مش عارف موضوع مالهوش عنوان ادخلو وخلاص

يقول الله عزوجل(المال و البنون زينةُ الحياة الدنيا)

فجميعنا نتمنى أن نـُـرزق بأبناء

لكن ماذا لو وَجَدت الفتاة شاباً في غاية الجمال وذو دين ٍ وأخلاق ٍعالية

ولكن عيبهُ الوحيد أنه لايـُـنجب ...

فهل تقبلين الزواج منه؟؟

وكذلك السؤال موجهٌ للشباب ...

هل تقبل الزواج بفتاةٍ لاتـُـنجب؟؟

أو ....

إذا تزوجتم وأكدت الفحوصات الطبية بأن أحدالطرفين لا يـُـنجب فما هي ردة الفعل ؟؟؟

هل تهون عليك عِشرة السنين التي قضيتموها مع بعض وبالتالي تفترقان ؟؟

أم أنك أيها الرجل تريد الزواج من إمرأة ثانية مع بقاء الأولى في عصمتك أم ماذا ؟؟

وأنتِ أيتها المرأة ماذاستكون ردة فعلكِ ؟؟

هل ستطلبين الطلاق والإنفصال ؟؟

أو ستبقين صابرةًمُحبه ومتعاونة وتحاولين أن تـُـنسيه همومه ؟؟

اريد الكل يشاارك وبصراحه ؟[b]

أنا سعيدة أوى أن انا اول واحدة هرد على موضوعك ياكبير
أنا لماقرأت العنوان بس ومن الكبير قلت ده أكيد هيبقى موضوع جامد زى كل المواضيع بتعتك

المهم...
انا عن نفسى وبجد وبكل صراحة هكمل لو فعلا كنت بحب الشخص ده يعنى مش لمجرد سبب زى ده كان ممكن انا أبقى مكانه فيه أسيبه
وأضيع كل حاجة أصل كمان كما تدين تدان يعنى زى ماهسيب ده هيجى اليوم اللى ربنا هيخلى الشخص التانى ده يسبنى
يعنى من الاخر لو الشخص ده كويس وبيعملنى كويس هكمل معاه يعنى لو فعلا يستاهل وهحاول كمان انى اخفف عنه مش أكمل معاه وافضل اعيره بقى وازله انى كملت معاه
بس ياييدى ده رأيى
عايزين بقى نشوف أراء الناس التانية.

بجد والله كنت ناوية اعمل الموضوع ده بجد
بس سبقتنى يلا الكبير كبير
المهم انا بجد والله مش كلام
لو اتجوزنا خلاص اوكى مفيش مشاكل
بس قبل اولا هحترم صراحته جدا بس الموضوع مش
سهل اكيد هفكر كويس جداا مش عارفة بجد هيبقى الموقف ايه
لان دى حاجة مش سهلة
وربنا يرزق الجميع

