خدعوك فقالو .....

خدعوك فقالو......

ــــ أنّ منتدى الجسر هو منتدى القرية.
بل هو منتدى المشرفين عليه فقط.
والدليل على ذلك..... إذا كتب أحد
الأعضاء شيئاً ليس على هواهم
تجد على الفور الإعتراض من إدارة المنتدى
بل من الممكن أن تُحذف المشاركه.
(مثل المشاركه التى تقرأها الآن)
*****************
خدعوك فقالو......

ــــ أنّ المَبْنى المجاور لمستوصف سنفا
هو مركز شباب القريه.
بل هو كباريه يتكسّب من ورائه مدير النادى
فى الليلة الواحده أكثر من ألف جنيه
ولو مش مصدق ؟ روح شوفه كل خميس
بل كل يومين .
*****************
خدعوك فقالو......

ــــ أنّ الحاج حاتم الدسوقى شعبان
هو الذى أتى بمشروع المجارى للقرية.
بل هو الذى أتى بمشروع تكسير الرصيف
وتخريب الشوارع وتبويظها.
*******************
خدعوك فقالو......

ــــ أنّ أتوبيس لجنة الزكاه (المُسمّى بالعبّارة)
قام بحل مشكلة المواصلات بالقريه.
بل قام بمنع المواصلات لأنه عندما
أتت به لجنة الزّكاه..... قام جميع السائقين بالقريه
بتغيير مسارهم إلى المنصورة والزقازيق ومصر
وغيرها لأن الأتوبيس كان يستولى على كل الركاب.
والآن أوقفو الأتوبيس منذ عدة شهور
ويريدون بيْعه فى مزاد علنى وبرخْص التّراب.
******************
خدعوك فقالو......

ــــ أنّ سنفا بها مجلس محلّى....
بل مجلس مش مخلّى....
لأن رئيسُه مش حاطط فى دماغه.
شايف حرق قش الرز عينى عينك
ولا أكنّه شامم حاجه.
المهم عنده... مزارعه ووجاهته الإجتماعيه
برئاسته للمجلس وللجنة الزكاه.
(الحق يقال:أن له أفعال خيريه كثيرة
لا أستطيع تجاهلها)
*****************
خدعوك فقالو......

ـــ أنّ الإخوان فى سنفا ناس متدينه.
هل المتديّن لا يحب الخير والثواب لغيره؟
هذا هو ما يحدث مع الإخوان فى سنفا.
يتفقون بينهم أن يجتمعوا فى مسجد معين
يصلون العشاء وينتظرون خروج الناس
من المسجد ثم يقومو يصلون التهجد.
هل يضرّهم شيء إذا نبّهو الناس
بعد صلاة العشاء مباشرة بأنّهم
سيصلون التهجد فمن يرغب
فى الصلاة معهم فلينتظر؟.
***********************
خدعوك فقالو......

ـــ أنّ مشروع توزيع العيش أمام المنازل
ريّح الجميع !
بل على العكس قد أتعب الجميع...
لأن العربيه الكار اللّى بتوزع العيش
مابْتسْتناش ولو حتى 3 دقائق !
زى ما يكون الحمار وراه ميعاد
ومعادوش بيزمّرو زى الأول.
فااااا.... يضْطّرْ الواحد مننا يدوّر على العربيه
ولو مالْقهاش يروح الحضانه اللّى عند النقطه
وهناك يقولوله : العربيه لسّه بتلف ومْعاها العيش.
أنّما الفرن.... الواحد بيفضل قاعد جنبه
عارف إن العيش هنا...... مش تايه !
******************
لا أحد فى القرية فوق النقد
******************
ياسلام لو كل واحد فى المنتدى يشارك بأفكاره الشخصيه
وبرؤيته الذاتيه النابعه من داخله......
لا نريد أعضاء يتصفحون المنتديات المجاوره
وينقلون منها المشاركات ليضيفوها فى منتدى الجسر.
أعضاء المنتدى هنا قادرون على إبتكار الجديد.
صحيح هناك مشاركات نحن مُجْبرون على
على جلبها من منتديات أخرى.
******************

