كرسى الاعتراف

اهلين اهلين اهلين اهلين
يا بيونيييييييييييييييير
يا استاذ الرياضة انت
ايه احوالك
المهم
ندخل فى الموضوع
اه نسيت
شكرا يا انسان مصرى على لمرور
المهم
نرجع تانى وندخل فى الموضوع
اوكى
اختار مين اختار مين
طيب
نختااااااااااااااار
بنت سنفا
وحسك عينك ترفضى باه
هههههههههههههه
يالا يا جماعه
رحبوا ببنت سنفا على الكرسى الجديد وعايزين نعمل حواليها لمه حلوة كده
ونجيب المعازيم والشبكه
ههههههههههههههه
المهم
انا نضفتلك لكرسى يا سيتى قل ما اقوم كان عليه تراب
زى ما طلبتى اهو
كرسى نضيف ةزى الفل
حسك عينك باه متجاوبيش
انتى حظك من السما انى مش هطحنك
عشان الجامعة
بس اما تنزلى مصر بس
انا فعلا هطحنك
هههههههههههههههههه
مبررررررررررررررررررررروك عليييييييييييييكى الكرسى يا بنت سنفا
lol!

بنت سنفا مشرفانا على الكرسى من أول الساعه 12 بليل 10/2/2009

ياريت محدش يسأل قبل 12

وشدى حيلك يابنت سنفا

فى ناس مستحلفالك

هههههههههههههههههههههههه

بنت سنفا

1- مــــن انـــــــتى ...؟؟
عبرى عن نفسك وليس اسمك
2-باقة ورد لمن تهديها ...؟؟

3- باقة شوك لمن تهديها ...؟؟

4- اسوأ خبر سمعتية فى حياتك...؟؟

5- شخص لاترفضى له طلبا ..؟؟

7- ماهي التجربه التي تتمنى تكرارها ...؟؟

8- من هو توأم روحك ...؟؟

9- ماهو اكثر شئ تخشية...؟؟

10- مالذي يشعركى بأكثر قدر من الحرج...؟؟

11- حمامة زاجل استقرت على نافذتكى تحمل رسالة من مجهول فممن تتمنى ان تكون...؟؟

12- جريمه تتمنى ارتكابها...؟؟

[/b]

**ماهو شعورك في أول يوم دخلتى فيه المنتدى ؟

**هل شعرتى بالندم لدخولك عالم المنتديات ؟

**تعددت طرق وأساليب الحوار فهل تعتقدى ان الأنترنت هو الوسيله الأفضل للحوار ؟

**وهل هناك ثمرة تجنى من وراء هذه الحوارات ؟

**أصعب سؤال واجهتية في حياتك ولم تتمكنى من الإجابة عليها ؟

**مشهد أحزنك وآلمك وجعلكى تذرفى دموعا من شدة الحزن ؟

**وآخر أسعدكى بحيث جعلك تذرفى دموع الفرح ؟

**هل انتى من هواة المغامره والخوض في كل ماهو جديد ,, دون النظر لنتائجه ؟

**ماهو الدعاء الذي ترددية في نفسك ؟

**هل تعتبرى بهذا المثل ( لو جريت جري الوحوش غير رزقك لن تحوش ) ؟
ما هوالشي اللي تتمنى تشوفيه في المنتدى وشايفة انه صعب يتحقق ؟

**متى تضحكى من قلبك . متى تستهبلى ههههههههههه . متى تكونى متحمسة . متى تخافى ؟

**لو أعطيتكى فرصة لأن تحققى أمنية واحدة من أمنياتك ,, ما هي هذه الامنية ؟

**لكل إنسان نقطة ضعف ,, فما هي نقطة ضعفك ؟

**بكتب لكى مجموعه من الجمل والعبارات ..

والمطلوب منكى .. كل واحد او وحدة منهم .. تهديها لعضو أو عضوة من أعضاء المنتدى ..

