كرسى الاعتراف

ممكن أعرف أنا هقوم من على الكرسي إمته؟؟؟

هتقومى انتى مالك مستعجلة
أسألك بقى سؤال بعدين اقولك معلومة
السؤال انتى طبعا مولودة فى سنفا
طيب أتعلمتى فيها
يعنى دخلتى مدرسة فيها ولالالالالالالالالالا؟
المعلومة بقى اللى انتى بردوا عايزاكى توضحيها لنا
التعليم فى الخارج وبالأخص دول الخليج واى دولة عربية اسهل من التعليم بمصر
أوعى تقولى لآ لآنى مجربة الاتنين وصدقينى هناك اسهل من هنا يعنى مثلا اللى هناك بيجيب هندسة هنا أخره ....كلية والسلام يعنى عايزة اقولك أن اللى هنا متوسط هناك ممتاز واللى هنا ممتاز هناك عبقرى
نفسى أسألك سؤال بس...........
اممممممممممم
ماعينا
عايزة اعرف اتعلمتى ايه من هناك واتعلمتى ايه من هنا فى الحيا العملية
يعنى الطباع وكدة يعنى؟
السؤال اللى بعد كدة
كل أنسان خطاىء وانتى قولتى انى مغلطش قبل كدة طيب أنتى مثلا عمرك ماطلعتى كلمة وندمتى عليها؟
لآن سببت ليكى زعل من حد؟

أتمنى لكى التوفيق بس لو فعلا عايزة تبقى ممتازة وتخشى هندسة برمجيات المفروض تدى المزاكرة حقها

هتقومى انتى مالك مستعجلة
أسألك بقى سؤال بعدين اقولك معلومة
السؤال انتى طبعا مولودة فى سنفا
طيب أتعلمتى فيها
يعنى دخلتى مدرسة فيها ولالالالالالالالالالا؟
لا خالص
أنا عايشةفي الإمارات من قبل سنة أولى بسنة

المعلومة بقى اللى انتى بردوا عايزاكى توضحيها لنا
التعليم فى الخارج وبالأخص دول الخليج واى دولة عربية اسهل من التعليم بمصر
أوعى تقولى لآ لآنى مجربة الاتنين وصدقينى هناك اسهل من هنا يعنى مثلا اللى هناك بيجيب هندسة هنا أخره ....كلية والسلام يعنى عايزة اقولك أن اللى هنا متوسط هناك ممتاز واللى هنا ممتاز هناك عبقرى
كلامك صح جدا يا روز
أنا شفت منهجكم ومنهجنا
الصراحة
إحنا بالنسبة لكم ولا حااجة
بس هنا أسلوب التعليم أحلى بكتير
بس كمان منكرش في أذكياء
نفسى أسألك سؤال بس...........
اممممممممممم
ماعينا
عادي جدا يا روز..اسألي براحتك خالص وأنا هجاوب بكل صراحة
ولا يهمك يا جميل
عايزة اعرف اتعلمتى ايه من هناك واتعلمتى ايه من هنا فى الحيا العملية
يعنى الطباع وكدة يعنى؟
اتعلمت من سنفا
- الطيبة:يا روز أهل سنفا طيبين بطريقة خيالية..وبيحيوا بعضهم بطريقة فظيعة
ربنا يديم المحبة

بس ع العموم يا روز الواحد مبياخدش طباعه من المكان اللي هو عايش فيه
بياخدها من الناس اللي حواليه

السؤال اللى بعد كدة
كل أنسان خطاىء وانتى قولتى انى مغلطش قبل كدة طيب أنتى مثلا عمرك ماطلعتى كلمة وندمتى عليها؟
لآن سببت ليكى زعل من حد؟

أنا قلت مغلطتش أغلاط كبيرة يا روز

أنا بغلط كتير
بس أخطاء متداركة
ومرات بتطلع مني سهوا..بس بحاول إني مزعلش حد
كمان اللي بيطلعني غلطانة
إن الواحد اللي قدامي بيفهمني غلط
وأنا بكره جدا إن حد يفهمني غلط
يعني أكون قاصدة حاجة..ويفهموها حاجة تانية خالص

