ايه رأيكم نعمل حصر لسنه 2008 وياترى نتمنى ايه فى 2009 ... .

أنا فى الاول أحترت فى عنوان الموضوع ده
لكن بدون تطويل

ايه رأيكم لو كل واحد عمل حصر شخصى لسنه 2008
يعنى مثلا ايه أجمل حدث مر عليه فى السنه دى ( إتخرجت ، خطبت أو أى حدث انت بتعتبره مهم جدا فى حياتك ) ؟؟

وعلى الجانب الآخر ايه أصعب حدث مر عليك السنه دى وياترى انت تقبلته أو اتعاملت معاه ازاى ؟؟؟

وياترى انت بتتمنى ايه فى 2009 وبتوعد أهلك واللى حواليك بيه ؟؟
حتى لو اللى هتتمناه ده هيكون رغبه من شخص آخر ؟؟؟؟؟؟؟؟؟؟؟؟؟؟؟

مش عارفة أحدد غيه يعني الحدث اللي مر علي

مفيش حدث مفرح إلا إني نزلت مصر
ومفيش حدث محزن إلا إني بعدت عنها

لسة الأحزان موصلتش لي

ومع إني لم أستطع المساهمة في موضوعك يشكل حقيقي
إلا إني أسجل إعجابي الشديدي بالفكرة الخاصة بالموضوع
رغم أنني تمنيتها ان تكون عن السنة الهجرية

وجزاك الله الف خير

تعرف إن النهاردة دخلت علينا في الصف وحدة أجنبية قالتلنا(هابي جريس مس)يعني سنة ميلادية سعيدة..كل البنات اتغاظو..لإن هم جايبين عندنا اجانب يعلمونا ولا يزرعو فينا ثقافتهم؟!..ردينا عليها بدل منقولها (هابي جرس مس)قلنالها (سنة هجرية سعيدة)طبعا هي مفهمتش بس ضحكت ومشيت

Exclamation

ههههههههههههههههههههههههههههههههه

عموما ربنا يعينك على الغربه وترجعى لسنفا بالسلامه

أما بالنسبه لى فسنه 2008 بالتأكيد سنه لن تنسى وده لأكتر من سبب منها الآتى :
أولا أنا اتخرجت من علوم المنصوره فى مايو 2008
ثانيا : أنا أخدت تأجيل من الخدمه العسكريه فى نوفمبر 2008

وده من رأيى سبب كافى إنى أكون مبسوط لحد ما من 2008

أما لو إتكلمت عن الجانب الأصعب
فأنا هقول
إن فى 2008 كل شباب سنفا افتقدوا واحد من زهره شبابها وهو كان واحد من الشخصيات المحترمه فى البلده وكان بيدرس فى الأزهر (أعتقد إن الكل عرفه الآن )
رحمه الله
اللهم آ ميـــــــــــــــــــــــــن
وده كان من أهم الأحداث اللى أثرت فينا كلنا

وعن 2009 إن شاء الله :
فأتمنى إن ربنا يكرمنى وأحسن علاقتى مع ربنا أكتر وأكتر لأن كلنا مقصرين مع ربنا
وأتمنى إن أقدر أخدم أهلى وأحسسهم إنهم زرعوا وده وقت الحصاد
وأتمنى إن ربنا يكرمنى بالعمل فى المكان اللى أحبه وأقدرانتج فيه
وعلى مستوى المنتدى:
فأنا أتمنى إن كل الأعضاء الموجودين عليه يساهموا ويشتركوا فيه
ولا يكتفوا فقط بمجرد الإستمتاع بالقراءه لأنى متأكد إن رأيهم هيفرق كتير (يد الله مع الجماعه )
وبلاش أنانيه فى المواضيع عبر برأيك وناقشتا فيه

أما على المستوى العام :
فيارب يارب كل اللى أعرفهم واللى معرفهمش ربنا يكرمهم ويحققوا كل اللى نفسهم فيه
اللهم آميـــــــــــــــــــــــــــــــــــــــــــــــن

مين ده يا احمد اللى افتقدناه ياريت تقولى عليه فى رساله خاصه انت عارف انا مش فى البلد ومش عارف مين حى ومين ميت

يسلا عليك يا أحمد والله .. ايه يابنى الحكمه اللى انت فيها دى ...........

