اخترت اسم روح من نور لان حالتى النفسيه ساعتها مخلتنيش اختار غيره والافكار الى جاتلى من هذه الحاله النفسيه خلتنى اتوقع وجود ارواح من نور بين البشر ببتعالى عن افعال البشر بتتعالى ان تتصف بصفه من الصفات السيئه الى بين البشر فكان نفسى اكون من الارواح الى ربنا كتب ليها كده .....................انا مبسوطة اوى من السؤال ده
ماهي هواياتك؟
كلاكيت تالت مرة.....بص فوق
من عرفك على منتدى سنفا ؟
بنى ادم
من اصدقائك بالمنتدى ويابختهم طبعا
بنت سنفا ورومانتيك جيرل لسه مشتركه على حسى قريب وفى ناس تانيه
من هم اعدائك بالمنتدى ما اظن لك
ماليش فعلا بس فى حبه كده مش بحب طريقة تفكيرهم فى بعض المواضيع
هل ممكناً توصفين لنا الحياه بالنسبة لكى بجملة واحدة؟ |
الحياه اقصر من ان توصف بجمله
الحياه هى
اختبار
لو قال لكِ المصباح السحري إختاري أمنيتين ماهما |
هو اكيد مش هيجى
بس امنيه واحده فى حياتى اصلا
انى ارضى ربنا بعد كده اى حاجة مش مشكله الاقيها او لأه بس اذا لقيتها فده خير
من اول قلم اعجبكِ في المنتدى ؟ |
للأسف حتى الان مفيش انا كنت معجبه بمواضيع الفارس المصرى على اساس ان هو الى كاتبها وبعدين بصراحة اتصدمت فى نفسى اما اكتشفت انى كل ده مكنتش واخده بالى من كلمه اقتباس
| شاعركِ المفضل |
فاروق جويده بس لانى مقريتش لحد اد ما قريتله بس نفسى اقرا لنزار قبانى هموت واقراله اصلا بس بابا بيقولى مش دلوقتى بس انا عارفة ان حبه هيطغى على حبى لفاروق من الى بسمعه عن قوه اشعاره
| أجمل مرحلة عمريه عاصرتيها وكانت مليئة بأجمــل وأحلى الذكريات ؟؟
للأسف انت مش بتقرأ الى فوق خالص بس عموما تانى انا مش هقدر احدد غير اما اكون فى مرحلة الكهوله لانى اعتقد ساعتها انى هقول ان كل مرحلة فى الحياه تتممتع بزكريات واحلام مختلفه ولها بريقها المختلف بس بجد كان نفسى اجاوب
ماذا يعني لك الحب ؟
اما اعرف هبقى اقولك ولتالت مره اقرا الى فوق
ما هو أجمل شي في الدنيا ؟
انى اجد حب الله فى قلبى
ما هو الشي الذي تعشقينه ولا تريدين الاستغناء عنه ؟
قلمى
الحياة مليئه بالصدف .. فما أجمل صدفه صادفتها وما أسؤاها.؟؟
امممممممم
بصراحة مش فاكره حاجة
كل منا يملك حكمه دائما مايرددها بإستمرار ... فما هي حكمتك التي دائما ما تكرريها ؟؟
ان ادفن الاهات فى صدرى وامضى كالضريروالا افكر فى المصير
على فكرة ده بيت لفاروق جويدة فى قصيده الزمن الحزين اخر قصيده فى كتاب ويبقى الحب
كل منا له هوايات متعدده و للهوايات اوقات معينه نمارسها فمتى تمارسى هيوايتك ؟؟
طبعا القراءة والكتابه ملهاش وقت محدد بالنسبالى بس الرياضة اما اكون فاضيه او مخنوقه
لكل منا شخص مقرب نشكي له همومنا ونبيح بمكنونات قلوبنا فمن هو صندوق أسرار لكى
للأسف اعتقد مفيش حد انا كان فى واحد بحكيله معرفوش اصلا بس هو كان انسان محترم اوى واكبر منى عرفته على الهاى فايف اعتبرنى اخته لان فعلا كان فى فرق كبير فى السن فكنت بحكيله مشاعرى تجاه الناس وايه الى بيدايقنى وكان بينصحنى نصايح بجدد غيرتنى كتيييييييير اوى
انا على فكرة بعد اما كتبت الكلام مسحته وبعدين قررت انى اكتبه تانى لانى فعلا بحترم الانسان ده أوى اوى اوى اوى واعتقد ان ده شىء كويس اننى افتكره بالخير واقول للناس عليه
لنا تجارب عده في هذه الحياة ولنقل ان الحياة ليست عباره الا عن تجارب فما هي أقسى تجربه مرت بيكى وماذا استفادت منها ؟؟
انا مشفتش فى الدنيا الى يخلينى اقول اصعب تجربه انا لسه فى الاول بس يمكن تجربه مش صعبه اوى بس اهى تجربه والسلام
بص على فكره باه اانا بردو كنت كتبت المرادى كلامى بس الناس الى علموتى من التجربه اه محترمين ومعلمليش حاجة وحشه بس اعتقد انهم ميستحقوش انى احكى للناس عليهم لان التجربه من اولها لاخرها تافهه ومكنش لازم انى اقع فيها من الاول اصلا.......
