الحب قبل الزواج

بسم الله الرحمن الرحيم

أثبتت الدراسات فشل أكثر الزيجات المبنية على علاقة حبٍّ مسبق بين الرجل والمرأة ، بينما نجحت أكثر الزيجات التي لم تُبْنَ على تلك العلاقة المحرمة في الغالب ، والتي يسميها الناس "الزواج التقليدي" .
ففي دراسة ميدانية لأستاذ الاجتماع الفرنسي سول جور دون كانت النتيجة :
"الزواج يحقق نجاحاً أكبر إذا لم يكن طرفاه قد وقعا في الحب قبل الزواج".
وفي دراسة أخرى لأستاذ الاجتماع إسماعيل عبد الباري على 1500 أسرة كانت النتيجة أن أكثر من 75 % من حالات الزواج عن حب انتهت بالطلاق ، بينما كانت تلك النسبة أقل من 5% في الزيجات التقليدية – يعني : التي لم تكن عن حبٍّ سابق .
ويمكن ذكر أهم الأسباب التي تؤدي إلى هذه النتيجة :

1- الاندفاع العاطفي يعمي عن رؤية العيوب ومواجهتها ، كما قيل : "وعين الرضا عن كل عيب كليلة" . وقد يكون في أحد الطرفين أو كلاهما من العيوب ما يجعله غير مناسب للطرف آخر ، وإنما تظهر تلك العيوب بعد الزواج .

2- العاشقان يظنان أن الحياة رحلة حب لا نهاية لها ، ولذلك نراهم لا يتحدثان إلا عن الحب والأحلام .. إلخ ، أما المشكلات الحياتية وطرق مواجهتها ، فلا نصيب لها من حديثهم ، ويتحطم هذا الظن بعد الزواج ، حيث يصطدمان بمشكلات الحياة ومسؤولياتها .

3- العاشقان لم يعتادا على الحوار والمناقشة وإنما اعتادا على التضحية والتنازل عن الرغبة ، إرضاءً للطرف الآخر ، بل كثيراً ما يحصل بينهما خلاف لأن كل طرف منهما يريد أن يتنازل هو ليرضي الطرف الآخر ! بينما يكون الأمر على عكس ذلك بعد الزواج ، وكثيراً ما تنتهي مناقشاتهم بمشكلة ، لأن كل واحد منهما اعتاد على موافقة الطرف الآخر على رأيه من غير نقاش .

4- الصورة التي يظهر بها كل واحد من العشيقين للآخرليست هي صورته الحقيقية ، فالرفق واللين والتفاني لإرضاء الآخر .. هي الصورة التي يحاول كل واحد من الطرفين إظهارها في فترة ما يسمى بـ "الحب" ، ولا يستطيع الاستمرار على هذه الصورة طول حياته ، فتظهر صورته الحقيقية بعد الزواج ، وتظهر معها المشكلات.

5- فترة الحب مبنية غالباً على الأحلام والمبالغات التي لا تتناسب مع الواقع بعد الزواج . فالعاشق يَعِدها بأنه سيأتي لها بقطعة من القمر ، ولن يرضى إلا أن تكون أسعد إنسانة في الدنيا كلها .. إلخ . وفي المقابل .. هي ستعيش معه في غرفة واحدة ، وعلى الأرض وليس لها أية طلبات أو رغبات ما دامت قد فازت به هو ، وأن ذلك يكفيها !! كما قال قائلهم على لسان أحد العاشقين : "عش العصفورة يكفينا" ، و "لقمة صغيرة تكفينا" و "أطعمني جبنة وزيتونة" !!! وهذا كلام عاطفي مبالغ فيه . ولذلك سرعان ما ينساه الطرفان أو يتناسياه بعد الزواج ، فالمرأة تشتكي من بُخل زوجها ، وعدم تلبيته لرغباتها ، والزوج يتأفف من كثرة الطلبات والنفقات .

فلهذه الأسباب - وغيرها - لا نعجب إذا صرّح كل واحد من الطرفين بعد الزواج بأنه خُدِع ، وأنه تعجل , ويندم الرجل على أنه لم يتزوج فلانة التي أشار بها عليه أبوه ، وتندم المرأة على أنها لم تتزوج بفلان الذي وافق أهلها عليها ، غير أنهم ردوه تحقيقاً لرغبتها !
فتكون النتيجة تلك النسبة العالية جداً من نِسب الطلاق لزيجات كان يظن أهلها أنهم سيكونون مثالاً لأسعد الزيجات في الدنيا !!!

