إوعى تقوم لبنت في المترو!!! عايز تعرف ليه ادخل يامعلم

اوعى تقف لبنت فى المترو

ياجماعة احنا لازم نعمل وقفة .. من اللى هيه كده

دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،

والأخت إيناس الدغيري تطلع تقول قصدى( تقلع ) تقول ان الراجل همجى مش بيعرف في المرأة غير جسمها،

والأخت إقبال بركة

تقول إن مصدر جمال المرأة هو عقلها

مش جسدها

ولازم التعامل معاها كعقل

بدون النظر إلى الجسد هيه عاملة فيه ايه..

ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..

ياواد انت ياابو مخيخ ملبن

..حوش شعرك عشان نشوف جمال عقلك يا قمر

والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟

كل الكلام ده ماشى

والأخت هالة سرحان بيجيلها تخلف عقلى

لو سمعت ان راجل قال لمراته حضَّرى العَشا..

باعتبار ان العشا رجس من عمل الشيطان

والأخت العزيزة سعاد حسنى تقول البنت زى الولد ماهيش كمالة عدد..
ومش عارف مين قال ان البنت كمالة؟؟

البنت طبق كشرى بحاله من الكبير ابو تلاتة جنيه..
زيه زى الولد بالظبط

والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره

(بيتعامل مع الأنثى اللى هيه نسمة ماشية ع الأرض يا( ولداه

طبعا انا باعدى الكلام ده لأنى عارف الولد المحترم بيعامل البنت المحترمة ازاى..

والزوج المحترم بيعامل الزوجة المحترمة ازاى

ومش محتاجين نصايح اسم الله على جمالهم وأدبهم اللى فاتوا

المشكلة بقى مادام بيقولوا البنت زى الولد..أنا ليه باقف في المترو عشانهم بقى؟؟

أيوة اوعى تمشى استنى..دى مشكلة كبيرة مش صغيرة..

يعنى أنا لما اركب المترو كام مرة فيالسنه وكل مرة اكتشف انى

لازم اقف عشانهم تبقى مشكلة

أدخل المترو في أمان الله واقعد بعد جهد كبير

وانا شايف واحدة موظفة مع صاحبتها راجعين من الشغل وصحتهم زى الفل..

وقاعدة تحكى لها ازاى تعمل محشى كرنب وقاعدة تقور في الهوا يمين وشمال

عشان يبقى الشرح عملى وصوتها عالى..

واول ما تدخل المترو تلاقى الشلل الرعاش حلّ عليها..

وعينيها مش قادرة تفتح من الإرهاق وتيجى هيه وصاحبتها قدامى بالظبط وتعلـّى صوتها

وتقول لصاحبتها: معدتش باقدر أقف كتير يا سنية..

ترد عليها زميلتها واللبانة ف بقها: ومين سمعك يا حبيبتشى..

الدكتور قال لى انى لو وقفت على رجلى خمس دقايق هارجًّع ع اللى قدامى علطول

ولا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو ..

بنت حلوة وشعرها ع الخدود يهفهف ويرجع يطير..
وتيجى تقف قدامك..

وفجأة تفضل تظبط شعرها وترميه ورا ضهرها زى إعلان صابون
كامى عطر فرنسى الإيحاء..

ومتوقعة ان الزبون اللى هوه انا هاقوم ابوس ايديها انها تقعد مكانى..
والله لو خلعتى شعرك كله واديتهولى على سبيل المقايضة زى قدماء المصريين..
برضه مش واقف

وبعدين الأول كانت عربيات السيدات في المترو قدام ومع ذلك كانوا

منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو..

قالوا لا .. هاتوا السيدات في نص المترو..ليه بقى؟؟

ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا

انما الرجالة بتموت من سكات!!!صلاة النبى احسن

طب حد مننا اعترض ان السيدات ماليين مترو الرجالة..
أبدا..

انما شوف بقى ياعم الحاج لو حظك الأغبر وقعك انك ركبت سهوا في عربية السيدات..

ياداهية دقى..

تسمع بقى أحلى كلام.. أولالا..

راجل؟؟..

واللى تحط وشها في الأرض من الكسوف..

واللى تقول أوووه.. راجل..فانتستيك ومعاه استك ..صلاة النبى احسن..

انتى عمرك ماشفتى راجل ياضنايا؟؟؟

مش برضه انتى جاية من شغلك

وهوه هناك

وراجعة بيتك هتلاقى واحد

في وشك زى القضا المستعجل

والبنت اللى في الجامعة آه لو شافت راجل في المترو..
هيغمى عليها من الخضة..

ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟

أيوة مادام فيه مساواة تبقى ف كل حاجة.

. زى ماانا باشتغل وهيه بتشتغل.. يبقى اللى يلحق الكرسى يقعد

باعتبار انها جمال ابن خالتى

يعنى عادى ..

ومادام فيه مساواة ولازم نتعامل مع عقل البنت..

يبقى بلاش تلعب لى ف شعرها

وتورينى دايما انها بتحط هيد أندشولدرز ضد القشرة

عشان اقوم..

لأنها زى ما بتحط هيد أندشولدرز

أنا باحط برضه هيد أنشولدرز

ومن الحجم الكبير كمان أبو عشرين جنيه..

بجيبه من الاجزخانه بتاعة الشريفه

المشكلة دى يحس بيها اللى بيركب المترو يوميا مش زيى .
اوعى حد يفتكر انى مش باقوم عشان حد يقعد

.بس اقوم عشان حد يستاهل..

يعنى ست كبيرة مريضة..

راجل عجوز تعبان..

ست شايلة تسع عيال على ايديها..

كده يعنى..

حالات تستاهل..

انما واحدة عندها عشرين سنة وقاعدة عاملالى فيها حسين رياض لما اتخرس في رد قلبى..
أقف ليها ليه؟؟

وكمان شوف الموقف ده..

اقف أنا عشان واحدة ست تقعد..

واقف جنبها..

وأول ما تيجى تنزل محطتها تشاور لاقرب بنت

أو ست

عشان تقعد مكانها!!

صلاة النبى احسن..

حتى الكرسى بيتورث يا جدعان؟؟ خيال مآتة واقف جنب الكرسى أنا؟؟؟

دانا واقف عشانك.

.طب خليها بجميلة حتى..

وموقف ورا موقف تكتشف في لحظة ان كل الستات والبنات قاعدين..
وكل الرجالة ماسكين جرايد وقاعدين يهووا عليهم:
ألف ليلة وليلة..
قصة كل ليلة..
احكى ياشهرزاد..
احكى لشهريار

ولا البنت اللى تيجى تقعد جنبك ومش طايقة نفسها
قال إيه المكان ضيق ومش قادرة تقعد مرتاحة..

طب ما دام انتى متضايقة كده ماتقومى تقفى
بلاش القعدة المقرفة دى..

ولا يعنى عشان كل مرة واحد محترم شباب هوه اللى يقف عشان المكان يوسع للهانم..
أم طاقية..
طاقية حمرا..
للهانم البيضا..
والهانم السمرا

(القاعدة)

الله يخرب بيت هالة وإيناس وسحر وعبير وإقبال

وكل اللى عقدونا ف عيشتنا

بكلامهم اللى لا دين ولا منطق بيأيده.

.بيطالبوا بحقوق المرأة اللى على كيفهم..

مع ان ديننا جعل المرأة جوهرة يتحافظ عليها

وتتعامل أحسن معاملة مش سلعة

وموضوع في كل برنامج شوية.

لو كنت قاعد على كرسى في المترو..

دايما حاول انك تربط رباط جزمتك وانت قاعد لمدة العشرين محطة اللى انت راكبهم

وماتبصش لأى حد واقف

عشان قلبك المعفن الطيب

خد معاك وانت راكب المترو
..
علبتين هيد أنشولدرز عشان أى بنت جاية

تتدلع بشعرها عشان تقعد

تعرفها ان اللى معاه شامبو أكتر هوه اللى هيقعد

خد معاك مطوة

عشان لو قلبك الطيب خلاك تقعَّد واحدة

منك وبعدين وهيه نازلة

شاورت لواحدة تانية تقعد مكانها وطنشتك..

