اسئلة رخمة جدا....

اسئلة رخمة من اللى توجع البطن

يا رب ما تدعوا علي

اسيبكم مع الاسئلة
****************
س: ايه الشبه بين الجرنال والشمس ؟؟
ج: الاتنين بيطلعوا الصبح
س: ايه الشبه بين التفاح والكمثرى ؟؟
ج: الاتنين مش جوافة
س: ايه الشبه بين الصعيدي الذكي وسوبر مان ؟؟
ج: الاتنين خيال علمي
***********
س: ايه الفرق بين الصحراء.. وايام الاسبوع.. وموس لورد ؟؟
ج: الصحراء مفيهاش حد
ايام الاسبوع فيها حد واحد
لورد فيه حدين
***********
س: واحد وقع من الدور التاسع لقى ايه ؟؟
ج: لقى مصرعه
س: واحد وقع من الدور العاشر لقى ايه ؟؟
ج: لقى حتفه
***********
س: ليه الأرنب مبيعديش من قدام القهوة ؟؟
ج: بيخاف من السحلب المكار
س: دكتور أسنان ارتكب جريمة يسجنوه فين ؟؟
ج: في سجنال تو
***********
س: ليه نابليون كان بيقعد قدام التلاجة ؟؟
ج: عشان يستنى حملة فريزر
***********
س: ايه هي قمة الادب ؟؟
ج: انك تخبط على التلاجة قبل متفتحها
س: ايه هي قمة الصبر ؟؟
ج: انك تستنى حد يفتحلك
س: ايه هي قمة الدهشة ؟؟
ج: حد يفتحلك فعلا
***********
س: إيه وجه الشبه بين الحلاق وجورباتشوف ؟
ج: الإتنين بيتعاملوا مع الروس
س: إيه وجه الشبه بين القمر وصينية البطاطس ؟
ج: الإتنين ميتعملوش عصير مانجو
***********
س: إيه العلاقة بين الكمبيوتر والحفرة ؟
ج: الكمبيوتر حاسب آلى
أما الحفرة حاسب لتقع
س: ليه في الأرجنتين مش بيزرعوا تين ؟
[b]ج:لانها من الدول اللاتينية
***********
س: إيه الفرق بين الليمون والزيتون ؟؟
ج: الأولاني بيتعمل منه لاموناتة والتاني مابيتعملش منه زاتوناتة
س: إيه الفرق بين الزمالك والشامبو البرت بلاس ؟؟
ج: البرت بلاس اتنين فى واحد لكن الزمالك اتنين فى عبد الواحد [/b]

حلوة

بس اخر سؤال ده رخم قوى

يعنى ايه ايه اتنين فى عبد الواحد

ماقبل كده جه اتنين فى الحضرى وتلاته كمان

مالهاش لازمة

ومحدش يقولى اهلاوى وزملكاوى

اه انا زملكاوى

ههههههههههههههه كويس هو ده الهدف ان الرخامه توصلك ولغيرك طبعا
بس انا مش بستهدف الزمالك والله

انا فاهم والله

بس اتفرجى بقى على الأهلاوية هيكتبو ايه

الزمالك ؟

كل زمالك وانت طيب

يلا اتفرجى

هوة انجنير هيسيبنا فى حالنا

ياعم انا بطلت أشجع كورة

احسن انك بطلت تشجع الزمالك عارف ليه

اتفرج الاول على الكليب ده

هذا الفيديو يثبت أن الشرطة قبضت عشوائيا على عدد من مشجعي الزمالك وسلمتهم للجيش في إجراء غير قانوني بالمرة

وقام الجيش بدوره بحبس هؤلاء المشجعين المدنيين في السجن الحربي بملابس
السجن مكبلين من الايدي والارجل وحلاقة شعرهم وإجبارهم على أعمال التنظيف
إنتظارا لعرضهم على النيابة العسكرية متهمين بتهم عسكرية مثل
سب وزير الدفاع
إتلاف ممتلكات عسكرية حربية عن عمد
التعدي على عساكر حربية أثناء تأدية عملهم
وأهاليهم الآن يبكونهم لأنهم كانوا فاكرين ولادهم بيحضروا مبارة لكرة القدم مش مظاهرة سياسة !!!
وقعت تلك الاحداث بعد مباراة الزمالك والجيش في الاستاد الحربي
انا مش أهلاوي ولا زملكاوي
ولا من مشجعي الكورة أساسا
وما سمعتش عن النيابة العسكرية غير في محاكمات الإخوان المسلمين
لكن مشجعي الزمالك كمان؟؟؟
طب ليه من الأول بيتعمل ماتشات أصلا في إستاد الكلية الحربية؟
وليه أصلا بقى الجيش والشرطة ليهم فرق في الدوري
مش عاوزين الجيش والشرطة في الدوري !!!

هههههههههههههههه شكلي همسح كل الاسئلة واسيب سؤال الاهلي والزمالك

احم احم

انا جيت وعايز الكل يعرف انى زملكاوى

وياريت شوية احترام من الاهلوية ممكن

هو ديما كدة الاهلوية بيحبو يغلطو

انشاء الله الزمالك انا متوقع منة مفاجئة قريب

متوقع مفاجئه
ربنا يسترررررررررررررررررررررررررررررررر عليكم من مفاجات الزمالك

خلاص بقى ياانجنير

ياعم والله مابقيت اتفرج على ماتشات للزمالك خالص
بس محبش حد اهلاوى يكلم فى الموضوع ده

وخلاص بقى وبعدين ربنا يستر عليكم فى الدورى

متخليناش نتكلم فى الى مضى واللى قضى

لينك دا اهداء لك يا بيونير

مشكوره

ياحمد ياجبر انا زملكاوى متعصب وانت عارف واحنا ممكن نعرفك ايه هو الاهلى اهلى الاسماعيلى -احمد فتحى-وبركات-وعماد النحاس--احمد حسن -سيد معوض-

يا حبيبى زملكاوى على نفسك

لسه لكم عين تتكلموا

يا عم

و ايه المشكله هم لغوا الاحتراف فى الكورة و ال ايه ؟

دول لاعبين سابقين فى نادى اسمه الاسماعيلى و عملوا ايه مع الاسماعيلى
ولا اى حاجه انما مع الاهلى تكتبوا تاريخ لنفسهم

و كل زمالك و انت طيب

و بلاش تعصب عشان صحتك

» اسئلة تشل وترفع الضغط
» ]اسئلة واجوبة من القرآن
» اسئلة عاديه وطبيعية إذا كنت طبيعي
» ثلاث اسئلة حيرت العالم(حـــــــــــلو اوي)
» سئلة غبية .. اسئلة جاوبها وجرب واحكم على نفسك ؟؟؟؟؟