رحله البحث عن التمثيل المشرف لسنفا فى مجلس الشعب

بما ان هذا العام هو اول حضور لمنتدانا المتواضع فى هذه المعركه الانتخابيه الشرسه على منصب كعضويه مجلس الشعب والتى على وشك الانطلاق .. قررت ان يكون لهذا المنتدى الصغير دور فى اختيار ممثلنا فى المجلس وان يكون لنا رأى وحضور وتأثير وان يكون هذا المنتدى مسرح لكشف الحقائق والملابسات والتلاعب الذى يحدث دائما وابدا فى مثل هذه المعارك .. يعنى على عينك ياتاجر
طبعا الموضوع ده هيكون هو الموضوع الوحيد اللى هيتناول الانتخابات القادمه وياريت اللى عنده راى فى الموضوع ده يكتبه فيه علشان ميحصلش تشتيت
وارجو ان اى حد يكتب اى كلام هنا يكون حيادى وموضوعى يعنى بلاش تجريح وتعصب وياريت الكلام يكون له هدف وغايه يعنى تاييد او نقد بناء
طبعا الانتخابات لسه عليها بدرى بس الدعايه على وشك الانطلاق وانا عملت الموضوع ده دلوقت علشان نبدء نكتب افكارنا واراءنا وصدقونى اى كلمه بتتكتب هنا بتوصلهم وبيعرفوها وبيهتمو بيها وانا بقول الكلام ده لانى لمست منهم اهتمام بأراء الناس الموجوده على المنتدى علشان كده عايز افكار شباب بلدنا واراءهم الحلوه والجريئه

بعد فتره هيتم الاعلان عن اسامى المرشحين للانتخابات بعد التاكد من ترشيح انفسهم وهنبدأ عمليه التصويت و هيكون ان شاء الله ترشيح يعبر عن رغبه اهل البلدو بعيد عن الانحياز

يسلام عليك ياأيمن والله

موضوع ممتاز

ولما الأسماء تنزل ياريت تعمل استفتاء كمان ونتوقع من خلالها النتائج القريبه

ويــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــارب التغيير

ازيك يادكتور بصراحه الموضوع اللى انت طرحته على المنتدى موضوع جميل ويستحق فعلا الردود من كل اعضاء المنتدى
اى نعم احنا نعمل اللى علينا والباقى على الحكومه واكيد انتم فاهمين
بصراحه انا نفسى اللى يدخل المجلس يكون من ابناء البلد لسبب بسيط هو هيكون اكتر واحد عارف بحال البلد
واتمنى انه يكون بيتابع الموضوع اللى احنا طرحناه على المنتدى
يعنى مثلا هيكون عارف بمطالبنا وهى كلها مطالب لصالح البلد
انا هطرح بعد المشاريع البسيطه واتمنى انها توصلهم
تنظيف البحر عن طريق تحجير البحر من الناحيتين
رصف الشوارع
اناره الطرق بالكشافات زات الاحجام الكبيره
تشجير الطرق الرئيسيه

الله عليك يادكتور

بس مفيش انتخبات فى البلد

واول واحد اعلن عن نفسة

المحاسب رضا حسن الدسوقى

واتمنى ان يكون واحد عمال وواحد فئات

فقط فى قرية سنفا

شكرا يا حضرة المدير
ربنا يوفقك

عوده حميده يادكتور ايمن موضوع جامد والله بس انا اريد ان اعلق على رأى العضو اللى اسمه ENG. AHMED
العضو ده ملوش اى مشاركات معانا فى المنتدى بيدخل ويقترح مواضيع ليه انا فهمه عايز البحر يتحجر علشان يعرف يضرب سلطه ويستحمه فى البحر بس بعينه لو البحر التحجر
عايز يرصف الشوارع علشان يعرف يجرى بالعجله بتعته ويعمل امريكانى زى اللى بيعمله على مزلقان الجامع الكبير بس مش هيحصل
عايز ينور الطرق علشان نظره ضعيف متخرجش من البت من بعد المغرب
عايزيشجر الطرق علشان الشجر يبقى قدام بيتك مش هيحصل يابوعسل
دور على مدخل تانى تدخل منه
كما اطالب بعدم السماع لطلبات العضو المرتزق والله ولى التوفيق
الله-الوطن- الجميع

