تخيلو لو البنات هيه الي تخطب الولا .... تعالو نشوف

تخيلوا لو البنات هيا اللي تخطب الولاد ايه اللى هيحصل تعالو نشوف....

تخيل كده وانت قاعد في الغرفه بتاعتك وعمال تقرا في كتاب رومانسي وخيالك سرحان مع فارسة احلامك تيجي تاخدك وهيا راكبه على السيسي الابيض
وفجأة تلاقي والدتك دخلت عليك وكان اصلا قاعده مع الجيران
وتلاقيها بتقولك انا عازه اتكلم معاك في موضوع يا ابني .... طبعا هترد عليها وانت قلقان خير يا ماما؟؟؟
تقول والدتك : والله يا ابني ام محمد جارتنا عاوزه تخطبك لبنتها . وانت ما شاء الله عليك كبرت واحلويت والكل عاوزك...... ايه رأيك يا ابني ؟
ساعتها تنزل راسك في الارض وتلعب في شعرك او في شنبك وترد وانت مكسوووووف وخدودك حمرا

الرأي رأيك والشوره شورتك يا ماما لأ لأ لأ يا( مامي احسن )
ومامتك تقولك بقى : والله انا مش شايفه في البنت حاجه
ماشاء الله عليها محترمه و وظيفتها محترمه وراتبها محترم وعيلتها كمان كويسه وبعدين من الشغل للبيت ومن البيت للشغل ولا بتدخن ولا بتخرج مع البنات صاحباتها يعني من الاخر بنت كويسه اوي

انت بقى تقول لولدتك: بس يا مامي هيا عمرها ما شافتني خالص
والدتك تقول : هيا شافتك وانت نازل من اتوبيس المدرسه بتاعك
بس يا سيدي وسألت عليك وقالولها انك ولد كويس وابن ناس
ولا بتروح تسهر بره ولا بتروح مع اصحابك تسهر معاهم في الكوفي شوبات
وقالولها كمان انك مبتخرجش الا مع ابوك
المهم يا ابني هيا وامها جايين يوم الخميس علشان يشوفوك
انت تسأل وتقول : طيب يا مامي بابي رأيه ايه ؟؟
ترد والدتك وتقول : والدك ما يعرفش حاجه هو مشغول في المطبخ وتنظيف البيت.
انت تقول : خلاص يا مامي اللي انتي شايفاه
وتخرج والدتك من الغرفه

وانت تقوم جري تقف قدام المرايا وتلف نص لفه يمين ونص لفه شمال وتشوف جسمك وتسرح شعرك وشنبك بمنتهى الدلع

وتقول : اخيرا حست بيا وخطبتني -

وقبل يوم الخميس تروح للكوافير الرجالي وتكون حاجز قبلها وتصبغ شعرك هاي لايت وتظبط حواجبك واللذي منه وتطلع زي القمر في الاخر

وتيجي للبيت وتلبس البنطلون اللي السوسته بتاعته( من ورا والقميص اللي كلة كرانيش وتحط العطر الرقيق الناعم) كل ده وخطيبتك و امها قاعدين بره
وفي اللحظه دي والدك يقولك : يالله يا ابني دخل العصير لعروستك امك عماله تسأل عنك لحد ما خنقتني
وانت تقول لوالدك : يا بابي انا بتكسف مش هاقدر ادخل العصير
وابوك يقول وهو حاطط ايده على كتفك يالله يا ابني روح لعروستك هىءهىء
وانت تقول : يا بابي انت دايما تحرجني كده ...
وساعتها تدخل صينيه العصير وانت على الباب تقول احم احم وبكل ادب ورقه ودلع تقول سسسسسسلام عليكم
وترد هيا عليك بعد ما تقف وتقولك وعليكم السلام وهيا عينها هتطلع عليك
وتقولها اتفضلي العصير وانت طبعا بتقدم نوعين عصير برتقال وفراوله
وهيا تسألك ايه احلى العصير الاصفر ولا الاحمر ؟
انت ترد تقولها الاتنين حلوين
وهيا ترد طبعا عشان انت اللي عملته بأيدك
وتحط الصينيه بسرعه وتحط ايدك على فمك وتكتم الضحكه وتطلع بسرعه من الغرفه دي
وتلاقي اخوانك الولاد يسألوك شكلها ايه ؟
وانت تقوللهم : تهبل يا اخواني والله حلوه اوي ودمها خفيف

وفجأه تسمع والدك بيزغرط وبيقولك مبروك يا ابني
__________________

ههههههههههه
قول انت رأيك
بس ده فى الاحلام لازم انتوا اللى تيجوا وتطلبوا الرضا واحنا لازم نعمل الشويتن طبعا
مش هنولكوا اللى فى بالكوا

طيب براحتكم شوفوا هتتجوزوا ازاى

والله يكون احسن يبقى توفير ..... بس نفسى يحصل معايا كده

ايه يعم الاحلام دى ده هما دلوقت مبيعملوش كده
الواحده بتروح تشوفها تلاقيها فى ايديها سلسله وعماله تلف فيها وتبرقلك وراكنه على الحيطه كده وبتزغر لحماتها مستقبلا
ابوها يقلها تعالى سلمى على عريسك تقوله اسكت انت يابابا متعودوش على كده انا هعرف اتفاهم معاه اما يجوزنى
طب يابنتى سلمى على حماتك .. هتقول استغفر الله العظيم يافتاح ياعليم يا رزاق ياكريم لسه هاجى ماشى يله علشان خاطر ام محمود
وتقول ابوها ظبطه بقه يابابا فى المهر والذى منه انت عارف انه لسه متخرج يعنى مش هيقدر .. عايزاك تقطم وسطه وتخليه يجهز اربع اوض

الواحده بتروح تشوفها تلاقيها فى ايديها سلسله وعماله تلف فيها وتبرقلك وراكنه على الحيطه كده وبتزغر لحماتها مستقبلا
الله اكبر ايه ده وانت بتشوفهم فين ياسيادة المدير احنا ممكن يجى علينا يوم ونعمل كده
ده بعدكوا مش هيحصل طبعا
هنفضل دايما اصحاب الدلال وانتوا اللى تيجوا لغاية عندنا

الظاهر يانفر شباب المنتدى بيحلموا اليومين دول

خليهم يقعدوا يحلموا ولا هم طايلين لسما ولا ارض

ههههههههههههههههه
جامدة يا مهندس
حلوة دي
وأبويا يسمعني زغروطة

بس على فكرة
بدات تظهر في سنفا حكاية البنت تخطب الراجل

لا والله ده مين بقى للى فى سنفا راحت تخطب الراجل
لأ طبعا دى كلها احلام ولا يمكن تحصل
وعلى فكرة يا دكتور البنت مابقتش بالسذاجة اللى انتم بتصوروها دى
ولا بقى فيه حكاية حاجة اسمها الحموات
بالعكس البنت اللى بتحب زوجها بالتأكيد أنها هتحب امه صح ولا لأ

ولا احلام ولا حاجه
انا اعرف ناس كتير كدا
بس يلا بلاش اسامى

» لو عايز تخطب بلاش تاخد نبيل معاك....
» تعالو نكتب على جدارالزمن! ؟
» تعالو اعرفو ليه الدهب حرام للرجاله....
» تعالو نفضفض شوية مش احسن من الهم الاحنا فية
» البنات واشهر الميلاد,!!!!!!