انا و البطيخ وهوااك .. برنامج .. للحب.. و عن الحب

انا و البطيخ وهوااك .. برنامج .. للحب.. و عن الحب

مع اوووسامة منير
الحب

ذلك الشعور السهلبيسي الذي يزعزغ عقول البشر

و يهشك قلوبهم


مستمعينا لسه بنتكلم عن الحب وحلقتنا النهارده عن

الاستهبال في الحب
معاكم اسامه منير علي نجوم fm مزيكا علي كيف كيفك

في.. انا و البطيخ و هواك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها



دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات و انتوا عارفين ان انا عندي 16 سنة فحاسس بيكم و حاسس بمشاكل الجيل كلها ...



اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك امموووه
تقولك انت بتستهبل يا حبيبي اتلم لساويرس يشوفنا



او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش
و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
فتضطر تصالحها بكارت ب 5 و تستهبل .. تلاقيها بتصرخ في وشك و تقول
انت بتستهبل؟؟
اقل من 200 متورنيش وشك



و حبيبك اللي ييجي في اوقات يعمل فيها عالم فلك و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع
مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي


مستمعينا مستني تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها ياما زحلقها



نستقبل اول اتصال تليفوني و نقول الوو

الوو


الووو


الووووو

واضح ان الخط قطع

- الوو ايوا يا اثامه

اهلا نتعرف بيكي ..

- بثمه من بنــــــــــــــــها

اهلا بيكي يا بسمه ياريت تعلي صوتك شويه

- معلش يا اثامه اثل انا بتكلم من تحت البطنية ..

مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

- بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث
و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت ..


هو بيضحك وفاتح بقه زي الحمار اهوه و بيقولك
مرسي ليكي يا بسمه


- يا اثامه انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 2 ابتدائي و فضلنا نحب بعض للجامعة


جميل


- اهـء اهـء اهـء


لا اهدي يا بسمه و قوليلي ايه اللي حصل

- يا اثامه اخد كل حاجة كل حاجة

اححمم
حتى الموبايل


- يا اثامه بقولك كل حاجة
اهـء هـء هـء

طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالط و بهديلك اغنية السوبر ستار عمرو دياب ....


يا قاعدة علي الترعه و بتغسلي المواعين
جاتك ستين وكسه دا شرفك بقا في الطين




نص ساعة اعلانات ..




انا و البطيخ و هواك برنامج للحب و عن الحب
مع اوووووسامه منير



الحب
لحظات من الامل متولدة في وسط غابات الغضب البشري الجارف المتعارض مع احداث الحياة
فالحياة بدون حب
كالشجرة بدون موبايل ..

مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..

هاه ؟؟ عشره رصيد

طيب اشطه يا حتوم .. اخوك بقا هاه


نستقبل اتصال تليفوني و نقول الووو

الووو

الووو


الوووووو

الظاهر الخط قطع

الوو ايوا يا اسامه

اهلا نتعرف بيكي
ياريت تعلي صوتك لان الصوت بعيد اوي

_معلش اصل انا بكلمك من الحمام

انا اسماء من المنصورة

اهلا بيكي يا اسماء


سمر بتكلم النهادرة عن الاستهبال في الحب
انت ايه رأيك في الاتستهبال عامة و خصوصا في الحب

_اسامة انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا اسامه

ربنا يخليكي يا سماح ..

انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف

مين يااسماء ؟؟

_شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن
و انا بحبه اوي يا اسامه و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
اسامه انا مش عارفه اعمل ايه

بصي يا سيدة

_اسماء

اه سوري

بصي يا اسماء

بنقابل ناس في حياتنا بنحبهم و بيحبونا و ديما كتير بنكون شبهمم و زيهم .. حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هو لو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام ..

شكرا يا ساره على اتصالك و بهديلك اغنية السوبر ستار محمد فؤاد


يا مسجون في لومان طره
نفسي اكل معاك كوز دره




مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..



