إنجازات الرئيس مبارك فى قرية سنفا

إنجازات الرئيس مبارك فى قرية سنفا
***********
فكَّرتُ كثيراً : لماذا أحب الرئيس مبارك ؟
فوجدتها أسباباً كثيرة ربما لا تُسْعِفنى الذاكرة
لاستعراضها كلها ، ولكنِّى سأركِّز فقط على بعض
إنجازاته فى قرية سنفا وهى :
1~ مركز شباب سنفا المطوّر
[ أفضل مركز شباب على مستوى ميت غمر ]
2~ صالة ألعاب خماسية
[ يد – سلّة - قدم- تنس - طائرة ]
3~ملعب كبير لكرة القدم .
4~ مدرسة سنفا الثانوية [ بنات ]
5~مدرسة سنفا الثانوية [ بنين ]
6~مدرسة سنفا الإعدادية [ بنين ]
7~ مدرسة سنفا الإعدادية [ بنات ]
8~ مدرسة سنفا الإشتراكية [ إبتدائى ]
9~ مدرسة محمد فريد [ إبتدائى ]
[ 10 ]مدرسة المجمّع [ إبتدائى ]
[ 11 ] مدرسة الصّم والبكم
[ 12 ] مدرسة الخط العربى
[ 13 ] معهد أزهرى [ إبتدائى ]
[ 14 ] معهد أزهرى فتيات [ إعدادى وثانوى ]
[ 15 ] مكتب بريد
[ 16 ] سجل مدنى
[ 17 ] وحدة الشؤون الإجتماعية
[ 18 ] الوحدة المحلية
[ 19 ] وحدة بيطرية
[ 20 ] وحدة مطافئ
[ 21 ] نقطة شرطة
[ 22 ] فصل محو الأميّة
[ 23 ] شبكة مياه شرب
[ 24 ] أعمدة إنارة فى جميع الشوارع
[ 25 ] رصف الطرق الداخلية
[ 26 ] رصْف الطريق الواصل بين سنفا وعزبة معوّض
وأيضاً بين سنفا وعزبة حسن عبد الله
[ 27 ] سنترال محلّى ودولى
[ 28 ] مستشفى صحّى تكاملى
[ 29 ] ضَمْ معظم المساجد للأوقاف
[ 30 ] شبكة صرف صحّى
******************
وهناك المزيد ولكن هذا ما تذكّرته
-----------------
فهّمونى بقى : إنتو متغاظين ليه من الرئيس ؟

[/b]

ياااااااااااااااااااه
إنت غير الشعب خالص
يا أستاذ حوكر كل ده كلام فاضي
يعني رصف الطرق مثلا ده مش اسم رصف
ده جابو بتاع وحطوه فوق الطرق

وبعدين
هو حسني فاضيلنا
دي إنجازات حد تاني
حلوة أوي لو حسني عمال يهتم بسنفا ليس كغيرها من البلاد
والحلى لو اتقفشت بالكلام البسيط ده

يا بنت سنفا ...
إن كان على الرّصيف :
الرّصيف كان جميل جداً
والفلاّحين همّه اللّى بوّظوه بالمواشى

بس انت بتكلم عن اساسيات المعيشه من مستشفى ومكتب بريد وخلافه ليه مبتبسش للناس اللى مش لاقيه تاكل والناس اللى مش لاقيه تجيب حق الدواء .............يأخى اتقى الله
وشكلك كده انك حزب وطنى

هوة انت اتكلمت فى نقطة حلوة

بس نسييت تقول حاجات كتيرة قوى

يعنى نسيت تقول ان فى اكتر من الف شخص فى سنفا مش لاقيين شغل بعد ما اهلهم صرفو عليهم دم قلبهم فى التعليم واللى بياخد فرص الشغل منهم هية الكوسة

ونسييت تقول كمان المعاملة السيئة اللى بيلقاها الشعب من الشرطة بدون وجه حق
انا شوفت بعينى محدش قالى

ونسيت تقول ان الواحد فى عصر حسنى مبارك حس ان الأمل انقطع من جميع النواحى

ونسيت تقول ان كرامة المصريين بقت فى التراب فى عهده بالمقارنة بالمصريين أيام زمان

ونسيت تقول ان الفاحشة انتشرت فى عهده

ونسيت تقول ان الحراميية كتروا فى عصره

ونسييت تقول انه عمره ما فكر فى واحد تعبان وعنده السرطان ومش لاقى تمن الدوا وبيجيله نوم ازاى وفى ناس كده

