشل: هو انا لو ابويا غنى كنت عملت كارنيه؟
موظف بدرجة روتيني: باقي الطلبات هي
طالب فاشل: قول ياعم
طالب فاشل: انت زى مايكون مطلعنى من الفنوس
موظف بدرجة روتيني: صورة من الكارنيه اللى انت عاوز تعمله وتكون بالالوان
طالب فاشل: اه اعملك كارنيه فوتوشوب يعنى
موظف بدرجة روتيني: ايوة عشان احبسك
موظف بدرجة روتيني: امال نعرف انك طالب هنا ونأمن ونعملك كارنيه ازاى
طالب فاشل: تحبسنى ايه ياعم احبس لسانك اللى عمال يطلب طلبات غريبه ده
موظف بدرجة روتيني: باقي الطلبات هي
موظف بدرجة روتيني: شهادة طبية انك غير مريض بالامراض التالية
موظف بدرجة روتيني: الجرب
موظف بدرجة روتيني: التنيا
طالب فاشل: جرب
موظف بدرجة روتيني: السعال ديكي والفراخي
طالب فاشل: ياعم ايه جو المطبخ اللى بتقول عليه ده
موظف بدرجة روتيني: وتكون ممضية من اتنين ممرضين كمان
طالب فاشل: انا جى مقدم على كارنيه مش على صينية مكرونه بشاميل
موظف بدرجة روتيني: ومن ضمن الطلبات صينية المكرونة دي
طالب فاشل: ليه على اساس انى جيلك بقولك والنبى اهرشلى فى ضهرى؟
طالب فاشل: ايه ياعم الحاج ده كارنيه جامعه مش شهاده صحيه
طالب فاشل: بقولك ايه ياعم الحاج؟
موظف بدرجة روتيني: متقولش حاجة اما اكمل باقي الطلبات
طالب فاشل: انت موظف هنا بقالك كتير؟
موظف بدرجة روتيني: انا موظف هنا من قبل ما تتولد
طالب فاشل: منا عارف ياعم انت اقدم من الجبنه الرومى
موظف بدرجة روتيني: اسمع يا واد باقي الطلبات
طالب فاشل: قول ياعم انت باين عليك بتحلم انك مطلعنى من الفانوس
طالب فاشل: قول ياعم الامور
موظف بدرجة روتيني: فانوس؟ طب خد عندك بقي
طالب فاشل: هات ياعم
موظف بدرجة روتيني: شهادة حسن سير وسلوك من الحضانة
طالب فاشل: ليه ياعم الحاج حد قالك عليا مسجل قصف اقلام رصاص؟
طالب فاشل: ايه ياعم الحاج هو انا جى اقدم فى الحربيه ولا ايه؟
موظف بدرجة روتيني: وكمان شهادة زيها من جارتكم اللى كانت والدتك بتسيبك عندها وهي رايحة تجيب الخضار
طالب فاشل: بقولك ايه ياعم الحاج
موظف بدرجة روتيني: عاوز ايه تانى مش كفاية هعملك كارنيه
طالب فاشل: كارنيه ايه ياعم ده انت كده بتحكى فى عمايل فيلا فى الهرم
طالب فاشل: ال كارنيه ال
موظف بدرجة روتيني: وتجيب ورق الملكية بتاع الفيلا دي
طالب فاشل: ملكية ايه ياعم
طالب فاشل: ايه الراجل الغريب ده؟
طالب فاشل: انت مين ياعم انت؟
طالب فاشل: هى مش دى كلية حقوق برضوا ولا وزارة الاسكان؟
موظف بدرجة روتيني: متقلقش ما انت من ضمن الورق هتروح وزارة الاسكان والصحة والداخلية والمالية والعدل والتموين
طالب فاشل: ايه ياعم انت بقولك ايه
طالب فاشل: انا طالب فاشل ومش عايز اكمل فى الكليه دى
موظف بدرجة روتيني: ماهو عشان تسيب الكلية لازم تسلم الكارنيه وعشان تسلمه لازم تجيب كل الورق ده
