خدمة للشباب عن التجنيد وكل احتياجتة

خليني بقي أبدأ بإذن الله في كتابة كل شيئ عن التجنيد
بس هنجيب من أول الطريق عشان الناس تعرف
هي هتعمل أيه بالظبط ماشي
وأول حاجه قلت نكتبها هي أول حاجة بتعملها كشاب
تبدأ تحضر الأوراق المطلوبه منك للتجنيد
وهي كالتالي
- صور شخصية خلفيه بيضاء بدون دقن 4*6
- مستخرج رسمي لشهادة الميلاد من السجل المدني
ونصيحة مني طلع أكثر من مستخرج لأنك هتحتاجهم
- أصل شهادة المؤهل
أي جامعة بتخرج5 شهادات تخرج بتتقسم كالتالي
حسب كل جامعة او كل كلية
- نموذج ال 6 جند وده المفروض يكون معاك
ولو مش معاك تسحب نموذج 7 جند من مندوب التجنيد وتملاه
وتروح منطقة التجنيد تخرج بدل فاقد بس أهم شيئ
تكون عارف الرقم الثلاثي ولو مش عارفة تروح بقي المركز
وتشوف الرقم ثاني
- فصيلة الدم لازم تكون من مستشفي حكومي عشان ختم النسر
ومش هيعترف بأي ورقة لفصيلة الدم مش عليها ختم النسر
- قيد عائلى
- فيش جنائي من القسم برضوا وإعمله مستعجل أحسن
ولو لبست جيش خلاص يبقي تعمل واحد تاني
لما هتقدم كل الورق ده لمندوب التجنيد هيطلب رقم تليفونك
وخلي معاك بطاقتك عشان تقولوا العنوان اللي فيها ويتأكد
لأنه بيدونه
هيقوم مطلع لك حاجه إسمها أيه بقي
- الفيش العسكري سعادتك هتفيش وتروح تختمه برضك
من مندوب التجنيد ومأمور القسم
بس هترجع له تاني بكل الورق ده مع الفيش في نفس الوقت
هيديك بطاقة خضراء كده تحافظ عليها زي عينك وهيديك كل الورق تاني
بس هيكون مدون علي البطاقة الخضراء دي ميعادك اللي تكون فيه في منطقة
تجنيدك حالق ومظبط نفسك

إنت دلوقت خلاص خلصت ورقك
وخدت ميعاد الكشف بتاعك
- هتروح بقي تنطلق لمنطقة تجنيدك
بس المهم تروح بدري يعني الساعة 6 الصبح تكون هناك
أنا بتكلم بقي عن المنصورة فى منطقة التجنيد
-هتنزل تقف فدام باب كده هيجمعكم صف
هتقولوا جاي أقدم ورقي وميعاد كشفي النهادره
- هيدخلكم صف المهم حضر في جيبك 4.50 جنيه رسوم تصوير
بعد كده هتروح تقعد تحت مظلة ماشي وهييجي عسكري
- يقولك ترتيب الورق خلي بالك جدا من ترتيب الورق
ولازم تكون قبلها مصور كل الورق اللي معاك ورقة ورقة 10 صور
ماشي عشان هتحتاجهم جدا وصور ال 6 جند اللي معاك
وبطاقتك الشخصية كمان وأهم حاجة يكون معاك بطاقتك اليوم ده
- بعد ما ترتب ورقك هيقولك ( لو إنت مؤهل عالي ) إكتب ورا صورة من
شهادة التخرج الإقرار ده والإقرار ده إنك تكون ضابط إحتياط وكده
بس هتكتبه علي أكثر من صورة من شهادة المؤهل علي الضهر
وتشيلهم معاك وهييجي دورهم
- حاول يكون معاك دباسة اليوم ده وهو هيلف عليكم يأخد منكم الورق
والبطاقة الشخصية بتاعتك كمان وماتخافش هتأخدها تاني
- هييجي دورك في الدخول لقاعة التصوير هتخش جوا مجموعة مجموعة
تنتظر بالداخل عقبال ما يتم إدراجك في الكمبيوتر وهينادي علي إسم
إسم ولما ييجي إسمك هتروح تأخد البطاقة وتخش تلبس جاكت زيتي كده
وتتصور بيه بعدها هتطلع من جوا يوقفكوا مجموعة
- هتروح تنتظر في مظلة صغيرة كده أمام مبني الكشف الطبي
وهيوزعوا عليك ورقة فيها جميع الفحوص اللي هيعملوها
أوعي تتغابي وترميها
- هتخش جوا هتقلع هدومك كلها وتقعد بالشورت هتكون إتوزنت في التصوير
ومكتوب الوزن والطول خلاص عشان الناس اللي بتخرج وزن
- هتلاقي دكتور يطلع لك يقول كل الأمراض دي لو حد بيشتكي منها يقول
عشان يحولك لجنة عليا
- هتخلص الكشف بتاعك وهتنتظر المجموعة بتاعتك تخلص تقوم خارج
تلبس في صاله كده
- هتطلع علي الإنتقاء والتوجيه ومعاك الإقرار ده والبطاقة الخضراء
ماشي هتخش تقف طابور عشان تدخل ممكن تكون بياناتك إتأخرت علي الشبكة
مش مهم عادي أصبر بس 10 دقايق وهتلاقيهم بينادوا المجموعة اللي نزلت
علي الشبكة وهتخش يأخد منك كل الورق ده اللي هو الإقرار والبطاقة الخضراء
- بعدها بقي يبقي كده خلصت يومك ومنتظر نموذج 110 وهو ده خلاصة اليوم
هتقعد في المظلة ومجموعة مجموعة من الناس هيطلع ال 110 بتاعتها
وبس خلص اليوم
بس في كلام لازم يتقال
- اللي يقولك إتخن وبتاع عشان تخرج من الجيش ده مابيفهمش
لأن كله قسمة ونصيب
- اللي يقولك أخرجك من الجيش بس عايز مبلغ ده نصاب
لأن مفيش حد بيطلع حد من الجيش خليها حلقة في ودنك
وأنا عارف إن كل الكلام ده هتسمعه وهتسمع أساطير
وحكايات عن ناس خرجوا بالوسايط وأنا بقولك
كلها أي كلام لأن معايا في الجيش أولاد رتب عالية أوي
في الجيش
- بالنسبة ليوم الكشف حضر معاك حاجه تخرجك من الملل
خد معاك ميه ساقعة لو في الصيف يعني
خد معاك أكلك وعصير وكده
حاول تلبس لبس مريح ياريت يكون رياضي