الله عليك يابو حازم
ايه ده انا كنت مفكرك ذو عقليه كبيرة تشارك معايا فعلافى تقديم هذه الطلبات بصفه رسميه
مش انا يابو حازم اللى اطلب مطالب لمصالح شخصيه
لا يابو لسان طويل
لايابو لسان طويل
انا عارف انك واخد الموضوع بهزار بس اعمل ايه اذا كان انت اخرك كده
احنا نحاول البناء وانت تهدم
روح يا شيخ ربنا ينتقم منك ولا يجعلك عونا صالحا ابدا

العمليه قلبت هزار
فتح الله عليكم

هههههههههههههههههههههههههههههه

والله عنده حق ياعم الاخ محمد حازم

كل دى طلبات انت عايزها ليه يعنى وايه السبب من ورا ده

شكرا يابو حازم انك نورتنا وعلى العموم برده لازم نعمل حساب للناس اللى زيه يعنى الراجل نظره ضعيف نعمل ايه .......... مش واجب علينا ننورله الطريق

ولا حتى الراجل عايز يعمل أمريكانى بالعجله بتاعته .ز مش المفروض نرصفله الشوارع علشان الأمريكانى ييجى صح

على العموم خلينا فى الموضوع أحسن ....

انا من رأيى ان أى حد عنده معلومات عن مين هما الناس اللى هتترشح من البلد يعرفها لنا

ومشكووورين

ههههههههههههههههههه

انا سمعت إنهم هيهدو الجسر بتاع الدرهم..وهيردمو الترع اللي مقابل البحر عشان يتوسع الطريق وهيرصفو الطريق اللي معرفش اسمه بس هو اللي بعد الكوبري يمين

وأمنيات المهندس أحمد نفس أمنياتي
يا رب يعملوها

طب أنا عندي سؤال
دلوقتي مستشفى الحكمة اللي هيعملوها هيكون العاملين والأطباء فيها من كوادر سنفاوية ولا إيه؟؟لو من سنفا هيوفرو فرص عمل أكتر للشباب..بس شباب الأيام دي ملهمش أمان..ممكن تكون بطنك بتوجعك ويقولك خد المرهم ده ادهن رجلك بيه!!

يأخ يلى اسمك بنت سنفا شكلك عارف كال حاجه عن سنفا وعايش فى حارة بساره وسلملى على دبى
ههههههههههههههههههههههههههههههههههههههههههههههه

انا مش اخ
انا اخت
بجد أنا بنت
ثانيا
أكيد انا من سنفا
امال اشتركت هنا ليه؟؟
وعارفة حاجات كتير عنها
أخيرا
انا مش عايشة في دبي
بسسلامك هيوصل لما أروحها

محدش جاوب على سؤالي
دلوقتي مستشفى الحكمة اللي هيعملوها هيكون العاملين والأطباء فيها من كوادر سنفاوية ولا إيه؟؟لو من سنفا هيوفرو فرص عمل أكتر للشباب..بس شباب الأيام دي ملهمش أمان..ممكن تكون بطنك بتوجعك ويقولك خد المرهم ده ادهن رجلك بيه!!

ليه كده يابنت سنفا

اووعي تشككي في الكوادر السنفاويه
خاصه الطبيه منها

وانا ارشح الاستاذ نصر شرف الدين والدكتور محمد زارع

خالدامين كتب:: ليه كده يابنت سنفا

اووعي تشككي في الكوادر السنفاويه
خاصه الطبيه منها

وانا ارشح الاستاذ نصر شرف الدين والدكتور محمد زارع

أنا رأيى من رأى خالد أ / نصر راجل محترم لكن هو فعلا ناوى يترشح ؟

خالدامين كتب:: ليه كده يابنت سنفا

اووعي تشككي في الكوادر السنفاويه
خاصه الطبيه منها

وانا ارشح الاستاذ نصر شرف الدين والدكتور محمد زارع

أنا مش قصدي تشكيك ولا حاجة
قصدي على لجيل ده
وبعدين مجرد هزار والله

تعالى ندرس المو ضوع
اولا حصر العائلات بسنفا
الاشخاص المميزين من كل عائلة
اختيار الامثل منهم
اختيار الصالح الذى يمكن ان يمثل البلد
عمل الاستفتاء

