مهرجان سنفا الرياضى الاول

تعلن اداره منتدى الجســــر عن تنظيم مهرجان رياضى شامل بقريه سنفا
يكون موعده فى رمضان القادم ويشتمل على مسابقات فى الالعاب التاليه
كره القدم.. ( بحد اقصى عشر فرق ويتكون كل فريق من 8 لاعبين)
كره الطائره.. ( بحد اقصى عشر فرق )
البلياردو ( بحد اقصى 30 لاعب )
الشطرنج
العدو
مارثون جرى عشره كيلو متر
مسابقه حفظ القران الكريم وبدون اشتراكات

ويكمن زياده عدد المسابقات حسب الاقتراحات
قيمه اشتراك اللاعب 15 جنيه فى اى لعبه تقسم كالتالى

جنيه واحد من كل لاعب للفقراء والمحتاجين بقريه سنفا ويتم توزيعها بمعرفه مؤسسه مرمر الخيريه بعد التنسيق مع القائمين عليها
جنيه واحد من كل لاعب جائزه افضل عضو بالمنتدى
جنيه واحد من كل لاعب جائزه افضل موضوع بالمنتدى
جنيه واحد تكاليف تنظيم الدوره من تاجير الملعب والشبكات والاذاعه حتى تكون الدوره رسميه ولا يتدخل احد لايقافها
جنيه واحد من كل لاعب لتكريم الطالب الاول بالثانويه العامه على مستوى البلد وكتابه شهادات تقدير للاوائل
جائزه الفريق الفائز بالمركز الاول لمسابقه كره القدم لا تقل عن 1000 جنيه للفريق ككل
جائزه الفريق الفائز بالمركز الاول لمسابقه كره الطائره لا تقل عن 1000 جنيه للفريق ككل
جائزه اللاعب الفائز بمسابقه البلياردو لا تقل 200 جنيه
جائزه الفرق الحاصله على المراكز الثانيه 200 جنيه لكل فريق و50 جنيه للاعب الحاصل على المركز الثانى بمسابقه البلياردو
تنظم الدوره تحت اشراف افضل العناصر الموجوده بسنفا والتى تملك الخبره فى تنظيم الدورات الرياضيه
سيتم التنسيق مع الاستاذ / مصطفى كامل شرف الدين لتنظيم الدوره واختيار الحكام و وضع الجداول
سيتم جمع التبرعات من اغنياء سنفا ومؤسساتها ومحبى العمل الخيرى لدعم المهرجان وزياده القيمه الماليه للجوائز
ونتعهد بدعوه كبار الشخصيات داخل سنفا وخارجها لحضور حفل تكريم الفائزين ليخرج حفل التكريم على اعلى مستوى
يبدأ تسجيل الفرق واللاعبين من الان دون دفع اى مبالغ ماليه لحين اكتمال العدد المطلوب ويبدأ بعد ذلك جمع الاشتراكات تحت اشراف الاساتذه الذين سيتولون تنظيم الدوره والاعداد لها ومن ثم وضع الجداول
سيتم عمل حمله دعايه كبيره قبل انطلاق المهرجان لجذب كل شباب البلد وجعله حدث فريد من نوعه
سارع فى انجاح اول مهرجان رياضى بسنفا واحجز مقعد لفريقك قبل اكتمال العدد
نرحب بانضمام اى عضو او جماعه للمشاركه فى تنظيم المهرجان

فى انتظار مقترحاتكم

امممممممممم
كويس
لو تبرعات من بره قول واشوف هقدر والا لأه ابعتلكوا وكده يعنى بس انا مش محوشه كتير
ههههههههه
احسن تفتكر انى هبعت حاجة جامده
او كده يعنى
المهم
شوف انا اقدر اساعدكوا بايه بجد
وانا تحت امركوا
معندكوش هناك كره سرعة والا ايه
انا بسأل بس واللهى
ده انا مرديت اقول لعب تانيه احسن تتريقو اعليا
لو فى كره سرعة اوكى
بجد دى هتبقى مسابقة تحفة
عموما
انا فى الخدمه
مودتى يا دوك
لا اله ا لا الله