الاطفال
مش عارفه
الحياه متنفعش من غير عيال كده منك ومنها وكل اما حد يشيل العيال يفتكر يااااه ده حته من حبيبى
الحياه اكيد هتكون صعبه اوى اوى اوى من غير عيال
بص لو بعد الجواز اكتشفنا المضوع ده اكيد اكيد اكيد هكمل وهساعده انه يتعالج ولو متعالجش مش مشكله المهم انه انسان كويس وربنا يعوضنا خير
بس لو قبل الجواز وقبل الخطوبه وكن عارف ومقليش الا قبلها اكيييييد مش هكمل
انما بأه لو حبينا بعض ورحنا احنا لاتنين نعمل الكشف الطبى ولقيته مش بيخلف اكيييييد بردو هكمل معاه
اما لو جيلى اساسا وهو لسه بيتقدم وقالى انه مش بيخلف مش عارفه بصراحة هعمل ايه
ممكن اشوفه وفعلا لو كان كويس اعتقد انى ممكن اضحى انى اكون ام فى سبيل انى ارزق بانسان متدين محترم وفى كل الصفات الحلوة دى
بس الله اعلم رد فعل اسرتى هيكون ازاى
اصل مش زمبه اصلا انه مبيخلفش
يعنى يموت نفسه يعنى
وبعدين كمان
مانا ممكن اطلع انا الى مبخلفش بعد الشر يعنى .....ساعتها لو سبنى اكيد هزعل اوى اوى اوى
لالالالا يا كبيييييير
الموضوع ده فعلا مشكله كبيرة اوى بتواجه ناس كتير جدا بعد الجواز
طب انا اعرف واحد غنى اتجوز واحده عاديه وبعدين طلعت مش بتخلف
بس فضل وراها وعلاج والذى منه
بس بردو معرفوش يعالجوها
بس اطلقوا
المهم انه فضل يصرف عليها لحد اما مات
يعنى بس اتجوز واحده غيرها وجاب ولد وبنت زى العسل
عبد الرحمن
ونيرة
المهم
بردو اهله اعتقد فاكرينها وبيودوها وكده
رغم ان ملهمش منها ابناء الاخ ولا حاجه
بس الموضوع نفسى اكتر ماهو اى حاجه تانيه
هو مقدرش انه ميخلفش
بس فى نفس الوقت رغم انه مخلفش منها منسيهاش
بس يعنى
بس ده اعتقد بيعتمد على مقدار الحب
يعنى ممكن اعتقد انهم كانوا بحبوا بعض بس مش للدرجه الى تخليهم مهما كان يفضلوا متجوزين من غير عيال
بس يعنى

وبعدين اولا واخيرا يا كبير هصلى صلاة استخاة يعنى
مش همشى سبهلله كده
ده جواز وخلفه
ولا ايه

على رايك بس لو انا بحبها بجد استغنى بيها عن الكون كله

يا عينى يا ليلى
انت بقالك فترة رومانسى
يا بختك يا عم
Very Happy

لا دانا رومانسى من زمان بس مش لاقى اللى يطلع اللى جوايا

على فكره الموضوع مهم اوى ومفيش كلام يتقال بعد الاراء الجميله دى
حقيقى مش عارفه اقول ايه
بس حقيقى لو بحب الانسان ده ويقدر يعوضنى عن كل شىء فى الدنيا
عمرى ما هتخلى عنه ومن غير تفكير ولو للحظه
ده لو بعد الجواز
لكن قبل الجواز الموقف مختلف طبعا وليا الحق انى افكر بدل المره 1000مره
هل مستعده اتخلى عن احساس الامومه ولا لاء مش هقدر
ويارب مش نتعرض لموقف صعب زى ده

والله انا اللى شايفه على ارض الواقع ان الواحد لو هو اللى مبيخلفش بيتهمها فى مراته
وبعدين مفيش واحده بعد متجوز بتطلق علشان سبب زى ده
وبعدين لو اطلقت مين هيرضى يتجوزها كله هيخاف منها هيقول دا موقفتش فريح جوزها وبعته يبقى هتبعنى انا كمان فى اول موقف
وبعدين انتوا البنات بتقولوا كده اكمنكم لسه متجوزتوش بس لما تتجوزوا هتخدوا على دماغاتكم ومتقدروش تتكلموا

ايه ياباش مهندس هناخد على دماغنا ازاى على فكره مش اىبنت اللى بترضى بالاسلوب ده
وبعدين دى كلها وجهات نظر وعموما ربنا لو حطنا فى موقف زى ده يبقى اختبار ولو رضينا نكمل يبقى هو اللى اختار لنا ده والخيره فيما اختاره الله
وبعدين انا قولت برده زى غيرى ان لو بعد الجواز اكتشفت الحكايه دى وفى بينا الحب اللى يقدر يعوض اى شىء فى الدنيا كلها اكيد مش هضحى بيه مع انى ليا الحق فى انى انفصل عنه واعيش حياتى ومفيش حد هيقدر يقول اى شىء لان هيقولوا وهيا زنبها ايه تتنازل عن امومتها
ويبقى مجتمع انانى لو غلطتها فى اى شىء

