كافى شوب سنفا

مفيش سؤال عن الغايبين ماشى براحتكوا مكنش عيش وملح ولا شوفته ما علينا
عموما معلومة على الماشى علشان الغياب شكله هيطول كمان شوية
وشكلى هخد انذار ويتم فصلى من المدرسة سورى من المنتدى

الاسم الرسمي
جمهورية مصر العربية

العاصمة
القاهرة هى أكبر المدن في العالم العربي وأفريقيا والشرق الأوسط. وهى أيضاُ تعتبر المركز الصناعي والتجاري لمصر

المدن الرئيسية الأخرى
مدينة الإسكندرية – طنطا – بورسعيد - الأقصر- أسوان – الزقازيق - أسيوط.

المساحة
الكلية: 1.001.450كم مربع

مساحة اليابسة:995.450 كم مربع

مساحة المياه:6.000 كم مربع

الموقع
تقع شمال قارة إفريقيا يحدها البحر المتوسط شمالا, وقطاع غزة والبحر الأحمر من الشرق , وشمال السودان من الجنوب,و ليبيا من الغرب. تفصل قناة السويس شبة جزيرة سيناء (الجزء الوحيد من مصر الذي يقع في قارة آسيا) عن باقي أجزاء البلاد.

الإحداثيات الجغرافية
27.00 شمالا ، 30.00 شرقاٌ

تعداد السكان
78.7 مليون نسمة

(تقديرات مايو 2008)

اللغة
العربية (اللغة الرسمية) والإنجليزية والفرنسية شائعتا الاستخدام.

العلم
مكون من ثلاثة ألوان هى الأحمر والأبيض والأسود يتوسطهم نسر صلاح الدين الذهبي ويعد الرمز الوطني لمصر.

العملة
الجنية المصري =100 قرشاٌ

واحد دولار أمريكي = 5.66836 جنيه مصري (26/3/2009)

العيد القومي
23 يوليو ذكرى ثورة يوليو 1952

يوم الاستقلال
يوم 28 فبراير 1922 (عن بريطانيا)

حدود الأرض
الإجمالي: 2665 كم

دول الحدود: قطاع غزة 11 كم، إسرائيل 266 كم ، ليبيا 1115 كم ، السودان 1273 كم.

التضاريس
صحراء شاسعة يتوسطها وادي النيل والدلتا

المناخ
حار جاف صيفاٌ، معتدل في الشتاء

سلام

ايه يادكتور ايه النوم اللى فى المنتدى ده المهم عايزيين صحوة للمنتدى انتظرنى قريبا
بس ياريت يكون سبب غياب الاعضاء انشغال فى الدراسة او الشغل مش مقاطعة ابدية
استنه عليه

مفيش مقاطعه ولا حاجه و ان شاء الله المنتدى هيرجع احسن من الاول ودى حاجه طبيعيه انه يشتغل فتره وفتره تانيه يكون مش قد كده .. بس انت متتاخريش علينا تانى لانك عضوه مهمه على المنتدى ..

ان شاء الله
بس اسمحولى بغياب شوية لظروف خانقة بعيد عنكوا جميعا بس ان شاء الله عودة قريباا

ههههههههههههههه
سمحنالك بنص ساعه لا اكثر مراعاة لظروفك.. وتنورى فى اى وقت

ودى اعمل فيها ايه ان شاء الله اذاكر ولا اعمل اللى الدكاترة متفضلين علينا بيه زى ما يكونوا بيقدمونا شيكولاته جالكسى ولا قرطاس لب
ما علينا هم كام يوم واناا موجودة النهاردة من دلوقتى لمدة نص ساعة كمان

فى برنامج العاشرة مساءا كانوا بيتكلوا عن العلاوة السنوية للموظفين او حاجة زى كده المهم واحد اتصل
ومنى الشاذلى بتساله انت خدت كام قال لها عشرين جنيه بتقوله هتعمل بيهم ايه قال لها جبت لامى علبة بسكوت ب16 جنيه
وفاضل 4 جنيه ردت وقالتله هات بهم بقسماط

لا تعليق

يااااااااااااااااااااه بجد المنتدى وحشنى جدا جدا

بس بردوا مش هقدر اقعد عليه نظرا لظروف امتحناتى

اوعوا تنسوا تتدعولى بالرغم من انكم ماسألتوش عنى خالص
ياااه هانت عليكم الموضوعات والردود اللى بنا يلا ماعلينا بس زى ما الدكتور قال المنتدى بأذن الله هيرجع زى الاول واحسن
بس فعلا عشان الدراسة بقى والامتحانات هو ده اللى مش مخلينا ندخل عليه كتيييير