التوقيع : أكتب مــا أشعر بــه وأقول مــا أنا مؤمن به.
أنـْـقل هموم غيري بطرح مخـتـلف.
ولــيس بـالضرورة مـا أكـتـبه يـعكس حياتي الشخصية.
هــى فى النهاية .. مـجرد رؤيـه لأفكار
ــــــــــــــــــــــــــــــــــــــــــــــــــــــــ

خدعوك فقالو ..... 27096106yu1

انا متأكد أن من حقك النقد زى أى حد فى المنتدى
لكن اللى أنا مش متأكد منه أن أنت تتعرض لشخصيات بحد ذاتها
ممكن تتعرض لمؤسسات بعينها لكن كله الا الحياه الشخصيه للأفراد

وما أقدرش أنسى اعجابى بالموضوع

ويهمنى أقولك ان أنا كمان اتمنعت من دخول المنتدى لفترة
وكريم عارف كده كويس بدون ان اعلم السبب

يابيه أنا بانقد شخصيات عامه
بالظبط زى ما الكل قال رأيه فى شيوخ سنفا
اللى عاجبه شيخ صوّت له
واللى عاجبه شيخ قعد يمدح فيه
بس ردك ده هيهَيِّج المنتدى عليّا
---------------------

أقولك على حاجه ياستاذ جوكر (مجهول الهوية )

انا شايف ان ده موضوع كويس جدا

بس انا مش معاك فى حاجات كتيرة انت قولتها

انت بتبالغ قوى فى كل الحاجات وانا بستنتج من هذا الكلام انك شخصية معقده جدا
او انك مضايق قوى من الناس دى
او انك مضايق قوى من المنتدى ومن الناس اللى فيه

بس اقولك على حاجه انا بيعجبنى تفكيرك وردودك وبالذات ردك الكاريكتيرى

اما بالنسبة لمنتدى المشرفين اللى انت بتقول عليه

فالمشرفين مبيمسحوش حاجه الا لو كانت تمس شخصية معروفه حتى لا يتم التشهير

أو كانت كلمة بذيئة مينفعش انها تتقال بيننا فى المنتدى .

اما انت بتشهر باسلوب وحش جدا ومبتخذاش بمعنى أصح أكن مفيش حد همك وده يمكن علشان محدش يعرفك دلوقتى بس لو عايزين نعرفك هنعرفك

ياريت تدخل معانا فى الحوار علطول وياريت اشوفك علطول فى الحوار اللى بيننا ولكن اتمنى ان اراك باسلوب محترم لا ينحاز لرأيه فقط ولكن يعترف بالرأى والرأى الاخر ولا ينظر للأمور من وجهة نظره فقط

اما بالنسبة لمركز الشباب فانا شايف انه مش كبارية ولا حاجه موصلش لدرجة كباريه وانا شايف انه شئ كويس ان يكون عندنا فى البلد قاعة أفراح زى اللى فى مركز الشباب

اما بالنسبة لبقية الاشياء اللى انت قولتها فانت يمكن يكون عندك حق فى الل قولته ولكنك لا تستطيع ان تغير كل من حولك

بالنسبة لموضوع العيش فانا شايف انه حل ازمة اكبر من الازمة الموجودة بكتيييييييييييير

اتمنى من ردك ثانية ان يكون مهذب أكثر من ذلك ولا تتعرض لشخصيات معروفه

أخيرا
أتمنى وجودك بيننا ثانية ومشكووووووووووووووووووووووووووووووووووووور

هههههههههههه
حلوة
بدل خدعوك فقالو بتاع مصطفى حسني
خدعوك فقالو بتاع الجوكر

اخي الجوكر
الموضوع جريء وعجبني جداااا
شكرا لك
مع غن في بعض الأفكار مبالغ فيها

مصطفى حسنى مين ؟
الداعيه الإسلامى ولاّ حد تانى
على العموم أنا ماعرفشى إنه عامل حاجه إسمها خدعوك فقالو
لكن والله أنا ما نقلت حاجه من مكان تانى زى ناس تانيه
علشان كده مساهماتى قليله جدا ده بخلاف فترة الطرد

