مع او ضد ارجو من الجميع التفاعل

انا مع النقاب

الصحيح أن على المرأة أن تستر جميع بدنها حتى الوجه والكفين ، بل إن الإمام أحمد يرى أن ظفر المرأة عورة وهو قول مالك – رحمهما الله تعالى -
قال شيخ الإسلام ابن تيمية – رحمه الله تعالى -
وهو ظاهر مذهب أحمد فإن كل شيء منها عورة حتى ظفرها وهو قول مالك .

الأدلة على وجوب ستر الوجه والكفين :
1- قال الله تعالى : { يَا أَيُّهَا النَّبِيُّ قُل لأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلابِيبِهِنَّ ذَلِكَ أَدْنَى أَن يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَّحِيمًا } الأحزاب / 59
قال ابن تيمية – رحمه الله تعالى - :
وأمر سبحانه النساء بإرخاء الجلابيب لئلا يُعرفن ولا يؤذين وهذا دليل على القول الأول وقد ذكر عبيدة السلمانى وغيره أن نساء المؤمنين كن يدنين عليهن الجلابيب من فوق رؤوسهن حتى لا يظهر إلا عيونهن لأجل رؤية الطريق ، وثبت في الصحيح أن المرأة المحرمة تنهى عن الانتفاب والقفازين ، وهذا مما يدل على أن النقاب والقفازين كانا معروفين في النساء اللاتي لم يُحرمن وذلك يقتضي ستر وجوههن وأيديهن .
قوله تعالى : { ولا يبدين زينتهن إلا ما ظهر منها } ، قال عبد الله بن مسعود : الزينة الظاهرة : الثياب ، وذلك لأن الزينة في الأصل : اسم للباس والحلية بدليل قوله تعالى : { خذوا زينتكم } الأعراف / 31 ،
وقوله سبحانه : { قل من حرم زينة الله التي أخرج لعباده } الأعراف / 32 ، وقوله تبارك وتعالى : { ولا يضربن بأرجلهن ليعلم ما يخفين من زينتهن } النور / 31 ، وإنما يعلم بضرب الرجل الخلخال ونحوه من الحلية واللباس وقد نهاهن الله عن إبداء الزينة إلا ما ظهر منها وأباح لهن إبداء الزينة الخفية لذوي المحارم ومعلوم أن الزينة التي تظهر في عموم الأحوال بغير اختيار المرأة هي الثياب ، فأما البدن فيمكنها أن تظهره ويمكنها أن تستره ونسبة الظهور إلى الزينة دليل على أنها تظهر بغير فعل المرأة ، وهذا كله دليل على أن الذي ظهر من الزينة الثياب .
وقول الشيخ محمد حسان بان هناك رايان
1- جواز ظهور الوجه والكفين عند المذاهب الاربعه ان امنت الفتنه بمعنى انها مش هتفتن اللى يشوفها
2- الراى الثانى عند اهل العلم وجوب تغطيه الوجه والكفين وانا سمعته ان مع الراى الثانى لاننا فى زمان الفتنه
معلش هذا الكلم من باب العلم وليس من باب التطبيق والعمل به لان بصراحه ماينفعش انى البس النقاب فى وقت كله لابس البادى و.................... كملو انتو بقا

https://www.youtube.com/watch?v=X7s9dEUwRow
ودى رابط على اليوتيوب للشيخ محمد حسان فى موضوع النقاب
نكمل الموضوع بتاعنا اللى هو مع او ضد
قضيه شغل المراه جميع المناصب
مهندسه
محاميه
قاضيه
دكتورة
مدرسه

ايه ياباش مهندس ماجوبتش على السؤال اللى قبلك
وماحطتش سؤال للى بعدك
انا مش عارفة احط سؤال ولا اجاوب على ايه؟

المهم السؤال التالى
مع او ضد لبس المرأة للأسدال؟

كويس لانه حد فى ذاته قريب اوى من اللبس الفضفاض زى الخمار
وانا مع ان المراه ماتخرجش من البيت اصلا
سؤالى وبعدين كان فى سؤال لاحمد قبل اللى انتى عملتيه وهو شغل المراه المناصب المختلفه زى الهندسه والمحاماه والطب والتدريس
انا ضد بس مافيش مانع انها تكون دكتورة اطفال او مدرسه بس

يا كبييييييييييييييييييييييييير
حراااااااااااام بجد
قول مع او ضد للى بعدك

يااااااااه كمان ضد خروج المرأة اصلا
يا سبحان الله
الله يكون فى عونها
المهم بردوا انا مش لاقيه سؤال قبلى
السؤال للى بعدى
هل انت مع اوضد الشات؟