تغزها بالمطوة غزتين عشان تفوق

ماشى ماشى اوكى
معاك حق يا كبير
طيب وفى الجامعه بردو
اما مفيش ولد يتنحرر من مكانه وتبقى المحاضرة كلها الولاد بلا استثناء قاعدين والبنات كلهم واقفين ومفيش واحد من ابو قلب طيب وحنين ده يقوم عشان واحده على الاقل
ده يبقى ايه

يبقى قلة ادب والله بجد
انا مكنتش بروح الجامعة خالص
عشان اسيبها ليهم
والله بجد
بس بجد اللى يشوف واحده وميقومش يبقى مش مش كويس اعتبرها ياخى اختك
مع تحياتى

هههههههههههههههههههه
موضوع مفروض يوضع فى قسم الضحك
لا غير ذلك
عشان حاجة واحدة مافيش بنت بتركب عربيات الرجال الى فى حالتين
الاولى أذا كان معها حد قريبها شاب او باباها
الثانية لو كانت نزلة وفاجئة وجدت المترو جاى وهى قدام عربيات الرجال ومستعجلة خلاص بتركب علشان تلحق مش تجرى بقى وممكن ماتلحقش المترو
على العموم بجد فعلا حاجة تدايق لما تلاقى بنت واقفة فى عربيات الرجال الحمد لله عمرى ماعملتها نهائى
واساسا المقاعد دى المفروض انها لكبار السن وزوى الاحتياجات الخاصة يعنى انا مثلا لو شفت واحدة كبيرة اوى اى واحدة تانية محتاجة انها تقعد بقعدها وياعم ماجتش عليك انت اللى هتقوم الحمد لله الكل بيبقى واقف

بس على العموم موضوع حلو بس مش قوى

هههههههههههههههههههههه
موضوع ظريف اوى وعندك حق فى كذا حاجة من اللى قولتها
بس خليها عيك المرة دى بقى انت الكبير

ايه المواضيع الجامده دى يا ميجو
بس انا عايز اسئلك الحريم الا فى الموضوع تبع ان هى مله؟؟؟؟؟؟؟؟؟؟؟؟؟؟
موضوعك جامد يا ميجو

الموضوع زى العسل ياعسل
بس اللى لاحظته انك انت اللى بطاالب بالمساواه كده انت ماعدش ليك حقوق انت خاف على الباقى دى لو فى باقى اصلا
بس فعلا موضوع حلو حلوو اوى كمان

على النعمه انتا العسل كله
صبح صبح

هههههههههههه يانهار ابيض ايه ياكبير
بس بجد موضوع فى الجون بس ايه حكاية المطواه دى
بس هم اللى يستهلوا بيركبوا عربية الرجال ليه اصلا بجد انا بقول متقومش لاى بنت
انا عن نفسى والله لو اضطرت وركبت عربية الرجالة وده طبعا مبيحصلش غير لما ببقى مع اخويا او حد من قرايبى فبضطر اسفة
بس والله مش بقعد حتى لو فى مكان فاضى الا لو قاعدنا من الاول ده طبعا بيحصل نادرا
ولو راجل جى ودخل عربية السيدات انا بضايق من الستات اللى بيقعدوا يقول له انزل بس ده لو معا مراته او والدته او حد كبير فى السن مش عارف بس على فكرة فى ناس بتستهبل ولسه مقابلة واحد منهم من يومين فى المترو

بس ياجماعة ده مش بيحصل كتير لما البنات بتركب فى عربيات الرجال وكمان ياكبير لو الحكاية دى مدايقاك ماتقمش لأى بنت خالص
بس هى فعلا الحكاية دى منتشرة فى المترو القديم بس الجديد مابشوفش فيه بنات بتركب فى عربيات الرجال وكمان تركب فى عربيات الرجال ليه دى بتبقى زحمة وخنقة

وماشى ياباش مهندس الموضوع حلو واوى كمان بس انا بردوا مازلت على رأى الموضوع عادى حلو بس مش أوى

انا شايف ان الا بيحصل عادى جدا
وبعدين ياميجو مواضيعك كويسه
وكما قال المهندس احمد عسل الموضوع عسل

وبعدين المهندس هو الا كاتب الموضوع
وبعدين انت مش بتركبى عربيا ت الرجاله ايه الا عرفك ان ده مش بيحصل

وبعدين انت مش بتركبى عربيا ت الرجاله ايه الا عرفك ان ده مش بيحصل

لو ده سؤال ليا يبقى لأنى بشوف المترو يعنى أكيد باخد بالى دى عربية رجالة فيها بنات ولا لأ

» عايز تلعب وتكسب حسنات .. ادخل هنا
» هل تعرف اول من .................... ادخل واعرف
» مثبت: عايز تتصور جنب نانسي ولا هيافاء ولا عادل امام ادخل هنااااااااالجديد كله
» اعذر التلميذ الراسب عاوز تعرف ليه ادخل هنا
» ادخل بسرعة علشان لو مش عارف تعرف اكتر عن الناس فبلدك