الموضوع ده هيخليكوا تحبوا الامتحانات اوى ومش هتقدروا تعيشوا من غيرها

سبع فوايد للامتحانات

أولاً
موسم الامتحانات أعظم فرصة على الإطلاق
للنوم،ولا نوم أهل الكهــــف كــده، أول ما
يبدأ الشهر اللي قبل الامتحــان تلاقيك بتنام
بالعشرين ساعة وبتصحى ساعتين علشان
ترجع تنام تاني كنوع من الــتغـــيــير يعني،
والحجة الجاهــــزة:امتحـــانـات.. والــواحد
بيعوّض فــي الـــنوم عــشان يــعرف يذاكر
*******
ثانياً
الامتحانات فرصة هايلة لهــواة الاكــتئاب
والسوداويين لممارسة هوايتهم المفضلة
في الاكتئاب والإكئـــاب في نفــس الوقــت..
لو حد سألك مالك؟ متــسيبهوش إلا وهو
متأكد إنك ساقط ساقــط وإن مـــستقبلك
ذهــــب مـــع الريــح بلا رجعــة وإنــك"
مــفــقــود مــفـــقــود مــفــقــود" ياولدي،
ومتقلــقــش.. بــراحـــتك أوي في العياط
لو عايز واللطم كمان مفيش مانع
*******

ثالثاً
لو طبقت القاعدة اللي فاتـــــت باحـــترافية
هتلاقي القاعدة التالتة هلت عليك بفوايدها
، بما انك هتعيش دور المكتـــئب المخنوق
اللي مش طايق نفسه ولا حياته ساعتها
ممكن تتسرب من البيت كل يــــوم باليل
بحجة إنك متضايق ومحـــتاج تـــشـــم
هوا بعيد عن الكتب والبيــت والــمذاكرة
أو ترجع برضو للفايــدة رقـــم واحــد،
عندك أوبشنز كتير.. وهيّص ياعم براحتك..
دي امتحانااااات
*******

رابعاً
وانطلاقا من القاعدة التالتة ممكن تستهلك
حجة إنك مش فاهم حــاجة فـــي المـــادة
وعايز تذاكـــر مع اصـــحــابك، وقتها بقى
ممكن تعــيشـــوا براحتكوا على أي قهوة
أو مـــول، ولــو الأمــور ماتـــظبـــطتش
ابقـــــــوا برروا حكـــاية المـــول دي إن
عنـــــدكــــم مــادة مقـــررة اســـمها علم
الاجـــتمــــاع فـــــــي ظـــروف مواتـــية
للتـــواصـــل مـــع قـــــوى الشعب

*******

خامساً
عندك نت؟.. حلو أوي، الامتحانات بتهيأ لك
الفرصة عشـــان تــستــخـــدم جملة: بجيب
حاجات للمـــادة مـــن علــــى الـــنت
كل ما تحب تقعد عليه اديهـــم الـــجمـــلة
المتينة دى بـــس خلـــي بالـــك لازم تكون
منطقـــي ومــقــنع لأن مفــيــش حد بيقعد
ست سبع ساعات بيجيب في صـــفحـــتين
من الــنـــت، الأهـــالي مبقـــوش طيبـــين
وبـــيصــدقــوا الــحــاجـــات دي زي زمان
للأسف فما تبقاش انت ولامؤاخذه فهمك تقيل
*******

سادساً
الامتــحانــات بتتيــح لــك الــفرصــة تعـــيـــش حــياة
بوهيمـــية خـــالصـــة، ولــمنـــاهضـــي النــضـــافـــة
ممكـــن تـــستـــعبط وتســـيب فـــروتك.. شــعرك يعني
.. زي ماهو من غير حلاقـــة بحجــة إنـــك معنــــدكش
وقـــت تســـرّحـــه والتــــفاهـــات دي، أو تطلق لدقنك
الــــعــنـــان وأهـــو بالـــمــرة بـــتـــدّي مـــنــــظر وقور..
قال يـــعنـــي الـــواد طاحــــن نفســــه فـــي المــذاكــرة
وهـــلكـــان ياحـــبة عينـــي أما لهواة ترييح الجمجمة
ممـكن تروح تـــجيـــب شـــعرك ع الـــزيرو بـــحجـــة
بـــرضـــو إنـــك مـــش فـــاضـــيـــله، بــــكــدة هتوفر
تمن كيــــــــــلو الجـــيل اللـــي بــــتنــقـــع شـــعـــرك
بيه كل مرة وانت نازل الشارع
*******

