البرادعي هل يصل للحكم او لا ؟؟؟؟؟؟؟؟؟؟؟؟؟؟؟؟؟؟؟؟؟

البرادعي الفتره دي عامل قلق في مصر
كل واحد منكم يقول رايه وتوقعاته ؟
اه وبلاش يكون في نفاق الكل يتكلم بصراحه
وسلامي لكل الاعضاء

موضوع: كلام جميل السبت أبريل 03, 2010 6:49 pm

كلام جميل المهم نطور اتمنى ان يكون البرادعى او غيرة وسيلة للتغير فهو فى كل الحالات لااتصيبنا اى مشكلات بل مفيدة من اجل التغير لان لو النظام تغير سوف تصبح مصر من اعظم دول العالم وأسالونا مصر بلد الخير

البرادعي هل يصل للحكم او لا ؟؟؟؟؟؟؟؟؟؟؟؟؟؟؟؟؟؟؟؟؟ Safe_image.php?d=00771ce0fb2150320173f8e022c86378&w=130&h=130&url=https%3A%2F%2Fwww.taghyeer.net%2Fimages%2Flogo

الجمعية الوطنية للتغيير -
الموافقون على التغيير
‎

لو البردعى مسك كان زمان مرتضى نجح
ولا ايه
كوسه
شمتان

كلمه تغيير ماتت

كان عندى امل انه يبقى فيه تغيير
لكن
بعد نتائج انتخابات مجلس الشعب 2010

دلوقتى اعتقد السؤال:
هل فيه شك انه جمال مبارك هيمسك الحكم؟!!!

المواطن المصري حالياً ما عندهوش دور لأنه أصبحت العصا الأمنية تعتقل وتفعل ما تشاء، وأعتقد أن الأمن هو الحاكم الفعلي لمصر لأنه وحتى ما عندناش نخبة، الشعب ما عندهوش حد من النخبة يثق فيه لأنه كلما وثق في واحد يعني التفوا عليه بأسلوب ما وأصبح يقول شيئا ويفعل شيئا آخر ففقد حتى الثقة في من يعاود الحكم ويتحدث، كل يبحث عن ليلاه كما يقال.

أنا يمكن ببص للبرادعى بصوره مختلفه شويه وهى عالأقل سواء البرادعى أو غيره فأنا متأكد إن دى بداية التغيير حتى وإن كانت صغيره أو ضعيفه لأنها مع الوقت ستزيد وتصبح أكثر تأثيرا كما يزيد ويكبر أى شىء مع الوقت تبعا لقوانين الطبيعه ... وعلى فكره يا جماعه كل ما الظروف والوضع فى البلد يبقى أصعب لازم نتفائل أكتر لأن ده معناه إن الفجر قرب جدا وده برده لأن قوانين الطبيعه بتنص على إن الإنحدار بيستمر حتى يصل إلى درجه يتوقف عدها ولا ينزل أكثر منها ليبدأ الوضع العام بعد ذلك فى الصعود تدريجيا .
وتذكروا دائما
أن ظلام العالم كله لا يستطيع أن يطفئ نور شمعه واحده

.

انت متفائل قوى ياأحمد
ودايما بيقولو فى الامثال
اللى ايده فى الميه مش زى اللى ايده فى النار

انت بتتكلم من هنااااااااااااااااااااااااااااااااااااك وانت مش هنا
مش قاعد وسطنا
مش حاسس همنا
مش لامس جرحنا
حتى لو انت هنا ونايم فى بيتكم
مش شايف عم محمد اللى فى السيده اللى عنده 70 سنه ويدوب بيمش على العكاز وشغال على عربية الفول
مش شايف بنوته صغيره اتحرمت من طفولتها علشان تساعد والدتها اللى جوزها رماها بعيالها

مش شايف المحاكم
مش شايف الشوارع
مش شايف الزحمه
مش شايف الطريق
مش شايف المهندس طارق اللى خلص هندسة اتصالات بتقدير امتياز ولانه معندهوش وسطه مش عارف يشتغل
ومش المهندس تامر اللى مخلص هندسة تعدين قاعد بقاله7 سنين

