متاهة ألبرت أنشتاين

[b]

متاهة ألبرت أنشتاين

هل أنت من ضمن أعلى 2% من اذكى الأشخاص في العالم؟ اذا . قم بحل هذه المتاهة (الغموض) واكتشف نفسك.

ليس هناك خدعه بل منطق ..... حظا سعيدا ولاتستسلم

1 في أحد الشوارع هناك خمسة بيوت تم طلاؤها بخمسة ألوان مختلفه.
2 في كل بيت يعيش شخص من جنسية مختلفة.
3 كل واحد منهم يتناول مشروبا مختلفا ويدخن سيجار من ماركة مختلفة ويحتفظ بحيوان أليف مختلف.

السؤال من يمتلك السمكة؟؟؟؟؟؟؟؟؟؟؟

تلميحات :

1 البريطاني يعيش في المنزل الأحمر.
2 السويدي يحتفظ بكلب كحيوان أليف.
3 الدنماركي يشرب الشاي
4 المنزل الاخضر الى جواره وعن يساره يقع المنزل الأبيض.
5 مالك المنزل الاخضر يشرب القهوة.
6 الشخص الذي يدخن بول مول يربي الطيور.
7 مالك المنزل الاصفر يدخن دنهيل.
8 الشخص الذي يعيش في المنزل الأوسط يشرب الحليب.
9 النرويجي يعيش في المنزل الاول.
10 الشخص الذي يدخن المزيج يعيش الى جوار الشخص الذي يحتفظ بالقطة.
11 الشخص الذي يحتفظ بالخيل يعيش الى جوار الشخص الذي يدخن دنهيل.
12 الشخص الذي يدخن بلوماستر يشرب البيرة.
13 الالماني يدخن البرنس.
14 النرويجي يعيش الى جوار المنزل الازرق.
15 الشخص الذي يدخن المزيج لديه جار يشرب الماء.

كتب انشتاين هذه المتاهة في أوائل القرن التاسع عشر وقال بان 98% من سكان العالم لن يتمكنوا من حلها .

احم احم

يلاعايز اشوف الاذكياء اللي عندنا فى المنتدى
و ابقو قابلونى هع هع هع هع هع هع هع هع هع [/b]

هو فى ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هاه يعنى
انت حلتها
؟؟؟؟؟؟؟؟؟؟؟

انشاء الله يامدير هحلها واجيبهالك

بس لو حليتها هتدينى ايه وكام

انا فكرت فيها الى حد ما لقيت طريقه للحل وليس معنى ذلك انى اقدر احلها بالعكس دى فى منتهى الصعوبه وبتحتاج الى تزامن فى مقارنه المعلومات اللى عندك ببعضها بس على فكرة انت عارف موجود كام احتمال للبيوت فى ترتيب الوانها يعنى ممكن البيت الاول يكون اصفر وممكن يكون احمر وممكن يكون ازرق وممكن يكون ابيض وممكن يكون اخضر يبقى لو انت هتحل بناءا على احتمالات يبقى انت عندك 32 احتمال فى ترتيب الالوان وربنا معانا ومعاكم بس هى بجد ممتعه

انا فكرت
ولسه بفكر
بس ان اخلاص دماغى قفلت
ان البيت الاولانى
الاصفر
التانى
الازرق الى جمب صاحب البيت الى بيشرب نهيل
التالت والاوسط
الاحمر
الاخضر الرابع لان على جمبه من ناحيه اليسار البيت الابيض
ومينفعش يبقى من ناحيه اليمين لان واضح ان البيوت صف واحد فاستحاله هيكون جمب البيت الاصفر الى استنتجت انه الاول لانه مجبش سيرته
وعملت الباقى وحليته
وانا شكه فى الاجابه بصراحه
بس لخبطتت معايا فى حته
وهصلحها
قفلت معايا انى هحلها
لان مفيش حاجه اسمها البرت اينشتين قال 2% بس الى هيحلوها
مش نبى هو عشان يقول كده يعنى
محتاجه تفكير وكبايه نسكفايه
بس اخلص مزاكرة عشان عندى امتحان وارجعلها احلها ومش هستريح الا اما احلها لوحدى
وممكن كمان اغير طريقة تفكيرى مليون مرة
فى موضوع البيت ده تانى
بس هشوف
بس اغلب حلولى والى توصلت ليه كله فعلا فعلا لا يعتمد فى شىء الا على المنطق
المنطق بس
ورسمت وبهدلت الدنيا
وحللت
الموضوع محتاج شويه معادلات كلاميه مع نفسك كده
وتظبيت
وكده يعنى
انا بجد هرجعلها تانى
بس مش عايزة اشيل الماده
سلام

انا وعدتكو انشاء الله بحل هذا اللغز انتظرونى غدا

او متأخرا فى هذا اليوم

بجد بجد الموضوع مبنى كتير على المنطق

ونصيحه للى عايز يحلها يعمل جداول ويبدأ يفكر صح

انشاء الله هحلها

انا جيبت الحل ومذاكرتش ولا كلمه وشكلى مش نافع السنة دى بسسب المنتدى

الحل اهو يااحمد يابو لسان طويل

ومتصدقش ياأحمد حوار اينشتاين لان انا متأكد ان عمر ما اينشتاين هيقول كده

المنزل الأول : أحمر - بريطاني - حليب - بول مول - طائر

المنزل الثاني : أخضر - ألماني - قهوة - البرنس - سمكة

المنزل الثالث : أبيض - سويدي - البيره - بلوماستر - كلب

المنزل الرابع : أصفر - نرويجي - ماء- دنهيل - قطة

المنزل الخامس : أزرق - دنماركي - شاي - المزيج - خيل

وبكده السمكة عند الالمانى

والنبى محدش ييجى يقولى الحل غلط لانى والله طلع عينى فيه

وعملت كباية شاى من غير سكر وانا بشرب الشاى سكر زياده وده اللى مدايقنى

بجد والله انا مضايق قوى

مذاكرتش حاجه وماليش نفس اذاكر وشربت الشاى من غير سكر ...!!!!