فكرة كويسة والله يادكتور

فكرة ناجحةمن انسان ناجح

وانا اول واحد يعلن عن فريقة

فريقنا اسمة تعاطفا مع غزة

زى الدورة الفاتت

وباذن الله هنغلب فريق

المليجى زى كل سنة

ههههههههههههههههههههه

الدباحين يعلنون عن انضمامهم للمهرجان
بالمال والنفس والجهد

ماشاء الله
المنتدى بدا يتفاعل فعلا مع الهدف منه وهو القرية الجميلة واكتشاف المواهب

عندي اقتراح
لو تقسمو كل لعبة لفئتين
فئة الكبار
مثلا
من 15 إلى ما فوق
وفئة الصغار
مثلا
من 10 إلى 14
هتكون فكرة حلوة
وخصوا غن شغار سنفا عندهم مواهب حلوة

فكرة تانية
عند إقامة الدورات نشر ملصقات عن المنتدى وهو الراعي الرسمي له مما سيزيد من اعضائه والتفاعل فيه

يا ريت أقدر أساعد والله
ولو حد يقولي أساعد ازاي هعمل

جزاكم الله خير على هذه الفكرة الرائعة والمفيدة للقرية
ومش مهم جائزة افضل عضو أو حاجة عن المنتدى ...يمكن نستغلها في حاجة اكتر فائدة

جزاكم الله كل خير

خطوة جميله جداً ......
وبالذّات لو المهرجان تحت إسم المنتدى
وكويس جداً وضع شعار المهرجان فى واجهة المنتدى
وياريت : لو يتم تغيير دورى لـ THEMES بتاع المنتدى .
أو على الأقل تغيير الواجهه من فتره لأخرى
حتى لا يمل الأعضاء من كثرة رؤيتها .
------------
صمتي لايعني جهلى بما يدور حولى
ولكن مايدور حولى لا يستحق الكلام
-----------

موضوع كويس والله يادكتور واحنا والقايمه بتاعتنا هنكون اول المتبرعين واول المشتركين واحنا فرقتنا معروفه وان شاء الله هناخد الدوره سواء باللعب او بالتحكيم
والله ولى التوفيق
الله- الوطن -الجميع -المليجى

جماعه الاتجاة المعاصر

تريد ان تساعد جماعه

الله الوطن الجميع المليجى

فى تنظيم المهرجان الرياضى

وانا بقول المفروض

ان جماعه المليجى وجماعه الاتجاة

يكون دورهم فى التنظيم فقط وليس اللعب

موافقون

بدأت فعلا الاعداد للدوره وكلمت بعض المسؤلين اللى هيساعدونا وكلهم تشجعو للفكره وموافقين عليها وهيدعمونا

خبر اخير

وصل اول تبرع من شخص سيعلن عنه فى الوقت المناسب بجائزه ضخمه لحفظه القران الكريم

واوووووووووووو
كويس
اوى
ربنا معاكو يا شباب

كمان فكرة حلوة كمان

لو فكرنا نستغل الجوايز المخصصة لعضاء المنتدى
ممكن نعمل مسابقة رمضانية على مستوى البلد
يعني أسئلة تتحط مثلا في الجوامع واللي عاوز يشترك يدفع مثلا جنيه واحد
وفي الآخر
نعمل سحب يوم العيد ونعلن عن أسماء ال5 الفايزين مثلا بعد التحقق من صحة إجابتهم..والجايزة مثلا 150 جنيه بالكتير اوي

وهيكون حلو أوي أوي لو طلبنا من مدارس القرية تنظم فعاليات للطلبة زي مسرحيات واناشيد وما إلى ذلك ونعمل أول يوم العيد مهرجان بعد الصلاة بساعة مثلا
او حتى مش أول يوم