أتمنى لكى التوفيق بس لو فعلا عايزة تبقى ممتازة وتخشى هندسة برمجيات المفروض تدى المزاكرة حقها
المذاكرة بتدبحني يا رووووز
يمكن عشان بدخل كتير
بس والله بذاكر كتير
وامتحاناتنا لسة مبدأتش

شكرا يا روز يا عسل
ويا ريت متكونيش زعلانة مني
دعواتك

سلامووز

_________________

طلعتى براءه يابنت سنفا واجاباتك كلها تستحقى عليها الدرجه النهائيه
بس ياريت ميكونش المنتدى معطلك عن المذاكره

والله يا مهندس حازم شكل محدش لازم يتكلم بصراحة في المنتدى ده
الفضول فيه بنسبة كبيرة جدا
يعني اللي عاوز يعرف انا مين حقيقة..ده يهمه إيه..هو ماله؟
الفضوليين كتير
ومن الفضول ما قتل
وأنا ندمانة إني كنت بتعامل بكل صراحة وبراءة في المنتدى
ده إذا مكنتوش عرفتوني أصلا

والمنتدى مش معطلني يا مهندس
معطلني شوية
بس كمان بذاكر
سلام

شكرا يا مهندس حازم

دعواتك

انا معنديش اسئلة
كفاية سيوف الاعضاء على اي حد يقعد على كرسي الاعتراف
بس انا عاوزة اقولك برافو عليكي عشان انتي مبدعة رغم صغر سنك
وانا عارفة ان الغربه بتساعد على الابداع فعلا
استمري
ربنا يوفقك

baby girl كتب:: انا معنديش اسئلة
كفاية سيوف الاعضاء على اي حد يقعد على كرسي الاعتراف
بس انا عاوزة اقولك برافو عليكي عشان انتي مبدعة رغم صغر سنك
وانا عارفة ان الغربه بتساعد على الابداع فعلا
استمري
ربنا يوفقك

هههههههههههههههه
مبدعة في إيه؟؟

شكرا يا بيبي جيرل
في بلاد غير مصلا
بيهتمو جدا بالمواهب..وبينموها

شكرا يا قمر

السلام عليكم
يا اخوانى انا شايف ان كرسى الاعتراف ده بصراحه اد مافى ناس فاكره انه هيقرب الاعضاء من بعضها اد ما الناس دى موهومه من ده
او على الاقل هى ناس نقيه لدرجه انها شايفه ان كل الناس هتجاوب بصراحه عن الاسئله الى موجهه ليها
وفى كمان حاجة
سنه عن النبى صلى الله عليه وسلم اننا منتدخلش فيما لا يعنيننا
وكمان
احنا دلوقى بنوجهه اسئله وفى بنات فى المنتدى وكمان بنسال البنات اسئله اساسا ملناش دعوة بيها
حتى بين الولاد وبعضها
انا ملاحظ ان الاغلب فعلا من سنفا
وعارفين بعض كويس
وعايشين مع بعض
يعنى عارفين عن بعض ما ليس به حاجة لنعلمه للأخرين
وكمان ارى انه تدخل بطريقة هى وكاله من غير بواب فى شخصيه الناس وممكن تصل لدرجه الاحراج
بس فعلا لو الناس كلها جاوبت بصراحة فخير
بس مش من حقنا اننا نتدخل بالشكل ده فى حياه الناس
فى ناس لاحظت من اجابتها انها بتجاوب من تحت ضرسها او من ورا قلبها
مش ممكن بردو ان الناس دى تكون اتغيرت للاحسن دلوقتى
واحنا سألنا عن اسئله قديمه
ملهاش لازمة بمعنى اصح انها توجه على العلن او حتى لو الاصحاب بينهم وبين بعض عارفين ليه ننشرها
جزاكم الله خير
اسف على خروجى عن الموضوع يا بنت سنفا

