اشطه عليكوا
ثالثا:احنا كنا صغيرين وكنا بنجري ونلعب ونمشي وبننام في الاخر طبعا..كان فيه ناس بتنام بالليل وناس بتنام بالشطه واللمون
المهم............يمكن انا مش عارف لازمته ايه الكلام اللي فوق بس اهو اي عبط في اي اتجاه
نفتكر كلنا طبعها الماثورات الشعبيه لقريه سنفا والتي ما ان نسمعها حتي نتذكر مواقف كانت تحدث فيها هذه الماثورات<اقصدها طبعا ماثورات لفظيه> فتثير فين الشجن واتلحنين والحاجات دي بتاعه الماضي.........مش كده والا ايه
ام هند................
هنبدا باول مأثور..........
1_سلطااااااااااااااان يا ملح سلطاااااااااااااااااااان<الملح السلطااااااااااااااااااااان>
كنا بنسمع الجمله دي زمااااان وكتن الراجل معاه عربيه بحمارمهدود حيل امه وعلي العربيه تلات شكاير ملح واحده مقفوله والتانيه هتخلص اهي والتالت لسه مفتوحه.........وكان يتميز هذا الملح بالصفه القالبيه اي انه في شكل قوالب تقوم انت بعد ذلك بتكسير هذه القوالب بواسطه معول او قدوم وفي وجود ايد الهون وقد تلجا في احيان قليله الي اقرب سمكري او حداد وذلك في حاله الملح الجيد
كان كيلو الملح بببريزه بيضه من اللي عليها النسر
2_حديد قديم زهر قديم مواعين قديمه للبيع
كنا برده بنسمع الكلمه دي غالبا من عيل صغير يطوف في الحواري والازقه واخر علي عربه كارو ولكنه يتميز بانه يهتف في ماعرفنا بعد ذلك انهم يسمونه ميكروفون وفي اوقات الشغل وعدم الجعجعه بهذه الجمله يقوم بتشغيل بعد الاغاني العاطفيه مثل اغنيه الست لما
كانت العربه من النوع الطويل وفي اخرها حوالي خمس شكاير مربوطين في بعض لاحتواء المخزون
كان هذا الرجل يشتري كل ماهو قديم من حديد وزهر وبلاستيك وقزايز زيت وصاج وخلافه ولو راجل عجوز ميضرش اهو قديم برده
وكان يشتري الكيلو بريال..........ولكنه احيانا يبالغ البائعون في المبلغ المراد بصوره خياليه وكبيره جدا فيطلبون ربع جنيه في الكيلو وهو ما كان يرفضه الرجل في استماته فهذا الكار لايقبل الشكك او الاستغلال ..........كما يقول رواد هذا الكار...وينتج عن تضاد الافكار هذا خناقه ما يعلم بيها الا ربنا وويك ويك<صويت نسوان حضرتك> ولاتنتهي هذه الخناقه الا بصاحب العربه يرزع واحده نسوانه بحديده في دماغها والا حاجه فيتعظ الجميع وينتصر لرايه في النهايه
3_معانا البط المسكوفي والبط البكيني وبط اسمر والسمار نص الجمال يا صبيه عالعربيه
راجل دمه زي العسل كان كل يوم بجمله وتكاد هذه الجمله ان تكون هي الاكثر استخداما في قاموس مفرداته
كان بيمشي بعربيه نص نقل عليه كام قفص كبير كده وفيها بط وفراخ وحاجات كتير كده
ويتمتع هذا الرجل بشعبيه جارفه فاول مايدخل شارع تتدفق عليه جميع المربيات<مربيات الطيور بالطبع|> وذلك لخفه دمه وتهاوده في البيع والشراء والا سعار وان كان يبيع بما يريد في الاخر
يجلب هذا الرجل معه الجلبه في كل الشارع ولكنها جلبه من الضحك والتهريج
كان بيبيع الفرخ الصغير ببريزه
4_لوووووووووووز يا ترمييييييييييييييييييييييييس
سيده ضئيله الحجم نوعا مبتسمه ابتسامه طيبه ويظهر عليها اثر الزمن
تسير في البلد بطبق بلاستك كبير من الترمس وكوب صغير من الالومنيوم وغطاء حله وقطعه قماشه
تبيع الترمس والذي كان مقصدا للاطفال واحيانا الكبار ايضا
لا اعلم اين زهبت هذه السيده فانا لم ارها منذ زمن
كانت بتبيع القرطاش بشلن واحيانا يكون القرطاس كبير شويه وببريزه
5_التنرمس ازاتناو
كلمه اسمعها دوما من هذه السيده ولكني لم استطع من فك طلاسمها الا مؤخرا حتي اكتشفت انها تقولها بالانجليزي علي اعتبار ان الترمس اسمه ترمس بالانجليزيtermis is at now
مالهاش تفسير غير كده وان كان فيه حد كان بيفهم الكلمه يقولي عليها
كانت هذه السيده لا تختلف كثيره عن السيده السابقه سوي انها ممتلئه قليلا ولاتتحرك كثيرا في البلد وكانت تجلس عن محل الحاج عبده خطاب
كانت تبيع القرطاس بشلن
6_تخبيطه بغطا حله علي جردل الومنيوم
دي مش كلمه لكنها صوت يصدر من هذا التخبيط يسمعه القاصي والداني فيعرف انه نداء لللترمس
صاحب هذا الترمس هو بائع الترمس الاشهر في سنفا>عم حسن<
كان رجل ضئيل الجسم اسمر البشره لين الجانبيبدو عليه اثر الزمن بشده
