عايزة حد متخصص

انا عايزة حد متخصص فى امور دكاترة الكليه
انا بجد مش عارفة نعمل ايه
بنذاكر وبردوا بيدونى درجات كدة وخلاص يعنى مش بيدونا حقينا
طيب نعمل ايه مانزاكرش
انا عايزة اعرف ايه هو نظام الاجابة فى الورقة اكتبله كل حاجة واى حاجة
يعنى مش لازم اتكلم بصيغة الكتاب ولا ايه
حد يفهمنى بجد والله
وعايزة اعرف ده كله بيحصل فى كل الكليات ولا علشان
كليه من كليات القمة

انا مش عارفة ..............
ارجو الرد السريع قبل مايبدأ الترم التانى

طيب واوائل الدفعه بيذاكرو وبيحلو ازاى وبيطلعو أوائل دفعه ازاى

انا من رأيى اللى بيذاكر وبيحل كويس ويبين للدكتور انه فاهم اللى كاتبه أكيد الدكتور هيدى درجه كويسه عليه

وده اللى بيحصل فى كليتنا عامة وبيتهيألى فى كل الكليات والسبب فى كده اوائل الدفعه دول بيبقو مشهورين فى الدفعه قبل النتيجه متتعرف وبيقى متوقع مين اول الدفعه فى الدراسه

وده رأيى

انا فهماك يا باش مهندس
بس والله صدقنى اللى حصل عندنا غير كدة خالص
هو ده اللى مجننى احنا عندنا الدكاترة ادوا الدرجات كدة وخلاص واللى كان جايب فى الميد ترمات الفاينل نجح بالعافية
ولو اننا فعلا مذاكرين وخارجين من الامتحان قايلين الفاينل بأذن الله ولقينا غير كدة خالص
انا مدايقة بجد
ومش عارفة اعمل ايه فى الترم التانى
ازاكر زى ماكنت بزاكر ولا ماذكرش خالص

والله انا رايى ان ربنا بيعطى كل واحد على قد تعبه يعنى انا بصراحه كنت بدخل الامتحان مذاكر ميه ميه وصاحبى اللى كان معايا كان بيبقى زى فى المذاكره هو اتعين معيد وانا لا لانه كان بيذاكر طول السنه وانا كنت بذاكر من بعد امتحانات الميد تيرم وانا كنت بدخل الامتحان زيه فى المذاكره بس هو تعب طول السنه علشان كده ربنا اداله

الدكاترة بدور فى ااجابة على بعض الكلمات بالنسبة للمتخصيصين هذه الكلمات ان كانت فى الاجابة يعطيله اعلى الدرجات

امممممممممممم
بجد شكرا جدا على الافادة
وافهم من كدة ياباش مهندس ان انا المفروض ازاكر من اول السنة
ولو قلتلك ان ده حصل جدا
بس يلا كلها حكاية اقدار

يعنى انتى عايزة تقنعينى ان أوائل الدفعه دول بياخدوها حظ

انا متأكد مليون فى المية انهم بيذاكروا جامد جدا من أول يوم فى الدراسة وبيكونو مجتهدين جدا ومبيعتمدوش بس على اللى بياخدوه فى الكليه

وعلشان كده ربنا بيديهم على قد تعبهم

مش معنى كلامك انك متذاكريش لا

صدقينى لما تتعبى ربنا هيديلك على قد تعبك ولو فى المستقبل

اتمنى لكى التوفيق

كل مادة لها نقاط اساسية بتخلى بالك منها فى المحاضرة
بتشوفي الاسئلة الى جات فى الامتحانات فى كل محاضرة اول ب اول منها بتعرفى
الدكتور عايز اية من المحاضرة يوصله
تعرفية تفهمية تحفظية
تجاوبى تخدى الدرجة النهائية

رقم 1 الذهاب الى مكتبة الكلية
استخراج المتحانات السابقةللمواد الى بتدرسيها ل5 سنوات ماضية
بعد المحاضرة تراجعى الامتحانات وتكتبى السؤال الى جة فى المحاضرة عند اول المحاضرة تفهمى -تحفظى

[color=blue]مشكورين على الافادة
بجد استفدت منك كتير
وربنا يخليكم [/color]

يلا أى خدمه

اما نشوف الترم التانى هتجيبى تقدير ولا تيجى تقولى نفس الكلمتين

على العموم ربنا معاكى

احنا كمان كنا تايهين فى الكلية أول ما دخلناها بس عرفنا الدنيا فيها ايه .