جزاكم الله عنا خير الجزاء جميعا بلا استثناء
المدير شغااااال

فكره كويسه والله يابنت سنفا وياريت المدير يهتم بالفكره دية

الفكرة دى لو تمت ياايمن هيبقى شهر رمضان اللى جاى انشاء الله غير عادى
طبعا علشان تقوم الفكرة لازم من الفلوس والتسهيلات من المسئولين فى البلد سواء مسئولى مركز الشباب والمرشحين للمجلس وكمان المجلس المحلى بتاع البلد
وفعلا المشروع داخل فيه مؤسسات ليها كلمه مسموعه فى البلد ان كانت مؤسسه مرمر او لجنه الزكاه وخلافه
بصراحه المدير واخد المشروع جاد اوى وكلم ناس كتيرة
واحان هنلم من اعضاء المنتدى من داخل وخارج هيقولو خارج ازاى هندفع هنقولهم يبعتو حواله هههههههههههه بس لاى جهه لسه مش عارفين انا هكلم الكبير فى الموضوع ده وهو هيتصرف بحكم خبرته وعمله
طبعا فى ناس هتقول لسه بدرى لا بالعكس مهرجان زى ده لازم نشتغل فيه من دالوقت
وزى ماقات بنت سنفا ان المهرجان ده هيبقى تحت اشراف المنتدى يبقى منه ان المنتدى عمل حاجه الناس حستها ومنه دعايه للمنتدى
وياريت الناس اللى بتدخل بكذا اسم بلاش كده علشان نعمل حصر حقيقى لاعضاء المنتدى
اى نعم بيتعرفو عن طريق الاى بى وممكن يتشال عضويته بس رجاءا بلاش

كلامك حكم والله يابوعسل وعايزينك على طول معانا فى المنتدى لان المنتدى مش هيقوم الا بينا

طبعا هيا فكرة اكثر من ممتازة

بس انا عارف ان فى ناس كتير اكيد هتتريق على الكلام ده ولكن الواقع والحقيقه ستبين الكثير والكثير

نحن لا نقول كلام

نحن نقوم بالأفعال

نتمنى منكم المشاركة والتفاعل بجديه

بجد موضوع
وفكرة غاية فى الجمال وبجد محمسة اوى وكمان عنستفاد منها
كتييييييير ياريت بجد تكمل
بس ياريت تزيدوا فيها لعبة التنس طاولة
لآن فيه كتيييير اوى بيعرف يلعبةومتقنه كمان
تقبلوا مرورى واحترامى

الموضووووووووع هايل
يلا ربنا معاكم ياشباب

ان شاء الله هنزود فيها تنس الطاوله واستغمايه والحماره الطويله والقرد وصاحبه
ههههههههههههههههههههههههههههههههه

بقى قدة انت بتتريق
طيب خلى بالك من نفسك بقى الايام اللى جاية ياباش مهندس

والنبى بلاش الهزار فى الموضوع ده بالذات علشان محدش يستهتر ياريت اللى عنده فكره يكتبها وخلاص

ماشى يامديرنا
انت مهما ان كان بردوا المدير بتاعنا

جميل جدا والله المهرجان ده بس ياريت يكون فى نتظيم كويس ويبعد عن الهزار
بس ياخسارة ماليش نصيب إنى أشارك معاكم فعلا يا خسارة
وعلى العموم بطلب من المدير تصوير مقتطفات منه صوت وصورة
لأنى فعلا هبقى مبسوط جدا لو شاهدته فيديو
وأعذرونى والله فعلا مشغول وباعد عن النت اليومين دوووول

انشاء الله هيتم تصوير المهرجان وسيتم رفع الصور ع المنتدى علشان الكل يتابع

ومشكوور ياافريكانو وصوتك معانا

والتصوير هيتم بكاميرة اشرف الحنفى لتصوير الافراح والمناسبات واعياد الميلاد والطهور وبهذه المناسبه هستغل وجود الكاميرا والمهرجان فى الملعب واجيب ابن اختى أطهره علشان اقول شوف انا عملت لك ايه يوم طهورك
ههههههههههههههههههههههههههه

طيب اوكى فكرة حلوة بس ياترى البنات لها فى المسابقات ولا هى عنصرية كالعادة يعنى فى العاب ممكن البنات تشترك فيها
يعنى لو عايزين وبدون تحيز للنوع
اتمنى ذلك انا عارفة هلاقى نقد وهجوم ولو بالصمت
ده مجرد رأى مش عايزة حد يتعصب عليا

ربنا يستر

المسابقات اللى هتكون متاحه للبنات هيا مثلا فى المنتدى بعمل مواضيع مهمه ولها اثر فى التغيير

اما بالنسبة للمسابقات برة المنتدى هيكون متاح ليهم بس حفظ القران الكريم

» التائهه الجزء الاول
» التائهه الجزء الاول
» مهرجان WWE Great American Bash 2008
» علاج ضعف الذاكرة (الجزء الاول)
» محاضرات الشيخ عبد الحميد كشك (الجزء الاول)