صارحنا ب 3 عيوب فيك ، وخليك شجاع . . .

السلام عليكم ورحمة الله وبركاته

الموضوع ده عجبنى وقولت انقله ليكم

ما هى عيوبك؟

طبعاً مفيش أنسان كامل ومفهوش عيوب

أظن أعترافك بعيوبك هو

أول خطوه لاصلاحها

فمين اول واحد هيضحى ويقول عيوبه؟

عيوبى ليست ثلاثة ولكنها ثلاثين
اولها ان احببت شخص ضحيت بكل شىء
وان كرهت شخص ضحيت بكل شىء
وساذكر باقى عيوبى لاحقا

على فكرة يااحمد انا مش شجاع خالص فى الحاجات دى

حساس شويه
كسووووووووووووووووووووووووووووووووووووول
مبتعلمش

والله على الرغم من إن كريم بيخاف يذكر عيوبه عشان حاله مايقفش ويعنز فى البيت
إلا أننى سأذكر ما أعرفه من عيوبى وهى :

حساس جدا جدا جدا

أقل كلمه بتفرق معايا

ممكن أخش شمال فى أى حد زعلنى من أول مره معامله معاه على الرغم من أنه قد يكون صلحب شخصيه طيبه

أنا عارف ان كريم هيرد الآن ويقولى ده انت حاجه خانقه قوى ياخى ... كل دى عيوب

ماشى ياكريم عموما الله يسامحك

ياأحمد انا محبش ان حد يعرف عيوبى لانى انا بصلحها اليومين دول عند الميكانيكى

لما تتصلح هبقى أقولك عليها

وبعدين أقولك انت حساس ................. ياحبيبى

كل إنسان به عيوب .
منها ما هو ظاهرى ومنها ما هو باطنى أو داخلى
والإنسان بطبعه لا يريد الآخرين أن يعلمو عيوبه
لأنه سيشعر بالحرج من أقرانه بمعرفتها .
ولكن الإنسان الذى يريد فعلاً الإصلاح من عيوبه يكون فى حاجه لمن يرشده
(إن لم يعلم هو) عن كيفية إصلاحها وفى الوقت نفسه لايريد من سيرشده أن يعلم عيوبه .
كيف ذلك ؟ هذه هى الطبيعه البشريه .
_________________
أنا مش شايف إن الكيميست قال عيوبه
لأن العيب اللى قاله ظاهرى .
نحن نريد العيوب الباطنيه التى لا يشعر بها ولا يحس بها أحد إلا هو نفسه .
لأن العيب الذى ذكره كيميست أستطيع ملامسته والإحساس به بمجرد زعله .
----------------------------
أنا عن نفسى عندى عيوب داخليه
ولكن لا أشجع فكرة ذكرها فى المنتدى.
وأنا أشجع وأحييى بيونير على عدم ذكرها.
ولكن : من يتشجع ويذكر عيوبه هنا يذكر العيوب الباطنيه لأن العيوب الظاهريه نحن جميعا نلمسها من المعامله مع بعضنا.
----------------------------

بصراحه أنا مش فاهم العيوب الباطنيه اللى حضرتك بتتكلم عنها
ممكن توضيح بمثال لو سمحت

أما ياكركر :
فأنا لما كتبت الموضوع ده فى المنتدى فغرضى أعرف الشىء اللى ممكن يزعل أى شخص فأراعيه فى المعامله معاه

أوك وشكرا ع المرور

وتعرفه ليه ياحشرى خليك فى نفسك ياحبيبى ........ لحسن انت عارف انا ممكن أعمل ايه

يااااااااااااااااااااااه كتير
مثلاً :
الحسد
الحقد
النميمه
الكراهية
وغيرها كتييييييييييير
دى صفات لا يستطيع أحد أن يحسها تجاهك

مش عارف بيونير بيرد على مين شديد كده
لجوكر أم لكيميست
حدد علشان يعرف يرد

لكيمست ياعم جوكر

وبعدين انا برد عليه كده من عشمى هوة عارف انه حبيبى. واحنا طبعا بنهرج مع بعض

واخد بالى والله
بس أنا قصدى علشان الشخص المقصود يرد.
يمكن عايز يهرج معاك زى مانت بتهرج معاه

عادى ........... احمد يهرج معايا براحته خالص ..... متحاولش توقع انت بس

فين الكاريكتير بتاعك؟

فى موضوعى بس
إلا إذا كان الموقف يستدعى

أولا :
أنا وكريم أصحاب فوق العاده يعنى مهما يحصل بينا ع المنتدى ما حدش يفتكر اننا زعلانين
أو ممكن فى يوم من الأيام نزعل من بعض
وده لأن كريم شخصيه جميله جدا يشرف أى حد التعرف عليها

وبعدين ايه حشرى دى ياعم كريم
هو عشان أنا عديت لك شويه هتاخد عليها
لا كده غلط ع الزلط
ههههههههههههههههههههههههههههههه

أما بالنسبه للأخ جوكر

فالصفات اللى حضرتك بتتكلم عليها دى
فأى إنسان يقدر يستشفها بسهوله جدا عن طريق ملاحظه كلام الشخصيه أو المقصود منه

يا كيمسيست أنا قصدى العيوب التى لا أستطيع أن أستشفها من الشخص
مثلا الغيبه والنميمه
ممكن شخص يغتابك وطبعا هخيكون من وراك....... يعنى مانتاش شايفه

انا متأكد من مثل أعرفه كويس وهو
ان الكدب مالوش رجلين
يعنى إن حلف ليك ان بيحبك ومن الناحيه التانيه شغال من عليك من ورا ظهرك
فإنت مسيرك هاتعرف والله

يسلام على الكلام الجامد ده يابو حميد ..... انا مقدرش على كده ...........

هاخد على كده

حبيبى والله يابو حميد

تصدق اللى عجبنى فى الموضوع كله هو رد كريم
انه بيصلح عيبوبه عند الميكانيكى الان
وانا بقوله ربنا يوفق الراجل بتاع اللحام علشان انت مش اول مرة تروح

ايه ياد الخفة دى كلها حاسب على نفسك لتطير ولا حاجه

وبعدين طب انا بحاول أصلح عيوبى

انت بقى بتعمل ايه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

أنا حساسة جدا جدا لدرجة إني بعيط لما بقطع البصل
غيورة جدا جدا
بسامح بسهووولة..مهما حد غلط في..إلا إني بسعد لما بيصالحني..ولو غلط أسامح كمان
مبتعلمش من التجارب بسرعة..يعني عاوزة صدمة عشان أتعلم من الدنيا
أحيانا أنا كتومة ..
وكمان بغضب بسرعة.مع إني بحاول

على فكرة دى طابع مواليد شهر 8 .............. ؟

PIONEER كتب:: على فكرة دى طابع مواليد شهر 8 .............. ؟

يا سلااااااااااا
م
أنا صحيح مولودة في شهر 8
بس مش كل اللي مولودين في 8صفاتهم كده
بس شكرا ع المعلومة الحولة دي

لا بجد والله دى صفات برج الاسد