ارجو من الجميع المساعده والمشاركه

انا هبدء موضوعى بكلام من قلبى .....

اولا..كان الهدف من المنتدى هو الرقى بقرية سنفا عن طريق عمل الخير ووجدنا فى منتدانا الغالى ضالتنا للمشاركه وعمل الخير عن طريقه ولكن للاسف لن نقوم بعمل اى مشروع خيرى ولكن ................الان جات الفرصه وجه شهر رمضان اللى بتكتر فيه الاعمال الخيريه ودية فرصه لينا كلنا لتعبير عن نفسنا فى عمل الخير وكشباب مثقف نقدر نعمل حاجه لبلدنا
انا بقترح مشروع شنطة رمضان وباكده وديةالفكره اللى اقترحها صاحبى المهندس كريم قبل كده وانا معاه وبسانده

انا اول المتبرعين للمشروع ده بمبلغ صغير اى نعم بس اهى حاجه انا هتبرع ب20جنيه وارجو من كل عضوا يدخل يقول رايه وانا لو هيتبرع يقول علشان تتشكل لجنه من اعضاء النتدى لجمع التبرعات وعمل المشروع ده
وشنطة رمضان هتكون عباره عن
1-كيلو ارز
2-كيلو سكر
3- زجاجة زيت
4-كيلو سمنه
5-نصف كيلو بلح
جايز من خلال المشروع ده نقدر ندخل السعاده على اسره سنفاويه فقيره
وانا ملزوم امامكم بجمع مبلغ من المال من مجموعه من اصحابى ان شاء الله بس ارجو من الجميع المسانده والمشاركه
والله ولى التوفيق

فكرة ممتازة وياريت ياجماعه تبدأو تقولو ارائكم لانكم انتم اللى هتشاركونا بالامدادات دى

وانشاء الله هنبدأ نرتب انا ومحمد حازم الموضوع ده مع بعض بس ياريت نلاقى منك تدعيم زى مشاركتكم معانا فى الفكرة الممتازة دى وطبعا كلكم عارفين كريم ومحمد حازم واللى عايز يشارك معانا ياريت ينضملنا وانشاء الله هنكمل المشروع انا وصحابى ويارب نلاقى منكم تشجيع ومشاركه

وياجماعه التشجيع مش هيبقى بالرد بس على الموضوع

لا لازم يبقى فى مشاركة مادية يعنىاللى هيشارك لازم يتبرع بأكتر من شنطة تحتوى على الحاجات اللى قاله محمد فى الموضوع ولو كل واحد جمع من اهله وقرايبه بحوالى اربع او خمس شنط وجمعناهم ساعتها نقدر نوزع اكبر عدد من الشنط على فقراء ومحتاجين سنفا ويبقى اول عمل خيرى لمنتدانا ونبقى نزود فى الاعمال الخيرية بعد كده انشاء الله بس ده كله عايز ترابط اكتر ما بينا على المنتدى وعمل لقاءات بيننا

ياريت كل اللى عايز يشارك معانا ينضم لينا انا ومحمد حازم وصحابنا الباقيين ويشارك معانا فى جمع شنط رمضان وتوزيعهم

رغم إني بعيد عن اللقاءات أنا معاكم
وبشارك معاكم إنشاء الله وياريت المسؤل عن الموضوع يرسلي رسالة خاصة

والله كفايى صوتك معانا ياغريب وتشجيعك

بس بردو مشاركتك معانا لها معنى تانى

تمام يا حازم يا كبير انا اول من هشارك معاك اللى عايز يتبرع محمد حازم هيكون هو المسؤل عن الموضوع ده وان شاء الله هنعمل وجبه افطار بسيطه بالفلوس دى ونوزعها على المسافرين على الطريق وقت الفطار او للناس الفقراء
ومشكوووووووووووووووووووووووووووووور والله يا حازم على فكرتك وربنا يجازيك عنها خير
اول مرجع البلد هديك فلوسى

ياريت يادكتور تتصل بكريم وتنسق معاه ومعانا علشان مشروعنا هيبدأ من اول رمضان

هوة فى ايه

مفيش اى فكرة كويسة ننفع نعملها فى البلد

كل اللى بيدخل بيرد على مواضيع مالهاش اى لازمة

ونيجى عند الفكرة ومش لاقى تأييد ولا دعم من الاعضاء

ولا اى مشاركة
مش معقول كده يعنى

ليه بس ياباشمهندس بص ياعم كريم محمد صبرى بيقول ايه : صلى على النبى احنا هنعمل الشنط دى وهنعمل كمين عند الوصله بتاعه المجمع وهنلبس الكبير لبس ظابط ونجيب له شويه عساكر وانا معايا اللبس بتاع العساكر وبدله ظابط ويوقف العربيات واللى معاه رخصه ياخد شنطه ووجبه سريعه واللى ممعوش رخصه يبقى حلال فيه انه يكمل صيام لما لبعد العشاء وهيكون المشرف على الموضوع دى محمد بك صبرى

اللــة ينوار