( لا تقول كل الأعضاء > عضو / عضوه واحد فقط ؟.. )

* مـــــا عاش من يخسر غلاك بسهولة .. ولا عــاش من يقطع بعمره وصالك ؟

* أذكرك .. لا مني نسيت إني نسيتك .. أنـسـاك .. لامني ذكرت نسيانك ؟

* يــا صاحبي مهما تكون الحقيقة .. أو تشتعل بالقلب مية حريقة .. أنا من اللي صعب يخسر رفيقه ؟

* عســاهم يذكروني ما نسوني.. مثل ما ذكرهم في البال طاري ؟

هسئلك سؤال مقرر لتانى مرة على التوالى

بس اجابة غير الاجابة

جريمه تتمنى ارتكابها...؟؟

عارف والله

--------------------

فـلـو خيـ..ـرت فـي وطـ..ـن ٍ .. لـقـلـت هــوـواكـ أوطانـ..ــي
ولـو أنسـ..ـاكـ يـا عـمـ..ـري .. حنـايـ..ـا ـالقـلـب تنسـ..ـانـي
أمـ..ـات ـالـ ح ـب عشـ..ـاقــًا .. وحـبـ..ــكـ أنـت أحـيـ..ـانـي
إذا مـ..ـا ضـعـت فـي درـربـي .. فـفــي عـيـنـيـكـ عـنـوـوانـي

تحية لمن يؤمن بان السلطة اختصاص وليس امتياز
..................

[/b]

على فكره يا سعد
الموضوع بتاعى اتمسح من المنتدى

يعنى برغم كل اللى انكتب الا انه لا حياة لمن تنادى
وشكرا يا كريم

واااااااااااااااااااااااااو
ماشي يا روح
بس اما نتقابل هتشوفي

بلراحة علي يا جماعة
ماشي؟

واللي ناوي على شر يسكت احسن له

يا ريت مفيش أسئلة محرجة يا ناس

و خفوا علي شوية

ماشي؟؟
بس اما اوريكي يا روح

- مــــن انـــــــتى ...؟؟
عبرى عن نفسك وليس اسمك
وحدةماشية في الدنيا ونفسها تلاقي اللي يعينها إنها تمشي صح..عشان النيا زائلة..نفسها تكون مع ربها اكتر من اي حد..نفسها تكون في بلدها بدل الغربة
2-باقة ورد لمن تهديها ...؟؟
لكل احبابي
واهلي
ولأعضاء المنتدى
ولسنفا
3- باقة شوك لمن تهديها ...؟؟
للي جرحني يوم من لأيام
وحدة اتصدمت فيها
4- اسوأ خبر سمعتية فى حياتك...؟؟
والله مفيش اوي..بس يمكن يوم وفاة جدي رحمه الله
5- شخص لاترفضى له طلبا ..؟؟
والدي ربنا يحفظه..عشان مبقدرش ارفض
7- ماهي التجربه التي تتمنى تكرارها ...؟؟
امممممم
استنى والله مش فاكرة
بس هفتكر واجاوب تاني
بس ممكن الحب..لو من طرفين..بس بأدب
8- من هو توأم روحك ...؟؟
بنت عمتي وروح قلبي صديقتي المقربة
9- ماهو اكثر شئ تخشية...؟؟
الموت
الصداقة المزيفة
الإحراج والجرح
10- مالذي يشعركى بأكثر قدر من الحرج...؟؟
لما حد قريب لي يطلعني غلطانة قدام الناس عمدا
لما حد يطلع عني إشاعة غلط
وكمان لما حد يفهمني غلط
11- حمامة زاجل استقرت على نافذتكى تحمل رسالة من مجهول فممن تتمنى ان تكون...؟؟
من المطار..بيقولي هنزل بكره
ههههههههه
لأ بجد
من بنت عمتي فنها عارفة كل حاجة وهتقولي كل الأخبار
12- جريمه تتمنى ارتكابها...؟؟
وحدة اخلص العالم من شرورها
لالالالا
أقتل معلمة بكرهها جدا