وهذه الأسباب السابق ذكرها أسباب حسية ظاهرة ، يشهد الواقع بصحتها ، إلا أننا ينبغي ألا نُهمل السبب الرئيس لفشل تلك الزيجات ، وهو أنها أقيمت على معصية الله – فالإسلام لا يمكن أن يقرّ تلك العلاقة الآثمة ، ولو كانت بهدف الزواج - ، فكان العقاب الرباني العادل لأهلها بالمرصاد . قال الله تعالى : ( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً ) طـه/124 . المعيشة الضيقة المؤلمة نتيجة لمعصية الله والإعراض عن وحيه .
وقال تعالى :
( وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالأَرْضِ ) الأعراف/96 ، فالبركة من الله جزاء على الإيمان والتقوى ، فإذا عدم الإيمان والتقوى أو قلّ ، قلّت البركة أو انعدمت .

وقال الله تعالى : ( مَنْ عَمِلَ صَالِحاً مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ ) النحل/97
، فالحياة الطيبة ثمرة الإيمان والعمل الصالح .
وصدق الله العظيم إذ يقول :
( أَفَمَنْ أَسَّسَ بُنْيَانَهُ عَلَى تَقْوَى مِنَ اللَّهِ وَرِضْوَانٍ خَيْرٌ أَمْ مَنْ أَسَّسَ بُنْيَانَهُ عَلَى شَفَا جُرُفٍ هَارٍ ...بُنْيَانَهُ عَلَى شَفَا جُرُفٍ هَارٍ فَانْهَارَ بِهِ فِي نَارِ جَهَنَّمَ _ وَاللَّهُ لا يَهْدِي الْقَوْمَ الظَّالِمِينَ) التوبة/109 .
فعلى من كان زواجه على هذا الأساس المحرم أن يسارع بالتوبة والاستغفار ، ويستأنف حياة صالحة قوامها الإيمان والتقوى والعمل الصالح .

مارأيكم فيما طرحت ومن المؤيد والغير مؤيد أنتظر درود الكل حتى يكون لنقاش ثمره؟؟
منقووووووووووول

مشكور افريكانو بس الموضوع ده انا فاكر ان احنا اتكلمنا فيه قبل كده

انا اتفق واختلف وهقول رايي بعدين

بس بجد شكرا

وفينك ياعم

موضوع حلو
وأنا أتفق معاه طبعا قلبا وقالبا
وربنا يثبتتنا جميعا
المهم
فى بس مشكله
ازاى قبل الجواز سيادتك هتمنع نفسك لو شفت بنت جميله ومتدينه وحسب ونسب وطيبة واخلاق
انك متحبهاش وتكون هتموت عليها
ولو يا سيدى وخلاص حبيتها
واتقدمت لها
واهلها وافقوا
والحمدلله كله تمام واتجوزتوا
مش ده بردو هيكون جواز عن حب
والا ايه رأيك
مع السلامه

مش عارف أرد وأقول ايه بس ياأفريكانو

بس انا بعتبر دى وجهة نظرك أو وجهة نظر الناس اللى بتقول الكلام ده

بس انا مش معاها خالص

أستأذنك ياأفريكانو فى انى عملت التصويت ده ونشوف أراء الناس

موضوع ممتاز

والله والله والله كلامك ميه ميه وانت راجل جدع

انا متفق مع موضوعك يا افريكانو

الزواج التقليدى

انا رايي ان الحب هو عباره حاجه لسد فراغ نفسى وعاطفى او نقص علشان كده الانسان بيحتاج لانسان يملئ ها الفراغ وبيستسلم لاول شخص يمكنه ملئ ها الفراغ متغاضيا عن عيوبه

الفراغ النفسى بيكون نتيجه لعدم وجود اهداف للانسان وعدم وجود طموحات واحلام بيسعى لتحقيقها يعنى بالعربى واحد قاعد فى بيتهم مفيش وراه شغله ولا مشغله

بس انا مؤمن بالحب المبنى على العقل يعنى الواحد بيشوف واحده مثلا بيلاقى فيها المواصفات اللى هو كان راسمها مسبقـــــــا للانسانه اللى هتكون مراته مستقبلا وفى الغالب اول خطوه فى الحب ده بتكون الخطوبه متخطيا خطوه السرمحه واللف والفسح والفرفشه

هههههههههههههههههههههههههههه

والله جامد بس ياريت تع.........................به

يا بيونييييييير اعتقد ان الزواج التقليدى هو هو زواج الصالونات
يعنى لو انا غلط قولى وقولى كمان ايه الفرق

انا رايي ان الحب هو عباره حاجه لسد فراغ نفسى وعاطفى او نقص علشان كده الانسان بيحتاج لانسان يملئ ها الفراغ وبيستسلم لاول شخص يمكنه ملئ ها الفراغ متغاضيا عن عيوبه