مش شايف المستشفيات

مش شايف المواصلات
مش شايف الغلاء
مش شايف الجشع

مش شايف الانتخابات

مش شايف الناس الى ميته وهما عايشين

مبيحصلش فى السعوديه ان اب يقتل ولاده بايديه علشان مش عارف ياكلهم ويعلمهم

انت هناااااااااااااااااااااااااااااااااااااك مش هنا

صدقنى هنااااااااااااااااااااااااااااااااااااك احسن هنا

الميزه اليتيمه اللى هنا
هنا اصحاب واهل واخوات

انت يمكن يكون عندك حق فى الكلام اللى انت كتبته بس لو البلد كلهها فكرت زيك كده الناس هتموووت بأزمه قلبيه قبل ما يطلع عليها الصبح ، لأن برده مش كلهم بياكلو أكله كويسه ولا كلهم بيروحوا يناموا على فرشه كويسه زيك .. .. ..

بلاش تحرم الناس من نعمة الأمل يا كريم لأنها الحاجه الوحيده اللى مصبراهم على الوضع ده .. تفائل شويه يا كريم

وبعدين لما يكون فى الأهل والأصحاب والاخوات حواليك فى كل مناسبه فرحك وحزنك وعيدك وووو .. صدقنى ده أحسن من حاجات كتيييير فى الدنيا ..

يابنى انا لو معنديش انا كمان امل كنت مت من زمان

بس ه الوضع الحالى يخلى اواحد يحس بالتفاؤل

ل يوم الوضع بيزيد سوء يوم عن يوم

وكل يوم انا وغير بنزيد احباط يوم عن يوم بس لسه الأمل الى معيشنا موجودوعمره ما هيموت عارف ليه ؟؟

علشان احنا بنحب البلد دى

إذا احنا متفقين أننا لازم نتمسك بالأمل مش نقعد نسرد المصايب اللى فى البلد
وننسى أى حاجه كويسه ممكن نكبرها وتنفع البلد ولو كانت بسيطه ،
وبعدين انت بالذات ياكريم لازم تعدل الكرافته اللى فى الصوره يا إما تقلع البدله ..... مهيس

يعنى مثلا نقول احنا كويسين وعايشين عيشه زى الفل
والمواصلات كتيييييييييييييييره وفاضيه والطرق حوه ومفيش زحمه والمستشفيات ايه مقوكش على الخدمه اللى بنشوفها فى المستشفى الممرضات بتكون عايزه تشيلك من على الارض شيل

والطرق نضيفه نضافه يجده

والناس مبسوووووووووووووطه فى الشوارع وبتصرف والمرتبات عاليه ومش عارفين يودو الفلوس دى فين درجة ان ام محمد كل يوم الصبح بتدى مصرف لابنها الى عنده 8 سنين 0.5 جنيييييييييييه
وبيعمل بيها حاجات كتييييييييييييييييييير قوى

ولا الانتخابات نزيهه وفى ديموقراطيه
وا واحنا ماشيين فى الشوارع تلاقى امين الشرطه واقفين فى الشوارع بيحمو البلد وبيقولو حد مضايقك ولا حاجه ياباشا من كتر ماهما بيخافو على مصلحة المواطنين

ومفيش بطاله خالص

انا بعد كده مش هسرد المصايب اللى فى البلد
هقول انا مبسوووووووووووووووووط وفرحاااااااااااااااااااان وسعيييييييييييييييييييد

ده من كتر منا فرحان عايز اجى ابوسك

لا كله إلا البوس ماشى ،ومادام فيها بوس انسى انى أرد عليك هه .

ها هو مبارك ذهب لمزبلة التاريخ والبرادعى مازال شامخا

رغم الإغتيال المعنوى الممنهج الذى اتبعه معه ازلام النظام وجندوا له كل مقدرات الدولة ولكن فعلا لأنه إنسان شجاع ومخلص ارتفعت اسهمه عندى كثيرا

فيكفى أنه لم يحصل على جنسية أخرى غير المصرية على مدى 30 سنة
ويكفى أنه أول من ألقى حجرا فى المياه الراكدة فى مصر