نقل مكان السوق ..... لمصلحة من ؟

نقل مكان السوق ..... لمصلحة من ؟
*************
منذ وُلدت وأنا أعلم أن سوق قرية سنفا
هو يوم الخميس من كل أسبوع .
وكان يُقام السوق عند مسجد الشّعابنه ....
ثم تمّ نقله إلى مسجد السمّانين .....
ومنذ شهر تقريباً تمّ نقله بجوار "النظامية "
وبالتحديد بجوار مدرسة البنات الإعدادية أو الصم والبكم .
والمفاجئة الآن : أن السوق سيتم نقله إلى شارع المستشفى ،
أى بجوار مدرسة محو الأمية ، أى فى منطقة المجمّع .
وبالطبع سيُسَبّبْ هذا النقل تعبا ً شديدا ً لمن يأتى
من منطقة الحاج حاتم ، أى من على الكوبرى الكبير .
ومن المسؤول عن نقل السوق أو عدم نقله .
أعتقد أن التّجار والبائعين ليس لديهم
حول ولا قوة فى مثل هذا القرار ، ومتضررين منه .
فلمصلحة من .... نقل مكان السوق ؟
****************

يااخبارك ياستاذ جوكر

بس تصدق بالله انا لو فاضى لنعمل مظاهرة ونروح المجلس المحلى ونشوف الموضوع ده ايه ..

ويعنى ايه كل يومين ينقلو السوق .... وليه ..... ومين ورا دا كله .... وايه الغرض من ده كله ....

ياريت اللى يعرف اى حاجه يقول ...

بس احنا مش عايزين نظلم حد قبل نعرف السبب .

ياعم ما ينقلوه ولا يحرقوه
احنا مالنا
انت الا بتروح السوق

الهى مايبقى فى سوق خالص
هو ده موضوع ينكتب على المنتدى
سوق وفشر ايه

ههههههههههههههه
جيفارا مش عاجبه حاجه خالص
بس المصلحه فى الاول والاخر عايده على اصحاب التكاتك لان بكده سوقهم هيمشى والبلد هتتملى تكاتك علشان منطقه المواسير والشعابنه كل هتلاقيه جاى السوق بتكتك ووسع ياجدع

شكرا ً للأخ ..........
الظاهر إنّك ساكن فى المنطقة اللى هيتنقل فيها السوق
وأسرتك مش هتعانى من المشوار
وإلا إنتو بقى مابتتسوقوش

ياريت ياجماعه يبقى فى احترام شوية واحنا بنرد على بعض

ولما واحد يقول رأيه فى موضوع ياريت مايهجمش صاحب الموضوع .

ويبقى فى احترام اكتر من كده شوية .

طيب والله موضوع كويس جدا وفعلا لازم يبقى فيه مظاهرة

ازاى كل شوية ينقلو السوق طيب واللى فى الاماكن البعيدة دى هيروحوا ازاى

وكمان مشروع التكاتك شغال اساسا ياباش مهندس من زمان فى الاسواق بس دلوقتى هيبقى التعب فى اللى تصحى وتمشى ده كله عشان تروح السوق

وموضوعك كويس يا استاذ بس المفروض يكون فى مناقشة جادة
مشكوووووووووووور

انااعارف ان همكم كله على الاكل والشرب بس ماهى سنفا معروفه بالاكل
والسوق دى شغلتنا وانا عارف هينتقل فين ولو متنقلشى عارف مكانه الجديد والمكان الجديد محدش يعرفه غيرى ولو حد عرفه غيرى يبقى انا

يا أخ جيفارا :
الظاهر إنك حاطط صورة جيفارا
ومانتاش عارف هوّه كان بيعمل إيه ؟
ومن خلال ردودك إكتشفت إنك
من أصدقاء (السوء )
***********

[/b][/center]

ياستاذ جوكر انت حكمت عليه بناءا على اى اساس انت بتقول من خلال ردوده بس ردوده هنا فى الموضوع دى بس اعتقد انه واخد الموضوع بهزار وانت رديت عليه ردين بصراحه مش تمام كلمتك ليه يااخ ظفاره والتانيه انك من اصدقاء السوء انا شايف ان الكلام دى مايليقش بمستواك لان انت من خلال مشاركاتك الجميله حزت على اعجاب واحترام ناس كتير اوى من المنتدى
انا مقصدشى من كلامى انى اعاتبك او الومك بالعكس انا بحترمك جدا يمكن لسبب انى حاسس ان فى فرق سن بينى وبينك يحتم على انى احترمك
والاخ جيفارا ياريت توضح وجهه نظرك فى الموضوع لانى عارف ومتاكد انك واخد العمليه هزار

طبعا اى رد خارج وبيجرح حد هينقص من درجه احترام العضو لقوانين المنتدى لحد ميبقه صفر وبعدها بتتحذف عضويته مع احترامى لكل اعضاء المنتدى

الموضوع ممتاز بس عايز مناقشه احسن من كده وانا بعتب عليك يا
ostaz_joker

ان رديت بالطريقه دى وخصوصا انك عضو محترم ومواضيعك من احسن المواضيع اللى على المنتدى جيفارا رده على موضوعك مش كويس بس هو انتقد الموضوع بس اما انت انتقدته شخصيا وقلتله اسم مش تمام

thx modeeeeeeeer

هل سمعت هذه القصة من قبل ؟
يُحكى أن ثلاثة من العميان دخلوا في غرفة بها فيل.. و طلب منهم أن يكتشفوا ما هو الفيل ليبدأوا في وصفه

بدأوا في تحسس الفيل و خرج كل منهم ليبدأ في الوصف

قال الأول : الفيل هو أربعة عمدان على الأرض

قال الثاني : الفيل يشبه الثعبان تماماً

و قال الثالث : الفيل يشبه المكنسة

و حين وجدوا أنهم مختلفون بدأوا في الشجار.. و تمسك كل منهم برأيه و راحوا يتجادلون و يتهم كل منهم أنه كاذب و

مدع

بالتأكيد لاحظت أن الأول أمسك بأرجل الفيل و الثاني بخرطومه, و الثالث بذيله

كل منهم كان يعتمد على برمجته و تجاربه السابقة.. لكن .. هل التفتّ إلى تجارب الآخرين ؟

من منهم على خطأ ؟

في القصة السابقة .. هل كان أحدهم يكذب ؟

بالتاكيد لا .. أليس كذلك ؟

من الطريف أن الكثيرين منا لا يستوعبون فكرة أن للحقيقة أكثر من وجه.. فحين نختلف لا يعني هذا أن أحدنا على

خطأ !! قد نكون جميعا على صواب لكن كل منا يرى مالا يراه الآخر

إن لم تكن معنا فأنت ضدنا ! لأنهم لا يستوعبون فكرة أن رأينا ليس صحيحا بالضرورة

لمجرد أنه رأينا

لا تعتمد على نظرتك وحدك للأمور فلا بد من أن تستفيد من آراء الناس لأن كل منهم يرى ما لا تراه ..

رأيهم الذي قد يكون صحيحاً

أو على الأقل.. مفيداً لك .....

الف شكر ياجوكر على الموضوع

بس انا سمعت ان السوق هيكون فى الملعب