كرسى الاعتراف

انا كتبت 20 سؤال ..... هاتقولى ياروز انت لسه جديد .. على فكره انا متابع المنتدى من زمان ......... وهاراجع الاسئله تانى علشان الحساسيه وكده والله الموفق انتظرى غدا

لا والله مش هقول حاجة بس تفضلو بالأسئلة وأنا منتظرة

معلش ممكن تكون اسئلتى شديده ومحرجة ورخمة وبقدم اسفى مقدما
يالله معاكى ربنا ردى

من حق روز الجنة انها ترد على الاسئله اللى هية عايزاها بدون احراج

وانا عن نفسى هسأل شوية اسئلة صغيرة

السؤال الأول :-
ما هو أفضل لون عندك ولماذا فضلت هذا اللون ؟

السؤال الثاني :
-ما هو أفضل حيوان عندك ولماذا فضلت هذا الحيوان ؟

السؤال الثالث :-

ما هو أفضل نوع عندك من أنواع الفواكه ولماذا فضلت هذا النوع بالذات ؟

السؤال الرابع :-

إذا كنت في وسط غابة وهاجمك دب ماذا تفعل هل تهاجم الدب أم تهرب أو تصعد إلى أعلى الشجرة حتى يذهب الدب ؟

السؤال الخامس :-إذا رموك في غرفة مظلمة لا يوجد فيها مصابيح ولا شبابيك ولا فيها باب ولا فيها نور ! ماذا تفعل ؟ هل تصرخ حتى أحد يسمعك هل تحاول الخروج بأي طريقة كانت حتى لو حفرت الجدار بأظافرك أو تستلم وتنام ؟

السؤال السادس :-

إذا أنت كنت أمام نهر وتريد أن تعبر إلى الضفة الأخرى والمسافة ما بينك وبين الضفة الأخرى لا تقل عن خمس أمتار يعني تستطيع أن تعبر هذا النهر خلال دقيقتين ولكن لا تعلم هل سوف تبره بسلام أم لا تعبره يعني احتمال من تضع قدمك بالنهر تموت واحتمال تنجوا !!! ولكن يوجد جسر يبعد عن مكانك بحدود نص كيلوا عن المكان الذي أنت واقف أمامه من خلالة تستطيع أن تعبر بأمان إلى الضفة الأخرى ! وأعلم أن الوقت غير محسوب ... فماذا تفعل هل تعبر من خلال النهر أم من خلال الجسر ؟

ايه ياكبير الاسئلة دى يالهوي انت جايبها منين
ربنا يستر عليكى ياروز وربنا معاكى
انتوا كنتوا مستنيين البنت ولا ايه الرحمة

هسئل اقول ايه بس يارب روز تعرف ترد على الاسئله دية بس

انا قولت قبل كده ولسه بقول ان من حق اى عضو قاعد على الكرسى انه ميجاوبش على السؤال اللى مش عاجبه وكمان اى عضو مش مجبر انه يقعد على الكرسى من اساسه

احنا عملنا الموضوع ده علشان نفهم بعض اكتر ونقرب من بعض اكتر على المنتدى المحترم ده

وعلى فكرة لو هوة قاعد على الكرسى وانتى سالتى الاسئله دى هوة مش هيزعل منها وهيجاوب عليها

واخيرا ياريت نلتزم بقواعد الموضوع

وياريت اى حد قبل ما يفكر يسئل سؤال يشوف السؤال رايح فين ولمين ومدى علاقتك بالعضو اللى هتسأله .
ياريت نكمل

عندك حق ياكريم
كويس انك مسحت الاسئله المحرجه اللى كانت موجوده
انا معاك ياكبير انك واخد الموضوع ببساطه وانه من باب الدردشه بس روز حست فيه باحراج معلش انا معاها ان فى بعض اسئله محرجه
وبعدين ياسيتى انتى لو عرفتى الكبير صدقينى عمرك ماكنتى هتمتنعى انك تجاوبى على اسئلته
ولوالموضوع فيه قلق ليكى ممكن تقومى عادى
وعلى فكرة علشان الكبير يثبت لى حسن نيته قالى والله ياعم تقوم وانا اقعد انا
انا كنت مفكر تاخيرها فى الرد انها مشغوله فى الكليه واما تفضى هتبقى ترد ماكانشى مفكر انك واخده الموضوع بحساسيه زياده اوى كده
وعلى فكرة كل اللى على المنتدى ناس كويسين واعتقد انك ممكن تكونى لاحظتى كده من خلال الردود
وبرده يعنى البيونير مابيسيبش وراه ورى يعنى متابع اول باول