من غير ماقرى الموضوع ياكبير الموضوع تمام بس هو بيتكلم عن ايه اصلى مستعجل ومش عايز اقرى
بس انا كنت لمحت طلاق وجواز انا لو مكانك هطلق ...... ومتقلقش فيه كتير يتمنو تراب الكبير بس انت قولى عملت ايه فيك قولى بس ..... وشوف انا هقدر اجيبلك عياللك منها ولا لا ولو مقدرتش ههحيبلك مكانهم مش انت ياكبير اللى واحده تعلم عليك
وانا رديت بالطريقه دى ياكبير لان انا معرفش موضوع ايع اصلا وكده او كده مالوش عنوان

هههههههههههه
ايه ده

صح عندك حق يا كوين
وايه ياباش مهندس هتاخدوا على دماغكم دى
على فكرة بقى نظام سى السيد دى خلاص انتهى
وانت بتقول ماحدش هيقرب منها ليه يعنى هى كان زنبها ايه هى دى الكلمة اللى ستقال على كل لسان(هى زنبها ايه)
وبعدين احنا اصبحنا فى مجتمع متفتح مش منغلق وكل ارائه اراء سوفسطائية
وعلى العموم ياباش مهندس الايام بيننا

ايه ياحازم انت طلقت انت كمان
سهله
فى الجمعيه كتير

هههههههههههه
هى ايه دى اللى فى الجمعية كتيير
الفراخ صح

قولى عملت ايه فيك قولى بس ..... وشوف انا هقدر اجيبلك عياللك منها ولا لا ولو مقدرتش ههحيبلك مكانهم

المشكلة بقى واللى الموضوع بيتكلم عنها ان مفيش عيال اصلا
ايه يابشمهندس عملت موضوع لوحدك كده

صح ياحمد والله موجدين كتير فى الجمعيه بس الواحد لما بيجى يخطب بيخطفوا من قدامه وبيحس ان مفيش فراخ فى سنفا وده حصل على ايدك ومع كل صحابنا اللى خطبه

انا رديت متأخر للأسف لانى لسه شايف الموضوع حالا

بس لو الموقف ده حصلى وانا متجوز او حتى خاطب وعرفت عنها كده انها مبتخلفش وبحب البنت دى عمرى ما هفكر ثانية انى ابعد عنها او اسيبها او حتى اشوف واحده تانية اتجوزها

الموضوع حلو قوى

بجد ردك رائع يا بيونير
الرد المفروض كل الشباب يردوا بيه

صوابعك مش زى بعضها وبعدين كمان فى حاجه مش لازم الشباب كلهم يردو بيه دى وجهة نظرى انا

ولو حد عمل غير كده يبقى ده حقه الطبيعى والى الشرع ادهوله ولا لوم عليه اطلاقا ومن يلوم عليه .............

الموضوع اكيد صعب جداا
بس بعد الجواز بيبقى الموضوع سهل شويه والقرار اسهل انهم يكمله
انا اعرف ناس كتير كده وعايشين مع بعض اسعد من اللى عندهم
هى مسألة رضى بالقدر والنصيب
بالنسبة ان الشخص ممكن يستغنى عن الاطفال لانه بيحب الشخص ده فده ممكن
بس بصراحة بحب الاطفال جداا معرفش بصراحة قبل الجواز الموضوع هيبقى صعب جداا
معرفش بجد القرار هيبقى ايه