سابعاً
مخك شغال طول السنة زي النحلة في التفكير
، بمعنى انك بتفكر في كل حاجة إلا الـــدراسة
ولا تقلق خااالص في الامتحانات مش هتلاقي
وقت تهرش أصلاً، يعني لا هتفكر في البت اللي
سابتك ولا الواد صاحــــبك النـــدل، ولا انتي
هتفكري في العريس اللي مبيجيش وعلانة
اللي اتجوزت قبليكي مع انك احلى منها
*******

شـــفــتوا بـــقــى ان انتـــوا اللـــي بتـــتبطروا ع النعمة
وتقــعــدوا تلــــعنـــوا فـــي ايـــام الامتحـــانــات وسنين
الامــــتحـــانـــات و الـــكـــلــية والـــدراســـة والــعيش
والعيشة واللي عايشينها؟.. انا مـــتأكـــد ان مـــوســم
الامتحانات اللي جاي هتحسوا بــقـــيمة امـــتحـــاناتكم
وتقولوا ياريــــت الســــــــنة كــــلــــها امـــتـــحـــانات،
وعــــــلى رأي الــــمـــثـــل الــــلي بيــــقـــول:
بكره تشوف يا ناكر خيرى زمانى من زمان غيرى
.. بكرة اما تتخرجوا او تسيبو الدراسه كلها هتحسوا بالضــــيــــاع والــــوحــــدة

تصدق عندك حق فى كل اللى بتقوله

دى اعراض الامتحانات فعلا

وده اللى بيجيلى اليومين دول وبالذات فى موضوع النوم

انت حاسس بالضياع والوحده ولا ايه ياانجنير

دية اعراض الناس الكسولة وشكلك مجربها

اما الناس المتفوقة الاعراض دية عمرها متقرب نحوها

وكلنا عارفين الكلام دة

منا كسول قوى فى موضوع المذاكره دى بالذات

بس الحمد لله بذاكر وبنجح وماشية وزى الفل

خلاص يا بيوووووووووووووووووووووو

لا تقلق

زى ما مشيت و نجحت قبل كده هتنجح السنه دى

ان شاء الله

....................................................................................

و مها

احنا غلابه لم نكن متفوقين

و لا حريته زيكم

بس ربك كان بيسهل

هو مهما كنت متفوق ولا كسول
هتكره الامتحانات
والمدارس
مهما حصل

وخصوصا لو في مصر

اشمعنى مصر بالذات

ولا هية الامتحانات برة مصر حلوة وجوه مصر وحشة

والله يابيونير بنت سنفا دي عندها حق جداااااااااااااااااااااااااااااااااااااااااااااااااااااااااااااا

عالال بره مش بيحفظوا

سلام

هوة انت فاكر ان برة مصر فى دول الخليج وكده بيفهموا يعنى ......... بيتهيألى لا من غير زعل .

وانت ياخالد أكتر واحد فاهمنى طبعا .

