إحنا ما لناش عيشه فى البلد دى ؟

انا عايزكل عضو يسيب رأيه فى الحاله و الوضع اللى وصلنا ليه
دايما نسمع إننا فى ذيول الأمم والأسعار نار ياحبيبى نار بجد أنا تعبت إحنا ما عادش لينا عيشه فى البلد دى

وياترى إيه الحل من رأيكم ؟
أنا هابدأ برأييى الحل هو العوده للإسلام والتمسك بالقيم والتقاليد بس مش بالماضى الذى يشدنا للخلف
زى ما تقول
(إحنا أصحاب حضاره 7000 سنه وخمسه أشهر )
وعملتلك إيه الحضاره الإجابه اصحاب أكبر تخلف حالى ودى الحاجه الوحيده اللى إحنا متميزين فيها
ولا ليكم رأى تانى.................................

عندك حق والحل هو الرجوع الى دين الله واتباع سنة حبيبه

أشكرك الرد يا
elmeligy

لكن إحنا عايزين حل فعلى مش بس الكلام و ياريت لو فى أى إقتراحات

انتا عاوز حل فعلى هو التخلص من الحكومه اول شىء والتخلص من العملاء والتخلص من الربا والزنا لان هذان المرضان هم الذين يذهبون البركة من الارض

لازم من تغير جذرى لكل الناس ال بتحكم البلد

ثوره تغيير من اخمص القدم الى اعلى الراس

بلادى بلادى بلادى لكى حبى وفؤادى ياجماعه مش ده الحل إننا نسيب بلدنا

الحل إننا نكون حاجه فى بلدنا ونوضع حل للمهزله دى ونطالب بإقالة كل

من تعدى على حق البلدولا فيه رأى تانى0000000000000؟

أنا معاك ياأفريكانووو فى كل كلمه قلتها

لكن كلمه ولا ليكم رأى تانى دى بتاعتى وبس

التغير مش بالسهل كده

ال مصر فيه دلوقتى محتاج سنين كتيره حتى يتغير

و اعتقد ان التغيير لن يتم الا بدماء المصريين\

لابد ان ندفع ثمن ما نحن فيه من ارواحنا و دمائنا

لان 90 % من موظفى الدوله مرتشين

و الحكومه تستعين بالبلطجيه ضد المعارضه

و ابسط شى للقمع ال حصل فى المحله

اقولكم الحل ...اننا نصنع صروح ومجالات نخرج فيها فكرنا ونعبر عن رفضنا زى محنا بنعمل على منتدانا دلوقت بس الفكره تنتشر والكل يكتب ويتكلم علشان صوتنا يوصل

تسمحلى بسؤوال يا مدير
إيه أخر الكلام ؟
أنا ببحث عن فعل مش كلام

قوله بقى يامعلم قصدى يامدير على فعل مش قول

انا من وجهة نظرى ان فى حلول كتيرة غايبة عنكم و أول حل هو ان الحكومة تقوم بعمل دعم للمصانع والشركات على المواد الخام اى الدولة تتحمل عبىء الزيادة فى الاسعار وبكدة الاسعار تكون ثابتة بس الحكومة هى ال عاوزة كدة عاوزة الاسعار نار وفى حل ثانى هو علاج التضخم ال فى الدولة عن طريق التضخم المكبوت وهو معناة ان الاسعار فى زيادة مستمرة ولاكن الدولة مقيدة هذة الاسعار

وانا بشكرك يا احمدعلى الموضوع دة

نحن شعب لا نستحق اكثر مما نحن فيه .
ليس تشائما ولكنها معادله حسابيه واشكال هندسيه .
ابحث عن قاعدة المثلث واضبطها ستجد راس المثلث فى الاتجاه الناسب براس واحدة وفى اتجاه واحد وليس باكثر من راس فى اتجاهات ملتويه وابعاد نسبيه.

عموما عليه العوض ......

بص ياكريم من الآخر إنت من حقك تتكلم عن نفسك بس
مين اللى وكلك تتكلم عن الشعب المصرى

واحشنى مووووت والله ياكركر
وشكرا ع المشاركه

مين اللى وكلنى.

طيب ياعم الوكيل
اتكلم انت عنه براحتك

.........................................................

وانت اكتر والله يااحمد واحشنى مووت

ما تشوفش وحش يا ضنايا

ايه الحنان دا كله؟

يلا ياعم احمد

انجنير بيضحك علينا

ويقولك ايه الحنان ده كله

مشكور ياانجنير

بس علشان تعرف احنا بنحب بعض قد ايه.

يا سيدى ربنا يهنيكم ببعض

ربنا يهنى سعيد بسعيده ياخويا

والعروسة للعريس والجرى للمتعايس
وعلى راى المثل

اطبخى ياجارية وهين الفلوس يابو محمد

لا على راى المثل

اطبخى يا جاريه الانبوبه فاضيه يا سيدى

تمشى فاضية برده

إيه دور المطبخ اللى إنتم واقعين فيه ده

إحنا ما لناش عيشه فى البلد دى ؟ Desktop

مش بقولك دمك خفيف اليومين دول

لا حاول تكشف ياحبيبى على نفسك

متسيبش نفسك كده

الدكتور ده إنت اللى تدور عليه مش أنا وعموما أنا أعرف واحد جديد أزهرى أكيد تعرفه ممكن أوصيه عليك