لا مش كله من سنفا وكمان مافيهاش حاجة لما نفهم بعض ونتقرب من بعض
ولو فيه سؤال حد حاسس انه محرج منه مايجوبش عادى يقول فيتو
بس فكرة الموضوع اكثر من رائعة
وشكرا يابنوته سنفا على اجاباتك كله جميله
والنهاردة هرحمك منى مش هسألك

والله انا مش شايف ان فى حد سأل بنت سؤال محرج

وبعدين والله على ما أعتقد ان مفيش حد يعرف البنات دول مين

وكمان قولت كده العضو اللى شايف ان السؤال ده محرج ليه ميردش عليه

واحب أقول لبنت سنفا انتى هتقومى من ع الكرسى انهارده بليل

ياريت ترشحى حد مكانك يقعد ويشرفنا ع الكرسى من بكره الثلاثاء

وانشاء الله الدائرة ستعود قريبا والناس اللى قعدت عليه قبل كده سيتم تشيحهم مرة اخرة ولكن من الاسبوع القادم ومشكوووووووووووووووووووووووورة

الاسماء الاتيه لم يتم جلوسهم على كرسى الاعتراف ياريت تختارى حد منهم

مهندس أحمد
المدير

ياريت تختارى واحد منهم وانا عارف من قبل ما تختارى انتى هتختارى مين

إنسان مصري

شكرا للتنبيه
والكلام ده ملاحظ
بس مفيش أسئلة شخصية في العادة
ولا يهمك

روووز العسل
ماشي يا ستي..كويس برده

هههههههه
عارف...؟؟
ازاي يعني؟

ع العموم

انا برشح المهندس أحمد
لإني فعلا أتمنى إنه يشارك اكتر في المنتدى

وشكرا للاستضافة الحلوة..بس محدش عزم على كوباية شاي!!!

[اكيد فى ناس تانية غير المدير والبشمهندس احمد

روز -د/احمد حماد- انسان مصرى وناس جديدة تانية فى مهاجرة

السلام عليكم
اعضاء المنتدى الغاليين
في الأشهر التي اشتركت فيها معكم
استمتعت فعلا معكم
ولكن للأسف
ظهر إن في أعضاء.....!!
أنا هسيب المنتدى
مش بس عشان اتخميت في حد كنت معتقدة إنه كويس
بس عشان أتفرغ للدراسة كمان

خالد امين
مهندس حازم
نائب الجماعة
بيونير
مهندس أحمد
الكبيــــر
كيمست احمد
المدير

انتم فعلا شخصيات مشرفة للبلد
وللجمهورية كلها
كل واحد فيكم ليه مميزات نادرة
ربنا معاكم

أستاذ جوكر
السعادة ع 7
المهندس
انتم عقليات متفتحة وأفكار ناضجة
ربنا معاكم

والأعضاء الباقيين
ربنا معاكم

البنوتات الحلوين
روز الجنة
مهاجرة
بيبي جيرل
كان نفسي اتعرف عليكم اكتر
بس انتم فعلا عساسيل
خلو بالكم من نفسكم

حبيبة قلبي
روح من نور
بحبك في الله

أنا فعلا سعيدة إني اشتركت معاكم على قد ما انا حزينة إني هسيبكم
ويا ريت العضاء الفضوليين يبطلو فضول شوية..والأعضاء اللي عرفوني يراعو ربنا..الخبر انتشر
وأنا اتعلمت..عدم الصراحة..حد يتعلم دي؟؟الواحد لو مكانش صؤيح..يقولو لئيم..ولو كان صريح..يشرحوه

إن شاء الله نلتقي جميعا في الفردوس
بس عندي طلب بسيط
تعيدو تجديد المنتدى
وأنا هبقى أدخل زائرة فقط
ولو لزم الأمر
هدخل باسم جديد