أول مرة أشوفك كده ............................ ههههه

المهم ...........

أحسن حاجه حصلتلى فى 2008

بصراحه حصلتلى حاجات كتير حلوة ....................... مش هقدر أقولهم كلهم طبعا .

أوحش حاجه حصلتلى بقى فى 2008

بردو مش عارف

المهم ان فى 2009 أتمنى ان مصر كلها تتغير وتبقى أحسن من كده

وسنفا كمان تتغير للأحسن طبعا

وموضوع جامد يابو حميد

يا كركر باشا
لما إنت مش عارف انت عايز تقول ايه ليه من البدايه بترد

لما تعرف يا ضنايا ابقى تعالا واكتب الحصر بتاعك

ربنا يوفقنا جميعا

انا اتمنى في 2009 إن ربنا ينولني اللي أنا عاوزاه ويرحم الجميع ويغفر لنا كلنا..ويوفقني في الدراسة..ويشفي جدتي..وأشوف الكل فرحان وسعيد

آآآآآآآآآمين

ماشى يابو حميد بتحسسنى ان احنا فى امتحان .

مش كفاية الامتحانات اللى احنا فيها

هيبقى انت والزمن .

لا عاش ولا كان يا عم كريم اللى يمتحنك
وربنا يعينك ع الإمتحانات انت واللى زيك قادر ياكريم
هههههههههههههههههههههههههههههههه

بس انت يا كريم ما قولتش لينا برده اللى احنا عايزينه

وربنا يوفق الجميع ويحقق ليك أمانيك يا "بنت سنفا"
ا

والله يابو حميد انا قولت اللى أعرفه

معرفش أقول أكتر من كده وده بس علشان مينفعش أقول أكتر من كده.

2008

كانت سنة جميلة

اخى الكبير تزوج فى هذا العام

وحاصلت على بكالوريوس تجارة فى هذا العام

اما من ناحية السؤ

ففى هذة السنة توفى اعز الاصدقاء

مع صراع فترة طويلة مع المرض

اسئلكم الفاتحة والدعاء لة

وربنا يرزقة بالفردوس الاعلى

امين يارب العالمين

اما 2007

كان عام السؤ والشؤم

فى كل حاجة

اما 2009

اتمنى ان صلاح الدين الايوبى الجديد يظهر فى هذا العام

يارب علشان نحرر الاقصى

يارب فى 2009

كل المسلمين يصلو فى القدس

ونأكل زيتون فلسطين

أمين يارب

بس صعبه علاء الدين يظهر تانى يانائب وبالذات اليومين دول

هى حلويات ياابو الكرم

اسمة صلاح الدين

يارب يظهر تانى

معلش يانائب والله مكنتش مركز امتحانات بقى ......

على فكره كلام كريم واضح جدا بس الحدق اللى يفهم ولا ايه ياكركر
هههههههههههههههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههه
ههههههههههههههههههههههه
ههههههههههههههه
ههههههه
ههه
هه

والله فاهم يا حازم

وبلاش سخرية فى التعليق

انا عمرى ما فكرت ازعل واحد عزيز عليا

بس انتا كدة بتسخر منى

انتا ياحازم بتحسسنى ان انا بمفهمش

عادى مفيش مشكلة

احنا فى الاول والاخر اخوات

حضرتك يامحمد لو عاوز تدافع عن

كريم

كريم صحبى زى ماهو صحبك

بس انا بتغاشم علية شوية

هو فاهم

وربنا يعينة فى الامتحانات

ويحصل على البكالوريوس

بااعلى التقديرات

ربنا يوفقة

امين يارب

ربنا يوفق كل واحد فى امتحانات

ياسعد اوعى تزعل منه ده محمد بيهظر والله

وانا عارف والله ياسعد انك حبيبى

سلامى