انا مش بكرهه قوى كده ولا انا شايف الدنيا سوده قدامى بس انا حبيت أكملك موضوعك اللى انا شايف انه ناقص كتيييييييييييييييييييييييييييييييييييييييييييييييييييييييييييييييييييير

إن كان على التّعليم :
هوّه إنت بتتعلِّم علشان تاخد فلوس من الحكومة ؟
تمّ فيه ناس كتير جهله وبتكسب أكتر من المهندسين (بالذّات) .
تعالى نصحح المفاهيم :
أنا بتعلّم علشان أبقى فاهم الدّنيا واللّى حواليّه .
أنا بتعلّم علشان محدّش يِسْتكْرَدْنى .
أنا بتعلّم علشان برْده أشتغل بتعليمى
أنا بتعلم علشان أفهم دينى صح
(الدّين بالدّراسة وليس بالوراثة )
( بس نشغّلك وإنت سهران طول اللّيل على قهوة سمارة والنّادى ! )
لاااااااااااااااا ...... ده كان زمان
أصبحت سياستنا :
(ليس هناك مكان لدينا لغير المتفوقين )
هاتْلى واحد متفوّق فى مجاله ومَهُوَّاش شغّال
وللرّد بقيه !

كريم أثار نقطة هامة جدا

كرامة المصريين تحت التراب في عهد مبارك وهو لا يحرك ساكنا
اعتق كلنا سمعنا عن الأطباء في السعودية
وعن المظلومين اللي بيلجأوا للسفارات خارج بلدهم وبيرجعوا مذلولين اكتر

رئيس ليس لديه نوة على بلاده
نريده أن يصلح الشرق

فوااا عجبي

ياعم جوكر انت مبتقراش جرايد خريج الاقتصاد والعلوم السياسيه انتحر ليه مع انه كان طاله الاول على دفعته هو كله ذنبه ان ابوه بواب
اتقى الله مره اخرى
وبعدين عيب ياراجل المشكله انى عارفك وعارف شخصيتك وعارف انك من اكتر الناس اللى مابتحبش مبارك
سلام يا.............................

يا إنجنير حازم :
هوّه ده أوّل طالب يتخرّج من كليّة إقتصاد وعلوم سياسية !
إشْمِعْنى اللّى قبله واللّى بعده مانْتحَرُوش ؟
( تلاقيه تعْبان نفسياً )

أنا عايز أغيّر العنوان وأخلّيه :
إنجازات القناوى فى قرية سنفا .....(منتدى الجســـــــر )
أهو كده الشّغل !
فينك يا مدير من زمان .
أنا حاسِس إنّى دخلت منتدى تانى خاااااااااااالص .
عايزين التجديد ده على طول بقى
علشان الأعضاء مايْمِلُّوش من نفس الشّكل
------------

الموضوع كويس بس على فكرة يا استاذ جوكر
دى مش انجازات حسنى ولا حاجة الحاجات دى موجودة من زمان عندك مثلا المركز الرياضى
كان موجود من ايام جدى وجدك بس تطور شوية
والملعب هتيجى على حتة ارض فاضية اتحط حوليها سور تقولى ده انجاز!!!!!!!!!!!!
وطبعا المطافى ونقطة سنفا دى موجودة من زمان من قبل حسنى كمان
وحتى لو موجودة ايام حسنى
انت شايفها بتعمل حاجة
يابنى دى لو فيه حريقة المطافى ساعة ما على تيجى عدى انت بس من قدام المطافى وشوفهم قعدين ريلكس خالص وامام التليفزيون وخلاص
وهتيجى على الارصفه
هقولك فين الرصيف ده بعد مارصفوا جايين يعملوا مجارى ده ايه الزكاء ده
مش شايف انه فعلا عمل انجازات كتيييير اوى

تقبلووووو مرورى

ياستاذ جوكر موضوعك ملوش لزمه للاسباب التاليه
1_مركز الشباب من عام 1934
ومعظم الهيات التى ذكرتها هى من انجازات اهالى القرية وبالجهود الذاتيه

