ياخساره الرحله

السلام عليكم ورحمه الله وبركاته
قررت انا المحاسب/ احمد عبد العزيز احمد
ترك هذا المنتدى الى الابد
بعد ان قضيت فيه ايام جميله
لم ارى فى هذا المنتدى رأى صريح ولا مغاير للواقع الذى نعيشه
اولا معظم المواضيع اللى بتكتب بتكون منقوله
علشان العضو يعمل مساهمات وخلاص
ومن خلال متابعتى للمنتدى وجدت بأنه اصبح
سوق وحكايه
افهموها زى ماتفهموها
بس انا حاولت كتير قبل ماخد القرار دا بس
وجدت ان انا لازم اسيب المنتدى
لانه ماعتش يناسب افكارى ومواضيعى ولايوجد اعضاء بيكتبوا بجهودهم الذاتيه
صدقونى انتوا عايشين حاله من الوهم الخيالى
علشان انتم بتنقلوا مواضيع وبتردوا على بعض وبتوهموا فى بعض
بس انا قلت لنفسى اقف لحد هنا
مادام المستوى وصل لحد كدا
مستوى متدنى جدا
وانا لازم اشكر اعضاء جادين فى المنتدى هما دول اللى فهموها صح
اولااااااا
الدكتور ايمن
دا راجل محترم حب يقدم البلد بصوره محترمه قدام الناس
ثانيا
البيبى جيرل
مش هختلف فى الرأى سواء بنت او ولد بس عضو مؤثر جداااااااااااااااااااا
ثالثا كريم
ممتاز جدا فى الحكم على المواضيع ومهم جدا للمنتدى
رابعا
مهندس احمد جبر
راجل محترم ومواضيعه وردوده كويسه جدا
اما باقى الاعضاء داخلين يهظروا
انا بكن للناس دى بغايه الاحترام
لانهم ناس جادين
وانا سبت المنتدى للمستوى المتدنى اللى وصل له المنتدى
وبرده المنتدى فى اعضاء هايفه جدا
هما عارفين نفسهم
يعنى فى واحد كان حطط لى صور اصحابه
هما ملوك جمال حاططهم
يعنى لو واحد من بره البلد شافه هيقول ايه العبط ده
ياريت تفكروا شويه
وبرده دى مسؤليه المدير والمشرفين
كانو لازم يشيلو الموضوع او يحذفو العضو
ولا المدير خايف لعدد الاعضاء ينقصوا
دا بخلاف حاجات كتير جدا
وزى الاستاذ جوكر اللى عاملى فيها دكر
واخد الموضوع هزار فى هزار
لو المدير والمشرفين رجاله كانوا شطبوا اسمه من اول كلمه
بس قعدوا يتفرجوا وهو بيهزأ فى الناس
لالالالالالالاالالالاالالالا دا مش حضارى جدا
وبرده لحد دلوقتى بعد ماشتم ناس لسه مشالوش عضويته
انتوا طول مابتفكروا كدا عمركم ماهتتقدموا
صدقونى المنتدى دا كان ممكن يبقى حاجه حلوه قوى بس لوكان فى ضوابط
بس ياخساره احنا احسن ناس نفكر ونخطط بس بنفذ غلط
ودا عيب المصريين وطول مانتوا بتفكروااا كد
ابقى قابلنى لو شيلت لقب فلاح من على التيشرت بتاعك
وزى الاغنيه مابتقول
ويوم ماتيجى تتكلم ماحدش يسمعك
ويوم ماتيجى تتقدم تلاقى كله بيرجعك
صدقونى انتوا عايشين فى الغيبوبه
وكنت لازم افوقكم وقولكم الكلمتين دول
انا سايب المنتدى دا خلاص
وياريت المدير يحذف عضويتى
لانى بقيت عضو ميت بالنسبه للمنتدى
وفى النهايه اقولكم شعرى الجديد

تركتم المنتدى لهــــــــــــــــــياف######### حتى يقول الناس انه من الارياف
ياشباب سنفا شدوا اللحــــــــــــــــــــاف #########انتوا عمركم ماهتتقدموا لانكم من الارياف
اقولكم اشتروا دى جى واعملوا فرقه زفاف @@@@@@@@@احسن ماتبقوا شباب هياف
المدير قلكم عايز المنتدى احتراف$$$$$$$$$$$$$$ بس ياخساره سابوا للهياف

دى كانت مقطوعه من الشعر الحلمنتيشى
ودى قصيده هيكتبها المنتدى بحروف من زهب اما اسيبه

أنا قصيدة حزن ورمتني الازمان...
أنا قصيده كتبني الهم ما كتبني انسان...
أنا المنسي ومن دمعي ارتوي ليكنت ضميان...
قضيت ايامي وسنيني وانا دفيان...
وبلحظة غدر تركني بالهجر بردان...
نكر عشرتي وخاني ولا صان...
وانا الغدر بقلبي ماله مكان...
هجرني وانا الي سقيته بدمع الاعيان...
ونوي اعرف هذا جزا الي مايحسب للغدر زمان؟؟؟
اشوف وشكم بخير