اوكى
لو جينا للنقطة دى يا مدير
هنيجى لنقطة تانيه هتندرج تحتها
ساعات الموضوع ده بيقلب بجد
وواحد بيحب التانى بجد
او حتى الاتنين بيحبوا بعض بجد عشان كده ملوش لازمة من الاول وممكن يقرا القرايه هتسد الفرغ النفسى والعاطفى

بس انا مؤمن بالحب المبنى على العقل يعنى الواحد بيشوف واحده مثلا بيلاقى فيها المواصفات اللى هو كان راسمها مسبقـــــــا للانسانه اللى هتكون مراته مستقبلا وفى الغالب اول خطوه فى الحب ده بتكون الخطوبه متخطيا خطوه السرمحه واللف والفسح والفرفشه

ماشى معاك فى الموضوع ده
بس ماهو نفس الشخص
ممكن يكون قبل كده قلبه اتعلق بواحده لسد الفراغ النفسى والعاطفى ده
والا ايه
بس بردو من غير سرمحة وحلوة الكلمه دى على فكرة
دليل على غضبك الشديد من الى موجود دلوقتى
مودتى
لا اله الا الله

أنا من مؤيدي الحب الواقعي
مش الهيامي

الواقعي اللي هو تلاقي اللي انت كنت راسمه في بالك قبل كده
اللي انت كان نفسك فيه
ولقيته
أيوه لقيته
كل واحد بتكون في باله مواصفات الشريك الحياتي
ولما يلاقيه اكيد هيحبه
الخطوة اللي بعد كده هتيجي حسب العقلية
ممكن عقلية مراهقة
تفكر فيه هو وانه ازاي يتأكد من حب الحبيب ليه
وازاي تبرهن حبك ليه
وممكن عقلية مفكرة
زي اتخاذ القرار بوقت الخطوبة والاستعداد عشان يقبلوك

في الحالتين أعتقد هييجي حب ناجح
الحب العقلي انجح
لإنه يجمع بين الهوى والعقل
بين القلب والفكر

الحب المراهق ممكن يكون حب مؤقت

والحب المفاجئ
اللي هو بيتسمى حب من اول نظرة
يعجبك الشكل مبدئيا ثم الصفات ده ممكن كمان يكون مؤقت

وكلام المدير ممتاز
لإن غالبا الحب بيكون ناتج عن فراغ عاطفي
محتاج تغيير
اهلك مش معاك
حاسس إن محدش بيحبك

واكيد كلنا مراهقين وممكن نمر بتجارب
تفشل وتنجح

بس الزواج لازم لازم يكون مبني ع العقل قبل القلب
لإن دي شراكة في الحياه..ومحتاجة تفكير وموازنة

وفي حب غباء
ليه انواع كتيرة
زي الخداع والكذب
وزي حب المنتديات
وزي المعاكسة ثم الحب
وزي الصياعة

حب الغباء ده زي ماقلت غباء
لإن غالبا بيكون مبني على الشكل فقط..في حالة الصياعة والمعاكسة والخداع
او مبني على الشخصية فقط من دون معرفة الشكل
زي حب المنتديات اللي بيكون اكيد فاشل لإن كل واحد بيحاول يحسن شخصيته في المنتديات و زي كده

ده رأيي
والحب العقلي احسن نوع

والسلام عليكم

روح من نور كتب:: موضوع حلو
وأنا أتفق معاه طبعا قلبا وقالبا
وربنا يثبتتنا جميعا
المهم
فى بس مشكله
ازاى قبل الجواز سيادتك هتمنع نفسك لو شفت بنت جميله ومتدينه وحسب ونسب وطيبة واخلاق
انك متحبهاش وتكون هتموت عليها
ولو يا سيدى وخلاص حبيتها
واتقدمت لها
واهلها وافقوا
والحمدلله كله تمام واتجوزتوا
مش ده بردو هيكون جواز عن حب
والا ايه رأيك

أنا مش معاك أو معاكى فى رأيك إللى إنتى بتقوليه ده يبقى إسمه
إعجاب مش حب ممكن أخطب واحده بمجرد إنى معجب بشخصيتها وبتدينها وبمظهرها الحسن
أوكي مش هيبقى حب غير بعد الخطوبة أو الزواج وكده يبقى رأيك مش تمام
وبعدين أنا بأيد رأى المدير فى
ان الحب هو عباره عن حاجه لسد فراغ نفسى وعاطفى او نقص
علشان كده الانسان بيحتاج لانسان يملئ ها الفراغ وبيستسلم لاول
شخص يمكنه ملئ ها الفراغ متغاضيا عن عيوبه