1_ هل تريدين تغيير اسمك؟
2_ لديك كام صديقه حقيقيه؟
3_ما هو احسن شىء فى حياتك؟
4_اى البلاد التى تحلمين بزيارتها؟
5_هل تحبين اكثر الاب ام الام؟
6_هل تحبين الدراسه؟
7_بيمثلوا ايه فى حياتك... الاب الام الاخوه الاصدقاء
8_الامنيه المستفبليه؟؟
9_ايه اكتر حاجه بتخليك سعيده؟؟
10_لو ليك مشكله ايه اكثر حد بتلجاء ليه؟
11_هل تحبين السفر؟
12_بتمثلك ايه الدراسه؟
13_اكثر حاجه بتضايقك؟

مش بتردو ليه؟؟؟؟؟؟؟؟

ياجماعة معلش انا مشغولة شوية بس والله هرد ع كل الأسئلة لما أنزل

نشوف بيونير
انا بحب اللون الفضي لأنه بيدل علي الهدوء
أما بالنسبه للحيوان فأنا بحب القطة لأنها أليفه
والفاكهه انا بحب التفاح لأنه طعمه جميل جدا
بالنسبه للسؤال اللي بعده بجد مش عارفه هعمل ايه بس يارب ماعديش به خالص
والسؤال اللي بعده انا هعدي من خلال الجسر عشان إسم منتدانا

الشلام عيكم
ازيك يا روز

طبعا قبل ما أسأل هقولك إني بحبك في الله..وانك عسولة اوي بجد

أسئلتي معتاده نوعا ما
ومش محرجة..متخافيش

المهم

- يا ترى القسم اللي دخلتيه في الجامعة كان حلمك قبل كده؟
- انتي جريئة؟
- احسن طباعك؟
- أسوأ طباعك؟
- انتي حساسة؟
- الصداقة بالنسبة ليكي إيه؟
- ازاي عرفتي المنتدى؟
- انتي كام سنة غربة؟
- راضية عن نفسك؟
- حافظة كم جزء من القرآن؟
- اكتر نشيد إسلامي بتحبي تسمعيه..وليه
- انتي قلتي بتسمعي أغاني..وقلتي مش بتسمعي أغاني رومانسية..هو في أغاني غير كده؟؟
- انتي مهتمة بالسياسة؟
- أكتر انواع الكتب اللي بتحبي تقريها؟

وسلام يا قمر

نشوف جيفارا_لأريد تغيير أسمي نهائي
_ليا أصدقاء كتير أوي بس اللي بجد أربعه
_أحسن شئ في حياتي بيتنا
_نفسي أسافر تركيا
_أنا بحب بابا جدا وكمان ماما بس الأكتر أمي
_أه طبعا بحب دراستي جدا
_يمثل لي الأب :الأمان والتربية
الأم:كل شئ في حياتي والحنان
الأخوه:كل شئ حلو في حياتي
الأصدقاء:المرح وبدونهم مافيش حياه
_أمنيتي أني أكون ناجحة في حياتي العلمية والعملية
_أكتر حاجة بتخليني سعيدة لما بحقق أمنيه لبابا وماما
_بلجأ لربنا أولا وماما
_بحب السفر جدا
_الدراسة بتمثلي فترة من حياتي هيترتب عليها حاجات كتير
_أكتر شئ بيدايقني لما احس ان حد بيكدب عليا أو حد يفهمني غلط
سوري ياجماعة مش نافع أجاوب الا بالطريقة دي يعني من غير سؤال وجواب بس عشان الموبايل

نشوف بنوته سنفا
_ماشي ياقمر أسألي براحتك ياعسل
_بالنسبه للقسم انا حباه جدا جدا جدا
_أمممم بصي الكلية اللي انا دخلتها بتحتم عليا حتي لو ماكنتش جريئة أني لازم أكون جريئه من الأخر أه ياستي بس بحدود
_أحسن طباعي مرحة إجتماعية زي ماقال الباش مهندس احمد وكمان صريحة جدا
_أسؤ طباعي أني متسرعة أحيانا وكنت بثق في أي حد بسرعة
_بصي انا طبعا بحس ههههه بس مش حساسة أوي
_الصداقة دي أجمل شئ في حياتي من غيرها ماقدرش أعيش
_عرفت المنتدي عن طريق واحدة صحبتي قالتلي عليه في موقف كدة هقولك عليه بعدين
_هو أنا كنت مغتربه مع أهلي سبع سنين ولوحدي أول سنة أدعيلي بقي أقدر أكمل
_أمممم بصي أنا راضية بس بردوا الأنسان خطاء
_بصي أنا كنت حافظه بس نسيت وكمان لأن البلد اللي أنا أتولدت فيها وعشت فيها ماكنش فيها كتاتيب ولا مكاتب حفظ قرآن
_أكتر نشيد بحبه أوي لسوف أعود يا أمي لأحمد أبو خاطر
_يعني في أغاني فولك وشعبي والوطنية والروشة والكلاسيك
_أكيد علشان حاجة كدة أنتي عارفاها
_أنا بحب أقرأ كتب عن الفتاه
والكتب الدينية وكتب أشعار نزار القباني

