لااااااا هيحصل كتير

وقع فى ايدي بالصدفة استطلاع راى للشباب عن المعاكسات تعالوا نشوف قالوا ايه
1)انا بعاكس البنت اللى تستاهل تتعكس يعنى بسبب لبسها ومشيتها
طيب اوكى انا معاك فى بنات تستاهل بس مش اكتر من التجاهل من الناس كلها زى ما فى بنات تستاهل الاحترام من الناس كلها
وبعدين انت بتنتقد غلط بغلط تانى يبقى اسمه ايه ده يعنى اكيد استهبال
2)انا مبفرقش بين محترمة وغيرها بعاكس كله بس بصراحة بندم بعد ما بعاكس المحترمة
كتر خيرك على الندم بس ياريت يبقى ندم على الكل مش نص نص يعنى
3)انا بعاكس وهفضل اعاكس يعنى البنات هيحصل لهم ايه لما يتعاكسوا هينقصه ولا هيموته يعنى(والله ده راي واحد بجد)
ده بقى كان كارثة اتصدمت يعنى ايه ايه اللى هيحصل لا هيحصل كتير فى بنات بتوقف حياتها بسبب المعاكسات
بتسيب شغلها ودراساتها وبتكره الرجالة وبتنعزل وبيجى لبعضهم اكتئاب وبيرفضه الجواز وحاجات كتير جدا بتحصل من خوف وكوابيس وقلق من الناس وفقد الثقة فى الكل
بجد الكلمة اللى انت بترميها وانت ماشى على اي بنت مش بتفيد لكن بضر البنت جداا وحاجة مش سهلة
فى بجد بنات بتنعزل تماما عن الدنيا وزى ما تكون بتستنى الموت وخلاص لانها مش قادرة تعمل حاجة بجد دى مش مبالغة ده كلام بجد وعن دراسة وابحاث واستطلاعات راى
فكل واحد يبدا بنفسه مش هقولك اعتبرها اختك والكلام اللىالكل حفظه اعتبر ان مفيش حد معدى قدامك اصلا اعتبرها واحد معدى متعرفهوش اكيد مش هتكلمه
كل واحد يبدا بنفسه










يلا كله يقولى عاكس كام بنت قبل كده؟
طبعا فى ناس متعديش----------------------وربنا يستر

مفيش بنات فى سنفا تتعاكس
تانى حاجة احنا فاضيين نعاكس
تالت حاجة انتى ليه واثقة ان الكل بيعاكس
رابع حاجة انتى خايفه تتعاكسى

الموضوع كويس بس ناقص شوية حاجات كده ياريت تجيبى نفس الاستفتاء بس من البنات اللى بيعاكسو مش اللى بيتعاكسو وده موجود كتير اليومين دول وربنا يحفظ اخواتنا وقرايبنا وكل المسلمين


انعدم الحياء

انت بتهزر مفيش بنات فى سنفا يتعاكسوا ليه يعنى
وكمان مش فاضيين تعاكسوا اتكلم على نفسك بس
وفى كتير جدااااا بيعاكس وفى سنفا بلاش تحيز
وبعدين انا بتكلم جد المعاكسات دى مش حاجة سهلة
وبعدين ايه خايفة تتعاكسى دى ايوه خايفة على نفسى واخواتى واصحاب وكل بنت

ايه يابشمهندس كريم اجيب منين
وبعدين ممكن يكون فى بنات بتعاكس بس مش زى الولاد
لو تعرف تجيب هات انت وانا برضه هحاول
بس صعبة دى بس بجد الاستفتاء ده بجد مش فبركة

طب ياجماعة هاتوا استفتاء بنات بتعاكس
وبعدين انا مبتكلمش عن بنات سنفا
والنبى بقى هم موافقين يبقوا غفر بس تبعدوا عنهم

ايه يامهندس حازم مش يبقى كده انتا مهندس برده اه
وبعدين البنات مش غفر ولا حاجه دول بنات زى الفل وعسل كمان
وبعدين بنات سنفا دول يبقى منضمنهم اخواتنا وقرايبنا وناسنا
ايه يامهندس حازم انت معروف عنك الرومانسيه
وشكر يا never على الموضع

