يلا بينا نمذ (العمده)

يلا بينا نمذ
طبعا فى الاول حضراتكم مستغربين من العنوان, ومستغربين ازاى انا مختاره
وطبعا لما اختارت العنوان مكنتش اقصد اننا نعمل مظاهرة او اضراب او اعتصام علشان نمذ بسببه
او انادى بحفلة او رحلة نمذ فيها كلنا
لا والف لا
طبعا بتقولوا الواد دا رجع يرغى تانى ويلك
اخش فى الموضوع ويعنى ايه العنوان اللى انا كاتبه
نبتدى الحكاية
يوم السبت اللى فات كنت زهقان شوية كالعادة يعنى , وطبعا حضراتكم بتسالوا زهقان من ايه
اقولكم
اصل انا فقرى ومش راضى بالنصيب , زهقت من المثالية اللى انا عايشها
زهقت من العيش المرمى فى كل مكان فى البيت
زهقت من المواصلات الفاضية اللى مش لاقى حد يزاحمنى فيها
زهقت من التكييف اللى فى العربية
زهقت من اللحمة اللى جابتلى النقرس
زهقت من حياتى..معقولة فيه كدا ؟ بقة كل حاجة عاوزاها الاقيها كدا
المهم ..واحد صاحبى (طبعا الحداد)كان شار عليا فى يوم انى لو زهقت وحبيت اعمل رفرش انزل شجرة الدر
طبعا حضراتكم عارفين شجرة الدر
(ماشى ياعم سيمبا انت واهل الصعيد هاقولكم علشان سامعك بتقول لآ)
شجرى الدر دى ياسيدى منتزه او حديقة عمومية عندنا فى المنصورة مكانها عند شارع جيهان
المهم انا قولت اسمع نصيحة صاحبى اللى عمرى ما نصنحنى بحاجة ونفعت
دخلت الحديقة وانا مش حاسس بنفسى وزهقان
والحق يتقال بدات ساتريح اول ما دخلت
منظر النيل والخضرة وعدد من الناس والشباب بيلعب مع بعضه
قلت والله فعلا المكان شكله حلو وجميل
بس للاسف الموضوع مطولش
فجاة حسيت انى فى شارع من شوارع فلوريدا او امستردام
طبعا مش من الجمال والروعة .
.بس من الشخلعة والمسخرة والسيكو سيكو
اقولكم شوفت ايه بس اسمحوى مش هتطرق لتفاصيل اصل الصراحة انا فاشل فى الموضوع دا ويارب افضل فاشل كدا
فى الاول شوفت الناس اتنين اتنين
كل واحد مع واحدة..قولت عادى يمكن بيحبوا بعض وجايين فى مكان هادى..يالا خليهم يحبوا ويزقططوا
بس لما دققت اوى شوفت حاجات تانية خالص


اسيبكم بقة دلوقتى تخمنوا لقيت ايه لما دققت
هههههههههههههههههه
واشوفكم فى الجزء التانى

سلامووزوووو