عجبا لشعب مصر(موضوع روعة..)

طبعا الموضوع عجبني ومنقول
لست أدري كيف يمكن لإنسان ان يتشاءم أو يحزن أو يعترض في بلد مثل مصر

رئيسها مبارك، ورئيس حكومتها نظيف، ورئيس برلمانها سرور ورئيس مجلس شورتها الشريف،ووزير داخليتها حبيب، ووزير ماليتها غالي

فهل توجد سلطة، في أي دولة في العالم، يجتمع فيها كل هذاالتفاؤل والحب والنظافة والشرف والبركة والسرور مثل مصر؟؟؟؟؟؟

شعب مفتري بصحيح

يا صفوت الشريف لسْتَ بالشّريفِ فينا .....
حتى وإن كنت للحزب الوطنى أمينا ......
------------------------------
بمناسبة غلاء الأسعار :
مبارك بيقول لنظيف : الشعب عامل إيه ؟
قاله الشعب بياكل زِفت ياريّس .
قاله طب غلّى الزّفت !
-------------------------
موضوع حلو
والأحلى إنك ذكرتى : منقول

طبعا هقول منقول..مش انت اللي قلتلي
شكرا لمرورك

بالروح والدم افديك يامبارك

رسمنا على القلب وجة الوطن

نخيلا ونيلا وشعبا اصيلال

شكرا للمرور يا نائب الجماعة
مع اني مش عارفة إنت مع مبارك ولا ضده
!
!
1

بمناسبه هذا الموضوع اهدى هذا النشيد
رسمنا على القلب وجه الوطن نخيلا ونيلا وشعبا اصيلا
وصناك يامصر طول الزمن ليبقى شبابك جيلا فجيلا
على كل ارض تركنا علامه قلاعا من النور تحمى الكرامه
عروبتنا تفتديك القلوب ويحميك بالدم جيش الكنانه
وتنساب يانيل حرا طليقا لتحمى ضفافك معنى النضال
وتبقى مدى الدهر حصنا عريقا بعزم القلوب وصدق الرجال
يد الله يامصر ترعى سماك وفى ساحه الحق يعلو نداك
ومادام جيشك يحمى حماك ستمضى الى النصر دوما خطاك

احنا بنعيب على الحكومه
كويس
لاسباب كتيرة اوى
انا شايف ان اهم سبب يخلينا فعلا نعيب على الحكومه من وجهه نظرى انا هو اهدار المال العام
يعنى ايه
يعنى ان الحكومه دى مبتتعظش من كل مرة يجى واحد ويقول انا رجل اعمال ويطلب قرض كبير بمئات الملايين مش هنقول مليارات لانى كده انا هبقى بهيس بضمان ايه
هيقولى بضمان ارض او املاك
طبعا كلها فى الاول والاخر ضمانات متفبركه
يعنى لو ان الحكومه زى مابتقول انها بتحاول تخلى دخل الفرض الى حد ما كويس يعرف يعيش بيه مش هنقول يركب عربيه او يسكن فى شقه محترمه لا حاجات على اد المواطن الغلبان اللى اعتبروة موجود ومش موجود
موجود لما يفرضو عليه الضرائب
مش موجود لما يكون فى دخل من قناه السويس من الغاز الطبيعى واحنا تانى اكبر انتاج الغاز الطبيعى فى العالم من دخل
السياحه من المواد الخام اللى بتكتشف فى ارض مصر من حاجات كتير اوى
ليها عيوب كبيرة برده
ان الحكومه دى موجوده من يوم ماتولى الرئيس منصب رئيس الجمهوريه بصراحه الناس عايزة تحس بتغيير حتى ولو للاسوأ لان اساسا مفيش اسوا من كده انا بتهيالى ان دى الحكومه الوحيده اللى مبتنبهشى للشباب !!!!!! حقيقى. فعلا احنا ممكن نعمل حزب زى ماقال القرموطى ونسميه حزب العواطليه لا وهنبقى اغلبيه كمان تصدقو ساعتها ممكن نطالب من الحكومه انهم يوفرو فرص للشباب ويتعمل دراسه جدوه صح مبداها تعيين الاقدم فاالاحدث وبجد احنا منقدرشى نقلل من القطاع الخاص وانا شوفت بعينى مجموعه شركات السويدى بجد راجل محترم وعقليه محترمه وقدر فعلا يوفر وظايف لمئات من الشباب من قريته ومن القرى المجاورة
هو قام بدور الحكومه يعينى مقدرتش تعمل كده
ولا نقول الا حسبنا الله ونعم الوكيل

حسبنا الله ونعم الوكيل
إيه الكلام الجامد ده

هو فية غير مبارك

احنا هنخرف

اه ياشعب مصر تفاءلوااااا
انا جربت اعيش برا مصر وعرفت غلاوة مصر لما بعدت عنها بس مهما رحت او بعدت او حتى متت عمري ما هشتاق لحومتنا الرائعة دي

أكيد
اللي عاوز يموت يدخل تحت سلطة الحكومة

أهلا يا بيبي بعودتك
نورتي بجد

ياجماعه حكومتنا اعزم حكومه فى التاريخ الناس دية مبتهزرش عرفت صح تشغل الشعب عملت مكاتب لكده.....عرفت تخلى ازاى الشعب ميعرفش يفكر غير فى لقمة العيش يعمل ايه هو علشان ينفذ ده .......يبدء يدوس ويموت فى المواطن ويحاربه فى لقمة عيشه ويغلى عليه الاسعار ينام المواطن طول الليل يفكر فى أكل بكره وازاى هيدفع فلوس الدروس لولاده وازاى هيدفع فواتير الميه والكهربا والتليفون والنت والدش المركزى وغيره خلاف احتياجات الاسره الاساسيه
بالله عليكم كده متبقاش حكومه تحترم
انا عن نفسى بحترم فكرها اللى عرف يسيطر على ستين مليون

هما مش ستين مليون هما 90 مليون

انا مش هعلق ع الموضوع انا بوضح بس

اهلا يا بيونير

أهلا يا مهندس حازم

انا مش معاك خالص
اللي هيسطر على تسعين مليون لازم يكسب حبهم
اكتر من نص التسعين مليون دولت عايشين تحت خط الفقر
لو عاوز يسيطر لينا كان زمانه مشغلنا كلنا
ومفرحنا
ومخلينا ندعيله ليل نهار
التسعين مليون دولت ثروة جامدة جدا
بس مين هيستغلها
يمكن جمال مبارك؟؟؟بعد الشر

ياعم كريم انا قصدى الستين مليون اللى هما يهمهم لقمة العيش
اما التلاتين التنيين مش فارق معاهم حاجه عندهم عربيات وشاليهات وشركات انا بوضح بس