مشكوره بجد على الردود
بس لى تعقيب على السفر بلاش تركيا

ليه بس دى تركيا بلد جميلة جدا ورائعة كمان

الجو فيها برد
وبعدين هى فيها مسلمين اه
وبعدين دول رقصوا على المصحف الشريف
بلد مش طاهره

أممممممممممم بس بردوا انا نفسى اروحها
بص انا نفسى اروح بلد ؟أجنبى لأنى رحت بلد عربى

طيب ما اوربا فيها 52 دوله
تركيا مش اوروبيه مالها المانيا
دى حريه ........ مشكوره

مشكووووووووووووووور
بس فين أسألتكم ياجماعة
ايه ما انا موجودة اهوه وجاهزه كمان

روز حبيبتي السلام عليكم
انا مقرتش اسألة الناس اللي قبلي
فيارب تكون اسالتي جديده مش قديمة
1.في نظرك فيه فرق بين الخيانه في الحب..الصداقة..و بين الاخوات؟ وايه الاصعب؟؟؟
2.لو كنتي تتمني تكوني صديقة لعضو في المنتدى هيكون مين؟وليه؟
3.المجال اللي بتتمني النجاح فيه حتى لو مش مجال دراستك

يارب مكونش طولت عليكي سلاااام

1.في نظرك فيه فرق بين الخيانه في الحب..الصداقة..و بين الاخوات؟ وايه الاصعب؟؟؟

اه طبع فى فرق بين الخيانة فى والصداقة بصى الخيانه دى اصعب احساس فى الدنيا وابشع شىء فى الوجود
اما بالنسبة للصداقة فهى اجمل شىء فى الدنيا واللى يحس بيها بجد يبقى ملك كل الدنيا والاخوات حاجة جميلة اوى واحساس بالأمان معاهم
والاصعب طبعا الخيانة فى الحب بس على فكرة ال3 حاجات اللى انتى قولتيها ماتنفعش مع بعض يعنى مافيش حد بيحب هيخون ولا حد بيحب هيعامل من يحب كصديقة ولا كأخت

2.لو كنتي تتمني تكوني صديقة لعضو في المنتدى هيكون مين؟وليه؟

كلكم والله زى العسل واتمنى انكم تكونوا كلكم اصدقائى

3.المجال اللي بتتمني النجاح فيه حتى لو مش مجال دراستك

لأ هو المجال اللى بتمنى النجاح فيه هو نفس المجال اللى انا بدرسه

وعلى فكرة أسألتك جميلة أوى يابيبى

هسئلك اسئله دينيه
من هو كاتم سر الرسول؟؟؟؟؟
من هو ذو النورين؟؟؟؟؟؟
من هو الزى اهتز لموته عرش الرحمن؟؟؟؟؟
من هو الزى غسلته الملائكه بعد استشهاده ولماذا؟؟؟؟
ماهى الغزوه التى وقف الرسول ينقلها لصحابه وهو على منبره؟؟؟؟؟
من هو حامل الرايه فى غزوة خيبر؟؟؟؟؟
وفى النهايه
مين الزى حرر فلسطين فى موقعة حطين؟؟؟؟؟؟؟؟؟

شويه اسئله ياريت ميبقوش تقال
1_اكثر حاجه اسعدتك فى حياتك؟؟؟
2_اكبر صدمه قبلتيها فى حياتك؟؟؟
3_اكثر الحاجات الى اتغيرت فى طباعك؟؟
4_اكثر الاشياء الى بتخليك سعيده؟؟؟؟
5_بتمثلك ايه الكلمات .......... دى
1_المنتدى
2_الاعضاء
3_العطف
4_الحنان
5_الكذب
6_الخيانه
7_الخداع
8_النجاح
9_الانتصار
10_قوة الشخصيه..
ويارب تكون اسئله خفيفه