الموضوع بجد يجنن وفكرتة جميييييييلة جدا
شكرا يا بيونير
يارتنى شفت الموضوع ده من زمان
يلا مو مشكله خيرها فى غيرها
وكويس ان انا لحقت بنت سنفا
اصل كان نفسى اسألها شوية اسئلة كدة
اولا اهلا ومرحبا بيكى يابنوته على كرسى الاعتراف
والله منوراه بجد
اولا انا نفسى اعرف انتى مغتربة فى الامارات لوحدك ولا مع عائلتك؟
ايه هى نوعية دراستك ياجميل؟
ايه هو اصعب موقف مريتى بيه فى حياتك وبالتفصيل؟
موقف حصلك وأتمنيتى من ربنا أنه مايحصلش ليكى تانى؟
سؤال تانى
لو انتى كنتى فى سفينة فى البحر وكان معاكى بنت عمتك اللى انتى بتحبيها وكان معاكى الشخص اللى هيبقى شريك حياتك
والسفينة دى بتغرق وفى وسيلة انقاذ واحدة لازم انتى تركبى فيها ومعاكى واحد تانى بس
تختااااااااااارى مين بقى ؟
وانتظرى المزيد

اولا انا نفسى اعرف انتى مغتربة فى الامارات لوحدك ولا مع عائلتك؟
اكيد مع عائلتي..وكل دراستي كانت فيها
ايه هى نوعية دراستك ياجميل؟
مدخلتش جامعة لسة..انا أصغر عضوة هنا
ايه هو اصعب موقف مريتى بيه فى حياتك وبالتفصيل؟
اممم
المواقف بتتنسي
بس ممكن اقولك وحدة اتصاحبت عليها سنتين وحبيتها أوي وامنتلها على كل حاجة..وفي الاخر لقيت اسراري بره..وبتذلني..ربنا يسامحها
موقف حصلك وأتمنيتى من ربنا أنه مايحصلش ليكى تانى؟
مفيش
بس يمكن....الــحب
يمكن
سؤال تانى
لو انتى كنتى فى سفينة فى البحر وكان معاكى بنت عمتك اللى انتى بتحبيها وكان معاكى الشخص اللى هيبقى شريك حياتك
والسفينة دى بتغرق وفى وسيلة انقاذ واحدة لازم انتى تركبى فيها ومعاكى واحد تانى بس
تختااااااااااارى مين بقى ؟
مبحبش الأسئلة دي عشان بتزعلني
بس بجد مستعدة انزل انا واركبهم الاتنين
او اركب فوق ضهر بنت عمتي واخلي شريك حياتي يقعد

شكرا يا روووز
تورتي يا توتي

**ماهو شعورك في أول يوم دخلتى فيه المنتدى ؟
كنت فرحانة لإني لقيت منتدى لبلدي..وكنت متوترة لإني اول مرة أدخل منتدى مختلط

**هل شعرتى بالندم لدخولك عالم المنتديات ؟

الصراحة أيوة
لإني أدمنته
بس أنا أصلا مشتركة في اتنين
الجسر
وواحد تاني للمرأة فقط
**تعددت طرق وأساليب الحوار فهل تعتقدى ان الأنترنت هو الوسيله الأفضل للحوار ؟
أنا بحب اتحاور عبر النت أفضل من وجها لوجه
خصوصا لو عندي مثلا ملاحظة أو نصيحة لوحدة زميلتي
بقدر أتكلم بصراحةأكتر عبر النت
يمكن لإني مبكونش شايفة تعابير وجهها

أما لو قصدك الحوار مع مثلا أعضاء المنتديات فيكون عادي بس بحذر وبأدب

**وهل هناك ثمرة تجنى من وراء هذه الحوارات ؟
أكيد..
لوم مع الصديقات بتستمتع وتقدر تبينلهم الصح والغلط
ولو مع أعضاء المنتديات بتستفيد منهم وتفيدهم

**أصعب سؤال واجهتية في حياتك ولم تتمكنى من الإجابة عليها ؟
هو انا هفتكر يعني؟
بس أسئلة كتير
زي..حبيتي قبل كده
زي..السؤال اللي روز سألته لي

**مشهد أحزنك وآلمك وجعلكى تذرفى دموعا من شدة الحزن ؟
بعيط من أي حاجة
انا حساسة جدا
بس أقرب مشهد اللي هو بتاع الأطفال اللي ماتو ماسكين في أمهاتهم في غزة
حرام
كمان بزعل اوي لما بشوف ميتم او عزى او دفن

