احكى موقف مضحك حصلك او حصل لحد من صحابك

المواقف اللى هقولها دى حصلت حقيقى حقيقى

مره واحد سنفاوى راح يعمل تحليل دم وتانى يوم راح يجيب النتيجه
الدكتور قاله فصيله دمك ايه
( a)
صاحبنا رد وقاله امال انا جاى ليه



مره واحد برضو سنفاوى من الناس القدام الطيبين كانت عينيه وجعاه قال لبنته هاتيلى اى حاجه من الصيدليه لعينى .. جابتله مرهم تيراميسين المعروف
صاحبنا لقى الانبوبه صغيره وبصلها باحتقار كده وقال ايه ده يا بنت ... تيت ... ملقتيش غير الصغيره دى
وراح فاتح التلاجه .. لقى انبوبه كبيره وملظلظه قام مالى بها عينيه
صاحبنا حس بحرقان فى عينيه قال لبنته الحقينى عينى هتموتنى
قالتله يابابا ده معجون سنان


سيد واحد صاحبنا كان بيشترى قزازه الدواء وميسباش غير لما يخلصها فى بق واحد مراته تقله ياراجل هتموت يقولها يا وليه دى
ب 2 جنيه



سيد واحد صاحبنا كان له معاش المهم ان مراته كانت تموت وتعرف هو بيقبض كام دانته على كده بتاع 30 سنه حتى من ايام القبض قبل المعاش المهم ست صاحبنا تقوله ياراجل انت بتبقض كام يقوم صاحبنا رادد اه دماغى هاتو حاجه اربط بيها دماغى والراجل يقعد يتوجع يومين لحد مامراته تنسى
المهم تعب سيد صاحبنا ده والوحيد اللى اتمنه على المعاش بتاعه انه يقبضه ليه كان ابن ابنه
المهم ابن ابنه راجع وجايب القبض لقى العيله كلها مستنياه علشان يعرفو القبض كام الواد يبص لسيده يقوله اقول ياسيدى والراجل على فراش الموت يقوله لا
وبكده الراجل مات واندفن السر معاه

^o)^o)^o)^O)^O)^O)^O)^O)^O)^O)^O)

ايه يامدير انت بتجيب الحاجات دى منين

ده الواحد يخاف منك واضح انك ليك اساليبك الخاصة فى البحث فى المواقف السنفاوية
وعندك مخبرين --انا طول ما انا فى سنفا همشى زى الالف واحتمال مخرجش من البيت اصلا