شوفو يا جماعة
الامتحانت في مصر زي ماانا عارفين صعبة..ومن برا المنهج..خصوصا في الثانوية
الدراسة في مصر أسلوبها يعتمد على الترهيب والضرب
وهو ده اللي بيجيب نتيجة

في دول الخليج
الامتحانات غالبا من المنهج..وبتعتمد ع الذكاء
ممنوع الضرب والعنف
بس الامتحانات بتاعت الأيام دي بقت مش م المنهج خالص
يعني مزاكر حاجة وبتمتحن حاجة تانية خاالص

وع العموم
كلامك يا بيونير صح
الناس هناك مبتفهمش
وخصوصا الخليجيين
هناك الغش سهل جدا
بس أنا الحمد لله أبدا عمري ماغشيت
ويفهم كويس

بس التعليم في مصر نتيجته أضمن من دول الخليج اكيد
المناهج مكثفة
والأسلوب صارم

تعرف انت وهو إن المدارس الخاصة في الإمارات مصدر النجاح
الواحد يدخلها من غير ما يذاكر ويضمن النجاح..الفلوس اهم من أي حجة
ا

وياتري انتي بتدرسي ايه بقي

اه عندك حق
فعلا الامتحانات دى مشكله
بس بنت سنفا بتقول ان الامتحانات هناك معتمده على الذكاء
طب قوليلى بقى هتنجحو ازاى هناك مع احترامى ليكى انتى من مصر زى مابتقولى
الباقى بقى ايه نظامهم فى

بيحفظوا المسائل وحلولها

وكمان بيحفظوا اسئله الفهم واجاباتها

مش فاهمة سؤالك يا مهندس أحمد

انا مقصدشى حاجه تسىء ليكى انتى شخصيه
انا اقصد ان الناس دى ماتستهلشى النعمه اللى هى فيها
التعليم فى مصر كويس والمناهج مكثفه والامتحانات فى مصر بيراعى فيها الطالب الضعيف والمتوسط والشاطر
وللاسف اان مصر بتخرج سنويا بالاف من المهندسين والدكاتره مش هقوللك كلهم كويسين بس الغالبيه العظمى كويسين بس للاسف مابيلقيش الشغل اللى كان بيحلم بيه
اما عندكم هنقول المناهج معقوله بس لو مش قادر انجح هشترى النجاح وللاسف بيلاقى الحياه بعد كده كويسه وبيلاقى الشغل اللى هو عايزة حتى ولو مش على قدر كافى من الكفاءه ولو ملقيش الشغل هو اساسا مش محتاجه
وبعدين انتو هناك مش محتاجين لامهندسين ولا دكاتره لان معظم الدول دى بستعين فى شغلها بشركات من بره ممكن تكون مصر منهم والوحيده اللى فى الدول العربيه تنفع انهم يستعينو بها بالاضافه بقى الى الاساسين امريكا واوربا على سبيل المثال البترول بتاع الناس مين بيقوم على شغله طبعا مهندسين اجانب وحفارات اجانب والنسبه المعروفه 49الى 51 دى اللى اعرفها هنا فى مصر زى نظام الخصخصه
عموما هو كلام كبير احنا مالناش دعوة بيه لانه عمرة ماهيتغير

أنا فاهمة كلامك

والناس دي عايشة في نعمة عشان المسؤولين فيها مستغلين النعمة...كويس

أما عندنا..المسؤولين بيلهفو النعم وثرواتها..ومبينفعوش حد بيها إلا نفسهم

ههههههههههههه
موضوع جامد جامد جامد
المهم جزء النت ده انا كنت بطبقة اوى هو والنوم ايام الامتحانات
والا كان حد بيفتح بؤه معايا
بس الحمدلله
واللهى نعمة من ربنا جبت نتيجة كويسة
بس بردو الواحد بيعتمد اكتر على ىالى فاكرة من المحاضرات عن المزاكرة نفسها
يعنى ساعات الدكاترة بيرموا كلمة كده فى النص وهما بيشرحوادى تيجى فى الامتحان
وياسلام على قهرتى اما بكون عارفاها وزمايلى لأه
طبعا مش عشانهم
لا
غضب

المعيدين بيدخلوا يقولو ا الاجابات الى مش موجوده فى الكتاب والدككاترة قلوها على الطاير فى المحاضرة
يالا بأه
لا اله الا الله

الموضوع كان ينفع ايام الثانوى واللهى انا ايه جابنى هنا متأخر