وداعا لجميع مشاكل النت فى قرية سنفا

سلامو عليكو يا جماعه انا جايب ليكو النهارده فكره ممكن ان شاء الله تجيب
نتيجه فى مشكلة النت اللى فى البلد بس لتمنى ان كل واحد يقرا الموضوع ده
ينشره علشان الناس كلها تعرف الفكره دى وبجد أتمنى ان كل الناس اللى
مشتركه نت فى البلد تساعدنى فى الفكره دى علشان بجد الفكره دى كويسه قوى
وان شاء الله لو اتنفذت مش هيبقى فى مشاكل فى النت خالص فى البلد

دلوقتى يا جماعه الناس اللى ماسكه النت فى البلد بتتحكم فى كل المشتركين
ودلوقتى ممكن النت يفصل عندك بالأسبوع وكمان لوحتى فى نت بيبقى بطئ
جداااااااااا

سيبك من اليومين دول السرعه شغاله زى الفل بس ده لأن لسه الجماعه بتوع
النت معملوش السيرفر واول ما يعملو السيرفر هيبدأو يتحكمو فى النت يفصلو
عنك ويوصلو لناس تانيه وذا لقيك بتدون اى حاجه هيفصل عليك الدون لود
طبعااااااااااااااا

هو بيعمل كده علشان عارف ان مفيش الا هو اللى ممكن توصل منه انت لازم تثبت له بقه انك ممكن تستغنى عنه تماماااااااااااا

دلوقتى الشركه اللى موصل معاها الناس بتوع النت مبيبقاش ليها الا عميل واحد فى اى بلد علشان كده انت مينفعش توصل من الشركه دى

لكن دلوقتى شركة TE DATAممكن يبقى ليها أكتر من عميل فى المكان الواحد وده
السبب الرئيسى اللى خلى الناس بتوع النت ميوصلوش منها لأنهم كده

يعنى لو شركه تى داتا دى نزلت البلد والأجهزه بتاعتها نزلت البلد ممكن كل
واحد فى البلد يوصل منها يعنى من الشركه نفسها طبعا بسعر خيالى وبسرعه
خياليه

مع العلم انك هتبقى موصل مع الشركه يعنى مفيش حد هيشيل السلك بتاعك من
الروتر ولا فى حد هيتحكم فيك ويقطع عنك النت وانت بتدون ولا حتى هيفصل عنك
خالص لأن دلوقتى انت بتتعامل مع الشركه نفسها مفيش وسيط بينك وبين الشركه

علشان شركه تى داتا تنزل البلد لازم فى أجهزه

الأجهزه دى اللى بتتحط فى السنترال علشان من خلاله تقدر الشركه توصلك بدون أى مشاكل

الأجهزه دى تتكلف حوالى 9 ألاف جنيه
لو كل مشتركين النت فى البلد بلا ش كل المشتركين 300 بس على الأقل منهم
مدفعش مره الأشتراك الشهرى فى النت مثلا اللى هو 30 جنيه يبقى كده ممكن
نجمع 9 ألاف جنيه

كده نقدر نجيب اجهزة تى داتا البلد وكمان كل 2و3 يوصلو مع بعض بالسرعه اللى هما هيحددوها وطبعا كل سرعه ليها سعرها

وبكده يا جماعه نتخلص من كل مشاكل النت اللى بتحصل فى البلد

واللى بنسمع عنها ومبتنتهيش

يا ريت يا جماعه ناخد الموضوع بجديه شويه

علشان نخلص بقه من المشكله دى

فكرة كويسه والله
بس مين اللى يطبق
*********
وكمان عايزين ننشر الفكرة دى فى البلد كلها

أنا سمعت إن فيه إضراب
يوم الأحد القادم قدام الشركة دى فى المنصورة .
***********

فكره تمام بس مين اللى هيجرى فى الموضوع علشان يحركه .. انا مستعد اشارك معاكم

لو كل واحد قرى الموضوع ده وقال لكل واحد صاحبه مشترك فى النت وكده الفكره دى هتنتشر وكل الناس هتعرف بس ياريت نأخد الموضوع بجديه