القلم .. شيء احببناه خضنا معه الكثير نثر للأحرف او خربشات هل تستطيعين ان تسطري قليلا من خربشاتك هنا ؟؟
مش مكانها هنا بس انا نثرت فى مكان الشعر قبل كده هنا فى المنتدى بس ياله المرادى بس
ضباب فى الطريق يمنعنى من رؤيه الواقع ، يد ثقيلة على كتفى كلما تحركت للبوح بالحقيقة تجذبنى ، وصوت ينهرنى كلما تفوهت بكلمة حق ، فهل أنا شيطان أخرس!!؟
عمر ضاع وسط غيوم الواقع ، وسط شعارات يرددها الكثير ، منافسة تدفع الكثير للحقد وكراهية بعضهم بعض من أجل حياه اصبحت كالأحجار تحتاج للقوى فقط ليحملها على كتفه مدار العمر
قد اكون دمرت من بعض الناس ولكن الاشياء التى دمرتنى قد احيت بداخلى بعض من احلام الطفوله لتحقيق ذاتى ........لم اكن يوما ولن اكن الشخص الذى يدمر اخر مقابل حب او حقد او حتى شىء تافه لاتنازل عنه ......فلاتنازل عن اى شىء مقابل الا اخسر شخص او قد ادمر امل داخله حتى ولو كان بصيص امل ....
دى كنت كاتباها من زمان وسيبه تكملتها بس كملتها دلوقتى اهه
هههههههه
ابسط يا عم
ثلاثــه مواقــع تحبيــن تدخلينهــا ( تتصفحينهــا ) كل يــوم او منزلتهـا في المفضــله
المنتدى ومدونتى ومدونة تانيه
اي اقســام المنتــدى ترتاحيــن فيــه ( تبدعيــن ) من ناحيه تنزيل المواضيــع والردود ؟
منتدى الصور لانى بعشق الصور معرفش ليه ومنتدى الشعر والقصه ناويه معاهم على حاجات جديدة
عضووو قــدم لكـ الكثير في هــذا المنتـدى ( موقف او نصيحــه او مســاعده ) ومــاذا تقوليــن لــه
المدير
كان ساعدنى فى انه علمنى ازاى انزل صور على المنتدى
اقوله شكرا
وربنا يهديك ويوفقك فى حياتك ويحققلك الحاجت الى نفسك فيها مادامت فى حدود طاعه الله
اضعــف انســان من ناحيتــك في شخصيتــه سوا بنـــت . ولــد ؟
مظنش ان فى حد ضعيف قدامى على حسب ما ناا فاهمه السؤال يعنى
ارجو ان اكون خفيفه عليك ولك الحريه بعدم الجواب على اي سؤال لم يروق لك
اسئلتك كلها مكنش فيها اى حاجه مش حلوة
ومش عاجبانى كلمة فى الارتجال الى انت كتبته قى الصفحة الى فاتت وبصراحة م فاهماه اساسا
مودتى للجميع
لا اله الا الله
موضوع: رد: كرسى الاعتراف 
الجمعة فبراير 06, 2009 12:50 am
