.!! حَلِّلُ شَخْصِيّةُ الأسْبوعِ !!..

بيونير

غنى بـــافكار يــانعه

شكرا يابو عسل على كلامك والله

عايز اقولك طلب لولبى

هههههه
ايه يا بيونير
انت المنتدى كله عندك فى الشقه والا ايه
واللهى
بص
انا مش عارفاك كويس
بس شكلك انسان محترم
طيب
راجل
كويس
هاه
ايه رايك

بيونير فى سطور
1_ عايش ايام الستينات
2_لابس نظاره
3_دماغة مليانه افكار وحشه
4_بيلعب عندى فيفا
5_بس طيب قوى والادهى من كده انى بموت فيه والله بحبه
لدرجة انى اتصلت عليه الساعة 2 باليل عشان اسمع صوته
6_ صاحبى وده فى حد ذاته لقب وشهاده عليا 7_ صاحب صاحبه جدا
7_ وحشنى ونفسى ااقعد معاه زى زمان

تانى حاجة رذا على المدير اللى متقبلش كلامى
انا مبحبش ازوق كلامى ومنيش من النوع اللى بينافق حد
وانتا اكتر واحد عارف كده
لا يابو لسان طويل

والنبى متفكرش بعد ماتقول الكلام ده انى هوافق انى انضم للجماعه بتاعتك

ده بيحاول يرشيتى ياجماعه وانا موافقتش

بيتص بيا الساعه 2 بليل ومخلنيش أعرف انام وبيعرض عليا مقابل مادى قدره 10 ألاف دولار علشان انضم للجماعه بتاعته وانا قولتله لا يابو لسان طويل مش انا اللى ابيع دماغى لحد

وانا كمان بحبك يامليجى

المفروض يابيه وانت بتحلل شخصيه كريم وانت كمان اللى عامل الموضوع لازم تكون اكتر صراحه من كده اوكى هتقول مزاياه مفيش مشاكل بس لازم برده يكون فى حاجه مش كويسه فيه
انا معاك انه جدع وكويس ورقيق اوى ويعرف ربنا بس هو اندفاعى وسريع الغضب فى المواقف دى مبيلاقيش غير صوته العالى اللى ممكن يلجأ ليه

انت عارف يامحمد انت الوحيد اللى ملاحظتش عليه عيب ظاهرى
وبعدين انت كبير برده والكبير كبير فى كل حاجه

بيونير انا مش اعرفه على المستوى الشخصى ولكن انا قريت موضوعات كتيره جدا ليه
وساهم باراء جامده جدا فى موضوعاتى يعنى اللى يجمعنا المستوى الفكرى وبجد شخصيه
راجحه جدا
فكريا
وكمان شايفه انه محبوب اوى من اعضاء المنتدىوصاحب صاحبه بجد
واكتر من كده انه اسم على مسمى وشخصيه مرحه وبيتقبل جميع الاراء بموضوعيه وبصدر رحب

والله انا اعرف عيوبى كويس قوى ودى ميزة انى اعرف عيوبى

ومشكورين على الكلام الحلو اللى بتقولوه وبردو على الكلام الوحش

مش كفايه بقى ياكبير عليا الاسبوع ده

ياريت المهندس احمد يبقى هوة ضيفنا الاسبوع ده والناس تتفضل بتحليل شخصيته

شخصية بيونر طبعا من على المنتدى شخص محترم صاحب فكر مثقف رومانسى اعتقد معرفش بيتهيألى شخصية خجولة شوية
عيوب هو عرفها وبيصلحها[/c

انا يابنى مانفعش لسبب انى ماليش مواضيع بالرغم من انى مسجل تقريبا قبل كل الناس لو تفتكر انا وانت وحازم والكبير ومحمد صبرى والمدير مسجلين فى المنتدى والمدير كان لسه شغال فيه الا اننى ماعملتش مواضيع يمكن واحد او اتنين وبالتالى محدش يقدر يحكم على من اعضاء المنتدى غيركم طبعا بحكم اللى بينا من ايام الاعداديه او يمكن الابتدائيه كنت اعرف المدير وحازم
فانت اصبر بقى لحد ماعمل مواضيع وماعتقدشى انى ممكن اعمل لان انا لو فى نيتى كتابه مواضيع والناس ترد كنت عملت من 2007 من تاريخ نشأه المنتدى وبعدين انت متزعلش منى انت عارف انا وانت ايه بغض النظر عن كل اللى بيحصل وانا قولت انك جدع ودى مش مجامله لانى انا مجربك بدل المرة 100 مرة وافتكر لما كنت اتصل عليك وانت فى مصر وكنت تاخد الحاجه سواء بتاعتى او بتاعه حازم او عز كنت بتاخدها الصيانه وتعملها وتتابع معاها
بجد انت رجوله انا معترف بكده ودى ومتزعلش لو كنت قولت انك سريع الغضب