انا بالنسبه لي شايفه انك لو فهمتي دماغ الدكتور هتعرفي تحلي امتحاناته وتجيبي تقدير
بس المشكلة بجد ان معظم الدكاترة مش ليهم امان دلوقتي
ربنايستر علينا وعليكي

ياااااارب
بس على فكرة ياباش مهندس انا جايبة تقدير وجيد جدا كمان بس كان المفروض اكتر من كدة بس مش عارفة الدكاتره دول بيدوا الدرجات دى ازاى بس يلا الترم التانى يبقى احسن باذن الله

ينهار أزرق

جايبه تقدير جيدا جدا وتقولى مش عارف ايه الدكاتره بيظلمونا

انتو عايزين تعملو فينا ايه

ماالواحد طلعان عينه طول السنه ومبيشوفش التقديرات دى

وبنبوس ايدينا وش وضهر ونحمد ربنا ......... انتم بتتبترو على النعمه

كفايه جيدا جدا قوى ولا هوة لازم تجيبى امتياز ب 99 فى الميه مش عارف

لييييييييييييييييييييييييييييييييييييييييييييييييييييييييييييييييييييييييييييييييييييه

انا مبحسدش انا بنق بس

انا بخبط دماغى فى الحيطه

مش عارف والله الناس اللى بتجيب تقديرات دى ومش عاجبهم كمان

والله الواحد طول السنة طلعان عينه من الدكاتره ومن المواد وشغال طول السنه

واخر السنة مبنفكرش فى تقدير وبنقول يارب ننجح ونحمد ربنا قوى

ايه شغل العينين الصفرا دي والنق سيب البت فى حالها يابشمهندس والله يعينك ياعم من يوم مدخلت المنتدى ده ومن قبل ما اسجل واشترك وانت بتمتحن نفسى اعرف انتوا بتدرسوا وتذكروا اللى بتمتحنوا ده امتى طول السنة امتحانات ايه ده وربنا مع الجميع00 وبعدين ايه شغل الاحباط اللى انتى هتجيبى لناس ده ياروز راعى شعور الزملة

ياولاد الايه انتو بتذاكرو كده ههههههههه
بما انك كليه قمه وبتذاكرى وبتجيبى تقدير عايزة ايه تانى
بما انك انتى مش راضيه بجيد جدا وانتى فى كليه قمه يبقى انتى اكيد لا فى هندسه ولا فى علوم وممكن ولا فى صيدله كمان لان الاول عندنا بيجيب جيد جدا وانا كنت 25 على الدفعه وجايب 72% شوفت بقى جيد فى هندسه عامله ايه
ممكن انتى تكونى فى طب ودى جايز لانك مش راضيه بجيد جدا لان الشعبى جيد جدا
واعتقد ان مفيش ظلم فى الكليات دى وان تقديرك اللى انتى جيبتيه هو دى حقك.
دى من باب انك كنتى علمى اصلا
نيجى لو انتى ادبى نحصر كليات القمه بتاعه الادبى لو بدانا باثار ثم السن ثم اعلام مش عارف ممكن سياسه واقتصاد وبعدين التربيه
هنا بقى ممكن نقول اه ممكن هنا تتظلمى لان اللى بيحصل كالاتى لو واحد ابوة دكتور فى الجامعه فى احدى الكليات اللى احنا ذكرناها اعتقد انه هو الاولى بالتقديرات دى ومش شرط .كليه زى كليه الاثار انا اعرف ان دفعتى معظم المعيدين مش من ابناء الدكاتره واعتقد ان كان حصل مشكله زى كده ان واحد صحبنا اول الفعه فوجىء انه اخر السنه مش ليه ترتيب وانه مش هيكون معيد ورفع قضيه وطالب بحقه واتعين بس الشايع فى الكليات دى انها التدريس فيها بالوراثه والله ولى التوفيق والسلام عليكم ورحمه الله وبركاته

الشعبى فى طب جيد جدا امال المقبول واللى بيشيل ده ايه
كده انت ظالم الدكاترة يعنى اللى ميجيبش جيدجدا ينتحر
انا اعرف ناس فى طب مجبتهاش لا حكم صعب اوى الله يكون فى عونهم
لكن انا معاك انها مش فى هندسة لان ده تقدير حلو جدا فيها مش ظلم ولا حاجة

على فكرة انا عينى مش صفرا خالص

انا عينى عسلى خالص

والله ما بحسد انا بس مستغرب على حالى ......