إنت بقي دلوقت والحمد لله
خلصت يوم الكشف بتاعك
ومعاك في نموذج ال 110
(اللي إنت هتحافظ عليه زي عينك
وحاول تصور منه أكثر من نسخة ) مهم جدا
هتلاقي مربع في الجنب اليمين كده
مكتوب فيه الأتي
مرشح ضباط إحتياط الدفعة رقم
توقيت إعلان الإرجاء بالمنطقة
توقيت كشف الهيئة بإدارة التجنيد
توقيت مناظرة المقبولين ضباط إحتياط
توقيت إعلان نتيجة المناظرة بالمنطقة
أهم حاجة هي المربع ده والتواريخ المكتوبه فيه لأنك
هتمشي علي أساسهم
المهم إنت شايف فوق أهو
توقيت إعلان الإرجاء بالمنطقة
يعني ده اليوم اللي هتروح تسمع فيه الإرجاء بتاعتك
بس صدقني بلاش ماتروحش لازم تروح بنفسك
لأن أكيد صاحبك هيغلط وإسأل مجرب روح بنفسك اليوم ده
وإعرف إن كل شئ قسمة ونصيب
هتتقال الإرجاء قدامك وإنت قاعد إسمع كويس
لإن الأول بيتقال التخصصات المطلوبة
بعد كده يبدأ في المواليد
وده كل اللي عندي ليوم الإرجاء

انا سمعت انهم السنادى خدو كل الموهلات والمواليد ربنا يبشرك بالخير يا نائب ومشكور على الموضوع المرعب ده

اول ناس ندهو عليهم جميع انواع الطب حتى كلية التمريض

وضباط احتياطى كمان والاهم من كدة بيقول اسمائهم واحد واحد

والعقيد قال عليهم لامفر كلهم احتياطى

والله العظيم الكلام دة حصل

بعد كدة هندسة

كهرباء ومكانيكة ومدنى

بعد كدة علوم

رياضة وكمياء وطبيعة

بعد كدة حاسبات ومعلومات
جميع انواع تخصاصتها

بعض كدة اداب وتربية اللغات

بعد كدة بيذيع المواليد

اما بنسبة لموليد 1985 كلهم كانو تاجيل

من يوم 2 /12 / 1984

الى يوم 5 / 12 / 1985

كلهم كانو تاجيل

يعنى يادكتور لو طلعت تاجيل

المفروض تذبح 3 عجول

اما بالنسبة لدكتور اسعد هو شكل بتوع الجيش

بدلة الامن المركزى هتاكل منه اكل

عمى وعم عيالى سعد باشا :
أخبارك إيه يا جميل ؟
واحشنى جدااااااا وسلامى للجميع

ابو حميد ياباشا

والله وحشتنا موت ياابو حميد

بس لعلمك انتا فلت من الجيش

الله يبشرك بالخير يا نائب الجماعه

فى الاول

سلامى لجميع الاعضاء

اذيك ياسعد وايه اخبارك

الموضوع جميل جدا وشكرا قوى على الافاده الممتازة دى وخصوصا انى هخلص ورق الجيش كمان شهر كده ولا حاجه وربنا يستر ولو انت كده بتبشرنى

مشكووووووووووور قوى ياسعد

الموضوع المفروض يتثبت لما له من اهميه

» الناجون من التجنيد
» أسئلة للشباب فقط .., لو جريء جاوب
» سؤال جرىء للشباب والبنات ؟؟؟؟؟
» سؤال جريء للشباب له علاقة بالرجولة