ههههههههههههههههه
انتم صحاب يا جماعه
وعارفين بعض
بس ياريت تحطوا نفسكم فى حاله زى دى
انا اعرف حاله على فكره
كان العيب من الزوج بس الزوجه ضحت بكل شىء لانها بتحبه اوى ومتقدرش تستغنى عنه ولا لحظه وهو كمان بيحبها جدا
بس اللى حصل انه بقى بينهم حاجز والزوج حصل ليه حاله اكتئاب واتعقد لدرجه انه بقى يهملها وكل ما تحاول تقرب منه وتخرجه من حالته دى تلاقيه بيبعد عنها اكتر واكتر وبقى يعتبر ده منها شفقه عليه مع ان المفروض لو حد فيهم حصل ليه مشكله التانى يشفق عليه
وبالصدفه كان ليه اخ وعنده اولاد وزوجه ويشاء القدر ان الاخ ده يتوفى

حاله الاكتئاب دى دفعته ان يسيب زوجته معلقه ويروح يتجوز من مرات اخوه بحجه انه يربى اولاد اخوه
ياترى لو انت مكانه هتعمل كده
ولو انتى مكان البنت دى هتقدرى تكملى معاه

اكمل مع مين لا طبعا انا اعرف حالات كتير بس كويسين مكملين
سواء العيب من ده او ده وعايشين عادى جداا
وبعدين حكاية بعد الجواز دى عادى المشكلة قبله
فى حاجة انا كنت سمعتها ان لو العيب من الزوجة فالمفروض على الزوج انه يتجوز بعلمها طبعا
وهى لها حق انها تكمل او تنفصل
ده سمعته من شيخ
يعنى كان سؤال من واحد مكنش عايز يتجوز على مراته ومش عايز ولاد والشيخ قال له حسب الشرع المفروض تتجوز معرفش بقى ده صح ولا ايه

لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا إِنَّهُ عَلِيمٌ قَدِيرٌ} الشورى : 49 -50
انا حبيت ابدا الموضوع بايه من القران الكريم وهى بتفصل فى الموضوع دى
لو كل واحد عرف وتيقن ان دى نصيبه وان دى ربنا هو اللى مقدره ليه فعلا صدقونى هتبقى مش مشكله
لو تلاحظو فى نهايه الايه ان ربنا اعلم بحالنا منا وانه هو اللى مقدر كده وانا بعتقد دى انه ابتلاء من ربنا للعبد سواء الزوج او الزوجه على الصبر
والامثله على كده كتيرة جدا
سيدنا ابراهيم رزق بسيدنا اسماعيل وهو فى الستين من عمرة
المراه التى كانت على عهد رسولنا _ص_ لما مات ولدها الوحيد عملت ايه ... تخيلو كده .. غسلت ابنها وكفنته واستن جوزها وجهزت الاكل واتعشو وتزينت له وقضت ليلتها معه وبعد كل دى قالتهله لو حد اديك امانه وائتمنك عليها وبعد كده طلبها منك هتعمل ايه
قال ... طبعا هردهاله
قالت ... ربنا من علينا بولدنا الوحيد واخده تانى مننا هتعرض على قضاء ربنا
قال ... لا
المهم انه ذهب لرسول الله صلى الله عليه وسلم
وقص عليه ماحدث
قال له رسول الله صلى الله عليه وسلم بورك لكما فى ليلتكما امس
ورزقهم الله بـــ 9 من الاولاد
اعتقد انه الموضوع دى مجمله انك بتحتسب عند الله الصبر وتحسن الظن بالله انه هيرزقك امتى دى بمشيئه الله
معلش كان كلامى عامى يعنى الكلام اللى بنتكلمه مع بعض كان بامكانى انقله من اى صفحه على النت بس انا قولته من اللى انا فاكرة من بعض ماسمعت من الشيوخ

» أشياء تؤلم ..؟؟؟!! موضوع اكثر من رائع ارجوا من الجميع الدخول لانه موضوع يستحق الدخول
» عنوان التميز: أقوى موسوعة للبرمجيات المشروحة من برامج نت
» ادخلو واعرفو أول حرف من اسمكم يعني إيه؟
» انت عارف انت بتكلم مين ...... !!!
» عارف الشلل الرباعي........لو قريت الموضوع ده هتعرفه