اخيرا ظهرت تانى يا استاذ جوكر

والله كنت عاوز اعمل موضوع

انتا فين ياجوكر

انتا كل ما تدخل المنتدى بتعمل لة حيوية ونشاط

غير دة كلة انتا اسلوبك جذاب

واسلوب راقى جداااااااااااااا

ودة يدل على ان انتا شخصية محترمة

واحسن حاجة ان محدش عارفك على المنتدى

ولعلمك ياجوكر اصحابى كانو بيحسبونى ان انا الاستاذ جوكر

والله وحشتنا ياجوكر

انتا اسلوبك راقى وجذاب فى تعبيرك وانا

اتفق معاك فى موضوع خدعونا فقالوا

الموضوع جميل
فكرته هايله
اسلوبه بليغ
لهجته حاده
اراءه مبالغ فيها
لغته عنيفه
عيبه التشخيص

شكرا ليك

والله يا خلود :
إنت اللى
ردك جميل .
بالرغم إنى ما أحبش أمدح فى حد
وشكرا جدا لنائب الجماعه على محاولة عمل مشاركة تسأل فيها عن غيابى
وأتمنى أن أعلم عن الجماعة تفاصيل أكثر لعلكم تقبلونى عضوا فيها

الجماعه تتمنى ان الاستاذ جوكر يكون عضو

فى الجماعه لان افكارة تناسب افكارنا

مشعارف لية ياجوكر

انا حاسس انك خريج كلية تربية قسم لغة عربية

لان اسلوبك فى الكتابة فى غاية الروعه

ورئيس الجماعه نفسة يتعرف بحضرتك

لو حضرتك عاوز تتعرف بالجماعه

الجماعه بكاملها بتكون

على طريق عزبة حسن عبدالله

من بعد صلاة العشاء

بجوار معلف ابودية

بنتناقش فى حورات جريئة

ونتمنى ان تشرفنا

ولعلمك بيكون فية قصب

وقاعدة زى الفل

انا فى الاول بحييك على شجاعتك فى كتابه الموضوع ده
لانك انتا بتمثل ارائنا وافكارنا اللى احنا عايزين نقولها
انتا رائع جدا فى اختيار الفاظك وتعبيراتك
انتا عارف انتا قولت مواضيع كويسه جدا انا كان نفسى اطرحا من زمان
صدقنى بجد انا مارجعتش الا اما لاقيت موضوعك الجميل ده
شجعنمى وخلانى متحمس جدا لكتابه مواضيع والرد على موضيع هادفه زى دى كدا
بس عجبانى الفقره بتاع الاخوان المسلمين
فعلاغ مادام هيصلوا ياريت يقولوا للناس يمكن حد يصلى فعلا وبكدا يبقوا خدوا ثواب
الصلاه وثواب دعائهم للصلاه
بس انتا فى افكار كتيره عند الاخوان المسلمين ياريت تظهرها
وتوضحها علشان حتى ام يقروا الموضوع يعرفوا اخطائهم او تجاوزتهم
بم انك انتا شخصيه مش معروفه
انا ممكن ابعتلك المواضيع ومشاكل البلد
علشان نحلها سوا ونطرحها على المنتدى

ونخلى فى نقاش يقوم على تصليح اوضاعنا فى القريه
واوضاعنا كمسلمين
وياريت اللى خايف يروووح

انا بمد لك ايدى فى اظهار مشاكل البلد ودورنا فى حل هذه المشاكل ودا بعد تعاون وبرتوكول متفق عليه بيننا
هذه رساله مسجله من رئيس الجماعه من فضلك قرائتها والرد عليها

