موضوع رخم..ومستفز

الصراحة الموضوع ده بايخ ورخم
وأنا مش عاوزة حد يقول موضوع رخم ولا بايخ لإن هو كده من عنوانه
بس أنا ضحكت عليه لإنه فكرني بأسلوب وحده في المعاملة
المهم
قلت أحطه
يمكن حد يضحك عليه

هو مستفز ورخم

في أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلونا نشوف امثله

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))
*******************
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتواااااااااااااااا ؟

(( لا لسه ))
*******************
والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))
*******************
و مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))
*******************
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟

(( لا.. بتفرّج عليه ))
*******************
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))
*******************
ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))
*******************
ولاّ تعالو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))
*******************
أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))
*******************
,,,المذيعة الظريفة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))
*******************
والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))
*******************

هه
رخم ولا لأ

هههههههههههههههههههههه موضوع جامد وكل ده بيحصل فعلا

لا موضوع رخم

كل الاسئله من نفس النوعيه

فين التنوع والابداع

مستواكي يابنت سنفا بقي بينزل جامد وبقيتي بتجيبي مواضيع لا ترتقي للقيمه الثقافيه والحضاريه والتاريخيه والهيروغليفيه والملوخيه بالتقليه بتاعتك

احنا هنشكل لجنه فينوغراد ونشوف اسباب كده ايه

اشطه عليك ياكبير

شكرا يا مهندس حازم للمرور

يا خالد
مفيش حاجة احطها
ومفيش حد بيدخل المنتدى إلا قليل

ومش انا بس اللي مستوايا نزل

بس ترقب المفاجاة
قريبا
مع غنها والله محزنة جدا لي
جدا جدا جدا
إلا إني لازم اعمل كده
عشان مليش مكان

هههههههههه
انا شايف ان الموضوع جميل جدا والله يعنى حاجات فعلا ممكن مانخدش بالنا منها
حلوه متغطى ويدخل عليك اخوك ويقوللك انت هتنام هههههههه هقوله لا انا بتكفن لانى بموت امال شايف ياعم انت اه هنام
والحاجه التانيه انت جيت ياعوكل :لا لسه: طيب اما تيجى ياضنايا ابقى قولى حاضر

هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها
موضوع حلو اوى بجد
جامد جامد جامد
ومضحك جدا
وفى نفس الوقت مستفز
عادى يعنى
هههههههههههههه
بس بجد حلو
اهو حبه فرفشة فى ظل الظروف الصعبة

سلامات
دمتى بود
لا اله الا الله

الذوق العام ضعيف

مهندس حازم
حلوة عوكل دي
هههههه
شكرا للمروور

روحي يا روح
أيوه كده فرفشي يا حزينة

السعادة
كلامك مختصر جدا
انا واثقة إنه حلو
بس والله ما فاهمة حاجة

اخيرا
شكرا يا جماااااااااااااااعة للمرووووووووووووور للجمييييييييييييع

» أشياء تؤلم ..؟؟؟!! موضوع اكثر من رائع ارجوا من الجميع الدخول لانه موضوع يستحق الدخول
» تكملة موضوع حب الشباب
» رحله البحث عن التمثيل المشرف لسنفا فى مجلس الشعب
» ما هى الرومانسية؟؟
» تنبيه هام جدا قبل وضع أى موضوع......... ارجو الدخول !