يا ريت محدش يجيب سيرتي بكلام وحش
ومحدش يبعتلي رسالة خاصة عشان خلاص معنتش هدخل

مهندس أحمدبما إني رشحتك
عاوزة بس أقولك يا ريت تزيد تفاعل في المنتدى لإنك ذو فكر عالي

شكرا للاستضافة الحلوة
ودعواتكم لي
يا ريت اكون سايبة المنتدى ومحدش زعلان مني..ولا واخد فكرة وحشة عني
لإني فعلا كنت بتحرى الصدق في كلامي وندمت على كده

سلام الله عليكم ورحمته وبركاته
اللي عاوز مني حاجة
يقولها لروح من نور
او روز الجنة
وهم هيوصلوهالي بإذن الله

هقولكم حاجة
اللي هيجيب في سيرتي..سواء بكلام حلو أو وحش..أنا مش هسامحه ليوم الدين..بجد

نصيحة مني
إذا المرء أفشى سره بلسانه........ولام عليه غيره فهو أحمق
إذا ضاق صدر المرء عن سر نفسه..فصدر الذي يستودع السر أضيق

والسلام عليكم ورحمة الله وبركاته
تقبلو خالص تحياتي

محدش يقدر يتكلم بطريقه وحشه عن اى حد فى المنتدى مش عليك بس وربنا يوفقك فى دراستك ومتنسيش المنتدى مع انك مقلتيش ليه مين اللى اذاك وانا كنت هجيبلك حقك .. بالتوفيق

ربنا يوفقك وان كان خروجى من المنتدى بسبب المذاكرة فاوكى بس لسبب تانى وهو ان حد ضايقك او فهمك غلط بتهيألى ده مش حل انك تخرجى وخليكى وشاركى بمواضيع ومساهمات ولا تشغلى بالك بالاخرين وانا بتهيألى عارفة ايه اللى مزعلك وخلاكى تخدى الموقف ده

والله انا بقولك يابنت سنفا انتى من العقلايات المحترمه فى المنتدى وبعدين لو حد زعلك ممكن تقولى للمدير وهو هيتصرف لان احنا عملين المنتدى لسنفا واهل سنفا والناس المحترمه المثقفه يعنى لو اى حد غلس عليكى او زعلك ممكن ناخد قرار حتى لو هنحذف عضويته
بس نصيحه عمر مكان الانسحاب حل لاى مشكله
وعلى العموم مشكوره جدا على كل شئ حلو قدمتيه للمنتدى وهو فى الاول وفى الاخر منتدى بلدك وتشرفينا فى اى وقت
وربنا يوفقك فى دراستك

بصراحه انا مش عارف اقولك ايه الناس كلها قالت الكلام اللى كنت هقوله واكتر كمان

الجماهير عايزاكى فى المنتدى يابنت سنفا وكل بنات سنفا المحترمين جدا ذوى العقليات المثقفه المحترمه

المهندس احمد هيتفضل مشكورا يقعد على كرسى الاعتراف

والناس تتفضل باسئلته عايزكو تسلخووووووووووووووووووووووووووووووه

انا اول واحد هيسألك يامهندس احمد بيه

1- اكتب بيانات بطاقتك الاول علشان الناس تعرف انت مين ؟

2- ماذا يمثل لك هؤلاء الاعضاء ؟

المدير

محمد حازم

خالد امين

مهندس احمد جبر

نائب الجماعه

بنت سنفا

روز الجنة

مهاجرة

never

الكبيييييييييييييييييييييييييييييييييييييييييييييييييييييييييييييييييييييييييير

بيونير ( ده اللى هوة انا ) .... بس متقولش اللى فى بالى لانى عارفها وبقت قديمه

واسعد

3- ايه رأيك فى المنتدى ؟

4- ايه هية وجه استفادتك من المنتدى ؟

مش عارفه ايه الى دايق بنت سنفا
بس بجد المنتدى كان بيكى حاجة تانيه
كنتى روح بالنسبه للمنتدى يا بنت سنفا