مع طبعا
السؤال للى بعدى مع او ضد لبس الطرحة العادية؟

مع
عادي المرأة تلبس طرحة عادية
بشرط يكون باقي اللبس ساتر وفضفاض

سؤالي لمن تلاني
مع أو ضدعيش الرجل مع زوجته بعيدا عن منزل أهله؟

يعنى عيش الرجل مع زوجته بعيدا عن اهله
أمال هو المفروض يعيش فين
مش فاهمه حقيقى ياريت توضحى

هههههه
قصدي مش في بيت العيلة يعني
يعني إنه يعيش في بيت منفصل تماما عن بيت أهله؟

فهمتي يا رووووز محمر؟

هههههههههههههه
فهمت يامقلى
انا مع العيشة بعيد عن الاهل منعا للمشاكل
وعلشان يعيش حياته مع زوجته مستقلين

السؤال للى بعدى

هل انت مع او ضد الزماله بين البنات والاولاد فى الجامعة؟

الزمالة بين الأولاد والبنات في الجامعات تكون بس على أساس الاستفادة من خبرات بعض
وفي حدود الأدب التام

سؤالي لمن تلاني
مع أو ضد الأهل يطيعو ولادهم في سن المراهقة عشان ميتعقدوش؟

لا مش معاهم
سؤالى مع تاخر الفتيات فى الجامعات الى بعد العشاء

لا طبعا انا ضد تأخر البنات فى الجامعات
الآ أذا كان هناك سبب ضرورى مثلا محاضرات مهمة ومتأخر
بس برضوا مش سبب كافى لتأخيرها على طول
سؤالى
مع او ضد أطالة الاظافر؟

ههههههه اطالة الاظافر عادى كل واحد حر يعنى انا مش هقول لحد قص ولا لامتقصش مع او ضدعيد الحب0
انا ضد بس ده راى مش فرض راى اوكى

بالنسبة للبس البنت البنطلون انا مع لانى انا بنت واعرف معاناة البنات فى المواصلات وايام المطر والبرد يعنى يوم مطر وهوا شديد ولازم اروح الجامعة او الشغل فالبنطلون الحل الوحيد لان الجيبات والعبايات صعبة اوى فى الايام اللى زى كده بس مش معنى كده ان البنت تستهبل وتلبس بادى وبنطلون والحاجات دى لا تلبس بنطلون عادى بس عليه تونك(بلوزة)تحت الركبةوحاجة واسعة ومش ملفت
ربنا الهادى

والله انا مش مع رأيك خالص هوه لازم بنطلون ومالها الجيبات ولا البنت اللى تلبس جيبه تبقى فلاحه ومتخلفه
وبعدين فين السؤال

لا طبعا مش فلاحة ولا متخلفة انا مقولتش تلبس بنطلونات وخلاص ما تلبس الاتنين وعلى فكرة انا بفضل البنطلونات فى الايام اللى انا قولت عليها بجد الجيبات صعبة شوية فى المواصلات وبعدين بنلبس جيبات وعبايات كمان عادى مش تخلف ولا حاجة ايه العلاقة بين دى ودى انا مقولتش كده بس انا بنقل وجهة نظرى اللى انا مجربها
السؤال مع او ضد الاحتفال بعيد الحب

انا ضد ضد ضد ضد ضد ضد الاحتفال بعيد الحب

لان المسلمين ليس لهم الا عيدين غير ذلك فهو بدعه وهذا ما أمر به رسولنا محمد صلى الله عليه وسلم

هل انت مع استعمال ضرب الزوجه لتهذيبها ؟

اولا اللعبه دى جميله اوى وتعتبر من الالعاب الثقافيه ولازم نراعى ان الاختلاف فى الراى لايفسد للود قضيه
ثانيا بالنسبه لسؤال بيونير
استعمال ضرب الزوجه لتهذيبها خطأ جدا اولا مش منظر حضارى ده منظر للتخلف والراجعيه وكمان دى اهانه للمراه اللى كرمها الدين الاسلامى وساواها المجتمع بالرجل
الدين حث الرجال على حسن معاشره النساء واستحسان طريقه معاملتهم
ولكن مأمرش بضربهم واستعبادهم والكلام ده
(وفى القران الكريم قال الله سبحانه وتعالى (اهجروهم فى المضاجع او اضربوهم ضربا خفيفا
ثالثا سؤالى لمن تلانى:
اذا حبيت شخص بجد ولقيت فيه شويه سلوكيات مش كويسه وتسىء ليه وانت خايف عليه ازاى تتصرف معاه مع ان الشخص ده عصبى جدا ومش بيتقبل النقد بالساهل؟؟؟؟؟؟؟؟؟؟؟؟

