حقـق حـلمــك

موضوع: حقـق حـلمــك الخميس أبريل 16, 2009 1:01 am

معكم من جديد

أفريكانووو
حقق احلامك

الحلم عمره ما كان حرام ولا عيب يعنى لما تفرد ظهرك على الارض ولا على السرير وتغمض عينك وتحلم هل ده عيب ولا حرام مفيش اى مشكلة وحتى لو بتحلم بحاجة كده ولا كده برده ما دام لم تتلفظ بأى كلمة مفيش اى مشكلة عليك

المهم نرجع لكلامنا ونقول هتحلم بايه

يعنى من قبيل الضحك لما كانوا بيقولولك هتطلع ايه لما تكبر انا كنت بقول ظابط مش عارف محامى دى جت منين يلا اهو اللى حصل

المهم شوف كده هتشوف ايه وانتا مغمض فى خيالك

يلا جربوا

واللى عاوز يحكى يحكى

احنا بنقول فى حرية وديمقراطية

وياريت كل واحد يحكى فعلا حلم بإيه

يلا طولت عليكو

سلام

كان معكم
أفريكانووو
ويعود من جديد

موضوع جديد جديد وحلو قوى ياأفريكانو ومش غريب عليك ياغريب

المهم

انا بحلم اخلص الكليه واشتغل واتجوز واخلف ولد وبنت واحج انا وابويا وامى

واساعد كل الناس اصحابى وقرايبى واهلى ............. بحلم بقى

ياعم رضا كله بيحلم وكله نفسه يحقق حاجات كتير وهو بيحلم بس لما يفوق من الحلم ويصطدم بالواقع بيقول ياريتنى ماحلمت علشان تعب الاعصاب اللى انا فيه
مين مبيحلمشى ؟؟؟؟؟
كله بيحلم وكله عايز حاجات هى مش هتحقق غير فى الحلم يبقى علشان كده لازم تحلم
وانا عن نفسى محبش احلم بحاجه
ممكن اقوللك انا عايز اعمل حاجه معينه وافكر فيها واسعى علشان احققها وابقى متيقن ومؤمن بإنها لو اتحققت يبقى دى من فضل ربنا ولو متحققتش يبقى ربنا اللى عايز كده برده
بس ياريت اللى هيحلم ياريت متوسعش منه علشان ماحدش يقول عليه اهبل

يا أبو عسل والله واحشني وكمان بيونير
وبعدين يا راجل سبنا نحلم إحنا ورانا غير الحلم
وكمان بيونير محلمش بحاجه مستحيلة إحلم انت كمان وعلى رأيك متوسعش الحلم
وشاكر مروركم

انا مش شايف انى وسعت الحلم بتاعى خالص

انا بحلم بأشياء عادية مش مستحيله وبيتهيألى ان كل الشباب اللى قدى بيحلمو بنفس اللى انا بحلم بيه

ولو اتحقق يبقى فضل من عند ربنا

ولو متحققش يبقى قدر من عند ربنا

وعادى يعنى يابو عسل اما احلم
انت كمان مش عايزنى احلم ولا ايه