ربنا يوفقك فى حياتك

مبروك يا مهندس احمد على الكرسى
ارجو انك تكون مبسوط بالكرسى
Smile

مودتى للجميع
لا اله الا الله

1- اكتب بيانات بطاقتك الاول علشان الناس تعرف انت مين

الاسم / غنى عن التعريف
الرقم القومى / مش حافظه
الديانه / مسلم
الحاله الاجتماعيه / اعزب
تاريخ الميلاد / 1/1/1985
العنوان / انا دالوقتى من سنفا وبقولها بصوت عالى وتحديدا بقى من الكوبرى وانت نازل بجوار البحر
هدنتك ماشى هتلاقى تقاطع شارع التجارة مع الشارع المحازى للبحر فى التقاطع دى هتلاقى بيت واخد الناصيه فيه ورشه نجارة مش بتاعنا هتمشى كمان 30 متر هتلاقى بيت بدورين فى الدور الارضى منه شركه النصر للمقاولات بتاعه المجارى برده مش بتاعنا تسيب شارعين ورى البيت ده وانزل التالت روح هناك واسال هتلاقينى لو محصلش يبقى انا اكيد مسافر

2- ماذا يمثل لك هؤلاء الاعضاء ؟

المدير
مدير والله يعنى هو بجد بحس فيه انه راجل متطلع وطموح و ............

محمد حازم
بصو ياخوانا حازم دى فاكهه الشله

خالد امين
بجد خالد انا مقعدتش معاه غير مرة او اتنين بس خالد دماغه وهو حر فيها وهو فاهم قصدى

مهندس احمد جبر
والله ياكريم بالنسبه لاحمد كانت معرفتى بيه برده محدوده وربنا يوفقه

نائب الجماعه
كونه نائب فى الجماعه بتاعته يبقى كده الراجل ده وصل واكيد محبوب ودمه حخيف وبجد سعد جدع

بنت سنفا
والله هى لو مش هترجع المنتدى تبقى بجد كانت وحده متميزة فى موضوعاتها واعجبت مواضيعها كثير من الاعضاء اما لو هترجع فهى ومازالت شخصيه محترمه ومجتهده فى موضوعاتها بالذات موضوع سنفا الماضى والحاضر

روز الجنة
روز والله فعلا اكتر واحده حيرتنى اكتب ليها ايه بس ممكن اقول عليها انها اجتماعيه

مهاجرة
بحس فيها ان الاسلام لسه بخير وان لسه فى ناس كويسين فى سنفا

never
u r new subscriber and u r authenticated in this our home lately i think she has agood spirit

الكبيييييييييييييييييييييييييييييييييييييييييييييييييييييييييييييييييييييييييير
من غير ماتكلم ياكبير انت على المنتدى خطير
مواضيعك كلها منقوله فانت واخد الموضوع بسهوله
بتلاقى اللى تاخد منه كلام منقول بس منستغناش عنه

بيونير ( ده اللى هوة انا ) .... بس متقولش اللى فى بالى لانى عارفها وبقت قديمه
اه الدنيا كده اختلفت
الناس اللى فوق دى كلها قعدت افكر اكتب لها ايه انما انت جيت يابيونير .. حبيبى ..
بصو ياخونا كريم دى بجد حبيبى وصحبى وكفاءه واللى بينى وبينه حاجه كبيره صعب التفريط فى واحد زى ده .

واسعد
طب دالوقتى اسعد مين فيهم حاليا ولا بتاع زمان
على فكرة متغيرشى كتير هو اسعد برده راجل محترم وابن خالتى ياعم يعنى مقدرش اقول فى حقه حاجه وحشه وكمان ت ر و س

3- ايه رأيك فى المنتدى ؟

المنتدى حلو بس عندى كلمه بما ان المنتدى دى مش معمول للحب والكلام الفاضى فبلاش ردود الاعضاء السخيف اللى ممكن تجذب انتباه الناس ليها واعتقد ان الكل فاهم كلامى
انت فى الاول والاخر مش هتعرف مين العضو دى غير الناس المعروفه يبقى مستخدمشى طرق مش مظبوطه سواء كانت رسايل خاصه او كلام خارج او ردود سخيفه