يا جماعه الموضوع بيتكلم عن ظاهرة مش عن اشخاص
وبجد المعاكسه موجوده مهما بلغ احترام البنت
دي بقت مرض في المجتمع وانا معاكم زي ما فيه ولاد مرضى بالمعاكسة فيه بنات مرضى بانهم بيتلذذوا بكده
ده رأيي بصراحة ياريت ميكونش فيه هجوم لان انا بشوف ده فعلا
وياريت كلنا نقتنع بقى ان في الدنيا كلها فيه الحلو والوحش


تحياتي

فعلا فيه شباب كتير كده

انا شاب اه
بس الغالبيه من الشباب كده
بس فيها شباب محترمه جدا ذى الى فى المنتدى

شكرا ليكوا جميعا
انا لما كتبت الموضوع مكنتش اقصد سنفا وبنات وشباب سنفا بس
الموضوع عامة
بس متنكروش ان فى شباب فى سنفا بيعاكسوا
ولا ربنا هداهم يمكن انا معرفش وياريت طمنونى يابنات

ههههههههههههههههههههههه

أنا بلاحظ اكتر
إن الشاب بيعاكس اللي عاوزة تتعاكس
أه والله
يعني البنت بيبان عليها من لبسها ومشيتها هي ماشية عادي ولا عاوزة تتعاكس
ومحدش من الشباب بيعاكس حد عشان معجب بيها
دولت بيلعبو وعاوزين البنت تعيش الدور..وعاوزين كمان يعيشو الدور

وأعتقد كل اللي في سنفا
شباب
وبنات
محترمين جدا..ربنا يوفقهم

شكرا يابنوتة بس والله بيعاكسوا الكل يمكن الاكتر اللى انتى قولتى
بس مفيش حد بيترحم حتى المنتقبات عندهم تعليقتهم الجاهزة عليهم
بالنسبة لبنات سنفا اه اوكى كتير منهم محترمين والشباب
بس انا لما بنزل بشوف شباب ما يعلم بيها الا ربنا وربنا يهديهم

اولا: فيه بنات تبصلها تعرف أنها تقبل المعاكسات من نظراتها من مشيتها من لبسها.
ثانيا:وفيه الاخرين الى تلاقيها(جدد) كده وتعرف تثبت اجدع واحدوتوقفه عند حده وتاخد حقها منه كمان.
أنا لما بشوف شاب يعاكس بنت باين عليها (يعنى)........وبتشد مع الولدالى بيعاكسها دى اما حالتين:
1:أما أنها مسروره بهذ المعاكسات(فبتنغر أكتر).
2:وأما أنها شبه محترمه (فتستاهل عشان بعد كده تحترم نفسهاوتتعدل).

أما الشاب الى يعاكس أى بنت فهو مش محترم (وبحتقره)

يعنى حسيت انك جاي على البنات شوية بس مشكور على الرد
بس انا نفسى نبطل كلمة تستاهل تتعاكس دى مفيش حاجة اسمها كده
يعنى يجى واحد يعاكس بنت وتيجى تقول انت بتعمل كده ليه يقولك اصلها مش محترمة وتستاهل لا يعنى انت ماشاء الله محترم اوى

ايه يابشمهندس انت قلبت الموضوع هو اللى بيعاكس بنت بيبقى عايز يكلمها
او معناها انه معجب بيها لا هو تقريبا خلل اهو بيعاكس وخلاص
مرة سالت واحد ليه الشباب بتعاكس مستفدين ايه قال بيعبر عن الجمال
قولتلوه طب كتير البنت مش بيبقى جمالها يلفت النظر او وحشة قالى بيرفع من روحها المعنوية شوفت الكلام

ههههههههههه
شوفت يابشمهندس يبقى هو يستاهل ده المفروض يتقال مقياسا على كلام الولد ان البنات تستاهل يبقى هو يستاهل الشتيمة
بس انا معترضة طبعا على الاسلوب ممكن ترد عليه بطريقة تانية بس ده لو تجاوز الحدود بكتير بس لو كلمة والسلام حاولوا يابنات تطنشوا هم بيفرحوا لما الواحدة ترد عليهم --وفى الجامعة فى الامن