ويارب كلكم تكونوا كويسين ووحشتينى جدا يا بيبى ابقى اسالى عليا وادعيلى انا فى امتحانات

ازيك يا روز والله المنتدى هو اللى مفتقدك ويارب يوفق الكل فى الامتحانات .. اهم حاجه طبعا الدراسه وبعدين لما الكل يفضى نبقه نشوف المنتدى
وشدى حيلك فى امتحناتك وسلامى لكل الاعضاء المميزين اللى خلو المنتدى ده مكان للترفيه والمناقشه يجمع افضل عناصر البلد

روز بجد والله العظيم وحشاني جدا ومفتقداك جدا ومش عاوزة ادخل على الكوفي شوب عشان انتي مش منوراه
انا كمان انشغلت عن المنتدى عشان الامتحانات على الابواب ربنا يستر وتعدي على خيييييييييييير

ربنا معاكي ومع كل اللي بيمتحنو ونقضي صيف جميل بعدها ان شاء الله

اعذرنا يا مدير على تقصيرنا وان شاء الله كلنا نعود عودة جامده جدا

http://www.alsaha.com/sahat/4/topics/143133/pages/2

ايه يا جماعه مفيش اى حد عاد بيخل خالص على المنتدى

أصل مش معقول يعنى كل الوقت ده عمالين تذاكرو

مبضيعوش ولا دقيقه

ازيكم وحشتونى قوى

ايه اخباركم وعاملين ايه

المنتدى وحشنى قوى والناس اللى فيه

المهم انا عندى سؤال مهم قوى ياريت بكرة الاقيله اجابه

انت هترجعو تانى المنتدى ولا لا ولو هترجعو هترجعو امتى

ولو مكنتوش بتدخلو ايه السب

انا عارف ان الفترة اللى فاتت كانت فترة امتاحانات وفى ناس لسه بتمتحن

انا كنت من الناس دى

وربنا يوفق الجميع

ياريت تردو عليا بسرعه ونرجع تانىزى الاول واحسن وايه اخبار القهوة

ايه الصحراااااااا دي؟
متخيلتش اني هلاقي المنتدى فاضي كده

انا عودتي قريبه جدا باذن الله فاضلي ماااااده واحده واخلص من الامتحانات

بايونير بجد سبت فراغ جامد في المنتدى اثناء غيابك
حاول تملاه لحد مانرجع كلنا ان شاء الله

حمدالله على السلامه بيونير نورت بيتك التاني
وكمان حمدالله على السلامه بيبي بجد وحشتونا
المنتدى فعلا بقى ممل من غيركم وبقيت الأعضاء
وعلى رأي الأخ العزيز أحمد حماد مش معقول بتذاكرو طول الوقت
أنا كمان عندى شغل وش فاضي لكن لو إنتم هيطول بعدكم أنا كمان مطر أبعد
مش معقول أدخل أحكى وأرد على نفسى سلام يا شباب سنفا

سنفا
وحشتني كتيييييير

والله ياجماعه وحشتوووووووووووووووووووووووووونى قوى قوى قوى

وفرحت اكتر لما بشوف الردود دى

وحشتنى قوى يأفريكانو ....... ياترى عامل ايه واخبارك ايه

وعلى فكرة انا شوفت المهندس احمد جبر (انجنير) فى البلد من فتره.......

ياريت انت كمان نرجع ونشوفك قريب

المهم انا كمان كنت فى امتحانات ولو انى لسه مخلصتش لسه فى مشروع وكده بس اوعدكم انى انشاء الله لازم ادخل ع المنتدى كل يوم على قد ما أقدر

ياريت ترجعو بسرعه

بيبى جيرل وأفريكانو وانجنير وخالد امين وبقية الشله بتاعتنا وانشاء الله هجيبهم تانى اى نعم كل واحد مشغول اليومين دول فى حياته
بس انشاء الله لازم نرجع تانى

ياريت نرجع بسرعه

انت فين يامدير؟

أنا الحمد الله يا كريم إنت إللى عامل إيه وشباب البلد كلهم والله وحشتوني كتير
أحمد جبر نزل البلد يعني عشا ن كده بعد عن المنتدى زي محمد الزير تمام من يوم ما نزل البلد وهو كمان بعد
رغم إنه الحين رجع الأمارات في أعضاء كتير بعدت عن المنتدى أعتقد إنه مش بسبب الأمتحانات أكيد في أسبااب تانيه
أنا عن نفسي ببعد عشان مش لاقى حد على المنتدى لا أعضاء ولا مشرفين ولا حتى المدير
وعلى رأيك يا كريم

إنت فين يامدير....؟