أنا والسيد وبطولة الكاراتيه ؟!! هو إيه الكاراتيه ده هههههههه

في يوم من الأيام
مش فيلم والله ده يا جماعة
ده يوم تانى خالص غير بتاع عم الحاج سي عبده الحليم حافظ والست زبيدة ثروت في فيلم يوم من رجلي أو يوم من ودنى أو روكبي أهو أى يوم من أى حتة وخلاص هههههههههه
كنت طالع على السلم بعد يوم عمل شاق وعمال أجلجل رائعه المبدعه الفنانه العظيمة الست عبله كامل في إحدى أبداعتها الفنية ( اللمبي )
سقف الأوضه بيلعب ليه من حلاوة الواد إيطاليانو عليه هههههههه
قال سقف الأوضه قال ( طب هو فيه سقف بيلعب برضه )
و بصيت لقيت الواد السيد ابن اختى بيجري ورايا على السلم....
حاولت أنفد بجلدي وأجري ولا أعمل حركة يمين ولا شمال كده علشان افلت منه بس للأسف الواد كان زى الصاروخ ومسكنى
قالي : خالى محمد
قولتله : إيه خالى دي إسمها آبيه محمد إما إنك واد سيرس و بيئه صحيح
قالي : يا عم نفض دماغك بقي وإسمعنى
قولتله ( وأنا مزهول طبعآ ) : نفض دماغك 00 ولد يا قليل الأدب طب ودينى لأربيك
قالي : ماشي يا عم الحاج بس إبقي ربينى بعدين00 بقولك إيه يا خالى محمد أنا هلعب للأهلي في نهائي بطولة الجمهوريه للكاراتيه
تحت سن عشر سنين والماتش هيبقى في الصاله المغطاه بتاعت النادي
والنبي يا خالى 000إحمممم 000قصدي يا آبيه تيجي أحسن خايف الصاله تبقى فاضيه و محدش ييجى يشجعني
قولتله : كاراتيه إيه يا بنى ونيلة إيه ؟ إيه الجيل المنيل بستين نيله ده هو أنا فاضيلك
لقيت الواد بص في الارض وعنيه دمعت بصراحه صعب عليا قولتله : خلاص يا واد هاجيلك وأشجعك كمان واعملك جو في البلالا وماتقلقشي
لقيت الواد فرح وجرى وقعد يتنطط حاسسني إن وزير الشباب والرياضه هايروح يشجعه ههههههههه
طلعت البيت وقعدت ادور علي أى حاجة حمرا اعملها علم ..

ربنا كرمنى ولقيت فانلة بحملات حمرا قولت أهى تنفع تتعمل علم وخلاص
وماحدش يسألنى هو فيه فانلات بحمالات لونها أحمر لأنى مش هاجاوبه هههههههه
روحت رابط الفانله في إيد المقشة وعملت فيها الواد ( بروسلي ) في عز مجده شايل علم الأهلي ورايح يتفرج ويشجع
وحضرت شوية مصاصات من اللي فيها صفارة دى علي شوية شخاليل علي بالونتين وطيران على النادي ....
وصلت لقيت الواد السيد بيلعب في الفاينال مع عيل من نادي الزمالك
قولت إما أعمل فيها مشجع كروى ( ما هوأنا بعد كده عرفت إن فيه فرق بين الكورة والكاراتيه )؟ هههههههههه
المهم ضربت كوبايتين يانسون علشان يسلكوا زورى علشان أعرف أشجع بزمة وضمير
وقعدت في المدرجات لوحدى ما فيش حد طالع صوته غيري ههههههه
العب ياض يا سيد .... إديلوه في جنابه ....إضربوه ..... دغدغوه .... كسروووو .... فشفش عضموا ....مرمط بيه بلاط الملعب ياض .... عايزأشوفه جثه ومتشال مربعن ههههههه ..
في الناحيه اللي جنبي كان قاعد راجل شايفني وأنا بديلوه الإرشادات العظيمه
التي وإن دلت فانها تدل على إني بسم الله ما شاء الله ( تيس وطور الله في برسيمه في الكاراتيه ) ههههههههه
( أنتوا بتضحكوا علي إيه )
المهم لقيت الراجل نفخ مناخيره وبيقولى : بقى لو كان ده أخوك كنت ترضي حد يضربوه ولا يقول عليه كدا ؟؟؟
قولتله : ده زملكاوي ابن ستين زملكاوي انت مش شايف بيلعب ازاي ده حمار واللي دربه كمان حمار
... وبعدين انت ايه الي حشرك انت؟
بصيت لقيت إربعتاشر دور إتبنوا وطلعوا فوق بعض وسبحان الله عملوا شكل بني ادم
الراجل : أنا أبقى الحمار مدرب نادي الزمالك وكمان أبقى أبو الحمار الي بيلعب
وعينك ما تشوف ألا النور
التحام منقطع النظير وناس كتير بتضرب في العبد لله إيشي بوانى علي شلاليت وفجأة لقيت الدنيا بقيت بيضا
الناس لابسه حاجات بيضا و اسلحه بيضا وفراخ بيضا ههههههههههه
وحسيت إن الدنيا كلها ما بقاش فيها لون غير الأبيض
ولما إتراميت علي ضهرى في الأرض ولقيت عربيات وموتسيكلات عماله تعدي عليا ناس كتير بتعدى من فوقى
إيشي رجاله ببناطيل علي عيال بشروتة علي 000 حريم بجيب وجلاليب 000 هههههههه
وربنا يخليهم الحريم يا رب عارفونى إن فيه ألوان تانيه كتير غير اللون الأبيض الحمد لله ههههههههههه
المهم كويس اني أخدت إيد المقشه معايا 00 وعلي ما أعتقد اني لسه ما فقدتش حاسه اللمس أو السمع الحمد لله
وعلى باب النادى لقيت حاجه بتجري ورايا خير الله إما إجعله خير صوتها كده شبه صوت الواد سيد
لفيت وقولتله : مين هناك عدو ولا حبيب
قالي : إيه ده يا خالى محمد إيه الدم ده والسواد اللي حولين عنيك ؟ ومال هدومك مقطعه كدا ليه ؟
قولتله : وأنت مال أمك أنت
قالي : خالى محمدمش تقولى مبروك أنا كسبت بطوله الجمهوريه في الكاراتيه
قولتله : كسبت بطولة الجمهوريه في الكاراتيه طب غور من وشي دلوقتى ياض أحسن وديني بإيد المقشه دى وهنفضك أنت واللى جابك
ههههههههه
آآآآآآآآآآآآى يا عينى
يلا سلامو عليكو
سلالالالالالالالالالالالالام

» الزمالك يستغني عن التابعي والسيد
» كلام نهائى التابعي والسيد وحسام وتامر خارج قائمة الزمالك