الى متى ايها الاعضاء

بسم الله الرحمن الرحيم
بيان 26 مارس لسنة 2009

اجتاز شباب سنفا فتره عصيبه من سوء الحكم والاداره بمنتدانا الغالى والذى كان بمثابه بيتنا الكبير الذى نجتمع فيه
حيث تولى امرنا اعضاء نثق فيهم ونثق قى قدراتهم على تحمل المسؤليه فى بناء واداره هذا المنتدى لكن واسفاه على ما حدث
كانت الكارثه ..........انها الطامه الكبرى فهؤلاء القوم استغلو هذا المنتدى لاغراضهم الشخصيه لا المصلحه العامه
ومن هذا المنطلق ........... فكرنا وبحثنا ونقبنا عن ما يصلح من شان هذا المنتدى
الذى كان على وشك الانهيار وتصدعت جدرانه وخوى على عروشه ....

المطالب الازمه

اقاله جميع المشرفين بالمنتدى وتوليه اعضاء جدد بالمنتدى هدفهم الاصلاح

لاداره سنفا المحروسه العضو بيبى جيرل

لاداره منتدى المرأه العضو كوين

لاداره الاسلاميات بنت سنفا

لاداره منتدى القفشات والالغاز المهندس / محمد حازم

لاداره قسم مابعد التخرج المدير

لاداره شارع الداون لوود مهاجره

لاداره المسلسلات والافلام همس الحنين

نطالب باقاله كل من

1- بيونير وتجريده من رتبه مشرف عام الى عضو عادى بمساهمه واحده
2- اقاله الكيبيروذلك لاهماله قسم الاسلاميات
3- اقاله العضو علاء محمود لانها لم يتخطى حاجز الــ 20 مساهمه ولاندرى كيف وصل الى الاشراف ازى .......كوسه
4- اقاله العضو واحد من الناس لانه لا يوجد على المنتدى بتاتا منذ اكتر من اربعه شهور
5- اقاله العضو العرابى لعدم المامه باللغه العربيه

وبناءا عليه تم اختيار افضل 10 اعضاء على المنتدى نثق بهم وفى حسن اختيارهم وعدم الانحياز للاتى

عــــــــدد 2 نائب مدير
عــدد 3 مشرفون عام

الاعضـــــــــــــــــــــــــــــــــــاء هم
1- روز الجنه
2-جيفارا
3- نيفر
4- العم زقطوط
5- روح من نور
6- الكبير
7- ostaz joker
8- eng. ahmed
9- انسان مصرى
10- assad399

اتمنى ان الموضوع ميتمسحش لان بجد انا حابب التغيير ونفسى اشوفه على المنتدى

مش هيتمسح
وموضوعك دمه خفيف
بس فيه شويه ملاحظات معظم الاعضاء اللى طالبت انهم يمسكو الاشراف بنات بيتهيالى مسبتش بنت غير لما كتبتها
ثانيا العضو علاء اللى معداش ال 20 مساهمه مسك اشراف لانه طلب كده فى الموضوع ده .. مش كوسه زى منتا فاهم ..انت بس اللى جديد نوفى وشوف الموضوع علشان يبقه عندك خلفيه
رشح نفسك للاشراف...
ثالثا وبعد مشوفت الموضوع ده وعرفت ان الاشراف حاجه سهله ومش ميزه منين قلت سوء الادراه ياريت توضح .. وعلى فكره والله بحترم رايك جدا وموضوعك عاجبنى
رابعا الاعضاء اللى انت قلت عليهم كلهم فعلا مميزين بلا استثناء وكلهم كانو فى لوحه الشرف واصحاب اوسمه بس متقدرش تقول انهم افضل اعضاء المنتدى من يوم متعمل .. عيب عليك .. انت معرفتش اعضاء كتير لانك برضو جديد ومينفعش ننسى الاعضاء اللى كانو متميزين مهما بعدو
خامسا واحد من الناس كان مشرف مفيش بعده بدليل انه غايب عن المنتدى بقاله 3 شهور ورغم كده محدش حصل مساهماته
سادسا العرابى مشرف فنان ومتعلم وكان مظبط البرامج لكنه غاب كتير وبعدين بص على مجلس الشعب .. برضو ملوش دعوه بالمؤهلات اشمعنى احنا ..هو المجلس احسن مننا

سابعا متشكر على القسم اللى مسكتنى اشرافه .. وبدايه كويسه ليك عايزينك من الاعضاء اللى نفتكرهم على طول

دكتور ايمن
كالعاده تتميز بزكائك
مش جديد
ردك رائع
...............واعتقد فاهمنى

عايز اقولك .. انك لو قلت اسمك هغيرلك كل المشرفين اللى انت عايزهم .. عارف انا واثق انك مش هتقول اسمك ليه ؟؟
لانك عضو على المنتدى اصلا ومسجل بالاسم ده علشان تعمل الشويه دول او تهزر شويه جايز والله اعلم
ولعلمك الحركه دى متجيش غير من واحد صاحبى دمه خفيف شويه بس هو بيخاف يصرح باسمه ..الظاهر ان شخصيتى قويه عليه شويه وبيتحرج منى
تعرف انا بقول انك واحد على المنتدى ليه .. اصل حضرتك مخدتش بالك انك لسه جديد وسبحان الله عارف كل الاعضاء من اول يوم ولحقت تحكم مين الحلو ومين الوحش وتختار المشرفين حتى العضو اسعد اللى مدخلش من 4 شهور تقريبا واللى ملوش مساهمات مغرقه المنتدى علشان تعرفه.. برافو عليك كل ده فى يوم انت فعلا لماح
فياريت لو بتهزر متزودهاش علشان انا مبدخلش هنا العب .. مع كل الاحترام والتقدير ليك والله وزى مقلت فعلا بدايه كويسه ليك