هوة انا بزعل

انا مش شايف والله انك قولت اى حاجه تزعلنى خالص

وبعدين ياعم سيب الناس اللى عارفاك تقوله رايها فيك

مش مهم تعمل مواضيع

ولا انت خايف

هخاف من ايه مادام اكده ميت واكده ميت اخاف من ايه
قول ياعم انت وهو قولو كل اللى عندكم وانا هتقبل اى راى بصدر رحب بس مش اوى يعنى

مفيش حد اهتم بتحليل شخصيتك الاسبوع ده لانك كنت مشغول طبعا بالكرسى

بس انا هبدأ بتحليل شخصيتك واللى عايز يقول حاجه يقول

احمد ابو عسل

دم خفيف

ذكى الى حد ما

مغرور الى حد ما

ساعات بيكون بارد وساعات بيكون هادى وفيه فرق كبير بين الاتنين

كسول جدا

مخموخ

قلبه ابيض

ابن حلال

مبيشلش من حد

حبوب

محبوب

تحب تقعد معاه بس انصحك متهظرش معاه لانه استاذ فى التريقه والهزار

اه نسيت اهم حاجه صاحبى وحبيبى وكفاءة وبموت فيه

انتا خايف منه كده ليه ياكريم

ايه ده انت فى الاول بهدلته
وبعدين حسيت انك غلطت وخفت منه ولا ايه بتظبطها ولا ايه تحت
عموما انت اكيد تعرفه كويس
انا بقى تعليقى على شخصية الاسبوع نو كومنت لانى معرفوش ولسه جديدة
بس علشان ابن بلدى فاكيد حدكويس ومحترم الى اعرفه عن ولاد البلد ولا هم اتغيروا طمنونى

هما مين اللى اتغيرو
انتى مش عارف ردودك كده فيه اكثر من علامة استفهام انتى من بلدنا

هههههههه ولاد البلد وبعدين انت متأكد انى عايش فى البلد ليه يعنى
مش ممكن اكون من البلد بس مش عايشة فيها
وبعدين بطمن على ولاد البلد

طب حللو حد تاني كده
هي النتيجة لسة مطلعتش؟
مستشفى تعبان!!!

بنت سنفا
طيب

انا هبدأ بالتحليل ببنت سنفا

بنت سنفا
من ردودها انا حسيت انها :

1- عضوة متميزة ومحترمة .

2- نجمة المنتدى .

3- اتمنى ان يكون لى اخت صغيرة مثلها .

4- قليل قوى لما تلاقى حد كده زيها اليومين دول فى تفكيرها .

5- ضعيفه ضعف الاطفال .

6- بريئة برائة بنت اختى الصغيرة اللى عندها 6 شهور .

7- من الواضح انها بتقعد على المنتدى كتير ومبتذاكرش كويس .

8- ونتيجه لانها مبتذاكرش كتير . اتوقع انها ممكنن تجيب مجموع وحش .... ولا ايه ؟

بنوتة سنفا

سابقة سنها
تستحق لقب نجمة المنتدى لانها اعطته روح جميله
من كلامها واضح انها في مدرسه يعني بنوته صغنونه
انا بس عاوزة انصحها تركز شويه في المذاكره
حتى لو ده هيأثر على المنتدى
بس هي زي اختي وتهمنا كلنا
بالتوفيق يا قمر واشكرك انك مثال جيد لبنت من بلدنا

إيه ده
انتو بتحللوني يا ناس وأنا مش عارفة؟؟

أوك
شكرا أويييي
كلامكم فرحني جدا يا جماعة والله
شكرا يا بيونير
شكرا يا بيبي جيرل
وأتمنى أكون عند حسن ظنكم

بس توضيح
أنا مش معنى إني بقعد كتير إني مش بذاكر
أنا بدح كمان..
ده أنا جايبة 97.5%عاوزين إيه أكتر من كده
بعدين المرحلة الدراسية اللي أنا فيها مش حاسمة يعني
بس دعواااتكم

كمان بنت سنفا من الدحاحين فى المذاكرة اعتراف لمنتدانا

بجد بجد ربنا معاكى ومعانا كلنا ويوفقنا