طالب فاشل: ولو شفتنى تانى ادام شباكك اللى عامل زى قفص العيش ده يبقى تف على وشى
طالب فاشل: طيب بوص انا مش عايز كارنيه ومش عايز كليه
طالب فاشل: انا عايز بس اعرف انت فى منك كتير ولا انت اخر واحد؟
موظف بدرجة روتيني: كلنا هنا واحد
موظف بدرجة روتيني: خلاص ياحبيبي يبقي تسلم نفسك في الجيش عشان الكلية هي اللى بتأجل
طالب فاشل: طيب بقولك ايه ينفع اهرب بره البلد دى؟
طالب فاشل: ولا الهروب برضه بكارنيه
موظف بدرجة روتيني: عشان تهرب برة البلد لازم تعمل باسبور
موظف بدرجة روتيني: واوراقه كالتالي
طالب فاشل: ليه ياعم انت بتهرب اميل؟
موظف بدرجة روتيني: جواز سفر يا جاهل
طالب فاشل: انا جاهل
طالب فاشل: بعد اللى انا سمعته منك هارفع شعار لو لم اكن جاهلا لوددت ان اكون جاهلا
طالب فاشل: قلى ياعم الحاج؟
موظف بدرجة روتيني: يبقي تجيب شهادة تثبت انك جاهل
موظف بدرجة روتيني: عاوز ايه
طالب فاشل: انت بتاخد مرتبك بالقروش ولا بالتعريفه؟
موظف بدرجة روتيني: باخده بالفيزا كارت
طالب فاشل: فيزا كارت ايه ياعم
طالب فاشل: ايه الراجل المتناقض ده؟
طالب فاشل: ياعم انت اخرك بطاقة التموين ويبقى تعالى قابلنى لو خدت زجاجة زيت
موظف بدرجة روتيني: والله يابني بقالي 7 شهور بجري عشان اعمل البطاقة والموظفين منهم لله مش راضيين
موظف بدرجة روتيني: يجوا يشوفوا بنعامل الناس ازاى
موظف بدرجة روتيني: ويتعلموا
موظف بدرجة روتيني: ما احنا موظفين برضه
طالب فاشل: ماهم لازم مايرضوش هو انت اللى بتعمله فى الناس ده شويه؟
موظف بدرجة روتيني: ده انا بسهلك الامور اكتر ماهى سهلة يا والا
طالب فاشل: انت بتسهلهالى؟؟!
طالب فاشل: ده انت جبتلى اسهال ياراجل
موظف بدرجة روتيني: اسهال؟ يبقي لازم تستني تخف
موظف بدرجة روتيني: عشان نقدر نعملك الكارنيه
طالب فاشل: ياعم انا عايز اسهل واسخن وابولق واموت
موظف بدرجة روتيني: وتجيب شهادة موثقة من الكنيف انك شفيتت
طالب فاشل: مالكش دعوه انت
طالب فاشل: ايه الراجل ابو ريحه وحشه ده؟
موظف بدرجة روتيني: خلاص يبقي بعد ماتموت خلال اسبوع تجيني بشهادة الوفاة
طالب فاشل: ياعم انت قلبتها لغة كابنيهات كده ليه؟
موظف بدرجة روتيني: يلا كده كفاية
طالب فاشل: طيب بقولك ايه
موظف بدرجة روتيني: ايه
طالب فاشل: انا ماشى انت عايز حاجه تانى قبل مااسافر ولا كده كفايه؟
طالب فاشل: احلم احلم
طالب فاشل: وقول
طالب فاشل: منتى مطلعنى من الفانوس ياعم الحاج
موظف بدرجة روتيني: هو انت اللى سرقت فانوس سيادة العميد. يا أمن
موظف بدرجة روتيني: امسكووووووووووووووووووه .

كان هذا الحوار مثالاً ساخرا لمهازل مما تحدث بين بعض الموظفين المفعمون بحب الروتين
وحب استغلال الطلبة وكذلك طالب قد آلم به بعض الاهمال .

قام بدور الطالب صاحب المصلحة ( احمد عبد النبى)
قام بدور الموظف الرذل ( أحمد سالم)

[/size]