4- ايه هية وجه استفادتك من المنتدى ؟

والله انا هستفيد ايه من المنتدى غير انى اشوف مواضيعكم وطبعا الكل هيحاول يظهر بصورة كويسه ودى فى حد زاته شىء كويس انه قدر يفصل بين الجد وبين الهزار ويخاف

افضل من الشات بكتير لان الشات انت عايز حد تكلمه ويكلمك وممكن الكلام كله يكون هزار وشتيمه اما هنا فبتلاقى كلام متنوع كلام فى كل المواضيع اعتقد انه يغنيك عن منتديات كتيرة

انتى بتتكلمى بجد يا بنوته
لآ طبعا ماينفش تسيبى المنتدى
هو ايه ده ياجماعة الواحد يغيب عن المنتدى شوية يرجع يلاقى كل حاجة اتغيرت
لآ بجد فكرى مش ينفع تسيبى المنتدى بس لو حد دايقك يابنتى قولى
وربنا يوفقك
ومعاكى بردوا

ياهلا ياهلا ياهلا بالضيف الجديد
الباش مهندس احمد
مستعد ولالالالالالالالالا
اممممممممم ماعلينا
مش عايزة اعيد الاسئلة اللى انا سألتها لبنت سنفا
بس هعمل ايه هى اسئلة عامية بردوا
علشان مش ينفع غيرها
المهم
بجد وبصراحة ومن غير اى تحريف
ايه هو اكتر موقف بكيت فيه بجد؟
ومين هو اكتر صاحب قريب ليك وبتقوله على كل اصحابك؟
ومين اكتر انسان ممكن تفديه بحياتك من عائلتك ومن اصحابك؟
ايه هى تموحاتك اللى نفسك تحققها؟
ايه هى اكتر القضايا فى المجتمع اللى بتهمك؟
عايزة اعرف بقى بيكون ايه مقياسك علشان تحكم على اللى قدامك؟
ايه هو اكتر شىء غلط عملته فى حياتك؟
ايه هو الشىء اللى ندمت انك عملته؟
نفسك تكون ايه فى المستقبل؟
وانتظر منى المزيد.......

وبعدين استنى افتكرت ايه روز الجنه دى اكتر واحدة حيرتنى وممكن تقول عليها اجتماعية والله مش فاهمه انا حيرت حضرتك فى ايه؟
يلا ماعلينا كلها اياهم وبتعدى.

حبيب قلبى احمد بك هما قعدوك على الكرسى
انا مجهزلك عريضه اسئله
خد عندك

اذكر اهم المواقف التى مرت بك فى فتره التجنيد واللى مش هتنساها .. مع الشرح

هل حسيت بفرق بين احمد عسل طالب كليه الهندسه واحمد عسل دلوقت بعد التخرج وقضاء فتره الجيش ويا ترى ايه شكل التغيير لو فى

هل لو رجع بيك الزمن هتعمل الحاجات دى تانى
تدخل هندسه
تصاحب كريم
كنت هتتعلم الفيفا علشان تتغلب على المنافسين

سمعنا انك على وشك الخطوبه وحددت معاد للفتحه ياترى ايه شكل العروسه... وهل هتجيب اشرف الحنفى يصور برضو ولا هتستعين بمحترفين من بره البلد

بتتصرف ازاى لما تلاقى الناس فى الشارع او فى البلد عمالين يطلعو عليك كلام واشاعات متعرفش عنها حاجه

عمرك اتقفشت فى المترو ودفعت غرامه قصدى يعنى لبسوك غرامه

وجه نصيحه مريحه للعضو حازم بك عميد الشله

اذكر اهم مميزات وعيوب المليجى و مقر قياده الشله

ايه هى عيوبك؟؟؟؟؟

مجبتش الخمستاشر جنيه اللى عليك من السنه اللى فاتت ليه ابوس رجلك هاتهم

احكى موقف جامد حصلك فى الثانوى العام .. موقف اتبهدلت فيه يعنى .. يعنى شلوت من محمود طمان ... طوبه من حبيب الجماهير استاذنا محمد الباز حاجه كده يعنى

