وزارة جديدة قشطة ياباشا

وزارة جديده

.. اقترح انشاءها في مصر .. اسمها وزاره الدفن و الجنازات .. والحمدلله ربنا مبتلينا بحوادث زي الرز .. اشي طيارات و عبارات و قطارات و سيارات ومسارح و مستشفيات .. من كله .. و على عينك يا تاجر .. و الحكومه لأول مره في الحوادث الموجود على الساحة الحالية .. تعلن رسميا تكفلها بمصاريف الدفن و الجنازات لشهداء الحادث .. بصراحه

قشطه يا ريس

للبيع يا مصري

-----------
للبيع
^

موطن مصري

^
فرصه العمر للمستثمرين
^
بمبلغ خيالي
^

( مواطن مصري مقابل 5000 جنيه فقط )

.. يعني مالآخر محصلش شكمان عربيه مرسيدس من اللي بيركبها اي زير من وزارة نظيف .. للدرجه دي بقينا رخاص في بلدنا .. و الحكومه شايفه ان روح المواطن المصري اللي ركب القطار علشان يروح شغله الساعه 6 صباحا .. و أكيد كان نايم في كرسيه .. مش مخون حكومته .. و لا عمره فكر ان نهايته تكون بطريقه بشعه زي اللي حصلت في قطار قليوب .. والحكومه هتقولك هنعمل لجنه منبثقه من لجنه منبثقه عن لجنه للكشف عن ظروف الحادث المسخره .. عموما الناس ماتت و بعد تزاحم الاخبارهتيجي الحكومه تصرف لأهله بعد ما يموت 5000 جنيه مصري .. إيه رايك ؟؟ بصراحه .. يا بلاش .. على كده الـ70 مليون مواطن مصري يساووا حوالي 350 مليار جنيه .. يعني حاجه تفرح .. ممكن واحد زي نجيب سويرس يدوس الشعب المصري كله بعربيته و يدفع ديتهم 350 مليار جنيه .. ياااا بلاااااش . عموما .. نصيحه للي ناوي يموت بعد كده .. يركب عباره احسن له .. على الاقل هياخد 20 ألف جنيه .. بدل الـ5000 اللي مش جايبين همهم .. و اهي موته ولا اكتر .. ما هي دي التسعيره الجديده للمصريين .. و لسه بانتظار المزيد من الاخبار اللي تحرق الدم .. يعني كلها كام يوم و ييجي اونكل بوش يقولك ان المخابرات الامريكيه سمعت سواق القطار التاني بيقول في سره لا إله الا الله .. و انه ارهابي ابن ارهابي ... و بكره بابا مبارك ييجي يقولنا : صدقتوا ان القطارات محتاجه تعديلات و ان الزيادات اللي حصلت في التذاكر مش كفايه .. يبقى لازم نخصخص السكه الحديد .. و فلان الفلاني اللي هيسكب في المزاد يا ولاد الكلب و ان كان عاجبكم .. و كله علشانك يا مصر
-
للبيع

والله موضوع جميل وما وجدت تعليق له غير
حــــسبي الله ونعمل الوكيل . وحكام هذا الزمان ان شاء سيطبق عليهم اشد العقوبات .و هو قول الله تعالي . بسم الله الرحمن الرحيم
(ومن الناس من يعجبك قوله في الحياة الدنيا ويشهد الله علي مافي قلبه وهو الد الخصام واذا له اتق الله اخذته العزة بالاثم فحسبه جهنم ولابس المهاد) صدق الله العظيم سورة البقره الايه 203
والله الموفق
نــــــــــهايـــــــــــة الحـــــــــــــــــــــــــكايه

على قولك نهاية الحكايه
حـسبنا الله ونعم الوكيل