**وآخر أسعدكى بحيث جعلك تذرفى دموع الفرح ؟
كل لما بنزل مصر
كمان لما جدتي اتحسنت جدا من حالتها
كمان لما والدتي جابت اخوي الصغير

**هل انتى من هواة المغامره والخوض في كل ماهو جديد ,, دون النظر لنتائجه ؟
أنا متسرعة
بتخذ قرارات بسرعة
بس أحيانا بفكر

**ماهو الدعاء الذي ترددية في نفسك ؟
في الامتحان
وجعلنا من بين ايديهم سدا ومن خلفهم سدا فأغشيناهم فهم لا يبصرون

في حياتي
كتير جدا بقول (سبحان الله وبحمده)لإنها بتغفر الذنوب

كمان بدعي كتير في الصلاة

**هل تعتبرى بهذا المثل ( لو جريت جري الوحوش غير رزقك لن تحوش ) ؟
الرزق اكيد من عند الله
بس انا أؤمن اكتر ب(لكل مجتهد نصيب)
ما هوالشي اللي تتمنى تشوفيه في المنتدى وشايفة انه صعب يتحقق ؟
كل أهل سنفا يتجمعو هنا
**متى تضحكى من قلبك . متى تستهبلى ههههههههههه . متى تكونى متحمسة . متى تخافى ؟
بضحك من قلبي لما بسمع نكتة حلوة..أو لما كون حاجة تفرح كده بجد..ولما بحس إن ربي راضي عني بفرح بجد

بستهبل لما بيكون اللي قدامي أهبل وباخده على قد عقله
كمان لما أحب اداري مثلا إني هعيط..أعمل اي حاجة كده تداري

بتحمس لكل حاجة جديدة..وفكرة حلوة

بخاف لما أكون عارفة إن في نتيجة وحشة للي انا بعمله
بخاف لما امتحن واخلص امتحان وقبل النتيجة ولما آخدها
بخاف من حاجات كتير
بخاف من الأصدقاء عشان مريت بتجارب وحشة مع الصداقة
يمكن عشان كده اخترت بنت عمتي صديقة لي عشان من اهلي وهتخاف علي أكيد

**لو أعطيتكى فرصة لأن تحققى أمنية واحدة من أمنياتك ,, ما هي هذه الامنية ؟
امنيتي إن 200 امنية يتحققولي
دايما بجاوب على الإسئلة دي كده

**لكل إنسان نقطة ضعف ,, فما هي نقطة ضعفك ؟
نقاط ضعفي كتير
- حساسة جدا
- بكتم حزني
- ممكن اثق في أي د بسهولة..وممكن يخيب ظني في لحظات وانهار

**بكتب لكى مجموعه من الجمل والعبارات ..

والمطلوب منكى .. كل واحد او وحدة منهم .. تهديها لعضو أو عضوة من أعضاء المنتدى ..
مش هقدر أجاوب بصراحة فن المنتدى فيه اولاد ولو قلت حاجة هتفموني غلط..معلش مش هجاوب على السؤال ده
( لا تقول كل الأعضاء > عضو / عضوه واحد فقط ؟.. )

* مـــــا عاش من يخسر غلاك بسهولة .. ولا عــاش من يقطع بعمره وصالك ؟

* أذكرك .. لا مني نسيت إني نسيتك .. أنـسـاك .. لامني ذكرت نسيانك ؟

* يــا صاحبي مهما تكون الحقيقة .. أو تشتعل بالقلب مية حريقة .. أنا من اللي صعب يخسر رفيقه ؟

* عســاهم يذكروني ما نسوني.. مثل ما ذكرهم في البال طاري ؟

هسئلك سؤال مقرر لتانى مرة على التوالى

بس اجابة غير الاجابة

جريمه تتمنى ارتكابها...؟
شكلك عاوز تعمل جريمة مشتركة
اقول
جريمة أتشرف غني اعملها
إغتيال حسني مبارك وقادة العرب الخونة

شكرا يا نائب للأسئلة الخفيفة
سلاماااات

انا بصراحه مش عارف أقولك ايه

بس الله يكون فى عونك

وانا مش هسئل

انا هسئلك سؤال واحد وعايزه تجوبى جوبى براحتك يعنى
مين اللى عرفك على المنتدى؟؟؟؟؟؟؟؟؟؟؟؟؟؟؟؟؟

