اقتــــــــــــــــــــــراح ...يالا يا بنات شاركونى

اممممممممم
انا موافقه طبعا من غير نقاش
بس انا ملياش فى اى حاجة من الحاجات دى الا قليل اوى
يعنى تقريبا مش هفيد اد ما ممكن استفيد اساسا


بس فكرة حلوة اوى
وانا يا سيتى اول مساند اهه

ميرسى ياروح وأكيد ان شاء الله هتقدرى تستفيدى وممكن تلاقى جواكى طاقات ومواهب متعرفيهاش وتساعدى معانا فى نجاح الفكره دى

ان شاء الله

ربنا معاكو

فكره ممتازه ياqueen الله ينور عليك يااجمل ملكه ياريت ننفذها بسرعه وممكن نناقش موضوعات اجتماعيه وسياسيه و................... على فكره المراه اصبحت ناضجه فكريا وعقليا ونفسيا واجتماعيا وده الى مش قادر يفهمه الشباب وممكن نستاذن مدير المنتدى ان نقيم لنا قسم للمطبخ على مانفذ الفكره نحن فى حاجه ماسه له واتمنى ان الاعضاء فى المنتدى يساعدونا ربنا يوفقنا

ميرسى يا البراءه على رايك واقتراحك الجميل وياريت فعلا المدير يهتم بالاقتراح ده
وميرسى جدا انى لقيت تقبل منكم بفكرتى
ويارب اكون عند حسن ظن الجميع

السلام عليكم

ازيكم يا أحلى بنوتات؟
طبعا انا فاهماكم

وأنا حاليا شغالة على منتدى منفصل اسمه منتدى بنات سنفا
للبنات فقط
هيكون منفصل عن الجسر
وهيكون لينا بس
مواضيعنا وهمومنا واهتماماتنا
احنا البنات بس

طبعا انا بس بدات في التصميم على الورق
لو موافقين أبدأ على الشبكة العنكبوتية
يا ريت أعرف رأيكم بجد

لا ياباش مهندس انتم تعملوا لكم منتدى خاص اسمه(احنا شباب سنفا) ونافسونا ونشوف مين اللى هيكسب
وانا معاكى يا بنت سنفا وحقيقى فكره حلوه على الاقل يبقى فى استقلال
وكمان اسرارنا متتسربش
هههههههههههههههههههههه
ان كيد هن عظيم
queen

انتو شايفين ان اسرار البنات بتتسرب على المنتدى اللى شايف كده يقول اسرار ايه دى اللى اتسربت
انا عن نفسى مشوفت اسرار البنات غير فى فيلم سينما


لو عايزين القسم اللى طلبتوه هنعمله

وبالتوفيق فى منتداكم

ميرسى جدا يا مديربالنيابه عن نفسى وبقيه اصدقائى وفى انتظار قسم (عالم حواء) واختيار المشرف ليه

ازيك يا كوين يا حلوة؟
إن شاء الله يتم انطلاق منتدى بنات سنفا في يوم ميلادي
هههههه

بس إيه رأيك تكوني انتي المديرة يتاعته
لإني أكيد مينفعش اكون المديرة
والمدير هو اللي بيعمل المنتدى
فاعمليه انتي

ممكن؟
ولا ناجل الموضوع حبتين
وخلينا هنا نرحم الأعضاء؟

اوك انا موافقه وان شاء الله قريب جدا
هبتدى فى التنفيذ وميرسى جدا على ثقتك دى يا بنت سنفا
وان شاء الله احاول اقدر عند حسن ظنك وظن الجميع
good luck

with my love
queen

على فكره يا جماعه انا عايزه اقول حاجه منتدى الجسر منتدى مهم جدا وكفايه انه قرب كل شباب سنفا من بعض حتى المغتربين زييى كده وكان هو الخطوه الاولى اللى اتعلمنا من خلاله حاجات كتير واتبادلنا وجهات النظر فان كنا فكرنا نعمل منتدى خاص بكل شئون المراه فده مش معناه اننا ممكن نسيب الجسراو ننشغل عنه المنتدى ده اذا كان فى العمر بقيه وعملناه فهيكون مجرد فرع تانى للجسر
ولو نجحنا فيه فهننسب الفضل برده للجسر
وبقول حاجه للمدير انى كنت بهزر لما قلت اسرار حواء متتسربش وكده ده كان مجرد هزار ياريت يا جماعه محدش يزعل منى فى المنتدى ده

ياريت ترشحو واحده منكم تكون مشرفه قسم
حواء على الجسر

وتعدلو على اسامى المنتديات لو مش عجباكم وياريت لو فى اقتراحات لاضافه اقسام تانيه

معاكى ياكوين
وعلشان هى صاحبة الاقتراح تبقى هى المشرف
وبالتوفيق

أشكرك جدا يا حضرة المدير للاهتمام بفئة البنات

وأنا الصراحة شايفة إن أحق ناس بالإشراف هم
- كوين
- روز الجنة

لإنهم شغالين بجد

ويا كوين
إن شاء الله منتدانا يكون فرع للجسر ..الجسر أساس كل حاجة..ومش هيتنسي خالص

ايه يا بنات؟؟؟؟
طلبكم اتنفذ بس انتو للاسف مفيش نشاط
يااااااريت كلكم تهتموا بنتيجة اقتراحكم شويه وتعرفو ان القسم ده اتعمل عشانكم مخصوص
انا كمان لازم اشكر المدير جدا انه لبى طلبات البنات

يلا يا بنات وروني شطارتكم ونورو الجسر كله
واول واحده مستنياها كوين صاحبة الاقتراح الجميل ده