اولا
شكرا لتقديرك لي وللاخوة الاعضاء
ثانيا
انا شايفه ان الانسحاب غلط كبير جدا لاسباب كتير
الرسول عليه الصلاة والسلام قال
(من رأى منكم منكرا فليغيره بيده فاءن لم يستطع فبلسانه فان لم يستطع فبقلبه وذلك اضعف الايمان)
وانت بتنأى بنفسك عن ده كله ليه
متعملش زي حال البلاد العربيه تلتزم الصمت وتعمل مش واخد بالك
في كل مكان في الدنيا فيه الحاجة الكويسة والحاجة الوحشة
ولو مش فايدينا نغير يبقا لازم يكون فيه تقييم وحكم
مش مشكله ان يكون فيه نقل للمواضيع مادام فيه افاده وكمان لازم تاخد بالك ان فيه ناس مش فاضيه او يمكن معندهاش مقدرة تشارك فبتكتفي بالمشاهده
وبعدين وارد جدا ان يكون فيه ناس معارضه لافكارنا حتى لو وصل الموضوع للتفاهه
والحل هو يا اما نعالجهم او نكافح افكارهم السلبيه بمواضيع ايجابيه

في الاخر
نصيحتي ليك ان يكون لك يد في التغيير

السلام عليكم اولا

تانيا : ان لا انكر كلامك يا احمد ؛ كلامك فيه شى من الصحه

و لكن تركك للمنتدى هو السلبيه

ازاى اشوف واحد مخطى و اسيبه ما دام هو بعيد عنى

لا زم اقومه و اعدله و اكون موثر

و موضوع جوكر ده انا لا املك حق شطب اى عضو

المدير فقط او نائب المدير هو الذى له هذه الصلحيات بس هما فين

تقريبا والله اعلم عندهم امتحانات

و انا فى المنتديات ال انا مشرف عليها مسحت تقريبا كل ردوده ال فيها تطاول

و ده ال انا اقدر اعمله

و احسبها صح ( ايهما الاصوب البعد عن المشكله ؛ اما البقاء مع اصحاب المشكله و محاوله تقوميها

و ايه المشكله ان حد ينقل المواضيع ؛ ما دامت مواضيع كويسه و هدفه

اعتبر يا سيدى ان فى ناس بتتعب نفسها و تدور فى باقى المنتديات على احسن المواضيع و بتجبها لك لحد هنا

و تحطها لك عشان تقراها .....................

و اخيرا

شكرااااااااااااااااااااااا لك على كل مساهماتك

I AM SORRY ZIZOO
I CAN NOT IMAGINE THIS FORUM WITHOUT YOU
PLEASE BE BACK AND WE ALL ARE WAITING YOU . . .

ايه ياأحمد انت زعلان ولا ايه

والله ياأحمد قصدى يازيزو اذا كنت انت مضايق انا مضايق اكتر منك من تدنى مستوى المنتدى اليومين دول

وزى مانت قولت بالظبط

بس فعلا زى ما انجنير بيقول ده يبقى سلبية

وبعدين برده انا احب الوم على المشرفين

المدير مش فاضى اليومين دول

الى كل المشرفين

ياريت اى موضوع انت شايف انا مالوش لازمة تمسحه وتبعت رسالة خاصه لصاحب الموضوع بشرح وجهة نظرك فى عدم وجود هذا الموضوع بيننا.

وتحذيره ثانيا بشطب عضويته ان استمر فى أذى الاعضاء.

وبعدين انا عايز اقول على حاجه يازيزو

انا لو كنت بخش على المنتدى

بخش علشان بتعجبنى مواضيعك وردوك ومواضيع وردود الناس اللى انت كتبت اسماءهم

بجد والله مينفش انك تسيبنا وننقض واحد مهم جدا للمنتدى زيك

وبعدين ايه يابو حميد لبى رغبة الجماهير فى وجودك معانا
احمد عبد الرازق بيعيط

ياريت ارجع الاقيك رديت عليا

سلامى

عموما يا عم كريم
أنا هاعمل احترام لوجود المدير فى المنتدى انهارده ومش هارد عليك
لكن فعلا وجود زيزو فى المنتدى حاجه أساسيه

لا ياد جدع واحشنى والله

هترد عليا بكرة؟ ضحك

ياخى الصداقه مواقف
وبعدين زيزو من الناس اللى الواحد يزعل عليه لو غادر المنتدى
ايه فهمك انت فى المشاعر دى
انت آخرك ترد على اى موضوع حتى لو مش عايز

ماشى يابو حميد

الى زيزو انت فين يابنى وحشتنا والله

انا اول مانزل البلد لازم اتصل بيك واكلمك ترجع المنتدى وهمضى معاك عقد عمل فى المنتدى تاخد المرتب اللى انت عايزه

الجمهور عايزك

» ياخساره الرحله
» ياخساره الرحله
» ياخساره الرحله
» ياخساره الرحله
» ياخساره الرحله