عسلى صفرا المهم النية وربنا يستر من النية
بالنسبة لحالك من ده كتير وبعدين فى ايه احنا اول الترم والواحد بيقول ياهادى
والنتيجة على الابواب بلاش المواضيع اللى تقلق دى
ربنا معك ومع الجميع يابشمهندس
بالطول بالعرض هتتخرج وهتبقى بشمهندسبشهادة الجميع محدش هيقولك انت بشمهندس جيد ولا جيد جدا لكن اللى بعد كده ايه
ربنا يستر عليك وتحقق اللى انت عايزه

امين يارب احقق كل اللى انا عايزه

وكل الناس تحقق كل اللى هيا عايزاه

امين يارب
بس عايزة اسألك سؤال ليه كل اللى فى هندسة عايزين يدخلوا كهربا
مش مدنى رغم ان انا شايفة ان مدنى ده تخصص فريد
يعنى مفيش تخصص يعادله اعتقد كده ولا ايه
لكن كهربا واتصالات والكترونيات والحاجات دى فى حاجات بتعادلها او زيها شوية من معاهد تكنولوجيا واى حد ممكن ينمى نفسه فى الناحية دى بالدورات والكورسات وكده
يارب تكون وجهة نظرى وصلت ومتزعلش حد

لا على فكرة والله ابدا

انا فى مدنى

هوة بجد وانا فى اعدادى هندسة كنت عايز ادخل كهرباء وقسم اتصالات كمان

وده لاسباب كتيرة زى ان قسم كهرباء اعلى مجموع وان مهندس الاتصالات اغلب شغله فى المكتب من غير ما ينزل موقع او خلافه
وكمان لما كنا بنسمع م اللى اكبر مننا على مرتبات مهندسى الاتصالات

بس والله لو رجع بيا الزمن تانى هدخل مدنى تانى

بس بيتهيألى دلوقتى الظروف اختلت بالنسبه لكهرباء انا قصدى على ظروف الشغل

بقت نادرة وقليله قوى لمهندسين الكهرباء بعكس مهندسى المدنى من فترة قريبه

بس الظروف بتتغير

وربنا يستر

اوكى انا معاك انت وهى هى بتقول ان قسم كهرباء يعادله اقسام بره زى الجامعات الخاصه والمعاهد الخاصه وعلى فكرة مدنى برده
بس لو قولتلك ان كهرباء اصعب علم ممكن تدرسيه فى هندسه لازم تصدقى لان دى حقيقه عارفه ليه اقوللك ليه
1- اولا علم بيعتمد على التخيل بالعكس من ميكانيكا ومدنى وبقيت الاقسام
2- متشعب بدرجه فظيعه هقوللك كهرباء عباره عن باور واتصالات باور اوكى امرها سهل وقريبه من ميكانيكا جد وبتتلخص فى اجزاء المحطه سواء انتاج او توزيع يعنى كل اللى عليه يعرف ايه هو المحول ايه العازل ايه الابراج وانواعها كيفيه نقل الطاقه يعنى الى حد ماسهله
تعالى لاتصالات خدى عندك لو اكلمت عن اتصالات بحته يبقى انا هتكلم عن شيكه الارضى وهتكلم عن الشبكه الهوائيه ( المحمول ) وهتكلم عن الشبكه الى بى
لو انا حبيت انى اكون مهندس ديزينر مثلا يبقى لازم اكون بعرف لغه برمجه وعدى عندك بقى سى او سى + او فيجول بيسك او ماتلاب او تى سبيس او توب سبيس او بى كاد او ايجل او حتى لغه الاله سواء اسمبلى او فورتران
طيب عارفه كل قسم من الشبكات اللى انا قولتها فيها كام باكيج يعنى
مثلا wireless network فيها 5 كورس gsm , cdma ,, umts ,, gprs
كل قورص من ده ياهلك انك تشتغلى فى مكان كويس
لو اتكلمنا على الشبكات كمهندس it بتهيالى صعب انكم تفهمو انا اقصد ايه
يعنى ccna , ccnb , ccne
بالنسبه لمدنى قسم سهل فى انك تتعلمه لذيذ فى شغله ماعليك انك تشتغل ببرنامج او اتنين سواء اتوكاد او ساب صح يابيونير

يعنى ايه مذاكره انا ممرتش بالمرحلة دى
وهى الدكاتره هتدى درجات على ايه مش كفاية الكشف
الله يكون فى عونهم

» عايزة حد يفهمنى