حلوة هذه رسالة مسجله .............. سيبله انت ميسد كول على المنتدى

مع انى يااحمد مش شايف ان الموضوع هادف خالص

مش لازم ان احنا نقعد نشتم فى الناس ونظهر عيوبهم قدام الكل ونفضحهم يبقى بنعمل مواضيع هادفه

الكلام مش على الاخوان ....... الكلام على اى احد

وبعدين عايز تصلح وتغير بجد ..... ابدأبتغييير نفسك ومن حواليك أولا

وبعدين ابقى فكر تغير الناس التانية

بس يكون التغيير للأفضل طبعا مش للأسوأ زى مابنشوف

مش قصدي منقول
قصدي نفس الاسم
وقصدي مصطفى الداعية
ربنا يوفقك

وأنا قصدى : حتى العنوان ( خدعوك فقالو )

نائب الجماعه كتب:: الجماعه تتمنى ان الاستاذ جوكر يكون عضو

فى الجماعه لان افكارة تناسب افكارنا

مشعارف لية ياجوكر

انا حاسس انك خريج كلية تربية قسم لغة عربية

لان اسلوبك فى الكتابة فى غاية الروعه

ورئيس الجماعه نفسة يتعرف بحضرتك

لو حضرتك عاوز تتعرف بالجماعه

الجماعه بكاملها بتكون

على طريق عزبة حسن عبدالله

من بعد صلاة العشاء

بجوار معلف ابودية

بنتناقش فى حورات جريئة

ونتمنى ان تشرفنا

ولعلمك بيكون فية قصب

وقاعدة زى الفل

-------------------------------------------

شكراً على الرد ولكن :
أولاً : أنا خطر ببالى ممكن يكون سِنّكم أكبر من سنّى .
أو أكون أنا أكبر منكم سنّاً .
ثانياً : والله أنا مش فاضى معظم الوقت وبالذات بالليل
(مايْغرَّكْش إن أنا بادخل الجسر كتير)
لكن عملى يفرض عليّ هذا .

[[color=blue]font=Arial]أنا خريج حاجه قريبه من اللى إنت ذكرته[/font][/color][/color]

والله عارف ياعم جوكر انت خريج ايه

وانت عارف انى عايزك فى المنتدى ................... بس اهدى شوية ياجوكر ياحبيب قلبى

انا عارفك طول عمرك متعصب قوى لرأيك وأهلاوى صميم ...

على فكره أنا بحبك موووووووووووووووت يا بيونير
لكن مش أنا اللى فى بالك

لا والله وانت ايه اللى عرفك اللى فى بالى

بس برده عارفك قوى والله

ياعم الحج دى عشرة عمر ........... ولا ايه

آآآآآآآآآآآآآآآآآآآآآآآآآآآآآآآآآآآه
كلمة عشرة عمر دى
بتخلينى أشك إنك فعلا عارف

لا متشكش

اتأكد انى انا عارفك كويس قوى زى مانا عارف اسمى كده............ حبيبى يااستاذ جوكر والله

ااقولك بأمارة ايه

بامارة انك بتحب ام كلثوم

مش عايز أقول أكتر من كده

يابن الإييييييييييييييييييييه
لأ سيبنا زى ما حنا بقى وخلاص
ماشى .
وإلا أخلينى زى ما كنت
وإنت ما ترضاش كده ......صح ؟

صح

ماشى ياعمنا خلينا زى ماحنا ولا أكن اى حاجه حصلت.......... فى بيييييييير

إدينى أمارة أخرى
بس تخلينى أتأكد منها فعلا إنك عارف

انا عايز أقولك أمارة بحيث ان محدش يعرفك غيرى

خد ياسيدى

رامى العزازى بيسلم عليك

بجد والله ؟
سلم لى عليه قوى والنبى يا يبيونييييييييييييييييييييييير
ده وحشنى جداً .
بس أنا عايز أمارة شديدة
ما يفهمهاش حد ألا أنا وإنت