ايه ده بجد اخيرا لقيت حد اصغر منى
كويس ههريكى بقى ياجميل مدام طلعتى اصغر منى

ايه رأيك فى الحب قبل الزواج؟
وعايزة تتزوجى عن حب ولا لآ؟
ايه هو أكتر خبر فرحتى لما سمعتيه؟
نفسك تكونى ايه فى المستقبل؟
ايه رأيك المعيشة فى سنفا احلى ولا الامارات؟
ايه هو محل ميلادك؟
وانتظرى المزيد

انا هسئلك سؤال واحد وعايزه تجوبى جوبى براحتك يعنى
مين اللى عرفك على المنتدى؟؟؟؟؟؟؟؟؟؟؟؟؟؟؟؟؟

شوف يا مهندس حازم
كنت مرة قاعدة ع النت بذاكر حاجة للمدرسة
ومليت
فجاة
طلعت في راسي فكرة إني أدور على كلمة (سنفا)في جوجل
وعملتها
لقيت بمكن صفحتين عن سنفا
ومن ضمنهم المنتدى
في البداية حطيته ع المفضلة وكنت زائرة دائمة ليه
وبعدين اشتركت فيه

وتوتة توتة خلصت الحدوتة
بكل صدق

PIONEER كتب:: انا بصراحه مش عارف أقولك ايه

بس الله يكون فى عونك

وانا مش هسئل

غريبة
الله يكون في عوني على إيه؟؟

ع العموم
شكرا يا كريم بتشديد الياء

ايه ده بجد اخيرا لقيت حد اصغر منى
كويس ههريكى بقى ياجميل مدام طلعتى اصغر منى
بالراحة علي يا روز
في إيه
عندك عقدة من اللي أصغر منك ولا إيه؟؟
ايه رأيك فى الحب قبل الزواج؟
شيء جميل جدا..ولو يجمع العقل مع القلب يكون رائع..الحب رائع
وعايزة تتزوجى عن حب ولا لآ؟
يا ريت
ايه هو أكتر خبر فرحتى لما سمعتيه؟
والله مفيش أخبار مفرحة للدرجة دي
بس هقولك
- يوم ولادة اخوي الشقي الصغير
- يوم ما طلعت الأولى ع الدولة(3 مرات)
- يوم ما طلعت التانية ع الدولة(مرتين)
وبس
نفسك تكونى ايه فى المستقبل؟
مهندسة برمجة
امنيتي
ايه رأيك المعيشة فى سنفا احلى ولا الامارات؟
من حيث المعيشة ..بقولها وانا مكسوفة..الإمارات
ايه هو محل ميلادك؟
بكل فخر
س
ن
ف
ا
سنفـــــــــــــــا

وانتظرى المزيد
ماشي يا ستي

حلوة قوة كريم بتشديد الياء

محدش بيقولى كريم بتشديد الياء غير واحد بس .... هوة الشيخ طلعت الشناوى ربنا يخليه

المهم انا هسئلك سؤال بقى مادام قولتى كريم بتشديد الياء

هوةسؤال غريب الاطوار

شديد الانحدار

سؤال لولبى يعنى

هل محلات الجزارة اللى فى سنفا بتبيع لحمه بس ؟
هههههههههههههههههههههههههههههههههههه

سؤال تانى معلهشى استحملينى
اشمعنى مهندسة برمجيات؟؟؟؟؟؟؟؟؟؟؟

لا ياستى انا معنديش عقدة من اللى اصغر منى ولا حاجة بس دايمة وانا ببقى فى اى مكان ببقى انا الصغيرة
حتى فى البيت وفى كل مكان
ماعلينا

انا عايزة اقولك حاجة انا كدة بقيت متأكدة انتى مين اصل انا فضولية اوى
بالنسبة للفضولية
اسألك سؤاااااااال هل انتى فضوليه؟