ماشى اوكى
انا معاك والمدير كمان
بس زنبه ايه الانسان الى هيملا فراغى ده لو حبنى انى اسيبه بعد كده
لا
بجد مينفعش اصلا ان يكون فى حاجة لسد الفراغ
هو الواحد يرجع للدين
بس ازاى وامتى

طبعا موجود

بس الى يعمل

دمتم جميعا بود
لا اله الا الله

فينك افريكانو

حبيب عمرى

انتا عامل اية

اتمنى ان تكون بصحة جيدة

اولا الى العضوة روح من نور

بيتهيألى والله أعلم ان زواج الصالونات البنت فيه بتعرض فيه نفسها للزواج والراجل بيختار الزوجة المناسبة ليه وهية بتشوف اذا كان مناسب ليها

اما الزواج التقليدى الست بتقعد فى البيت لحد ما يجيلها الزوج المناسب

بيتهيألى

ولو ليكى رأى تانى ممكن تعرفهولى .......... وممكن نمسح الاختيار ده خالص

عامة انا مش مع اللى بيقول ان الحب سد لفراغ

ومش لازم الحب يعنى اللى فى دماغكو انا الولد يكلم البنت قبل ما يخطبها ويروح وييجى معاها

لا انا مش قصدى الحب ده

بيتهيألى الحب ده حاجه متتقالش

ميعرفهاش غير اللى يحسها

الرسول نفسه ياجماعه كان بيحب زوجاته جدا وكان بيخص الحب ده بالسيده عائشه رضى الله عنها

ميجيش كل واحد يعمل نفسه فصيح ويقولك ده كلام فاضى ....... تحط علامة تعجب علطول !!!!!!!!!

بيونير
شكرا على رأسك
وبصراحة انا اقتنعت بيه تماما
وكمان
بصؤاحة بأه اقنعتنى بكلامك كله وفعلا الحب الحقيقى مش لسد فراغ ومش هيعرفه غير الى حسه بجد
انا معاك
انا قبل كده كنت بحس بردو ان مينفعش حب وكده قبل الجواز
بس انت فعلا رايك حلو بصراحة

اقنعتنى جدا
دمت بود
لا اله الا الله

رأيك
اقصد رأيك مش رأسك
اتكتبت غلط
سلام

بيونير
رايك فعلا رائع ماشاء الله
فعلا
الحب مش هو اللي كل الناس فاكراه
الحب لازم في الوجود
الحب لازم يكون فينا عشان نقدر نعيش
حب الأهل
حب الأصحاب
حب الدين
حب الله
حب الرسول
كل حاجة لازم فيها حب

مش بس العاطفة بين الرجل والمراة

انا اوافق ان الحب قبل الزواج هو اعجاب ولو وصل لدرجة الحب فهو لم بصرح به ومش لازم الحب يعنى اللى فى دماغكو انا الولد يكلم البنت قبل ما يخطبها ويروح وييجى معاها
صح كدا ولذلك انما اوافق على الزواج التقليدى كما ان الله سبحانه وتعالى ذكر فى القرآن الكريم الزوج الصالح قائلا"ولا متخذى أخدان"وهذا قبل الزواج وذكر ايضا عن الزوجة الصالحة قائلا"ولا متخذات أخدان" اى اصحاب او ادقاء يا جماعة الحل واضح واعتقد انه لا يحتاج الى استفتاء مع احترامى الشديد لناشر الاستفتاء والحل هو الرجوع لدينا نشوف دينا بيقول ايه ونفذه وجزاكم الله خيرا على الموضوع

ياريت تبحثي وتنقل لنا راي الدين يا مهاجره

شكرا للاجتهاد

شكلك متدينه على فكرة
ومتدينه جامد
وبعدين ماهى قالت رأى الدين يا خالد اهو
" ولا متخذات اخدان"
ايه

هو كده تمام

بس بردو يا جماعة واللهى الموضوع مش مشكله ومشكله فى نفس الوقت

مش مشكله لاننا عندنا صراط مستقيم المفروض نمشى عليه

بس لو حد حب يعنى يعمل اييه؟؟

دمتم جميعا بود

لا اله الا الله

يا رب إن كان حب الفتاة للفتى حراما فجنبني إياه واغنني عن الحاجة له
وإن كان حلالا فقني شره ويسر طريقي

والله ياجماعه انا لما عملت الاستفتاء كنت عايز أعرف الناس بتفكر ازاى

ومشكوووووووووورة لردك يامهاجرة

والله مافى حاجه اسمها حب دية كلها اوهام احنا اللى بنحت نفسنا فيها

الناس بتفضل تدور على الحب طول العمر مش مهم قبل اوبعد الجواز المهم انك تلقيه فعلا بشرط ان يكون صادقا وبرىء