أحب أضيف حاجه من غير ما حد يزعل

مش لازم يكون اللى هيترشح ده من عيلة كبيرة وكده

لا خالص

أهم حاجه انه يكون راجل محترم يخاف على البلد دى مش يكون همه أول حاجه انه .......!!!!!!!!!!1

يعنى واحد بيصرف الوفات وملايين على حملته الانتخابية عايزه بعد ما ينجح يعمل ايه ؟

مع العلم ان مرتب عضو ملس الشعب لا يتعدى ال 10000 ج

انا اريد ان نفكر باسلوب علمى بمعنى \ ممكن يكون فى انسان غير ظاهر لما نعمل حصر يظهر لنا كل الاسماء ويكون الاختيار\ انا عايز كل العائلات كبيرة ام صغيرة هو فى واحد مش من عائلة |اولا \اسماء العائلات بسنفا \ثانيا\اسماء المميزين فى كل عائلة \ ثالثا\الاستفتاء على اربعة ثم الاستفتاء على واحد ثم يطلب منه التر شيح

والله فكر كويس جدا يشير الى شخصية ذو تفكير متميز

ولكن كيف نطبقه فى الواقع ؟

الموضوع الخاص بترشيح عضو من قريتنا لعضوية مجلس الشعب موضوع كبير جدا ومحتاج مجهود كبير جدا ولايصح ان يؤخذ بهزار ونحن الان قريبون منه وخاصة من شباب مثقف واعد من ابناء القرية نأمل ان يكونوا قادة لها وبعدين لازم نقسم اى موضوع لاجزاء حتى نعرف كيف نتعامل مع الموضوع

بسم الله الرحمن الرحي

لقد سبق الزملاء بالمنتدى وتحدثوا عن العضو المطلوب ترشيحه لانتخابات مجلس الشعب ان يكون من القرية حتى يتثنى له طرح المشاريع الخاصة بالقرية و كذلك انارة و رصف الطرقات و تنظيف البحر و تحجيره وتشجير الطرقات
وتكلموا عن حصر العائلات واختيار الاصلح منهم
كل ذلك جميل ولكن يجب الاخذ فى الحسبان الاتى
انه يجب وضع شروط للعضو الذى نريده ان يمثل القرية مش نختار العضو ونوفق عليه الشروط واذا لم نجد من تنطبق عليه الشروط فلا داعى ان يترشح احد من القرية اصلح ونختار من ينطبق عليه الشروط و نلتف جميعا حوله من قرية من القرى المجاورة ولا يشتهر عننا اننا اصحاب مصالح شخصية حتى تصبح بلدى مؤثرة ويعرف الجميع قدر البلد و كذلك جميع الاعضاء المرشحة قيمة البلد وما لها من تأثير فى العملية الانتخابية وحتى عندما نطلب اى طلب يلبى وبسرعة للقرية ويجب ان تعرفوا ايها الزملاء ان قريتنا تمتلك ما يقرب من 10000 صوت

اما اذا وجد عضو من البلد فيجب ان نقف وراه بشرط ان تنطبق عليه الشروط واذا وجد اثنان نفاضل بينهم ونختار الافضل واذا تساوى الاثنين تشكل لجنة من عائلات البلد (3 من عائلة) ثم يختاروا واحد منهم على اسس منطقية