ايه هو تقييمك لنفسك ؟
ممتاز
متوسط
ضعيف
من حيث الحياه العملية والعلمية؟

من هو مثلك الاعلى فى الحياة بعد الرسول صلى الله عليه وسلم طبعا

ايه هى اكبر غلطة عملتيها فى حياتك بس بصدق؟

ايه هو اكتر موقف عملتيه فى حد من أقاربك أو اصحابك وندمتى عليه؟

كفاية دلوفتى
وانتظرى المزيد؟؟؟؟؟؟؟؟؟؟؟؟

PIONEER كتب:: حلوة قوة كريم بتشديد الياء

محدش بيقولى كريم بتشديد الياء غير واحد بس .... هوة الشيخ طلعت الشناوى ربنا يخليه

المهم انا هسئلك سؤال بقى مادام قولتى كريم بتشديد الياء

هوةسؤال غريب الاطوار

شديد الانحدار

سؤال لولبى يعنى

هل محلات الجزارة اللى فى سنفا بتبيع لحمه بس ؟
هههههههههههههههههههههههههههههههههههه

امممممممممممممم
جدو طلعت
هو عارفني كويس على فكرة

وبالنسبة لسؤالك اللولبي
أعتقد إنها بتبيع لحمه بس
أما لو نزلت موضة يبيعوا ندويتشات كبده
فأنا معرفش والله
ههههههههههه
شكرا يا كريم
بتشديد الياء بردو

eng_hazem كتب:: سؤال تانى معلهشى استحملينى
اشمعنى مهندسة برمجيات؟؟؟؟؟؟؟؟؟؟؟

أنا عندي ميل شديد للكمبيوتر
وعندي خبرات حلوة فيه بالنسبة لسني يعني
انا مرات بشرح دروس في المدرسة على برامج الكمبيوتر
وكمان حلوة الهندسة
والبرمجة بتصنع البرامج الحوسبية
نفسي اعمل غنجاز برنامج كده يشرف بلدي وأمتي
ونفسي أعمل حاجات تفيد الشباب بطرق ممتعة

وشكرا يا مهندس حازم
تحت امرك في أي وقت

لا ياستى انا معنديش عقدة من اللى اصغر منى ولا حاجة بس دايمة وانا ببقى فى اى مكان ببقى انا الصغيرة
حتى فى البيت وفى كل مكان
ماعلينا

انا عايزة اقولك حاجة انا كدة بقيت متأكدة انتى مين اصل انا فضولية اوى
امممممممممم
يا خراسي
ماشي
حلو اوي..نبقى نتقابل في سنفا
هههههههه
ده لو كنت عارفاني بجد
بالنسبة للفضولية
اسألك سؤاااااااال هل انتى فضوليه؟
أيوة
بس بكتم فضوليتي
وبحاول جدا متدخلش في اللي مليش فيه

ايه هو تقييمك لنفسك ؟
ممتاز
متوسط
ضعيف
من حيث الحياه العملية والعلمية؟
في الجباة العلمية..اللي هي الدراسة..الحمد لله ممتازة
بس في العملية يمكن جيد جدا

من هو مثلك الاعلى فى الحياة بعد الرسول صلى الله عليه وسلم طبعا
مفيش مثل انا بحاول اوصله
اما لوفي الحياة فاكيد والداي

ايه هى اكبر غلطة عملتيها فى حياتك بس بصدق؟

فيش غلطات كبيرة عملتها ولله الحمد
ايه هو اكتر موقف عملتيه فى حد من أقاربك أو اصحابك وندمتى عليه؟
غني امنت لوحده متستاهلش ومتعرفش يعني إيه صداقة

كفاية دلوفتى
وانتظرى المزيد؟؟؟؟؟؟؟؟؟؟؟؟
ياااارب استر

على فكرة انتى جاوبتى على السؤالى اللولبى بتاعى غلط

لأن محلات الجزارة عامة بتبيع لحمه وكبده وبمبار وكرشة ومخ مش لحمه بس

اما بالنسبة للشيخ طلعت فهوة عارفنى بردو مش انتى لوحدك

ليا الشرف طبعا انه عارفنى ربنا يحفظه

وكملى الأسئلة بتاع الاعضاء

يا كريم ما الكبدة والكرشة والحاجات دي تبع اللحمة
مش هي موجودة فيها

انت اللي فهمتني غلط

وانا جاوبت على كل الأسئلة
ولا في حاجة جاوبتش عليها

سلم على جدو طلعت