اولا بخصوص اللى بيقول انه فيه اضراب ادام الشركه فى المنصوره ده على مستوى الجمهوريه الكلام ده والاضراب مش على تى داتا بس ده على شركات كتير بسبب موضوع النت المحدود والللى بالتاكيد مش هيتنفذ عشان الاضراب على مستوى الجمهوريه والمسئولين اتدخلو فى الموضوع
ندخل فى الموضوع بقه لو كل واحد قال بس مين اللى يطبق يبقى مش هننفذ حاجه
الكلمه دى ياريت محدش يقولها تانى
احانا المفروض ننفذ وننفذ فى اسرع وقت لانك عشان تنزل الشركه البلد هتاخد وقت مش هيقل عن شهرين او تلاته
وبالنسبه للاسعار اقل سرعه بداون لود غير محدود هيا 512 وبسعر 95
ميجا وبسعر 149
وممكن توصل انت واكتر من واحد ممكن اربعه وممكن اكمتر تعمل بقى شبكه وتجيب روتر وسويتش
بس الميزه انك موصل من الشركه علطول مفيش حد وسيط بينكم يتحكم فيكوا

وفيه كمان ميزه فيه خصم على الاسعار اللى انا قولتاها 10% لطلبة جامعة المنصوره

احنا دلوقتى يا جماعه عايزين نرشح حد هو المسؤل دلوقتى على الموضوع ده علشان ننجز فى المشكله دى

عايزين نرشح واحد هو اللى يلم الفلوس وهو اللى يروح يتكلم مع مدير الشركه

احنا روحنا قبل كده الشركه بس اتكلمنا مع واحد من العملا مدخلناش للمدير

والله هيا فكرة كويسه

بس مين هيعمل كده ويروح يقول لل 300 مشترك ويلم منهم فلوس ويقولهم هجيبلكو نت كويس مفيهوش مشاكل

انا مش بحبط بس بيتهيألى انها صعبه قوى

وخصوصا ان 300 مشترك دول متفرقين مع شركتين فى البلد وصعب قوى انك تقولهم

دى علشان تتنفذ لازم شركة تالته هية اللى تنزل بالفكرة مع تى داتا ونشوف النت بتاعه عامل ازاى وبعدها نقرر نشترك معاه ولا نغير

وانا برشحك انت يادكتور احمد حماد انك انت اللى تنزل بالمشروع ده وخصوصا انك فاضى فى الاجازة اليومين دول بدل من قاعدتك على النت ليل نهار مبتعملش حاجه.

ههههههههههههههههههههههههههههههههههههههههههه

والله يا باش مهندس كريم انا مش قاعد ليل ونهار على النت زى ما انت بتقول

وبعدين يا جماعه الموضوع سهل جدا

احنا ممكن ان احنا منشتركش فى النت فى شهر رمضان طبعا علشان نتفرغ لكل دقيقه فيه

ونوفر الأشتراك ده ونجمعه مع بعض

ونبقى كده وصلنا للى احنا عايزينه

وسبحان الله الفكره جايه فى شهر رمضان

والله انا متفائل خير ان شاء الله

فكرة ممتازة وانا عرضت الفكرة على اصحابى كلهم موافقين

وتعال نقول ودعا يا عبدالمنعم ياارهابى

وداعا يارامى ياملك النت هههههههههههه

بجد مشكور يا سعد

على الجديه ويا ريت كل الناس اللى تقرى الموضوع تعمل زيك كده

انا كمان عرضت الموضوع على صحابى بس من قبل ما أعرض الفكره دى هنا على المنتدى وهما موافقين

اه والله المفروض

ياااااااااااه لسه هنعيده من تانى يادكتور لسه هنكلم الشركه ونركب الاجهزة ونمد الكابلات بتاعه النت حوار طويل سيب ياعم احمد الناس بتوع النت ياكلو عيش انا معاك ان النت مش حلو بس حاليا كويس وسرعه معقوله وبيفصل بس انا اعتقد انك لو مشيت فى الموضوع مش هتلم من ناس كتير ومش هتقدر تجمع التمن ده لان من خلال كلامك 300 مشترك يعنى 9000 جنيه فى الشهر يعنى لو فرضنا ان البلد مقسومه على الشركتين يبقى دخل رامى مثلا او محمد عبداللطيف فى الشهر 4500 جنيه ودى مش حقيقى صدقنى المشروع دى واقف على الناس بخسارة وعموما ياعم احمد انا مش بحبطك لا انا ولا كريم بس دى راينا واحتمال كبير اوى نغيرة

واحشنى والله مهندس يا نجم يا ابو عسل انت فعلا واحشنى؟
وداعا لجميع مشاكل النت فى قرية سنفا 619792

ياسلام ياريت نفسى اشوف النت فى سنفا زى الهوا

قى اكتر من الهوا س انزل وملكش دعوة

» أسماء المقبولين من قرية سنفا فى مسابقة الشباب والرياضة
» أحداث من قرية سنفا
» اذان قرية سنفا
» حملة لتيسير الزواج فى قرية سنفا
» إنجازات الرئيس مبارك فى قرية سنفا