كان يبيع قرطاس الترمس بلن وببريزه وكانت القراطيس معده مسبقا وكان ترمس عم حسن زو نكهه ورائحه مميزين ...الترمس الوحيد اللي له ريحه
7_الجيلاااااااااااااااااااااااااااااااااااااااااااااااااااااتي
هي عربه لا اعرف كيف تسمي ولكن لمن لا يراها هي عربه اشبه بالصندوق تدفعها عجله يركبها صاحب العربه ومرسوم عليها صور كرتون وغيره
في غالب الامر كان من يركبها اشبه بدبور 
زو ملابس بسيطه ويسمع اغاني غريبه جدا جدا غالبا هي مواويل وقصص مثل قصهمروان خدوه الحراميه وقالوله مالك ياعنيه هنعيشك عيشه هنيه ونجيبلك اختك يامروان كان الجيلاتي بشلن وببريزه وفيه كوبايه بربع جنيه
8_زمااااااااااااااااااااااااااره 
كان راجل بيزمر بزماره كان يركب دراجه وفي مقدمتها مجموعه من الاسياخ معلق عليها مايشبه البالونات وبهاالحلاوه الشعر او ما يسمي غزل البنات
كان رجلا يشبه كثيرا بائع الجيلاتي وما يفسر العلاقعه بينهم اختفائهم في نفس زات الوقت الذي ظهرت فيه هوجه الايس كريم والملبس
كتن يبيع الكيس بشلن وهناك لاولاد الزوات كيس ببريزه
كان يعجب العيال الصغيره جدااااااااااااااااااااااااااااااااااااااااااااااااااااااااااااااا
9_رنه جرز زززززززززززززززززززززززززززززززززززززز
عربه صغيره بها قدرتان من الفول احداهم مغطاه دائما او كان يبيع بها بليله والاخري للفول
شاب وطفل الطفل يتجول بالجرز بين الازقه والشاب يبيع الفول
الفول زي مانت عاوز بربع او بنص او حتي بجنيييييييييييييييييييييييييييييييييييييه
بس كان فول زي العسل
بيقولوا كان بيعمله بميه المشروع
10_زباااااااااااااااااااااااااااااااااااااااااااااااااااااااااااااااااااااله زباااااااااااااااااااااااااااااااااااله وبعدين زماره
دي مش شتيمه بس همه والله العظيم كانوا بيقولوا كدا او بيقولوا لانهم لسه بيعدوا في البلد
الصبح بدري خمس انفار منهم اللي سايق الجرار واخرين علي المقطوره يستلمون الزباله والاخر يمشي وراء الجرار لكي يناولهم الزباله واخر احتياطي
هم ينظفون الشوارع الاوله من البلد ويوسخون <لامؤاخذه> الشوارع الاخري اذ انه بعد فتره تمتلئ المقطوره بالزباله لحد ما تبدأ تقع من عليها وتكون اشبه بالجبل فتقع في الشوارع الاخيره من الجوله وتوديها في داهيه
11_العييييييييييييييييييييييييييييييييييييييييييييييش زماره
بتوع العيش البلدي الابيض والمستحدثين منذ فتره ليست ببعيده
ثلاثه رجاله يصرفون العيش حسب كروت مع الناس لكل خمس انفار في الاسره بنص جنيه عيش........زهو كدا
12_العيش الصابح والبقصماااااااااااااااااااااااااااااااااااااات
عربه نصف نقل يركبها رجلان ويبيعون العيش والبقصماط والقرص ومنتجات الدقيق كلها والفينو
كان عيشهم بجد صابح وفرريش وطازه وطعمه جميل بجد.......زالله يرحمهم سمعت انهم عملوا حادثه
13_..................................
الراجل ده مكانش بيعمل اي حاجه تدل عليه .....هو يااما تشوفه يامتشوفوش وكان بيبيع الملبس والحلويات الصغيره للاطفال
الراجل ده كان من دماص
وتقريبا انا عرفت السر في انه مكانش بيعمل صوت.هو تقريبا كان اخرس ومعندوش زماره ومش مخلف
14_....................................
برده الناس دي مكانوش بيعملوا اي صوت
بس كانت شغلتهم مختلفه تماما لانهم كانوا معاهم عربيه صغيره من الحديد وزات شكل مميز ويجرها حصان
وكان معاهم جرادل شكلها وحش قوي وبحبل طويييييييييييييييييييييييييييييل
مش هقول اي كلام تاني عن الناس دي غير انها من دماص ومن زمان خالص الكلام ده
15_اادي الحمام وصلوا عالنبي .شوف بعينك وصلي عالنبي عند المعلم......والدبيح بكره الصبح
شاب يرتدي جلباب في الغالب ويسحب بقره بحبل ويتكلم بصوت عالي بهذه الجمله كي يعرف الناس انها ستدبح في الغد
نهج سنفاوي مستحدث لم يعرف مصدره
ونهايه هذا قاموس لمصطلحات تقابلك في سنفا وقد تربكك اذا كنت ممن يزوروها لااول مره او كنت مغتربا عنها فتره طويله ولم تحضر هذه الحوادث التاريخيه
سلاام عليكم
سلطااااااااااااااااااااااااااااااااااااااااااااااااااااااهههههههههههههههههههههههههههههههههههههههههههههههههاااااااااااااااااااااااااااااااان
موضوع: ماثورات سنفاويه...قاموس سنفاوي رهيب لمواقف ومصطلحات شعبيه سنفاويه تهم كل مغترب 
الأحد يناير 25, 2009 7:30 pm
