من اكثر وفاءا الرجل ام المرأه ....شارك برأيك

أصبحت تعج الحياة اليوم بالكثير من وصلات الخطوط المتشابكة
حتى باتت المصالح الشخصية
هي التي تتربع على عرش العلاقات
بين الافراد فالمادة التي أصبحت اساس علاقات الأفراد ببعضهم البعض ،
والتقنية المفتوحة على مصرعيها والأنفتاح الإجتماعي
بين مختلف الطبقات والشرائح .... كلها جعلت من الإنسان
أحياناً فكاً مفترساً ينافس جميع المخلوقات
فالشخص يتصيد الفرصة للانقضاض على وظيفة سيقدم إليها صديقه ،
وأخرى تخطط للزواج من زوج صديقتها ،
وشريك يبحث عن فرصة سانحة ليجني نصيب الأسد من شريكه
، وزوجه ما إن ينتهي عزاء زوجها المتوفى
حتى تتلفت يمينا ويسارا بحثا عن عرويس جديد............ الخ

والقصص عديدة ومتنوعة
أيهم ترجح كفته أكثر في الوفاء في رايك وبدون تحيز

الرجل أم المرأة

بصراحه وبدون تحيز

لو العلاقة زوجية زى ما بتقول

انا شايف ان المراة بتكون اكثر وفاء لزوجها (مش كل الناس زى بعضها )

اما لو العلاقه بين الاصحاب مثلا فدايما تلاقى ان الاصحاب الرجال اكثر وفائا بكثير من الاصحاب النساء
( الا من رحم ربى)

أولاً شكرا على المشاركات الجامده اللى ورا بعضها دى !
أنا من رأيى : الوفى وفى لو عملو معاه إيه .
يا راجل ! ده الكلب اللى هوه الكلب بيقولو عليه
الصديق الوفى .
وبالرغم من كده أنا أرجح المرأة أكثر وفاءً .
--------------------------

هوة الكلب وفى طبعا ومنقدرش ننكر ده

بس الكلب ده حيوان نجس مسنفعش نشبه مهما كان اوحتى نقارنه بالانسان

ومشكوووووووووووووووووووووووووووووووووور

انا اعتقد ان المراه عندما تحب فقط

فانها تكون وفيه الى ابعد الحدود

طيب مانت بتعتقد حاجات حلوة عن المرأة اهو

امال عاملى فيها عدو المرأة زى ما افريكانو بيقول!!

عدو المراه

يا عم انا اول واحد فى صف المراه

يا بيونير المراه اصبحت مركز قوة فى مصر

و انا اطالب بمساوة الرجل بالمراه

و اقل مثال فى فتره كانت الحكومه عملت طلب للموظفين جدد و بالاخص مدرسين (من حوالي سنتين )

كان كل ال اتوضفوا بنات (مفيش رجاله خالص

مع ان المفروض العكس لا ن الراجل لما يتوظف ممكن يفتح بيت ؛ اما طول ما هو من غير وظفيه

يبقا يعمل ايه يقعد يتفرج

والله عندك حق فى النقطة دى

ممكن يكون لهم وجهة نظر تانية بس اكيد وجهة نظرهم غلط

وممكن يكون البنات كانو احسن تقديرا من الرجال فى اختبارات الشغل دى

تقدير ايه يا عم كلها كوسه

هو يعنى كل البنات ال تعينوا معاهم تقديرات

لا يا ناصح
بس معاهم امكانيات مش عاندك
عرفت الكوسه جات منين يا كركر

اقولك ايه بس يابو حميد
عارف انت لو كلامك ده فعلا حقيقى

على الامكانيات اللى مش عندى

يبقى دول ناس اصحاب عقول ناقصة
واصحاب نفوس ضعيفة
بس انا بعتقد ان ده مش السبب فى التعيين زى ما بتقول

انا اصلا شايفه ان مملكة المرأة بيتها
وبيتهيألي انت تقصد بالامكانيات انها بتستغل انوثتها
بس انا قريت قبل كده ان النساء الاقل جمالا هن الاكثر حظا في الحياة العمليه
واسمحلي اشكرك انك اخيرا قلت كلام كويس
في حق المرأه

وانا هلتزم الحياديه ومش هقول مين اوفى الرجل ام المرأة
لكن اعتقد ان كلما زاد الحب زاد الوفاء والاخلاص من الطرفين الا ما شذ