ايها الزملاء بلدنا تمتلك 10000 صوت يجب ان يقفوا جميعا خلف عضو واحد سواء من داخل البلد او من خارجها ولا داعى للمصالح الشخصية مثل قبض الفلوس لتشتيت اصوات البلد لصالح عضو مرشح وشرذمة من حثالة القرية وتفقد
قريتنا قوتها وتأثيرها فى العملية الانتخابية ولانقدر على طلب اى طلب من العضوالناجح لصالح قريتنا

نداء الى شباب قريتنا انتم امل القرية استحلفكم بالله لاتبيعوا اصواتكم بالمال ولا تعطوا اصواتكم الا لمن يستحقهاو وان تكونوا يدا واحدة خلف عضو واحد حتى تصبح بلدنا قوية ولها تأثيرها فى العملية الانتخابية

كما ارجو من الزملاء الدخول للمنتدى ووضع الشروط التى يريدوها فى العضو المرشح من القرية او من خارجها

اما عن الشروط التى اريدها فى العضو المرشح من قريتنا فهى
1-ان يكون ابواه من سنفا
2-ان يكون مقيما فى سنفا
3-ان يكون سبق واشترك فى الاعمال الخدمية من قبل
4- ان يكون خدم اهالى القرية قبل ذلك
5-ان يكون امينا
6-لا يشترط ان يكون غنيا او فقيرا
7-ان يكون محبوبا وذو شعبية
8-ان يكون على خلق
9-ان يكون مثقفا سواء كان فئات او عمال

لا بجد كلام جميل جدا

بس مش احنا (أعضاء المنتدى) اللى هنرفض ونقول ده ينفع وده مينفعش

اللى عايز يترشح يترشح واللى مش عايز يترشح يخليه

كل اللى نقدر نعمله هنا فى المنتدى ان احنا كأعضاء المنتدى ننقل وجهة نظر أعضاء المنتدى اللى هما الشباب المتعلم المثقف الى أهل البد والى العضو نفسه اللى ناوى يترشح بكل حيادية تامة من غير تعصب

يعنى مثلا انا عرفت ان مفيش عضو واحد من البلد اللى ناوى يترشح والى هوة المحاسب رضا الدسوقى شعبان؟

فياريت حد قريب منه ويعرف أخباره يقولنا هلى الشروط دى تنطبق عليه ولا لا

ومن خلاله نقول (انا هروح ارشحه علشان انا شايف انه يقدر يغير من حال البلد)

وياريت نهتم بالموضوع ده ياجماعه لانه بجد فعلا أكبر أداة فعاله فى التغيير ..... وشكرا

من الصقر الى PIONEER

اشكرك على رايك

[ولكن يجب ان نكون مؤثرين اكثر من ذلك و صدقنى انت من تجعل نفسك مؤثر فى من حولك وانت من تجعل نفسك غير مؤثر انت من تجعل الاخرين ينتظروا رأيك او يتجاهلوا رأيك واظن ان رأيى وأيك ورأى اعضاء المنتدى كفيل ان يؤثر فى البلد وانه اذا اخترنا نحن اعضاء المنتدى من يمثلنا فى الانتخابات على شروط يجب وضعها على المنتدى و من تنطبق عليه الشروط نقف جميعا ورائه سوف يؤثر فى رأى الناس بالقرية ويجعلهم يقفوا ورائه

تخيل انه فى كل بيت من بيوت القرية عضو بالمنتدى يحب بلده سيفعل هذا الذى نتكلم عنه ويقف وراء هذا العضو الذى نؤيده ويقنع اهله بأن هذا العضو هو المناسب وينتخبوه
بالتأكيد سينجح هذا العضو او سنكون عملنا شىء جيد و هو اننا اصبحنا مؤثرين ولنا راى وظهر للجميع
صديقك الصقر

» من يمثل سنفا فى مجلس الشعب
» اجمل صوره لسنفا ..لو السؤال سنفا ..تبقى الاجابة ايه؟؟؟؟؟
» اختار من يمثل سنفا فى مجلس الشعب عن مقعد العمال والفلاحين
» صور المشرف والاعضاء
» شروق ويرليس يعنى نت لاسيلكى