نص ساعة اعلانات



مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..

اس ام اس كتيرررر جدا النهاردة




هااي اسامه بحبك مووت... وبحب صوتك .. صوتك بيريحنى ولا احسن علبة دوا اسهال .. بجد وهدؤك بالكلام انا بحبه اوى موووت انا اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون..
__________________

هاى يااسامة ازيك يا جميل
البرنامج جميل جدا وانتة كمان مواضيعك تحفة .. وعايزاك تقول لجابر انى بحبه جدا وميزعلش منى ابدا.. رغم كل اللي بيعمله و رغم انه قليل الادب و دايما بيعمل حاجات سوفاج بس بحبه
اصل انا منحرفه و بحب الانحراف ..
بحبك يا تامر
قصدي يا جابر
حبيبتك شاهيناز

__________________

هاى اسامه انا محمود من الاردن عاوزك تقول لهبة اننا مش هانفترق تاني ابدا ابداا
حتى لو فضلت تقرقض في ضوافر رجليها ببقها ..
__________________

هااي يا اسامه ازيك
يا اسامه عاوز الايميل بتاعك بجد في مواضيع مهمه قوي عندي عاوز الحل ليها .. معلش يا اسامه بليز و الله يا اسامه انا تعبانه موووت و انت الامل الوحيد ليا ..

__________________

هااي اسامه يا احلي و اجمل صوت في الدنيا
اسامه بليز ممكن حلقه عن الحب من طرف واحد اصل اخوك كهربائي سيارات ...
بحبك مووووت يا سوكا

__________________

هااي يا اسامه انت اجمل و احلي صوت في الكون كله
ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش عاوزة منه اى حاجه
خالص.. و هتنازل عن تمن الموبايل اللي ضربوا مني في الشهر اللي فات و باعه و جاب بيه كله عشان يشمها ..

__________________

اسامه اسامه اسامه
ازيك يا جميل
على فكره يا عم انت شوفلك حل .. حبيبتى بتحبك
انا محمدين من دمياط .. بحبك قوى يا رضوى

__________________

هاااي يا اسامه ازيك عامل ايه
انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش ازاى ... بحبك يا بعجررر
__________________

هاااى اسامه انا فى عندى مشكله انا بحب واحده ومش عارف اصرحها خايف يكون الحب من طرف واحد
بحبك يا سندس ااوووي و نفسي اخد الرصيد اللي في موبايلك كله ..

__________________

هاااي اسامه ازيك
انا سنية من القاهرة
انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه سمكري سيارات و ان البويه جت علي شعره
اسامه انا مش عارفه اعمل ايه انت املي الوحيد
__________________

هاااي ا س اس ازيك
انا عيوشه من شبرا و بحب واحد من الصعيد
و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه
بحبك يا صميده موووت موت







الوقت بيمر معاكم بسرعة وقت حلقتنا انتهى و حاتم فرحان مش عارف ليه
باين البنت بتاعت الدره حولت له رصيد تاني
كان معاكم اسامة منير علي نجوم اف ام مزيكا علي كيف كيفك
في انا و البطيخ و هواك من 12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6
مزيكا علي كيف كيفك

يا بيونير لما اسامه منير مش عجبك تسمعه ليه
وعلى فكره اسامه منير الايام دى ممحترم زمان اول ما البرنامج بدء كانت مسخره

وانا انك ممكن تكون بتسمعه عشان تتابع ، وكده وتشوفه تفهته وكده

المشكله مش فى اسامه المشكله فى البنت ال عندها الجراه انها تتصل و تتكلم معاه فى موضوع زى ده



و عااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااادى بقا

والله البنات دول موووووووووووووووووووووووووووووووووووووووووووووووووووووزيا بيونير هيه البنت اللي كلمت اسامه منير في حلقه يوم 17ـ7ـ2007 تالت واحده اتكلمت في الحلقه كان اسمها سمسمه والا نونو؟؟؟؟؟؟؟؟؟؟؟؟؟؟ اصلي مش فاكر بجد خخخخخخخخخخخخخخخخخخخخخخخخخخخخخخخخخخخخخخخخخخخخ عايز انام