يا روز الجنه:
بالنّسبه لمركز الشّباب :
مركز الشّباب اللّى إنتى بتقولى عليه من أيام جدِّى وجدّك
إتهَدْ واتبَنى فى أقل من 6 شهور وأصبح مكوّن من ثلاثة أدوار
أو أربعة ، وبه قاعة أفراح ونادى نسائى
وقاعة مؤتمرات وصالة بلياردو وصالة تنس
ومكتبه وأنشطة تانية كتيرة
لكن : كُون إن الشّباب ما بِيْمارِسْش الحاجات دى
دى قصّه تانية .
وعلى فكرة أوّل مركز شباب تمّ بنائه على مستوى مركز ميت غمر
بالشّكل المطوّر هو مركز شباب سنفا
بالنّسبه للمطافى : هيّه معموله للطّوارئ
والحمد لله ماعَدْش فيه حرايق زى زمان .
زمان كانت البيوت بالطوب اللّبِن ( وفوقها قَش كتير )
بالنّسْبه لنقطة الشرطة :
القريه الوحيده اللّى فيها نقطه شرطة
هى سنفا ( على ما أعتقد )
بالنّسبه للرّصيف :
رصفو وبعدين هدّو الرّصْف
دى سوء إدارة
أنّما الرئيس وفّر الميزانيه للقرية والناس إستغلّتها بالخطأ
**************
يا كبيـــــــــــــــر :
مشروعات إيه اللّى من إنجازات أهالى القريه ؟
إحنا هنضحك على بعض ولاّ إيه ؟
قول بعض المساجد ماشى . وبرْده مش من أهالى القرية
دى من تبرعات ناس أثرياء من خارج القرية
يريدون عمل الخير فى أى مكان
*****************

ياعم جوكر يعنى احنا لو قلنا انجازات مبارك هترتاح ياعم انجازات مبارك بس يارب يكون نفعك هو فى شئ

يا جوكر موضوعك بيعمل ضجه كالعاده وكده هبتدى احدد شخصيتك
انا راييى انك متحيز شويه لمبارك يعنى ذكرت شويه انجازات فى بحر فساد
احنا المفروض نبص للمفروض كان يتعمل مش نبص للى اتعمل متنساش ان الهند استقلت معنا فى نفس الفتره الزمنيه وشوف الهند وصناعتها وزراعتها ومصر وتخلفها
ليه مفتكرتش حاجه اسمها كوسه ووسطه ليه متكلمتش عن كلاب الحكومه فى كل مكان واللى بيحصل فى اقسام الشرطه ليه مفتكرتش الاختراع اللى اسمه امن مركزى
بص لو قعدنا نتكلم للصبح مش هنغطى الفساد الموجود لانه مش عايز اثبات
ياراجل الشعب المصرى اتحول لشعب جبان وجاهل على ايد المبارك شعب معندوش طموح ولا مستقبل
فين المشاريع العملاقه وفين الجنيه المصرى ومصر بقه حالها ايه بالمقارنه لدول الخليج
انا الفتره اللى فاتت كنت ببحث عن الدراسات العليا والماجستير والزمالات فى مجال الطب بما انى مقبل على المرحله دى .. واكتشفت ان مصر بقيت فى ديل الامم تخيل كل شهاداتنا مش معترف بيها بره
الزمالات القطريه والسعوديه والكويتيه والهنديه وحتى الباكستانيه معترف بيها فى اوربا وكندا وامريكا ..اما المصريه فمعترف بيها فى بلاد ماوراء البوهيه ... حاجه تخليك تضحك .. عمار يا مصر

يا جماعه .....
أنا بقول فى الموضوع بتاعى
إن دى بعض إنجازات الرئيس فى سنفا
وطبعاً فى غيرها كتير
وعارف إن إحْنا نِفْسنا فى حاجات تانيه كتير
لكن : إفتكر جدّى وجدّك كانو عايشين إزّاى ؟
كانو بيمشو فى الشّارع حافْيين ( من غير مداس )
دلوقتى شوف إنت لابس إيه وبتاكل إيه
إحْنا اللّى طمّاعين ....
والدّش والنّت لحَسو مُخِّنا
شوفو من كام سنه سنفا
كانت عامْلة إزّاى ودلوقتى عامْله إزّاى
-----------
اللّى عايز يعلّق ....
يقول هوّه ناقصه إيه ؟
ونفسه فى إيه ؟
ومش عايز رد بصفه عامّه
أصل لو هنرد بصفه عامّه مش هنخلص
شوف إيه اللى ناقصك ومحتاجه
أو اللّى سنفا مِحْتجاه
--------------
ورداً على إنجنير حازم .......
مبارك فعلاً خدمنى كتير
يكفينى دراستى فى الكلّيه
أنّما هل هيوفّر ليّه فرصة عمل ولاّ لأ ؟
ده حسب تقديرى ! ...... وربنا يوفق الجميع

