السلام عليكم ورحمة الله وبركاتة
بعد الشكر و التحيه لأهالي سنفا الاعزاء اود ان الوم بعض الاشخاص اللي حولو الكلام والمنافسة الفعالة الي شتيمة والفاظ خارجه وده للاسف حاجة احنا مش متعودين عليها من رجاله سنفا ............. اللي احنا عرفناهم طول عمرنا
انا ياجمعاعه بتأسف لكل الناس اللي دخلو وشافو و سمعو عن الكلام ده وعلشان ما طولش عليكو ندخل الي صلب الموضوع بتعنا .
" ماهو الفرق بين السرعه المتشيرة shared والغير متشيرة detecated "
علشان منطولش عليكو اي شخص بيروح يتفق علي سرعة او خدمة من شركة بيكون فية نوعين من الخدمة زي ما ذكرنا سابقا متشير ومش متشير .
المهم . الشركه بتنزل خط AONE من سنترال رمسيس الي سنترال المنصورة الي سنترال البلد
دلوقت يا رجالة في سنترال المنصورة الخدمة بيحصل فيها اللعب ممكن تروح لأكتر من واحد "بلد " و ده علشان يوفر فلوس كتير
بس شوف السرعة وثباتها هتكون عاملة ايه ...............................
اما بالنسبه للسرعة الغير مشيرة بتكون من الشركة الي العميل علي طول مش داخلة بلد تانية ولا يحزنون .
الحاجة التانية يا شباب احب اقول لكم اية موضوع الDEFULTE
السرعة اللي انا باخدها من الشركة ممكن اشغلها ذى ما هية في حالة اعداد صغيرة و خطوط صغيرة
اما في حالة وجود اكتر من 3 او 4 خطوط لازم نعمل توزيع للسرعات " والتوزيعات دي لها اصول " علشان كل واحد يكون له سرعتة الخاصة يعمل دون لود , تصفح , شات زي ما هو عاوز
مش يجي 2 او 3 يعملو دون لود ماشى هيكون سريع و هيعدى 100 بس قول يا رحمان يا رحيم علي با قي الناس .
اظن ان الناس جربو الكلام ده وعرفو ان كله في الاونطه علشان انا سمعت ان السرعة نامت و ارجو الرد و المناقشة حتي تعم المعرفة
موضوع: توضيح بعض المصطلحات الخاصة بالنت 
الأحد مايو 25, 2008 9:31 pm