هو المسابقه المفروض مع او ضد مش اسال وانا واجاوب
عموما هو بجد سؤال عايز تركيز فى حله
هنعمل ايه ياحمد اه بصى ياسيتى انا فعلا لو صحبى وبحبه وبخاف عليه وفيه شويه سلوكيات مش تمام انا هنصحه فى وقت مناسب بمعنى انى ممكن استغل قعدت صفا انا وهو واكلمه فى الموضوع هننصحه دنيويا ازاى انا هقله ان تعصبك دى بيدى فكرة وحشه عنك عند اللى بيعاملوك وبالتالى ممكن ماتلقيش منهم احترام او اهتمام
فى الدين بقى
حديث الرسول -ص- الحديث مش كامل بس هقول اللى ان فكره ( الشديد فيكم من يملك نفسه عند الغضب )
ابين ليه على اد ماقدر عيوب العصبيه والاندفاعيه وكذالك مزايا الهدوء والرزينه والصمت وانصحه بانه يقرى موضوع مهاجرة عن الصمت
سوالى
انت مع او ضد اللى بتعمله فى حق نفسك ؟؟؟؟؟؟؟

اوك انا هجاوبك المره دى
طبعا احنا بشر ومش ملائكه وكل ابن ادم خطاء يعنى اكيد بنغلط فى حق نفسنا كتير بس محدش بيقصد
الاساءه الى نفسه

وده بيكون من قله الخبره الكافيه فى الحياه او قله الوعى الدينى بيتهيالى ممكن تكون دى اجابه مناسبه

على فكره السؤال ده صعب فى التفكير فيه
سؤالى بقى
هل انت مع او ضد تعدد الزوجات فى المجتمع؟؟؟؟؟؟؟؟؟؟؟؟؟؟

تعدد ايه اولا ان مع تعدد الزوجات لان ده موجود فى القران ولو كن غلط كان القران حرمه
بس هو فين التعدد احنا عارفين نخطب عشان نتجوز ربنا يسترها علينا
وليس لنا الى الله
سؤالى
ها انت مع من يحكم على النا س بملابسه

اولا
تعدد الزوجات اه موجود فى القران
بس بردو الرجال امرو باعدل بين الزوجات
وللأسف الشديد
فعلا
مفيش حد من الى اتجوزوا اكتر من وحده لحد دلوقتى انا شفتهم الا ومنفضين للأولى هى وعيالها وللماصاريف كان الجديدة دى مثلا على راسها ريشه

المهم
خلينا فى موضوعنا

امممممممم
بص
لا طبعا مش معاه
واه معاه بس مش طبعا

لا لان الناس مش بلبسها ساعات بيكون فى اهل جابرين عيالهم يلبسوا ضيق او على الموضه
وفى ناس بتكون اخلاقها تحفة ومع كده بتكون فعلا مضطرة
ومعاه
لان مش هيكون فعلا محترم لو كان لابس ضيق او بنطلون ساقط ومحزق وملزق وكده يعنى

المهم
الى بعدى
هل انت مع الزوج عن طريق الشات
يعنى اتعرف على واحد على النت ويتقدملى وهكذا

لالالالا ايه ده ياروح هو انا اسيب المنتدى يومين أجى القيكى كدة
ازاى يعنى الاهل ممكن يجبروا اولادهم على انه يلبسو ضيق انا فعلا معاكى ان ماينفعش
نحكم على حد من لبسه بس بردوا لازم يبقى الداخل والخارج متساوين
يعنى الكويس من قلبه المفروض يبقى كويس فى لبسه
اممممممم ماعلينا خلينا فى سؤالك
بصى ياروح انا عن نفسى مش مؤمنه بالحكاية دى اصل انتى ازاى هتحبى واحد
لاعمرك قابلتيه ولا تعرفى حاجة عنه
كل الحكاية انك اتكلمتى مرة معاها ومرة تتبعها اتنين تتبعها ثلاثة
يعنى فى الاخر هى اسمها حكاية تعود مش اكتر
وفى الاخر الشخص اللى هيجى يتقدم ومتعرف من على النت والله صدقينى
اكيد الثقة فيه هتبقى محدودة اثل زى مايقدر يتعرف عليا ممكن يتعرف على غيرى
وبصى ده رأيى واختلاف الراى لايفسد للود قضية

السؤال للى بعدى
مع او ضد التعامل القوى مع الاخوة المسحيين؟

» ارجو من الجميع المساعده والمشاركه
» كوشة العرايس ... عقبال الجميع
» البنت الجميلة التى وقع فى حبها الجميع
» مساهمه انسانيه ستعود بالخير على الجميع خاصة سنفا
» تنبيه هام جدا قبل وضع أى موضوع......... ارجو الدخول !