أنا معك يادكتور لكن إنت نسيت كمان بيونير إنسان عمره ماكان ليه مصلحه شخصيه
وفعلا صاحب أفضل مواضيع فى المنتدى ليه بقى السياس بيطالب
بإقالته وعشان إيه؟؟
وعلى فكرة أنا عن نفسي مش بغيب عن المنتدى بتابعه على طول
لكن مش بيبقى عندى وقت أرد على المواضيع
وكمان من زمان قوى ومفيش مواضيع مهمه يترد عليها ومع ذلك
نناقش الموضوع ده ونشوف رأي الأعضاء فى كلام السياسي المحنك
فى إقالة أهم أربع أعضاء
فى المنتدى

شوفت ياسياسى لو كنت صبرت شويه كنت هتعرف ان فيه عضو قديم وكبير برضو اسمه افريكانو وجاى يرد عليك مخصوص.. برضو انت محضرتش افريكانو وبرضو بقولك انت اكيد داخل تهزر فى الموضوع ده

وبعدين كتبت موضوع اسمه كفايه يابيونير انت والمدير
وطالبت باقاله بيونير .. طب ليه نسيت المدير هو كمان مش كنت تفتكرنى ياراجل

ايه اللي بيحصل ده؟
كل شويه حد يطلع لنا برأي غريب؟
وايه بجد مصلحتكم في الفوضى اللي بتحصل دي؟

الاعضاء معظمهم واكتر كمان راضيين عن نظام المنتدى وشايفين انهم واخدين حقوقهم

والمشرفين شالو المسؤليه ومعتبرين ده امانه واكيد مش بيمنعهم من دخول المنتدى الا ظروف وارد جدا تحصل لاي حد

انا بس عايزة اقولك ان الكلام لازم يخرج من كل واحد بحساب ويعرف بيقول ايه ويتاكد منه
عشان اللي بيحصل ده فوضى
وكون ان الاداره هنا ديمقراطيه وسايبه حق انكم تفرضو ارائكم فده يتحسب لها
بس مينفعش نستغل ده في كلام ملوش اساس اصلا

وانا مع المدير في انك تعرف المنتدى من زمان بس مش بتشوف غير اللي انت عاوزه بس
واللي بتعمله مش جرأه ولا شجاعه ايها السياسي المحنك

اسمحولي اقترح ان الموضوع يتحط في افشات وضحك للركب عشان ده مكانه الصح لانه بجد دمه خفيف

موضوع: ر الثلاثاء أبريل 07, 2009 9:40 am

تصدق حلووه قووووووووووووووي
كل ما واحد يدخلي يومين عاوز يبقي مدير ويمشي الكون علي كيفه
اهوده الي بيرجعنا الي ورا ومش هنتقدم ولو محصلش ده منبقاش من سنفـــــــــــــــا
احنا معرفين احنا مش بنحب بعض ومش بنحب الخير لبعض والحقد والغيره
ملاء قلبكم حبيبي المنتدا ماشي زي الفل مع احلي فريق عمل علي مستوي عالي جدا
هقولك بدل متقعد تهاجم في الاداره اكتب موضوع مفيد نصقفلك عليه ولانت كتبت موضوعين عاوز تبقي مدير المنتدا استنه عليه

نصيحه خليك خليك عضو محبوب وسيب الاداره للمدير هو ادر بيها
ســــــــــــــــــــــــــــــــــــــــــــــــــلام
نهـــــــــــــــــــــــــــــــــــــــــــــــــــــــــــــــــــــــــــــــــــــــــــــــاية الحــــــــــــــــــــــــــــــــــــــــــــــــــــــــــــــكا يه سلام

الي السيد مدير المنتدا
وفققك الله الي مافيه الخير والتغيير لبلدنا الحبيب

ايه ده انا والله كنت بشوف الموضوع وكنت فاكراها هزار وان حد صاحب المدير وبيهزر والله العظيم
اولا المدير له الحق ومفيش حد له الحق ده غيره فى انه يمسك المنتدى الا لو هو وكل المسئولية لحد تانى
اما بالنسبة للعضو بيونير شوف مواضيعه ومساهماته كلها وبعدين احكم
وبجد فى المنتدى او كان فى اعضاء فوق الممتازة انا محضرتهمش وهم موجودين بس بجد شوفت مواضيعهم ومساهماتهم بجد ناس ممتازة
وعلى سبيل المثل وليس الحصر انجينير 5 ستار-خالد امين
بنت سنفا اللى مشيت مؤخرا
اكيد فى ناس تانية بس انا مش فاكرة دلوقتى
وبعدين ياريت طلباتك تبقى محددة قول انت عايز ايه من المدير والمشرفين وقول مقترحاتك للمنتدى علشان يوصل للمستوى اللى انت شايف انه مش قادر يوصل له
وبعدين المدير مشكور عمل موضوع للاشراف واللى شايف فى نفسه القدرة على الاشراف يتفضل
وبعدين بجد حاسة ان المقصود بيونير

أنا عايز ارد على حاجه وحده بس
هو مش رد هو تعديل أنا مش إسمي:-علاء محمود

أنا إسمي:-علاء محمد زارع

مرحبا بيك فى بيت الثانى علاء باشا منورنا
وبجد تستاهل الاشراف واتمنى المزيد لك هنا
اخوك @محمد محمود زارع

وبعدين يا عم السياسى ده علاء ملك الكمبيوتر يستاهل اكتر من كده ولو الاداره يمسكها اتنين يبقى الكتور ايمن &علاء

» سؤال لكل الاعضاء
» طلبات الاعضاء
» ركن طلبات الاعضاء
» ركن طلبات الاعضاء
» اهــــــــ لكل الاعضاء وا الزوار ــــــد اء