ياعم انتا ايه اسامه ايه تسلملى البطيخ وهواك صح الكلالالالالالالالالالام

والله انا مابسمع اسامه ده خالص الا بالصدفه البحتة
انا جيت فى ايام كده وقولت اشوف مين اسامه ده
بس لقيت انه برنامج تافه ويسيئ لسمعة المسلمين بصفه عامه والصريين بصفه خاصه؟
يعنى لما واحده شرموطة تتطلع على الهوا وتفضح نفسها وتقول انا بروح افعل الرزيله مع واحد تانى غير جوزى وهوة يقوله ليه كده..... بكل برود

دى المفروض انها ترجم حتى الموت

وانتم بتسمعو بنى ادم تافه زى ده كل همة انه يكلم بنات فى التيلفون فى نص الليل
وبصوت....... طبعا انتم عارفين صوته
وبنت غير محترمه بالمرة تتصل بيه فى نص الليل تقول انا بحب فلان الفلانى؟
ايه قلة الادب والبجاحه وعدم الحياء
والغريب انك تلاقى ولد يتصل بيه ويقول الحقنى ياسامه نانسى سابتنى مش عارف اعمل ايه من غيرها ويعيط ..............


هوة ده بقى حالنا ......
هوة ده بقى حال المسلمين.........
ربنا يستر علينا جميعا.........
وعلى اولادنا (اللى لسه مجوش) من المستقبل اللى مش باينله ملامح

على فكرة انا مش اخوانى ولا سلفى ولا متطرف ولا اى حاجه من دول

انا بنى ادم عادى مش عاجبنى برنامج تافه زى ده المفروض انه مايتعرضش فى مصر .........

بيتهيالى انكوا متحاملين على اسامه زياده عن اللزوم
ده واقع وفيه شباب وبنات بيعملوا كده وهو مش مصلح اجتماعى
ولا هيصلح الكون هو بس بيحاول يحل المشاكل
ولما بيلاقى حاجه زيادة بيرد بكل حزم
ده مش معناه انى معجبه بكل اراؤه اكيد مش كل الأراء صحيحه
بس بلاش نسيب المذنبين الحقيقين ونركز على مجرد سامع ليهم

يطبيخك

مش فاهم ايه بس


علي غير دينها يعني هو مسيحي وهيه مسلمه
انا مش بهاجمه علشان مسيحي طبعا لا
لكن في الظروف دي النصيحه بتكون دينيه اكتر يعني يقولها اقري قران ارجعي لربنا توبي صلي
ازاي ده هيحصل وهو مش مسلم اساسا

وبعدين هو ليه بيديهم الفرصه يقولوا اساسا وهو متاكد من نوعيه الكلام


ومش كل حاجه غلط هنقول هيه دي يعني اللي فاسده البلد
الغلط غلط مش محتاج تبرير
وده زي اللي بيستصغر المعصيه الصغيره وهو لا يعلم ان الاصرار علي الصغيره كبيره
وبنفس المنطق ده يبقي اللي بيسرق الدقيق في المخبز واللي بيغش في اي حاجه
واللي بيغش في امتحاناته واللي بيمشي مع البنات والبنت اللي بتسمح بحاجات كده............الخ
اكيد مش هم اللي فاسدين البلد

اقتباس :

بلاش نعلق اخطاءنا على شماعة الاخرين

مش فاهم دي ايه علاقتها بكلامنا

الكلام كان ممتاذ لغايه الجمله دي

اقتباس :

هو مجرد بيسمع ليهم ويخليهم يفرغوا طلقتهم المكبوتة

ولما هو الكلام ده غلط بيسمعلهم ليه من الاساس

وبيعرض علينا الكلام ده ليه