COMING SOON .. .. المفتش كرومبو فى سنفا :

انا سمعت إنهم هيهدو الجسر بتاع الدرهم..وهيردمو الترع اللي مقابل البحر عشان يتوسع الطريق وهيرصفو الطريق اللي معرفش اسمه بس هو اللي بعد الكوبري يمين

والله يابنت سنفا محد عارف الحقيقة

هما عملو اساس شديد لكوبرى الدرهم

ولسة شوية لحد ما ينتهى

وحجرو الدرهم لحد اخر بيت الحاج حاتم

هى دية اخر اخبار الكوبرى

وكل الانتى سمعتية كان اشاعات

لان كوبرى الدرهم كان بيقع

ولازم كان يتهد

هى دية الحقيقة

أخبار كرومبو بدأت تشتغل ياجماعه

الله ينور عليكو

شكرا للتوضيح يا نائب الجماعة
ربنا يجزيك خير

طب اخبار مستشفى الحكمة اللي أنا سمعتهم بيتكلمو عنها في حفل تكريم اوائل الثانوية العامة في سنفا
هو ده كلام وبس
ولا هيعملو بجد
هل بدأوو في العمل بها
وهل الموظفين اللي فيها هيكونو كوادر سنفاوية شبابية؟

مستشفى الحكمه بسنفا
احد اهم مشروعات مؤسسه مرمر الجوهرى الخيريه
والحمد لله بدأ العمل فى تجهيز المستشفى بالفعل
والخطوه القادمه بإذن الله هاتكون الإجهزه الطبيه بمجرد انهاء التشطيبات الصحيه
ياريت الناس ما يحرموناش من
دعواتهم لهذه المستشفى بالإكتمال
لأنها فعلا يا جماعه هتخدم وهتسعف ناس كتيير فى البلد

أما كوادر المستشفى وده أنا بعتبره أهم جزء فيها
فهم أناس على قمة الإحترام من إداره او أطباء
والأجمل فى القائمين على هذا العمل هو أنهم شباب ربنا يكرمهم ويزيدهم من أعمال الخير

اللهم آمييييييييين

شكرا يا كيمست للتوضيح

ربنا يجعل المستشفى ده خير للجميع
آمين

طب اخبار مستشفى الحكمة اللي أنا سمعتهم بيتكلمو عنها في حفل تكريم اوائل الثانوية العامة في سنفا
هو ده كلام و بس

تم حذف هذا الجزء من المساهمه من قبل المدير لانه يتعرض لاحد اعضاء المنتدى دون داعى حتى لو باسلوب محترم زى اسلوبك

الف مبروك لكوبرى الدرهم

تم تشطيب كبرى الدرهم هذا اليوم وقد تم فتح المياة

الى المزارعين

وانا سامع كمان انهم هينشئو كوبرى كبير بدل الكوبرى القديم

قريباا باذن الله

مع الاحتفاظ بالكوبرى القديم

الا ان يتم انشائة

ثم يتم ازالة الكوبرى القديم

بعد انشاء الجديد حتى لا تتعطل مصالح البلاد المجاورة

الصقر كتب:: طب اخبار مستشفى الحكمة اللي أنا سمعتهم بيتكلمو عنها في حفل تكريم اوائل الثانوية العامة في سنفا
هو ده كلام و بس

تم حذف هذا الجزء من المساهمه من قبل المدير لانه يتعرض لاحد اعضاء المنتدى دون داعى حتى لو باسلوب محترم زى اسلوبك

ماشي
أنا عرفت بالحرف انت كتبت إيه

أنا عايشة في الإمارات
ونزلت سنفا في الإجازة
وحضرت حفل التكريم للأوائل لإن كانت قريبتي من الأوائل

فهمت
وأكيد يشرفني أعيش في إمارة من إمارات سنفا الغالية
بس الظروووف
وأنا مش مضطرة أكذب عشان أوضح إني عايشة في بلد تانية

فهمت يا ...صقر؟؟

من الصقر الى المدير
الحمد للله انه يوجد من يحمى المنتدى ولكنى والله لم اقصد اهانة او تعرض لاى عضو ولكننى قصدت انه جزء funny يعنى احدى حلقات كرمبو

إذا كده يا صقر
يبقى اللي مفروض يتقال هو
ههههههههههههههههههههههه

معلش

من الصقر الى بنت سنفا
لقد ارسلت اليكى نسخة من الذى تم نشره على صفحة النتدى حتى لو تم حذفه حتى تتمكنى من قراته كى توضحى هذه النقطة
كما اننى لم اقصد الاهانة ويعلم الله ذلك
ولكننى قصدت ان هذا المقطع سيكون احدى حلقات كرمبو يعنى جزءfunny
اى اننى لم اقصد اى اهانة

من ينت سنفا إلى الصقر

تم استلام الرسالة والرد عليها
وخلي كرومبو ييجي ويشوف بقى عشان يحقق
ماهو مقبوض عليه من الجماعة

ههههههههههههههه

شكرا يا صقر جزيلا

المدير موجود ياجدعان ....................... ازغرط