طبعا حسب تقديرك ومجهودك تشوف فرصة عمل

بس فى ناس كتيييييييييييييييييييييييييييييييييييييييييييييييييييييييييييييييييييييييير

بتقديرات عاليه جدا ومش لاقيه شغل بعكس ناس تانية بتقديرات ضعيفه وبتشتغل علشان الوسطة

وحاجات تانية كتيرة مساوئ

انا مش هتكلم بس انا نفسى تكون حاسس الكلام اللى بتقوله مش موضوع فرقعه وبس وياعم ربنا يخليلك مبارك

شدتني كلمة انجازات دي قلت ادخل يمكن الاقي جديد
بس للاسف اللي انت قلته ده دايقني اكتر

مبارك معملش حاجه ده شقى الناس
ياناس مصر ملياااااااااانه خير بس ده كله في بطن الكبار
مينفعش ماتمردش على وضع زي ده

اللي قالوه الاعضاء قبلي صادق جدا ودي الحقيقه
انا مش بهاجمك انت حر تحبه ولا متحبوش ده قلبك وعقلك وانت حر فيه
بس قلبي مليان نار لما كل ما اعدي من قدام الجوازات والتصاريح والاقي شباب بالطوابير عايزة تسيب البلد كلها وتمشي
عشان يروح خيرنا لغيرنا
واما اعرف ان مركب غرقت بشباب عشان كانو بيحاولو يهاجرو هجره غير شرعيه
وده كله عشان يجيب فلوس ويعيش حياة عاديه ويعيشوا اهاليهم حلو

قلبي يتحرق لما ابويا يبقى متغرب من قبل ما اتولد
واشوفه شهر في السنه ولما الاقي كمان اني انا بسيب مصر وامشي عشان نعيش اسره في مكان واحد
بس في بلد تاني غير اللي منسوبين ليه

انا بس عاوزة اعرف انت بتمشي في الشوارع ولا بتطير؟؟
مش شايف الاطفال المرميه في الشوارع
مبارك مرماهومش بس الجوع رماهم

كفايه كده مع ان الكلام لسه كتييييييييير
يا جماعه مش الفقروالبطاله اللي بتوجع بس المصري بقى مذلوووول
اما انا حبي لمصر وجع قلبي والله العظيم

ياراجل هو طريق سنفا دماص ده ريق ده تسلق الجبال احسن منه

ياعم متكلموش فى السياسه دى سياسهبد ولا زم نحترمها الفقير لازم يبقا فقبر والغنى غنى الفقير ربنا هيغنيه بان الله ولا الحوجه لحد والسلام عليكو

ياجوكر مبارك مش فاضى للشعب وفى انجازات كتير انت مبالغ فيها هوه مالوش يد فيها اجمل مافى الدنيا الحب واجمل مافى الحب العذابواجمل مافى العذاب الدموع واجمل مافى الدموع العيون واجمل مافى العيون عيونك

بص العيب مش فى مبارك
مصر اتقدمت كتير ومفيش دوله مفيش فيها مشاكل
المشاكل فينا احنا الحرامى مش مبارك الحرامى برده احنا
شوف مصر زماااااااام ومصر دلوقتى انتا اتكلمت وشتمت عليه
اتخيل لو الوفد او الاخوان او التغيير او...... او..... غيرهما مس الحكم
والله مصر تبوظ الدنيا كلها كوسه متزعلش عيش واسكت لحد منموت

تقبلو مرورى

يعنى ايه عيش واسكن لحد مانموت
وبعدين لما تقول احنا حراميه اتكلم عن نفس ومتجمعش

وبعدين

وبعدين هنا كل واحد بيقول رأيه ده لو كان رأيه ليه اعتبار

انت هنا تقول رأيك من غير ماتقول احنا حراميه واللى عايز يست لحد ما يموووووووووووووت
احسنله يموت أحسن من دلوقت

» عــاجل وفاة محمد علاء مبارك حفيد الرئيس مبارك
» حملة لتيسير الزواج فى قرية سنفا
» جماهير النادي الاسماعيلي تستنجد بسيادة الرئيس محمد حسني مبارك
» الرئيس مبارك يعاني من أزمة مالية..الفقر خلاه يعيش في كوخ..اجمعو التبرعات
» أحداث من قرية سنفا