الموضوع كان عايز تركيز لان فى متغيرات كتيرة فى التلميحات

طيب اقرى النقطه رقم 8 وطابقها بالمنزل رقم واحد
تلاقى صاحب المنزل الاوسط بيشرب حليب وانت خليت المنزل الاولانى هو اللى بيشرب حليب

المنزل الاول : أصفر - نرويجي - ماء- دنهيل - قطة

المنزل الثانى : أزرق - دنماركي - شاي - المزيج - خيل

المنزل االتالت : أحمر - بريطاني - حليب - بول مول - طائر

المنزل الرابع : أخضر - ألماني - قهوة - البرنس - سمكة

المنزل الخامس : أبيض - سويدي - البيره - بلوماستر - كلب

هوة ده الحل النهائى

هتدفع كام يامدير على الحل ده

بجد انا مش هتنازل عن ......................................... امممممم 75 قرش يلا كفايه عليك

انا جايه تانى بالحل يا بيونير
بس كويس ان طلعت البيوت زى بعضها الحمدلله
بس الحمدلله البيوت هىا لى طلعت معايا من اول مرة بجد ترتيبها كان غايه فى المنطقيه فعلا زى ما مكتوب فوق ان كل حاجه بالمنطق
انا على فكرة
مبصتش على باقى حلك
انا بصيت على البيوت بس
لانى كاتباها فوق بردو
بس هجيبلك الباقى

ياله
سلام

لا عادى بصى على باقى الحل

وجاية بالحل تانى ازاى ........... منا حليتها خلاص .

يا ابنى لازم كل واحد يقول هو حلها ازى
عشان كده مش هبص على باقى حلك
على فكرة انا قاعده اصلا لا بفكر فيها ولا بزاكر وعندى امتحان بكرة

المتاهة ليها حل واحد بس

الكلام ده لو ليها اكتر من حل

وبعدين متعمليش حجة المتاهه بالمذاكرة

وبعدين خلاص مش لازم تحليها ........ والله خلاااااااااااااااااااااااااااااااااص

ماشى ياماما مش انا ابنك !!!!! ....انتى اللى بتقولى

هههههههههه
طيب يا ابنى
اسمع الكلام
ومش هبص على حلك يعنى مش هبص على حللك
وهحلها لوحدى
عندى

وبعدين نبأه نقارن الحلول

طيب براحتك

بس ابقى قابلينى ان حلتيها لوحدك من غير ما تبصى على الحل

على فكرة مش غرور والله

بس الموضوع يمكن تقيل عليكى شوية يمكن علشان انتى لسه فى اولى جامعه والموضوع ده عايز حاجه معينه انتى لسه متعرفيهاش

حاجه معينه
؟؟؟؟
مش فاهمه
غريبه اوى

لالا بجد ايه الحاجه دى

وهحلها يعنى هحلها يا كريم
بجد قفلت معايا شمال انى هحلها لوحدى

بس قولى ايه هى الحاجه دى

قفل معاكى شمال ازاى ...ز مش فاهم

المهم

عادى والله

بس انتى هتفضلى كتير ومش هتحليها بردو

ليه لان اصلا فيها خدعه كبير

لو بصيتى للحل ممكن تعرفى ايه هية الخدعه

بصى كده للحل وقوليلى عرفتي الخدعه ولا لا

لا مش هبص
بص انت
انا عندى متحان بكرة
ولسه مخلصتش مزاكرة
هخلص مزاكرة
واروح الامتحان
وارجع احله اوبعين بجد هحاول واشوف حلك
اوكى
ادعيلى
ربنا يوفقنى واحل كويس
لا اله الا الله

ربنا معاكى

بس لما ترجعى من الامتحان ابقى بصى عليه

والنبى تلاقيكى بصيتى على الحل ومش عايزه تقولى

ربنا معاكى فى الامتحان ويوفقك

نعم
واللهى ما بصيت
ثم انى رجعت من الامتحان
يعنى فى سؤال حليته غلط وواحد تانى دخلته فى اجابه تانيه وجاوبت اجابتين لسؤال واحد
هههههههه
غباء

المهم
انا يا ابنى نفسى افضل زى ما انا او اتحسن
بس بينلها كده ان فى حد هياخد مكانى وانا تشال اساسا

بس بأه

هحل المتاهه دى بجد

واحاول ابعد عن النت قدر الامكان

Sad

حليتها
هوريك الحل الاول
قبل ما اقرا حلك
اوك
يلا بينا
بص يا يسدى

الاصفر ...ماء...دنهيل...قطه
ازرق....شاى....مزيج....خيل
احمر...بريطانى....حليب...بول مول...طيور
اخضر...المانى...برنس...السمكه...
ابيض...سويدى...بلوماستير...كلب

يالا بأه انا هاروح اشوف الحل بتاعك واقارن

هوووووووووووووووو
واووووووووووووووووو
كريم
انا حلتها زيك
مهيس

انا فرحانه اوى اوى اوى اوى اوى اوى