سمعنا انك كنت مصاحب ابن لواء جيش وانت فى الثانوى العام ياريت تشرحلنا اللبس فى الموضوع

ندمت على ايه فى حياتك

وكفايه كده احسن مسافر دلوقت اما ارجعلك

ايه هو اكتر موقف بكيت فيه بجد؟

اكتر موقف بكيت فيه سؤال ماكنشى ليه داعى بس بجد انا بكيت فى التيرم التانى من تالته وكان معايا ماده وكنا 10 بس اللى شايلنها فى الدفعه انا كنت هتجنن وعملت يومها مشكله مع الدكتور بتاع الماده هى كانت مشكله لانها كانت هتبقى معايا فى البكالوريوس فى التيرم التانى كمان والحمد لله عديت فيها وقابلت الدكتور وكنت انا الوحيد من الـــ 10 اللى شايلنها نجحت فيها حبيت اثبت ليه انه ظلمنى بس مش اكتر

ومين هو اكتر صاحب قريب ليك وبتقوله على كل اصحابك؟

هم مايتخيروش عن بعض سواء كان الكبير او حازم او كريم او المدير (انتى كده بتسببى لى مشاكل ) عوما حازم وكريم والكبير

ومين اكتر انسان ممكن تفديه بحياتك من عائلتك ومن اصحابك؟

بالفطرة من عائلتى وهى مش محتاجه اكيد امى
من صحابى (برده انتى كده هتسببى زعل ) لو قولت كريم حازم يزعل ولو قولت الكبير كريم يزعل احب ابين ليكى معلومه انا وحازم والكبير وكريم تقريبا منتخيرش عن بعض فى حاجه وكلنا عارفين سر بعض معلش فى السؤال دى واللى قبله انا هخليهم الاربعه وهم والله مش اربعه دوله تمانيه ( ايمن محمد حازم كريم محمد المليجى بهاء عماد محمد صبرى وهشام )

ايه هى تموحاتك اللى نفسك تحققها؟

والله كتير زى مثلا اهم حاجه انى اشتغل فى مجالى الاتصالات لانى دخلته علشان ابقى مهندس اتصالات وممكن السفر بعد كده

ايه هى اكتر القضايا فى المجتمع اللى بتهمك؟

على اد ماسنفا حلوه اوى على المنتدى بس فيها عيب بتحب تتكلم كتير فلان عمل فلان سوى بس هنقول عادى مش هتصدقى لو قولتلك انى مهتم اوى بمشروع نظافه البلد لان سنفا عندها المقومات انها تكون بلد جميله

عايزة اعرف بقى بيكون ايه مقياسك علشان تحكم على اللى قدامك؟

الراحه بمعنى انا لو ارتحت لواحد لله فى الله اكيد الواحد دى كويس ازاى فى الحديث القدسى اللى كلنا عارفينه ان الله اذا احب عبدا دى مخلص الحديث جعل الله القبول فى الارض من غير ماعرفه من غير مااقعد معاه برتاحله انا او غيرى

ايه هو اكتر شىء غلط عملته فى حياتك؟

ينهار اسوح سؤال شديد اوى
طيب والنبى انا اقوللك ايه ؟؟؟؟ الحمد لله ماعملتش حاجه غلط تتاخد على فى ان حد ممكن يشاور على ويقول فلان اهو اللى عمل كذا وسوى كذا

ايه هو الشىء اللى ندمت انك عملته؟

ممكن تاريخ ميلادى والقسم بتاعى لانهم الاتنين كانو سبب رئيسى فى انى ادخل الجيش اصل هقولك ايه قتلت واحد قبل كده محصلشى والله .

نفسك تكون ايه فى المستقبل؟

مهندس ناجح ان شاء الله